رايونىمىز 3 جىلدا 100 مىڭ ادامدى جۇمىستاندىرۋ ارقىلى كەدەيلەردى سۇيەمەلدەۋ نىسانا - مىندەتىن الدىن الا ورىندادى
ءتىلشى لي چۇنشيا، پراكتيكانت جيان شياۋچي 10 - ايدىڭ 25 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا نەگىزدەلگەندە، 2018 - جىلدان بيىل 9 - ايدىڭ سوڭىنا دەيىن، وڭتۇستىك شينجياڭداعى 22 اۋىر كەدەي اۋدان ”التى ءبىر توپ“ ارناسى ارقىلى، ۇيىمدى تۇردە ارحيۆ تۇرعىزىلىپ، كارتچكالاندىرىلعان كەدەي وتباسىنداعى ەڭبەككۇشتەردەن 126 مىڭ 627 ادامدى جۇمىستاندىرىپ، اۆتونوميالى رايوننىڭ 3 جىلدا 100 مىڭ ادامدى جۇمىستاندىرۋ ارقىلى كەدەيلەردى سۇيەمەلدەۋ نىسانا - مىندەتىن الدىن الا ورىنداعان.
”مەن قىستاق قۇرعان زاۆودتا جۇمىس ىستەيمىن، وتباسىما دا قارايلاسا الامىن، ايىنا تاعى 2000 يۋان ەڭبەكاقى الامىن. بۇل ارادا جۇمىس ىستەگەنىمە ءبىر جىلدان استى، 10 مىڭ يۋاننان ارتىق اقشا جينادىم“، - دەدى 10 - ايدىڭ 23 - كۇنى ياركەن اۋدانى ودانلىق قالاشىعى بويلا قىستاعىنىڭ تۇرعىنى اينيازحان قۇدىرەت قۋانىشتى بەينەدە.
بىلتىر 3 - ايدا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى ءبىر كيىم - كەشەك سەرىكتەستىگىن ەنگىزىپ، بويلا قىستاعىندا كيىم - كەشەك مانەرلەۋ زاۆودىن قۇردى. اينيازحان وتباسى ارحيۆ تۇرعىزىلىپ، كارتچكالاندىرىلعان كەدەي وتباسى، باۋلۋ ارقىلى ول وسى كيىم - كەشەك مانەرلەۋ زاۆودىنىڭ تۇڭعىش توپتاعى جۇمىسشىسىنا اينالدى. ول سياقتى وسى زاۆودتا جۇمىستانعان قىستاق تۇرعىندارىنان 150دەن ارتىق ادام بار، ولاردىڭ باسىم كوبى كەدەي وتباسىلارىنان شىققان ەڭبەككۇشتەر.
كەدەي وتباسىنداعى ەڭبەككۇشتەردى سول جەردە، جاقىن جەردە، ءوڭىر اتتاپ باسقا سالاعا ويىستىرىپ جۇمىستاندىرۋ سياقتى كوپ ارنامەن جۇمىستانۋدى جۇزەگە اسىرۋ − رايونىمىزدىڭ جۇمىستاندىرۋ ارقىلى كەدەيلەردى سۇيەمەلدەۋىندەگى ماڭىزدى مىندەتى ءارى كەدەي وتباسىنداعى ەڭبەككۇشتەردىڭ كەدەيلىكتەن ارىلىپ، كىرىسىن ارتتىرۋىنداعى ماڭىزدى ارناسى. 2018 - جىلى اۆتونوميالى رايون نازاردى وڭتۇستىك شينجياڭداعى 22 اۋىر كەدەي اۋدانداعى ارحيۆ تۇرعىزىلىپ، كارتچكالاندىرىلعان كەدەي وتباسىنداعى ەڭبەككۇشتەرگە شوعىرلاندىرىپ، جۇمىستاندىرۋ ارقىلى كەدەيلەردى سۇيەمەلدەۋدىڭ 3 جىلدىق جوسپارىن جاساپ اتقاردى. جوسپار بويىنشا، 2018 - جىلدان 2020 - جىلعا دەيىن، رايونىمىز ارحيۆ تۇرعىزىلىپ، كارتچكالاندىرىلعان كەدەي وتباسىنداعى ەڭبەككۇشتەردەن 100 مىڭ ادامدى باسقا سالاعا ويىستىرىپ جۇمىستاندىرۋدى جۇزەگە اسىرادى.
