تيانشان تورى   ›   جاڭالىقتار   ›   شينجياڭ حابارلارى

اقسۋ ايماعى، قارامايلى قالاسى”ەڭ كوپ بولعاندا ءبىر رەت بارۋ“ رەفورماسىن ىشكەرىلەي ىلگەرىلەتتى

− نازاردى نەگىزگى تاقىرىپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جەلىلەس حابارى (1)

ءتىلشى جاۋ جىيۇن

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، اقسۋ ايماعى، قارامايلى قالاسى ءىس تىندىرىپ، ناتيجە جاراتۋ رۋحاني كۇش - قۋاتى جەتەرسىز، قارا باسىنىڭ قامىن ويلاۋ، جاۋاپكەرشىلىك ارقالاماۋ، ءىس تىندىرماۋ ماسەلەلەرىن رەتتەۋ - وڭاۋعا تاباندى بولىپ، ”كوپ بولعاندا ءبىر رەت بارۋ“ رەفورماسىن ىشكەرىلەي ورىستەتىپ، قىزمەت ونىمدىلىگىن ۇزبەي كۇشەيتىپ، بۇقارانىڭ رازى بولۋ دارەجەسىن جوعارىلاتتى.

  10 - ايدىڭ 18 - كۇنى ساعات 17دە قارامايلى قالاسىنىڭ اكىمشىلىك ىستەرى بويىنشا قىزمەت وتەۋ زالىندا قالا تۇرعىنى يۇي جىنشين ءبىر بۋدا ماتەريالدى الىپ قورا - جاي ساۋداسى جانە جىلجىمايتىن مۇلىك امبەباپ تىركەۋ بويىنشا قىزمەت وتەۋ تەرەزەسىنە بارىپ، قورا - جايدى وتكەرىپ بەرۋ راسمياتىن ءبىتىردى. قىزمەتكەر يۇي جىنشيننىڭ ماتەريالىن الىپ، كومپيۋتەر جۇيەسىنە جىلدام كىرگىزدى دە سوڭىنان ماتەريالداردى جولداپ، تەكسەرىپ بەكىتتى... ءبىر ساعاتتان استام ۋاقىتتا بارلىق راسمياتتارى وتەلىپ بولدى. سوڭىنان قىزمەتكەر ونىڭ اكە - شەشەسىنىڭ ۇيىنە بارىپ، 2 كارياعا قول قويعىزۋ، بارماعىن باستىرۋ جۇمىس ءتارتىبىن ورىندادى.

  ”قازىر قورا - جايدى وتكەرىپ بەرۋ راسمياتى وسىنشاما تەز بىتەتىن بولىپتى، تاعى ىڭعايلى، ۇيگە بارىپ قىزمەت وتەيدى ەكەن، مۇنى مۇلدە ويلاماعان ەكەنبىز!“، - دەدى يۇي جىنشين.

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، قارامايلى قالاسى بۇقارا ەڭ كوڭىل بولەتىن قولامتالى، قيىن ماسەلەلەردەن باستاپ كىرىسىپ، ”كوپ بولعاندا ءبىر رەت بارۋ“ رەفورماسىن جەدەل ىلگەرىلەتتى، قارامايلى اكىمشىلىك ىستەرى بويىنشا قىزمەت وتەۋ تۇعىرى، اكىمشىلىك ىستەرى بويىنشا قىزمەت وتەۋ جىلجىمالى كليەنتى سياقتىلار ىركەس - تىركەس قۇرىلىپ، جەلىگە شىعارىلىپ، ءار دارەجەلى تاراۋلاردىڭ ينفورماتسيالارىن ءوزارا بايلانىستىرۋدى، ساندى مالىمەتتەن ورتاق يگىلىكتەنۋدى جەدەل ىلگەرىلەتىپ، ”ساندى مالىمەتتەن كوپ پايدالانۋ“، ”بۇقارانى از سابىلتۋ “، ءتىپتى، ”بارعىزباي - اق قويۋ“دى رەالدىققا اينالدىردى.

