− موڭعۇلكۇرە تۇتاس وڭىرلىك ساياحات دامۋىنىڭ جاڭا جۇلگەسىن قالىپتاستىردى
ءتىلشى ما جيانلۇڭ، ەرىكتى ءتىلشى لي ۋىنۋ
بۇل جەر − ”تۇلپار مەكەنى“، بۇل جەر − ”قىشى مەكەنى“، بۇل جەر − ”كەمپىرقوساق قالاسى“ ...
بيىل 9 - ايدا مادەنيەت جانە ساياحات مينيسترلىگى تۇڭعىش توپتاعى مەملەكەتتىك تۇتاس وڭىرلىك ساياحاتتان ۇلگى كورسەتۋ رايوندارىنىڭ ءتىزىمىن جاريالادى، موڭعۇلكۇرە اۋدانى تىزىمنەن ورىن الدى.
■ جوعارى دەڭگەيدە جوبالاپ، مەحانيزمدە جاڭالىق اشتى
تۇتاس وڭىرلىك ساياحات شارۋاشىلىعىن دامىتۋ ءۇشىن، موڭعۇلكۇرە جوعارى دەڭگەيدە جوبالاۋدى ۇزدىكسىز كۇشەيتىپ، فۋنكتسيالىق تاراۋلاردىڭ كەدەرگىلەرىن تالقانداپ، ساياحاتتى دامىتۋ مەحانيزم - تۇزىلىسىندە جاڭالىق اشتى.
موڭعۇلكۇرە تۇتاس وڭىرلىك ساياحات اشۋ قىزمەتىنە باسشىلىق ەتۋ گرۋپپاسىن قۇرىپ، ساياحات بىرىككەن ءماجىلىسى، ساياحاتتاعى ءىرى نىسانداردى دالەلدەۋ ءماجىلىسى، ساياحاتتى جوبالاۋ ءماجىلىسى، ساياحات قىزمەتى بويىنشا ىنتالاندىرۋ جانە باعالاۋ سياقتى ساياحاتتىڭ دامۋىن ىلگەرىلەتەتىن ارناۋلى القا قىزمەت ءتۇزىمىن ورناتتى. موڭعۇلكۇرە اۋداندىق ساياحاتتى دامىتۋ كوميتەتىن قۇرىپ، وعان قاراستى قۇرىلعان ”ءبىر كەڭسە، 9 گرۋپپا“ قۇرامىنا 48 ورىن كىرىپ، ساياحاتتى جوبالاۋ، نىسان اتقارۋ، ۇگىتتەۋ جانە وتكىزۋ - ساتۋ، بازار باقىلاۋ - باسقارۋ، ولشەم ورناتۋ سياقتى 10 جاق قامتىلدى.
موڭعۇلكۇرە تاعى ءبىرسىپىرا رەفورما، دامۋ ساياساتتارىن جاسادى، بۇعان «”تۇتاس وڭىرلىك ساياحات، جالپى حالىق بولىپ ساياحاتتى گۇلدەندىرۋ“دىڭ 9 ۇلكەن ارەكەت جوسپارى»، «موڭعۇلكۇرە اۋدانىنىڭ ساياحات سالاسىنداعى ناقتى ەكونوميكانىڭ دامۋىن سۇيەمەلدەۋ جونىندەگى پىكىر»لەر، «موڭعۇلكۇرە اۋدانىنىڭ ساياحات شارۋاشىلىعىنىڭ دامۋىن جەتەكتەۋ قارجى - نىساندارىن اتقارۋ جوباسى» سياقتىلار قامتىلدى.
ءتۇرلى قىزمەتتەردىڭ تىڭعىلىقتى تياناقتانۋىن ىلگەرىلەتۋ ءۇشىن، موڭعۇلكۇرە اۋدان، اۋىل، قىستاق 3 دارەجە تۇتاس وڭىرلىك ساياحاتتىڭ دامۋىن بىرگە يگەرەتىن جۇيە ورناتىپ، تۇتاس وڭىرلىك ساياحاتتىڭ تۇتاس ءوڭىردى قامتۋىن، بارلىق قۇرىلىمدى قامتۋىن ىلگەرىلەتتى.