سىرتقا ويىستىرىپ شىعارۋ، ونان دا ماڭىزدىسى، ورنىقتىرۋ. جوعارى ساپالى جۇمىستاندىرۋدى جۇزەگە اسىرۋ ءۇشىن، رايونىمىز جۇمىستاندىرۋ ورنىقتىلىعىن جوعارىلاتۋدى نەگىزگى كۇش سالۋ باعىتى ەتتى. بيىل الدىڭعى 3 توقساندا، رايونىمىزداعى ارحيۆ تۇرعىزىلىپ، كارتچكالاندىرىلعان كەدەي وتباسىنداعى ەڭبەككۇشتەرىن باسقا سالاعا ويىستىرىپ جۇمىستاندىرۋعا باۋلىعان ادام سانى 186 مىڭ 300 ادام - رەتكە جەتىپ، جىلدىق نىسانا - مىندەت ％199.49 ورىندالدى. شەبەرلىككە باۋلۋ ارقىلى كەدەي وتباسىنداعى ەڭبەككۇشتەردىڭ مەملەكەتتە ءبىر تۇتاس قولدانىلاتىن ءتىل - جازۋ ورەسى جوعارىلاپ، جۇمىستانۋ شەبەرلىگىن يگەرىپ، جۇمىستانۋ قابىلەتىن كۇشەيتىپ، ۇزاق ۋاقىت جۇمىستانۋ مەن ورنىقتى جۇمىستانۋعا بەرىك نەگىز قالادى.
اينيازحان دا شەبەرلىككە باۋلۋدىڭ پايداسىن كوردى. بىلتىر زاۆود ونى جانە وزگە 10 نەشە جۇمىسشىنى ۇيىمداستىرىپ، ولاردى جينانعا تىگىنشىلىك تەحنيكاسىن جۇيەلى ۇيرەنۋگە جىبەرىپ، ونىڭ تەحنيكالىق ورەسىىن بارىنشا جوعارىلاتتى. قازىر ول ۇسىنىسپەن توڭىرەكتەگى قىستاق قۇرعان زاۆودتارعا بارىپ تەحينكا ۇيرەتىپ، الىس - جاقىنعا تانىمال ”تەحنيكا شەبەرى“نە اينالدى، ونىڭ ۇستىنە زاۆود باستىعىنىڭ كومەكشىسى بولدى.اينيازحان سياقتى اۆتونوميالى رايوننىڭ جۇمىستاندىرۋ ارقىلى كەدەيلەردى سۇيەمەلدەۋ جاقسى ساياساتىنىڭ يگىلىگىنىڭ ارقاسىندا، وڭتۇستىك شينجياڭداعى كوپتەگەن كەدەي وتباسىنداعى ەڭبەككۇشتەر ەسىگىنىڭ الدىنداعى قىستاق قۇرعان زاۆودتا، كەدەيلەردى سۇيەمەلدەۋ سەحىندا، وڭتۇستىك، سولتۇستىك شينجياڭداعى مەملەكەت مەنشىگىندەگى كاسىپورىنداردا، جالپىلىق مەنشىككە جاتپايتىن كاسىپورىنداردا جۇمىستاندى؛ كەيبىرەۋلەرى شاعىن دۇكەن اشۋمەن، شاعىن اسحانا اشۋمەن، رەمونت دۇكەنىن اشۋمەن، ت. ب شارۋاشىلىق قۇرۋدى جۇزەگە اسىردى. ولاردىڭ كىرىسى ارتقان سايىن، جۇزدەرىنەن شاتتىق لەبى دە ەستى.
”ءبىز قىزمەت ورنىن ورنىقتىرۋ، شەبەرلىكتى ورنىقتىرۋ، مامىلەسىن ورنىقتىرۋ سياقتى جاقتارداعى قىزمەتتى ۇزدىكسىز ويداعىداي ىستەپ، ءتىپتى دە كوپ ارحيۆ تۇرعىزىلىپ، كارتچكالاندىرىلعان كەدەي وتباسىنداعى ەڭبەككۇشتەردى باسقا سالاعا ويىستىرۋ ارقىلى جۇمىستاندىرىپ، كەدەيلىكتەن ارىلۋ سەنىمىنە يە ەتىپ، كىرىسىن ارتتىرۋ ۇمىتىنە بولەپ، تۇرمىستارىن بارعان سايىن جاقسارتامىز“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى شارۋا جۇمىسكەرلەرى قىزمەت باسقارماسىنىڭ باستىعى لي حۇڭۋ.
