تيانشان تورى   ›   جاڭالىقتار   ›   شينجياڭ حابارلارى

تۇرعىندار رازى بولسا، ەڭبەك ەتۋدەن شارشامايمىن

− قارامايلى قالاسى يىنحى جولى ءمالىسى بەيدوۋ الەۋمەتتىك اۋماعى پارتيا ياچەيكاسىنىڭ شۋجيى فىڭ شيۋيۇن جونىندە

ءتىلشى شيە حۇيبيان

  ”ول جىگەرلى جۇرەتىن جان، ونىڭ بوس جۇرەتىن كەزى تىم سيرەك كەزدەسەدى“. الەۋمەتتىك اۋماق تۇرعىنى جي سايحۋانىڭ قاراۋىنشا، قارامايلى قالاسى قارامايلى رايونى يىنحى جولى ءمالىسى بەيدوۋ الەۋمەتتىك اۋماعى پارتيا ياچەيكاسىنىڭ شۋجيى فىڭ شيۋيۇندە سارقىلماس كۇش - قۋات بار، مەيلى كىمنىڭ وتباسى بولسىن، ۇلكەن ءىس الدە ۇساق ءىس بولسىن، تەك تەلەفون شىر ەتە قالسا بولعانى، ول ىلعي دا تىزگىن ۇشىمەن سول جەرگە جەتىپ بارادى.

  ”بىرەۋلەر مەنەن ’كۇندە وسىلاي شاپقىلاپ جۇرەسىڭ، شارشامايسىڭ با؟‘ دەپ سۇرايدى، مەن ’تۇرعىندار رازى بولسا، ەڭبەك ەتۋدەن شارشامايمىن‘ دەيمىن“. فىڭ شيۋيۇن بىلاي دەدى: ”تۇرعىنداردىڭ جۇمىسىنا جۇگىرۋ − مىندەتىم، ونىڭ ۇستىنە ءبىر ءتۇرلى شابىتتاندىرۋ. الەۋمەتتىك اۋماقتا ساعان سەنەتىن ادام بارعان سايىن كوبەيسە، كوپشىلىك ساعان رازى بولادى، قىزمەتىڭدى قولدايدى، جاقسى ىستەمەۋگە سىلتاۋىمىز جوق قوي!“. ءدال وسىنداي ءبىر ءتۇرلى جاۋاپكەرشىلىك پەن شابىتتاندىرۋ بولعاندىقتان عانا، فىڭ شيۋيۇن الەۋمەتتىك اۋماقتا 20 نەشە جىل بويى قىزمەت ىستەدى.

تۇرعىنداردىڭ شارۋاسى ۇساق - تۇيەك جۇمىس ەمەس

  ”تۇرعىندارمەن ىرىقتىلىقپەن اڭگىمەلەسىپ، جۇرەك پەن جۇرەك توعىسقاندا عانا، تۇرعىندار ساعان جۇرەك سىرىن ايتاتىن بولادى“، - دەيدى فىڭ شيۋيۇن كۇلىپ.

  فىڭ شيۋيۇننىڭ قول تەلەفونى 24 ساعات بويى ”جابىلمايدى“، ”جۇمىس بولسا فىڭ شۋجيدى ىزدە“دەگەن ءسوز بەيدوۋ الەۋمەتتىك اۋماعىنداعى تۇرعىنداردىڭ ماتەلى، بۇل ءارى فىڭ شيۋيۇننىڭ مارقاياتىن ءىسى.

  2018 - جىلدىڭ باسىندا، شاعىن اۋماقتاعى ءبىر عيماراتتىڭ قۇبىر سۋىمەن قامدايتىن قۇبىرعا مۇز قاتىپ، سۋ توقتايدى. بۇل جاعدايدان حابارلى بولعاننان كەيىن، فىڭ شيۋيۇن تۇرعىنداردىڭ تەلەفون شالۋىن كۇتپەي - اق، ءبىر شاۋگىم قايناعان سۋ مەن ءبىر تورسىق سۋىق سۋ كوتەرىپ، 72 جاستاعى الەۋمەتتىك اۋماق تۇرعىنى يۋان جۇڭليننىڭ ۇيىنە بارىپ، قارياعا: ”ابىرجىماڭىز، قۇبىر جولى جوندەلۋ ۇستىندە“ دەيدى.

  فىڭ شيۋيۇننىڭ قاراۋىنشا، الەۋمەتتىك اۋماقتاعى قارتتار مەن بالالارعا كوبىرەك قارايلاسۋ كەرەك، ولارعا جاقسى قارايلاسقاندا عانا، جاستار الاڭسىز قىزمەت ىستەي الادى. ءار كۇنى ۋاقىتى بولا قالسا، فىڭ شيۋيۇن ىلعي شاعىن اۋماقتا اينالىپ ءجۇرىپ، قارتتاردىڭ حال - جاعدايىن ۇعىسادى. شاعىن اۋماقتا جاسى 60تان اسقان بىرنەشە قاريا بار، ولار بۇرىن قانداي قىزمەت ىستەگەن، قانداي ەرەكشەلىگى، اۋەسى بار دەگەندى ول جىپكە تىزگەندەي ايتىپ بەرە الادى.