■قۇرىلعىلاردى كەمەلدەندىرىپ، ستەرەولدى ورنالاستىرۋ جاسادى
ساياحات شارۋاشىلىعىنىڭ قاۋىرت دامۋىن جۇزەگە اسىرۋ ءۇشىن، ءسوز جوق، ەڭ الدىمەن بوگەتتى تالقانداۋ كەرەك. قۇلشىنۋ ارقىلى موڭعۇلكۇرە ”ءۇشتىڭ قيىن بولۋى، ءبىردىڭ ىركىلىسسىز بولماۋى“ (دارەتحاناعا كىرۋدىڭ قيىن بولۋى، اۆتوكولىك توقتاتۋدىڭ قيىن بولۋى، جانارماي قۇيۋدىڭ قيىن بولۋى، قول تەلەفون سيگنالىنىڭ ىركىلىسسىز بولماۋى) سياقتى ساياحاتتىڭ دامۋىن تەجەيتىن بوگەتتەردى ىركەس - تىركەس تالقانداپ، ساياحات قىزمەت وتەۋ قۇرىلعىلارى ۇزدىكسىز كەمەلدەنە ءتۇستى.
”ءوز اۆتوكولىگىمىزبەن موڭعۇلكۇرەگە بارماقشى بولىپ، قۇلجا - موڭعۇلكۇرە تاس جولىنا شىعا بەرە ساياحاتتىڭ باستالعانىن بايقادىق. جول بويى كوركەم سۋرەتتەي كورىنىستەرگە كوز سۋارىپ وتىردىق. جول بويىنداعى قىزمەت وتەۋ قۇرىلعىلارى دا ءبىرشاما كەمەلدى ەكەن، قاتەرلى جول بولىكتەرىندە ساقشى اۆتوموبيلى الدىمىزدا جول باستاپ وتىردى، جولداعى كەيبىر كورىنىستىك جەرلەرگە كوپتەگەن كورىنىس تاماشالاۋ تۇيىندەرى سالىنىپ، اۆتوكولىك توقتاتىپ، سۋرەتكە تۇسۋگە قولايلىلىق جاسالىپتى. قاراڭىز، مىناۋ ءبىزدىڭ جولدا تۇسىرگەن سۋرەتتەرىمىز“، - دەيدى جۋىردا بەيجيڭنەن كەلگەن ساياحاتشى سۇڭ ۋي.
موڭعۇلكۇرە ىلگەرى - كەيىندى ساياحاتتىق ۇلكەن اينالما جەلىسىنەن ۇشەۋىن، تاڭداۋلى كىشى اينالما جەلىسىنەن 12سىن اشىپ، ساياحاتشىلارعا قىزمەت وتەۋ ورتالىعىنان 10ىن، ساياحاتتان كەڭەس بەرۋ جانە قىزمەت وتەۋ تۇيىنىنەن 165ىن، جالپىلىق قىزمەت وتەۋ - توقتاۋ تۇيىنىنەن 60ىن قۇرىپ، قىشى گۇلى اتىزىن بويلاي سازداۋىت جەر باقشاسىنا باراتىن ”كەمپىرقوساق داڭعىلىن“ سالدى. قازىر مىڭ بوياۋلى كەمپىرقوساق داڭعىلى ينتەرنەت جۇلدىزدارى مىندەتتى تۇردە بارىپ كورەتىن جەرىنە اينالدى.
■ دالمە - ءدال ورنىن تۇراقتاندىرىپ، ەرەكشەلىگىن كورنەكتىلەندىردى
”جاقسى شاراپ تا كوشەنىڭ تۇكپىرىندە قالسا قادىرسىز بولادى“. ساياحات ماركاسىنىڭ ىقپال كۇشىن كەڭەيتۋ ءۇشىن، موڭعۇلكۇرە ساياحات جەلىسى ونىمدەرىنىڭ ورنىن دالمە - ءدال تۇراقتاندىرىپ، دەن قويا جوبالاپ، ساياحاتتى ۇگىتتەۋ - تانىستىرۋ تەبىنىن ۇزدىكسىز ارتتىردى. ساياحاتتى تانىستىرۋ شاعىن بولىمشە اترەتىن قۇرىپ، دومبىرا شەرتىپ، شوپان جىرىن تامىلجىتا ايتىپ، سىرتقا شىعىپ ساياحاتتى تانىستىرىپ، بەيجيڭ، شاڭحاي، گۋاڭدۇڭ سياقتى ساياحاتشى قاينارىنا بارىپ، 140تان استام رەت ارناۋلى تانىستىرۋ جاسادى.
