− كەريا اۋداندىق ارىز - ارمان مەكەمەسىنىڭ باستىعى ءامينا ءشارىپ تۋرالى
ءتىلشى چىن چىن
ول قىستاققا بارىپ، وتباسىلارىن ارالاپ، اتىز باستارىندا زىر جۇگىرىپ، بۇقارانىڭ حال - جايىن كوكەيىنە ءتۇيىپ، شىنايى سۇيىسپەنشىلىكپەن ءاربىر ارىز - ارمانداعى قيىن ماسەلەلەردى شەشتى، شىن نيەتىمەن بۇقارانىڭ جۇزىنە كۇلكى ۇيالاتتى... ول جۇرتشىلىق شىن پەيىلىمەن ”مەيىرلى اپەكە“دەپ اتاعان كەريا اۋداندىق ارىز - ارمان مەكەمەسىنىڭ باستىعى ءامينا ءشارىپ.
ءامينانىڭ ارىز - ارمان قىزمەتىمەن شۇعىلدانعانىنا 16 جىل بولدى. ول باستان - اياق بۇقارادان كەلگەن حاتتاردى سالەم حات، بۇقارانىڭ اڭىس ەتكەن ماسەلەلەرىن ءوز ءۇيىنىڭ شارۋاسىنداي كورىپ، بۇقارالىق قىزمەتتى شارۋاشىلىق رەتىندە قاراپ، ”سالەم حات“تى جاقسى وقىپ، ”ءۇي شارۋاسىن“ جاقسى ىستەپ، ”شارۋاشىلىق“تى ويداعىداي قۇرىپ، بۇقارانىڭ مۇددەسىن بارىنەن جوعارى قويدى.
2008 - جىلى 4 - ايدا ءامينانىڭ قىزى ناۋقاستانىپ شيپاحاناعا جاتادى، قىزىنا قارايلاسۋ ءۇشىن شيپاحاناعا بارا جاتقان جولىندا، ءبىر قاريانىڭ جول بويىندا جىلاپ تۇرعاندىعىن كورەدى، ول توقتاپ قاريادان جاعداي ۇعىسادى. قاريانىڭ اتى ايشامحان تۇمۇر، مۇعاللا قالاشىعى باشقارچۇن قىستاعىنىڭ تۇرعىنى بولىپ، كوزىن اق شەل باسىپ، وتباسىنىڭ قيىنشىلىعىنان دەر كەزىندە ەمدەلە الماي، قازىر كوزى انىق كورمەي قالىپتى، ىشتەي قاتتى ۋايىمداپ تۇر ەكەن.
ءامينا ءارى - ءسارى بولماستان قىزىنا دايىنداعان شيپاحاناعا جاتىپ ەمدەلۋ اقىسىن الىپ شىعىپ، ايشامحانعا كومەكتەسىپ ونىڭ شيپاحاناعا جاتىپ ەمدەلۋ اقىسىن تولەيدى. سول كەزدە ول قىزىن كۇيەۋىنىڭ قاراۋىنا تاپسىرىپ، ءوزى قاريانى ەمدەتۋگە جۇگىرەدى. ول ءبىر جاعىنان، ايشامحاننىڭ قۇتقارۋ - كومەكتەسۋ قوسىمشا قاراجاتىن ءوتىنىش ەتۋىنە كومەكتەسسە، ەندى ءبىر جاعىنان، ماڭىنداعى تۋىس - تۋعاندارىن، دوس - جاراندارىن جىلۋ اتاۋعا جۇمىلدىرىپ، ايشامحاننىڭ وپەراتسيانى تابىستى جاساتۋىنا مۇمكىندىك جاسايدى.
زو تيڭفاڭ كەريا اۋدانىنا سىرتتان كەلگەن جۇمىسكەر، ونىڭ جۇبايى اۋدان قالاشىعىندا ءۇي جيھازدارى تيجاراتى دۇكەنىن اشاتىن.
زو تيڭفاڭنىڭ جۇبايىنىڭ اۋىر ناۋقاسقا شالدىققانى تەكسەرىلىپ انىقتالىپ شۇعىل اقشا قاجەت بولعان كەزدە، باسقالارعا بەرگەن 180 مىڭ يۋان قارىز اقشاسى قولىنا تيمەي، شاراسىز قالعان زو تيڭفاڭ سىناپ كورۋ ويىمەن ءامينانى ىزدەيدى. زو تيڭفاڭنىڭ ايتقاندارىن ەستىگەن ءامينا كۇندى - تۇنگە جالعاپ تەكسەرۋ جۇرگىزىپ، فاكت ازىرلەپ، نەبارى ءۇش - اق كۇندە 50 مىڭ يۋان قارىز اقشانى قايتارىپ الادى. ءامينانىڭ سوڭىنا ءتۇسىپ قايتا - قايتا قۋزاۋىندا، ەڭ سوڭىندا، بارلىق قارىز بەرگەن اقشا قايتارىلىپ الىنادى.
ءبىراق زو تيڭفاڭنىڭ قۇلشىنىسى جۇبايىن الىپ قالا المايدى. جۇبايى قايتىس بولعاننان كەيىن، زو تيڭفاڭ سونان قايتىپ سەرپىلە المايدى. ءامينا ابدەن جۇدەگەن زو تيڭفاڭدى كورىپ جانى اشيدى. ول زو تيڭفاڭدى قۇشاقتاپ تۇرىپ: ”ەڭسەڭدى كوتەر، بۇدان بىلاي قانداي قيىنشىلىعىڭ بولسا دا ماعان ايت، مەن سەنىڭ كەرياداعى تۋعان اپەكەڭ بولامىن“، - دەيدى.
ءامينانىڭ شىنايى كومەگىندە، زو تيڭفاڭ اۋىر مۇڭنان ارىلادى، ول تىلشىگە: ”ءامينا اپايىم ناعىز حالىق ءۇشىن جۇمىس ىستەيتىن جاقسى كادر، ول مەنىڭ تۋعان اپەكەم“، - دەدى.
ءامينا ىلگەرىندى - كەيىندى مەملەكەتتىك ەڭ ارداقتى ارىز - ارمان كادرى، مەملەكەتتىك ارىز - ارمان جۇيەسىندەگى وزات قىزمەتكەر، مەملەكەت بويىنشا حالىق رازى مەملەكەت قىزمەتكەرى سياقتى داڭقتى اتاقتارعا يە بولدى.
