تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

قاراقۇم قىستاعى − اۋلا شارۋاشىلىعى قىستاق تۇرعىندارىنىڭ قالتاسىن قامپايتتى

  تىلشىلەر باي جىيۇي، جاۋ چۇنحۋا، حى ليڭ 10 - ايدىڭ 26 - كۇنى قاشقاردان حابارلايدى. كوكونىس ءۇزۋ، تازالاۋ، بۋۋ... 10 - ايدىڭ 21 - كۇنى ساعات 11دە، ءتىلشى قاشقار قالاسى بەشكەرىم اۋىلى قاراقۇم قىستاعىنداعى ارحيۆ تۇرعىزىلىپ، كارتچكالاندىرىلعان كەدەي شارۋا مۇحتار ءماحاتتىڭ ۇيىنە بارعاندا، ول كوكونىس اتىزىندا قاربالاس جۇرگەن ەدى. ”بيىل ەككەن كوكونىسىم جاقسى شىقتى، بازاردا 1300 نەشە يۋانعا ساتتىم، بۇل ەڭ سوڭعى ءبىر توبى“، - دەدى مۇحتار قۋانىشتى تۇردە.

  قاراقۇم قىستاعى اۋىر كەدەي قىستاق، ادامى كوپ، جەرى از. مۇنداي جەردە قىستاق تۇرعىندارى وزدەرى ەككەن قىزىل بۇرىش، قىزاناق، قيار، دوۋجياۋ سياقتى كوكونىستەردى جەۋمەن بىرگە، اسىپ قالعاندارىن بازارعا اپارىپ ساتادى، بۇرىندارى ”ءبىر كۇندە ءۇش ۋاق بايساي، كارتوپ جەيتىن“ قىستاق تۇرعىندارى جونىنەن ايتقاندا، بۇل وڭاي - وسپاق شارۋا ەمەس.

  2016 - جىلى قىستاق تۇرعىندارىنىڭ كەدەيلىكتەن ارىلىپ، كىرىسىن ارتتىرۋىنا كومەكتەسۋ ءۇشىن، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنىڭ، شينجياڭ قازىنا - ەكونوميكا داشۋەسىنىڭ، قاشقار ايماقتىق پارتكوم كەڭسەسىنىڭ قاراقۇم قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەت“ القاسى، ”ءبىر سورە ءجۇزىم، ءبىر كوكونىس اتىزى، ءبىر جەمىس باعى، ءبىر مال قورا“نى ولشەم ەتىپ، قىستاق تۇرعىندارىن اۋلا شارۋاشىلىعىن دامىتۋعا باستادى. بيىل 10 - ايعا دەيىن، تۇتاس قىستاقتاعى 634 وتباسىنىڭ 605ى اۋلانى وزگەرتۋدى ورىندادى، مۇنىڭ ىشىندە ارحيۆ تۇرعىزىلىپ، كارتچكالاندىرىلعان 202 كەدەي وتباسى بار.

  مۇحتاردىڭ اۋلاسىنا بارعانىندا، ءتىلشى سورە تولى ءجۇزىمدى، جەمىس باعى مەن كوكونىس اتىزىنداعى ءانجۇر، چىلان، بايساي سياقتىلاردىڭ پىسقاندىعىن، قوي قوراداعى 20 قويدىڭ ءشوپ جەپ جاتقاندىعىن كوردى.

  ”ىلگەرى مەنىڭ اۋلام مۇنداي ەمەس ەدى، بىرنەشە جەمىس اعاشىم عانا بار، مال قورا مەن قونىس رايونى بولىنبەگەن، اۋلانىڭ ءىشى وتە لاس، وتە رەتسىز بولاتىن“. مۇحتار ەسكە الا بىلاي دەدى: ”باستابىندا قىستاق كادرلارى كوپشىلىكتى اۋلاعا وزگەرىس جۇرگىزۋ ۇندەۋىن سالعاندا، مەن ىشتەي قۇپتامادىم. بىرەسە كوكونىس اتىزىن جاسايمىز، بىرەسە قوي قورا جوندەيمىز، وتە اۋرەشىلىك ساناپ، شىنىمەن ىستەگىم كەلمەدى!“

  قىستاقتا مەن سياقتى ويدا بولعاندار از ەمەس ەدى. قىستاقتا تۇراتىن قىزمەت اترەتى مەن قىستاق ”ەكى كوميتەتى“ القاسىنىڭ مۇشەلەرى وتباسى سايىن ارالاپ يدەيالىق قىزمەت ىستەدى، ەڭبەككۇش جەتىسپەيتىن وتباسىلارعا جولىققاندا، جەڭدەرىن تۇرە سالا كومەكتەسىپ ىستەدى. 2018 - جىل، 2019 - جىل 2 جىلدا قىستاق جيىنى 170 مىڭ ءتۇپ كوكونىس مايساسىن ساتىپ الىپ، قىستاق تۇرعىندارىنا تەگىن تاراتىپ بەردى، اۋىل شارۋاشىلىق تەحنيكتەرى دە توپ - توبىمەن قىستاققا بارىپ، وتباسىلاردى ارالاپ، كوكونىس ەگۋ تەحنيكاسىن ۇيرەتتى.

  مۇحتار قوي قوراسىنداعى قويدىڭ قورادان شىعارىلماقشى بولعاندىعىن كورىپ، قۋانعانىنان: ”قازىر ءۇيىمنىڭ ءىشى دە، سىرتى دا وتە كورىكتى، قالتام دا اقشامەن قامپيا باستادى“ دەدى.

  اۋلا شارۋاشىلىعى قىستاق تۇرعىندارىنىڭ كىرىسىن ارتتىرىپ قالماستان وسى اۋىر كەدەي قىستاقتىڭ جىگەرىن دە جەلپىندىرە ءتۇستى. جولدا ءجۇرىپ كەلە جاتقان ءتىلشى قىستاق تۇرعىندارى جاساعان سۋ تيىرمەنىنىڭ، اسقاباق تولتىرا اسىلعان دوعاشا ەسىكتىڭ قىستاق كەلبەتىنە ءتىپتى دە كورىك قوسىپ تۇرعاندىعىن كوردى.

  ”بەسكەرىم اۋىلى تانىمالى ’جەمىس - جيدەك مەكەنى‘، وسى جىلدارى اۋىل ءجۇزىم، انار ءۇزۋ مەرەكەسى سياقتىلاردى وتكىزۋ ارقىلى كوپتەگەن ساياحاتشىلاردى باۋرادى، قىستاققا ساياحاتتاي كەلگەندەر دە كوبەيە ءتۇستى، بيىلدىڭ وزىندە 30 مىڭ ادام - رەتكە جەتتى“. قاراقۇم قىستاعى پارتيا ياچەيكاسىنىڭ شۋجيى مامەتيمىن سىدىق بىلاي دەدى: ”كەزەكتە ءبىز اۋىل - قىستاق ساياحاتىن دامىتىپ، شارۋالار شاتتىعى ساياجايى جانە كورىنىس تاماشالاۋدى، جەمىس - جيدەك ءۇزۋدى ۇشتاستىرىپ، كەدەي وتباسىلارىنىڭ وتباسىنان شىقپاي - اق كىرىسىن ۇزدىكسىز ارتتىرۋىنا مۇمكىندىك جاساۋدامىز“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى