− مەملەكەتتىك كەدەيلىكتەن ارىلتۋدان قامال الۋ سيلىعى ەكپىندەي ىلگەرىلەۋ سيلىعىنىڭ يەگەرى ءماتسادي تۇرسىن تۋرالى
ءتىلشى لي شيڭ
ءتۇرلى سەبەپتەرمەن وتباسى جوقشىلىقتا قالسا دا، كۇتىپ وتىرماي، يەك سۇيەمەي، ءوزىنىڭ قاجىرلى ەڭبەگىمەن تاعدىرىن وزگەرتۋگە قۇلشىنىپ، كەدەيلىك قالپاعىن الىپ تاستاعان ادامدار بار.
شينجياڭ ءوندىرىس - قۇرىلىس بيڭتۋانى 14 - شىسى 225 - تۋانى لايسۋ قىستاعىنىڭ تۇرعىنى ءماتسادي تۇرسىن انە سولاردىڭ ءبىرى. 1964 - جىلى تۋعان ءماتسادي اعاششى بولعان، ەگىن دە ەككەن، سيىر دا باققان ناعىز شارۋا، ول ءوزىنىڭ قۇلشىنىسىمەن وتباسىنداعىلاردى جاقسى تۇرمىسقا جەتكىزۋدى ارماندادى. ءبىراق، ءماتساديدىڭ قىزى 10 نەشە جاسىندا سۇيەك بوساۋ ناۋقاسىنا شالدىعىپ، قالىپتى ءجۇرىپ - تۇرۋدان قالادى، 10 نەشە جىل اۋرۋ ەمدەتۋ اۋەلدە قيىنشىلىعى بار وتباسى ءۇشىن جىعىلعان ۇستىنە جۇدىرىق بولىپ تيەدى. 2017 - جىلى ارحيۆ تۇرعىزىلىپ، كارتچكالاندىرىلعان كەدەي وتباسى بولىپ تانىلعان سوڭ، ءماتسادي شىنىڭ، تۋاننىڭ ىنتالاندىرۋىندا جانە سۇيەمەلدەپ كومەكتەسۋىندە، ەڭبەكشىل قوس قولىمەن تاعدىرىن وزگەرتۋگە بەكيدى.
ءماتسادي وتباسىنا كومەكتەسۋ ءۇشىن، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ ونى ەكولوگيالىق ورماندى قورعاۋشى ەتۋدى ۇيعارادى، ايىنا الاتىن 1500 يۋان ەڭبەكاقى ءماتسادي وتباسىنىڭ شۇعىل قاجەتىن شەشتى. ەكولوگيالىق ورمان قورعاۋشىسى ورنىندا ءماتسادي جاۋاپكەرشىلىكتى مۇقيات ارقالاپ، قىزمەتتە ۇزدىك ناتيجەگە قول جەتكىزدى.
2018 - جىلدىڭ باسىندا، كەدەي وتباسىلاردىڭ كىرىسىن ارتتىرۋىنىڭ قيىن بولۋى ماسەلەسىن شەشۋ ءۇشىن، لايسۋ قىستاعىنىڭ ”ەكى كوميتەتى“ قاراستى اۋماقتاعى كەدەي وتباسىلارىن اداقتاپ شىعىپ، ءماتساديدىڭ باعىمشىلىق كاسىبىن دامىتقىسى كەلگەنىمەن قارجىسى تاپشى بولىپ وتىرعانىن ءبىلىپ، قىزمەت اترەتى ونىڭ ۇيىنە كەدەيلەردى سۇيەمەلدەۋگە ارنالعان 200 شوجە اپارىپ بەرەدى. 4 ايدان كەيىن، ءماتسادي باققان شوجەلەر 85 يۋاندىق جاقسى باعامەن ساتىلىپ، 10 مىڭ يۋاننان اسا كىرىس كىرگىزدى. پايدانىڭ ءدامىن تاتقان ءماتسادي كەدەيلەردى سۇيەمەلدەۋگە ارنالعان ءوسىمى قازىنادان تولەنەتىن نەسيەگە ءوتىنىش بەرىپ، باعىمشىلىق كولەمىن كەڭەيتىپ، ارمانى ورىندالىپ، كەدەيلىكتەن قۇتىلادى. قازىر ول الىس - جۋىققا تانىمال تاۋىق باعۋدىڭ شەبەرىنە اينالىپ، كەدەي وتباسىلاردىڭ ۇيرەنۋ ۇلگىسى بولىپ وتىر. 2019 - جىلى ءماتسادي ءبىر جولدا 2000 شوجە، 15 قوي، 2 سيىر ساتىپ الدى، بيىل ونىڭ كىرىسى 60 مىڭ يۋانعا جەتەدى دەپ مەجەلەنۋدە.
بايۋ جولىنا تۇسكەن ءماتسادي قىستاقتاعى كومەككە مۇقتاج ادامداردى ۇمىت قالدىرعان جوق. 2018 - جىلدىڭ سوڭىندا، ول قىستاقتاعى سۇيەنىشى جوق قارتتارعا مىندەتتى قارايلاسا باستادى، ولارمەن بىرگە تۇرىپ، بىرگە تاماقتاندى، ايەلى قارتتاردىڭ كيىم - كەشەگىن جۋىپ بەرسە، قىزى قارتتاردىڭ تاماعىن دايىندادى. 225 - تۋان پارتكومى، قىستاق ”ەكى كوميتەتى“ بۇل ىستەن حابار تاپقان سوڭ، قىستاقتا سۇيەنىشى جوق قارتتارعا كۇندىز قارايلاسۋ ورتالىعىن قۇرۋدى ۇيعاردى، ءماتسادي ىرىقتىلىقپەن ورتالىقتىڭ جۇمىسىن جۇرگىزۋگە جاۋاپتى بولۋدى تالاپ ەتتى.
ءماتساديدىڭ كۇشتى تالاپ ەتۋىندە، سۇيەنىشى جوق قارتتارعا كۇندىز قارايلاسۋ ورتالىعى ونىڭ ۇيىنەن اشىلدى. قازىر قارايلاسۋ ورتالىعىنا ءار كۇنى 40تان استام قارت كەلىپ تاماقتانىپ، دەمالادى، ءماتسادي وتباسى قارتتارعا قارايلاسۋدى ءوز جاۋاپكەرشىلىگىمىز دەپ ءبىلىپ، ءاربىر قارتقا قالتقىسىز قامقورلىق كورسەتىپ كەلەدى.
قازىر ءماتساديدىڭ وزىنە سەنىمى مىعىم. ول اسەرلەنە بىلاي دەيدى: ”مەنى بۇگىنگىدەي تاماشا تۇرمىسقا جەتكىزگەن پارتيا مەن ۇكىمەتكە راقىمەت. كوممۋنيستىك پارتيا جاقسى! مەن قازىر بايىدىم، ەندى قوعامعا قارىمجى قايتارىپ، العىستى بىلەتىن ادام بولامىن!“