تۇتاس وڭىرلىك ساياحاتتىڭ مول بايلىعىنا سۇيەنگەن موڭعۇلكۇرە اۋدانى كوك تەڭىز، اقشا بۇلت جولى، جايلاۋ كوركى جولى، تۇلپار شابىتى جولى، اۋىل كورىنىسى جولى سياقتى 4 كورىنىس كاريدورلى جولىن قۇردى. اۋىل - قىستاقتىڭ مول ساياحات بايلىعى مەن وزگەشە ۇلتتىق سالت - سانا مادەنيەتىنە سۇيەنىپ، قۇرىلىس ۇلگىسى، سايكەستى قۇرىلعى سياقتى جاقتاردا ”ءبىر قىستاقتا ءبىر ماركا“، ”ءبىر قىستاقتا ءبىر كورىك“ بولۋ نەگىزگى تاقىرىبىن كورنەكتىلەندىرىپ، ساياحاتشىلاردىڭ قاجەتىنە قاراي ەرەكشە ساياحات قيمىلدارىن جوبالاپ، ات ونەرى جازعى لاگەرى، ات ءمىنىپ كورىنىس تاماشالاۋ، بالالارمەن بىرگە سەزىنىپ ساياحاتتاۋ سياقتى ات ءمىنۋدى سەزىنۋ قيمىلدارىن جولعا قويدى؛ جابايى بۇلدىرگەن تەرۋ ءوڭىرى، ورماندا ساڭىراۋقۇلاق تەرۋ ءوڭىرى قاتارلى ەرەكشە ساياحات سەزىنۋ ءوڭىرىن تۇلعالادى؛ عىلمي زەرتتەۋدى سەزىنۋ جەلىسى، ەرەكشەلىككە يە جەكە اۆتوكولىكپەن ساياحاتتاۋ قونالقى جەرى جانە جوعارى ورەدەگى ۇيشە اۆتوكولىكپەن سەزىنۋ ءوڭىرى سياقتى جاڭاشا ساياحات ءتاسىلىن جوبالادى. ەرەكشەلىگىنە قاراي پارىقتاندىرىپ ورنالاستىرۋدى جۇزەگە اسىرىپ، تۇتاس وڭىرلىك ساياحات نىسانالى جەرىن تۇلعالاپ، ساياحاتشىلاردىڭ قالىپ قالۋىنا، زەرىگىپ قالماۋىنا مۇمكىندىك جاراتتى.
■ توعىستىرۋدى كۇشەيتىپ، كەدەيلىكتەن ارىلتۋدى جەتەكتەدى
ساياحات − جەتەكتەۋ، توعىستىرۋ سيپاتى ەرەكشە كۇشتى كاسىپ، موڭعۇلكۇرە اۋدانى تۇتاس وڭىرلىك ساياحاتتى ىلگەرىلەتۋدى حالىققا تيىمدىلىك جاساۋ، حالىقتى اۋقاتتاندىرۋ ساياساتىن تياناقتاندىرۋدىڭ ماڭىزدى دانەكەرى ەتىپ، ساياحات كاسىبىنىڭ تۇتاس وڭىرلىك بولۋىن، بۇكىل كاسىپ سالاسىندا بىرلەسىپ قيمىلداۋدى جۇزەگە اسىرىپ، توعىسپالى كاسىپ تىزبەگىن ورناتتى. ”ساياحات+مادەنيەت كاسىبى“، ”ساياحات+جىلقى شارۋاشىلىعى“، ”ساياحات+وسى زامانعى اۋىل شارۋاشىلىعى“، ”ساياحات+جاسىل ونەركاسىپ“، ”ساياحات+سالاماتتىق - كۇتىنۋ كاسىبى“ سياقتىلار بىرتىندەپ قالىپتاستى.
