شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى. «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جۇڭگوشا شيپاگەرلىك، ءدارى - دارمەكتى جالعاستىرۋدى، جاڭالىق اشا دامىتۋدى جەبەۋ جونىندەگى پىكىرى» (تومەندە قىسقارتىلىپ «پىكىر» دەلىنەدى) تاياۋدا جاريالادى.
«پىكىر»دە بىلاي دەپ اتاپ كورسەتىلدى: جۇڭگوشا شيپاگەرلىك، ءدارى - دارمەكتى جالعاستىرۋ، جاڭالىق اشا دامىتۋ − جاڭا داۋىردەگى جۇڭگوشا سوتسياليزم ىستەرىنىڭ ماڭىزدى مازمۇنى، جۇڭحۋا ۇلتىنىڭ ۇلى گۇلدەنۋىندەگى كەلەلى ءىس، جۇڭگوشا شيپاگەرلىك پەن باتىسشا شيپاگەرلىككە بىردەي ءمان بەرۋگە تاباندى بولۋ، جۇڭگوشا شيپاگەرلىك، ءدارى - دارمەك پەن باتىسشا شيپاگەرلىك، ءدارى - دارمەكتىڭ ءبىرىن - ءبىرى تولىقتايتىن، سايكەستى داميتىن جۇڭگوشا دەنساۋلىق ساقتاۋ سالاماتتىق دامۋ ۇلگىسىن قالىپتاستىرۋ، جۇڭگوشا شيپاگەرلىك، ءدارى - دارمەكتىڭ ءتول باسىمدىعىن ساۋلەلەندىرۋ، ەلىمىزدىڭ تىرشىلىك عىلىمىندا جاڭالىق اشا تابىستارعا قول جەتكىزۋىن ىلگەرىلەتۋ، جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋ، ۇلت سەنىمى مەن مادەنيەت سەنىمىن كۇشەيتۋ، وركەنيەتتەردىڭ ءوزارا ۇلگى الۋى مەن حالىق تىلەگىنىڭ توعىسۋىن جەبەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جونىنەن كەلەلى مانگە يە.
«پىكىر»دە جۇڭگوشا شيپاگەرلىك، ءدارى - دارمەك قىزمەت وتەۋ جۇيەسىن اقاۋسىزداندىرۋ، جۇڭگوشا شيپاگەرلىك، ءدارى - دارمەكتىڭ حالىقتىڭ سالاماتتىعىن قورعاۋداعى دارالىق رولىن ساۋلەلەندىرۋ، جۇڭگوشا شيپاگەرلىك، ءدارى - دارمەكتىڭ ساپاسىن ءوسىرۋدى جانە كاسىپ سالاسىنىڭ جوعارى ساپالى دامۋىن زور كۇشپەن ىلگەرىلەتۋ، جۇڭگوشا شيپاگەرلىك، ءدارى - دارمەك دارىندىلارى قوسىنى قۇرىلىسىن كۇشەيتۋ، جۇڭگوشا شيپاگەرلىك، ءدارى - دارمەكتى جالعاستىرۋدى جانە اشىق ۇستاۋ، جاڭالىق اشا دامىتۋدى جەبەۋ، جۇڭگوشا شيپاگەرلىك، ءدارى - دارمەكتى باسقارۋ ءتۇزىلىسى مەحانيزمىن رەفورمالاۋ، كەمەلدەندىرۋ سياقتى 6 جاقتان 20 ءتۇرلى پىكىر العا قويىلدى.