  قارامايلى قالاسى اكىمشىلىك ىستەرى بويىنشا قىزمەت وتەۋ جانە الەۋمەتتىك بايلىق ساۋدا ورتالىعىنىڭ جاۋاپتىسى مىنالاردى ءبىلدىردى: ”ەڭ كوپ بولعاندا ءبىر رەت بارۋ“ رەفورماسىن ۇزدىكسىز ىلگەرىلەتىپ، 11 - ايدىڭ سوڭىنان بۇرىن، اكىمشىلىك ىستەرى بويىنشا قىزمەت وتەۋ زالىنا %70تەن استام اكىمشىلىك ىستەرى بويىنشا قىزمەت وتەۋ جۇمىستارىن ەنگىزىپ، ”ءبىر تەرەزەدەن“ تۇرلەرگە ءبولىپ ءبىتىرۋدى ىسكە اسىرىپ، بۇقارا اڭىس ەتكەن ءىس ءبىتىرۋ قيىن بولۋ، ءىس ءبىتىرۋ اقىرىن بولۋ، كوپ ورىنعا جۇگىرۋ، ارلى - بەرلى سابىلۋ سياقتى ماسەلەلەردى شىن مانىندە شەشەدى.

  اقسۋ ايماعى «اقسۋ ايماعىنىڭ ”تومەنگە بەرۋ، باسقارۋ، قىزمەت وتەۋ“ رەفورماسىنان قامال الۋ ارەكەت جوباسىن» بەلگىلەپ، ”ەڭ كوپ بولعاندا ءبىر رەت بارۋ“ رەفورماسىن جاۋاپكەرشىلىك ارقالاماۋ، ءىس تىندىرماۋ ماسەلەسىن رەتتەۋ - وڭاۋدىڭ ماڭىزدى تۇتقاسى ەتىپ، قامال الۋ نىساناسىنا ەنگىزىپ، ءبىر تۇتاس جوسپارلاپ، سايكەستىرۋدى كۇشەيتىپ، ءتارتىپتى ىلگەرىلەۋىنە شىنايى كەپىلدىك ەتتى.

  ”كوپ تۇيىندەردە ءبىتىرۋ“، ”اكىمشىلىك ىستەرى ەرەن بازارى“ وي جەلىسىنە ساي، اقسۋ ايماعى اكىمشىلىك قىزمەت وتەۋ ورتالىعى (ايماقتىق اكىمشىلىك ىستەرى بويىنشا قىزمەت وتەۋ جانە الەۋمەتتىك بايلىق ساۋداسىن باسقارۋ كەڭسەسى) ”ءبىر ەسىككە عانا بارۋ“ سىندى ۇكىمەت ىستەرى بويىنشا قىزمەت وتەۋدى بەلسەنە ىلگەرىلەتتى. ءار دارەجەلى اكىمشىلىك ىستەرى بويىنشا قىزمەت وتەۋ زالدارىنا حالىق تۇرمىسىنا ساياتىن سۋ، ەلەكتر، تابيعي گاز، جىلۋمەن قامداۋ، فينانس، حابارلاسۋ، مۇناي سياقتى كاسىپورىنداردىڭ حالىققا قولايلى قىزمەت وتەۋ تۇيىندەرىن كوبەيتىپ قۇرىپ، كاسىپورىنداردىڭ، بۇقارانىڭ ءىس بىتىرۋىنە قولايلىلىق جاراتتى. سۋ، ەلەكتر، تابيعي گاز، جىلۋ جۇيەسىن ورناتۋعا ءوتىنىش بەرۋ جۇمىستارىن زالدا شوعىرلى بىتىرۋگە سايكەستىرىپ، ورناتۋعا ءوتىنىش بەرۋ راسمياتتارىن ىقشامداپ، ورناتۋعا ءوتىنىش بەرۋ ۋاقىت شەگىن قىسقارتىپ، تەكسەرىپ بەكىتۋ بۋىنىنداعى دەلدالدىق قىزمەت وتەۋدى زالعا جايعاستىرۋدى ىلگەرىلەتىپ، تەكسەرىپ بەكىتۋ بۋىنىن تۇتاستىرىپ، تەكسەرىپ بەكىتۋ ونىمدىلىگىن جوعارىلاتتى.

  قازىر اقسۋ ايماعىنىڭ ءوز دارەجەسىندەگى 53 مەكەمە - ورىن (كاسىپورىن) اكىمشىلىك ىستەرى بويىنشا قىزمەت وتەۋ زالىنا جايعاسىپ، مەكەمە - ورىنداردىڭ جايعاسۋ سالىستىرماسى %100كە، جۇمىستاردىڭ جايعاسۋ سالىستىرماسى %98كە جەتتى؛ اۋدان (قالا) تاراۋلارىنىڭ، سونداي - اق جۇمىستاردىڭ جايعاسۋ سالىستىرماسى ورتا ەسەپپەن %90تەن اسىپ، كاسىپورىندار مەن بۇقارانىڭ ءىس ءبىتىرۋ سۇرانىسىن بارىنشا قاناعاتتاندىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.