  تاياۋدا، بىرەۋ تەلەفون شالىپ فىڭ شيۋيۇنگە عيماراتتىڭ كاريدورىنا ۇيىلگەن قوقىر - قوقسىقتىڭ ورتاعا ىقپال جاساعاندىعىن ايتادى. تەلەفوندى ۇزگەننەن كەيىن، ول دەرەۋ الەۋمەتتىك اۋماقتىڭ كادىرىن ەرتىپ الىپ، ءبىر - بىرلەپ تەكسەرۋ جۇرگىزە باستايدى، تەز ارادا شاعىن اۋماقتاعى عيماراتتاردىڭ ءاربىر ەسىكتەرىنە ىقىلاستى ەسكەرتپە جاپسىرىپ قويادى.

  وسى تەكتەس ىستەر كۇندە دەرلىك تۋىلىپ تۇرادى، ”تۇرعىنداردىڭ شارۋاسى ۇساق - تۇيەك جۇمىس ەمەس“، - دەيدى فىڭ شيۋيۇن. سوڭعى جىلدارى، ول مەملەكەتتىك الەۋمەتتىك اۋماقتا قىزمەت وتەۋدىڭ وزاتى، اۆتونوميالى رايوندىق قالا - قالاشىق جەلەكتىلەرىنىڭ ەڭبەك كورسەتۋ ۇلگىسى سياقتى داڭقتى اتاقتارعا يە بولدى.

بۇقاراعا قىزمەت وتەۋگە كوبىرەك وي جۇگىرتتى

  بۇقارالىق قىزمەتتى ىستەۋ بارىسىندا، فىڭ شيۋيۇن شاعىن اۋماقتاعى ءبىرسىپىرا قىزمەتشىلەردىڭ قىزمەتتەن تۇسكەننەن كەيىن الەۋمەتتىك اۋماققا ءىس بىتىرە بارعاندا ادام تابا المايتىندىعىن بايقايدى. وسى ماسەلەنى شەشۋ ءۇشىن، فىڭ شيۋيۇن الەۋمەتتىك اۋماقتا ”ۋاقىت الماستىرۋ قىزمەت ءتۇزىمىن“بار كۇشپەن جالپىلاستىرىپ، الەۋمەتتىك اۋماق تۇرعىندارىنىڭ جاقسى باعاسىن الدى ءارى مۇنى ماڭايىنداعى الەۋمەتتىك اۋماقتارعا جالپىلاستىردى.

  قىزمەت بارىسىندا، فىڭ شيۋيۇن تۇرعىندار ورتاعا قويعان كۇندەلىكتى ماسەلەلەردى ويداعىداي شەشۋمەن عانا قاناعاتتانىپ قالماستان، قايتكەندە ءتىپتى دە جاقسى ىستەۋگە بولاتىندىعى، ءتىپتى دە قولايلى جولدارى بار - جوقتىعى جونىندە دە وي جۇگىرتتى. ”بۇقاراعا قىزمەت وتەۋگە كوبىرەك وي جۇگىرتىپ، ەڭ لايىقتى ءتاسىلدى تابۋ كەرەك“، - دەيدى فىڭ شيۋيۇن.

  2008 - جىلى قارامايلى رايونى ”100 وتباسىن ارالاۋ، 100 وتباسىنىڭ جاعدايىن ۇعىسۋ، 100 وتباسىنىڭ ىستەرىن جايعاستىرۋ، 100 وتباسىنىڭ قيىنشىلىعىن شەشۋ، 100 وتباسىنا مەيىر باعىشتاۋ“سىندى ”بەس 100 قىزمەت مەحانيزمىن“جالپىلاستىرۋدى بەلگىلى ءبىر اۋماقتا الدىمەن سىناق جۇرگىزۋگە تۋرا كەلگەندە، فىڭ شيۋيۇن ءبىرىنشى بولىپ العا شىقتى.

  ”بەس 100 قيمىلىن“اناعۇرلىم ويداعىداي ىلگەرىلەتۋ ءۇشىن، ول الەۋمەتتىك اۋماق قىزمەتكەرلەرىنەن قىزمەتتى ەگجەي - تەگجەيلى ىستەپ، وڭاي شەشىلەتىن داۋ - شارلاردى قىلپى كورىنگەن زاماندا شەشۋدى، ءىشىنارا تۇرعىنداردىڭ كوڭىلى تولماعان ىستەردى سول جەردىڭ وزىندە شەشۋدى، شەشۋگە بولاتىن ماسەلەلەردى دەر كەزىندە شەشۋدى، شەشە المايتىن ماسەلەلەردى تاپتەشتەي تىزىمگە الىپ، دەر كەزىندە ىزىنە ءتۇسىپ شەشۋدى تالاپ ەتتى.