موڭعۇلكۇرە اۋدانى قاراسۋ قالاشىعى اقشي قىستاعى موڭعۇلكۇرە اۋدانىنداعى مالشىلار قونىستانعان ءتۇيىن، قىستاق تۇرعىندارىنىڭ كىرىسى جالاڭ ەدى، ساياحات ۇلتتىق سالت - سانا قىستاعىنىڭ قۇرىلۋى اقشي قىستاعىن شىت جاڭا بەينەگە ەنگىزدى. قىستاق تۇرعىنى الارحان ەسەنبەك وتباسى بۇرىن مال باعۋمەن تىرشىلىك ەتەتىن، جىلدىق كىرىسى 20 مىڭ يۋانعا دا جەتپەيتىن. كەيىن ساياحات كورىنىس وڭىرىنەن پايدالانىپ، اۋىل - قىستاق ساياحاتىن دامىتىپ، شوپان جىرى ەرەكشە ساياحاتىمەن 3 اي شۇعىلدانىپ 50 مىڭ يۋان كىرىس كىرگىزدى. قازىر مۇنىڭ بال ءدامىن تاتقان اقشي قىستاعىنىڭ قىستاق تۇرعىندارى كونسەرت اترەتى، مالشىلار ۇيىنە بارۋ ءتۇيىنى سياقتى ەرەكشە ساياحات نىساندارىن العا قويدى.
موڭعۇلكۇرە ىلگەرىندى - كەيىندى 3 ساياحات ۇلگى قىستاعىن قۇرىپ، تۇيىندەر ارقىلى جالپىنى ىلگەرىلەتىپ، ساياحات كاسىبى ارقىلى كەدەيلەردى سۇيەمەلدەۋ قىزمەتىن ۇزدىكسىز ىلگەرىلەتىپ، ساياحات بويىنشا قىزمەت وتەۋدى جاقسارتۋ ارقىلى كەدەيلىكتەن ارىلىپ، اۋقاتتانۋ ورايىن جاراتىپ، كەدەي جان سانىنىڭ باسقا كاسىپ سالاسىنا ويىسىپ جۇمىستانۋىن ىلگەرىلەتتى. قازىر ساياحات ارقىلى حالىقتى اۋقاتتاندىرۋ بويىنشا جيىنى 15 ۇلگى ءتۇيىنىن قۇرىپ، 120دان ارتىق ساياحات كۇتىپ الۋ ءتۇيىنىنىڭ جالپى بەتتىك دارەجەسىن جوعارىلاتىپ، جاڭالاۋعا كومەكتەستى.
بيىل 1 - ايدان 9 - ايعا دەيىن، موڭعۇلكۇرە اۋدانى ساياحاتشىلاردان جيىنى 3 ميلليون 58 مىڭ 200 ادام - رەت قابىلداپ، سايكەس مەزگىلدەگىدەن ％67 ارتتى، ءبىر ميلليارد 980 ميلليون يۋان ساياحات كىرىسىن كىرگىزىپ، سايكەس مەزگىلدەگىدەن ％210 ارتتى. جىل باسىنان بەرى، ساياحات بويىنشا قىزمەت وتەۋگە قاتىناسقان ەگىنشى - مالشىلاردىڭ جان باسىندىق تازا كىرىسى 13 مىڭ 300 يۋان بولىپ، تۇتاس وڭىرلىك ساياحات كاسىپ تىزبەگى ارقىلى 40 مىڭنان ارتىق ادامدى جۇمىستاندىرىپ، ساياحات كاسىبىنىڭ جەتەكتەۋى ارقىلى 2600دەن ارتىق كەدەي وتباسىنىڭ كىرىسىن ارتتىرۋىن تىكەلەي جۇزەگە اسىرىپ، مۇنان تىكە يگىلىكتەنگەن كەدەي بۇقارا 7800دەن استى.