  ” شىن پەيىلىڭدى ارناپ، قىزمەت وتەۋدى ويداعىداي ىستەسەڭ، تۇرعىندار تابيعي تۇردە ساعان سەنىم ارتادى، الەۋمەتتىك اۋماقتىڭ ۇيىسۋ قۋاتى دا سولعۇرلىم كۇشەيە تۇسەدى“. فىڭ شيۋيۇن قازىر الەۋمەتتىك اۋماق مەيلى نەندەي قيمىل ورىستەتسە دە تۇرعىنداردىڭ جابال قاتىناساتىندىعىن ايتتى.

تۇرعىنداردى بىرگە ات سالىسۋعا جۇمىلدىردى

  فىڭ شيۋيۇن تۇرعان بەيدوۋ الەۋمەتتىك اۋماعىندا جيىنى 1413 وتباسى، 3689 ادام بار. تۇرعىندارعا ويداعىداي قىزمەت وتەۋدە تەك الەۋمەتتىك اۋماق قىزمەتكەرلەرىنە عانا سۇيەنۋگە بولمايدى، تۇرعىنداردى بىرگە ات سالىسۋعا كەڭ كولەمدە جۇمىلدىرۋ كەرەك.

  الايدا، نەشە مىڭ تۇرعىندى قالاي جۇمىلدىرۋ كەرەك؟ كوپشىلىكتى باستاپ ىستەيتىن ادام بولۋ كەرەك. ساقا پارتيا مۇشەسى بولعان فىڭ شيۋيۇن پارتيا مۇشەلەرىنىڭ الەۋمەتتىك اۋماقتا ونەگەلىلىك، باستاماشىلدىق رولىن ساۋلەلەندىرۋدىڭ ماڭىزدىلىعىن بىلەدى.

  قىزمەت ءتارتىبىن ايقىندادى، باعالاۋ ءتۇزىمىن كەمەلدەندىردى... فىڭ شيۋيۇننىڭ باستاۋىنداعى، الەۋمەتتىك اۋماق پارتيا ياچەيكاسىنىڭ مۇشەلەرىنەن، تۇرعىن پارتيا مۇشەلەرىنەن قۇرالعان ”ۇشقىن وتباسى“پارتيا مۇشەلەرى ەرىكتى قىزمەت وتەۋ اترەتى قۇرىلدى.

  ”ءبىز ’ۇشقىن وتباسى‘ ۋيچات توبىندا تۇرعىنداردىڭ بولماشى تىلەگىن تاراتتىق، پارتيا مۇشەلەرى ەرىكتى قىزمەت وتەۋ اترەتى تۇرعىنداردىڭ تىلەگىن جۇزەگە اسىرۋىنا كومەكتەستى“، - دەدى فىڭ شيۋيۇن. قازىرگە دەيىن پارتيا مۇشەلەرى قىزمەت وتەۋ اترەتىندە 178 ادام بار، جيىنى 586 تۇرعىنعا (رەت) ەرىكتى قىزمەت وتەدى.

  الەۋمەتتىك اۋماق تۇرعىنى جي سايحۋا توسىن كۇيىپ جارالانىپ قامىعادى. فىڭ شيۋيۇن جاعدايدى ۇعىسقاننان كەيىن، وعان ۇنەمى اقىل ايتىپ، كوڭىلىن اۋلاپ تۇرادى، تاعى ەرىكتى قىزمەت وتەۋ اترەتىنىڭ مۇشەلەرىن وعان كومەكتەسۋگە جۇمىلدىرادى. جي سايحۋانىڭ ادەبيەت - كوركەمونەر جاعىنداعى ارتىقشىلىعىن بىلگەننەن كەيىن، فىڭ شيۋيۇننىڭ شابىتتاندىرۋىندا ول ادەبيەت - كوركەمونەر ساحناسىنا قايتا كوتەرىلەدى ءارى الەۋمەتتىك اۋماق ءبي اترەتىنىڭ جاۋاپتىسى بولادى، قازىر جي سايحۋا ءوزى دايىنداپ، ءوزى ورىنداعان ادەبيەت - كوركەمونەر نومىرلەرى شاعىن اۋماقتاعى تۇرعىنداردىڭ ەرەكشە قارسى الۋىنا يە بولدى. بۇل كۇندەرى جي سايحۋا ەرەكشە قۋانىپ ءجۇر، ويتكەنى ول داڭقپەن كانديدات پارتيا مۇشەسى بولدى. ”وسى جىلدارى الەۋمەتتىك اۋماق پارتيا مۇشەلەرى ەرىكتى قىزمەت وتەۋ اترەتى مەنىڭ تۇرمىسقا دەگەن سەنىمىمدى قايتا ورناتۋىما كومەكتەستى، مەن دە ولاردىڭ اراسىنداعى ءبىر مۇشە بولىپ، كومەككە ءزارۋ ءتىپتى دە كوپ ادامعا كومەكتەسەمىن“، - دەدى جي سايحۋا.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى