− توقسۇن اۋداندىق قوعام حاۋىپسىزدىگى مەكەمەسىنىڭ بوزيۇلعۇن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ءمومىن نيزام تۋرالى
ءتىلشى جاڭ رۇيلين
”ءمومىن شۋجي مەن قىزمەت اترەتى كەلگەن سوڭ، قىستاق تۇرعىندارىنىڭ تۇرمىسىنداعى قيىنشىلىق بىرتىندەپ تۇگەل شەشىلدى“، - دەيدى 10 - ايدىڭ 11 - كۇنى توقسۇن اۋدانى بوستان قالاشىعى بوزيۇلعۇن قىستاعىنىڭ تۇرعىنى ءىسمىر تەمىر.
قىستاق تۇرعىندارىنىڭ نازارىندا، توقسۇن اۋداندىق قوعام حاۋىپسىزدىگى مەكەمەسىنىڭ بوزيۇلعۇن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ءمومىن نيزام سەنىمدى اقتايتىن ادام، قىستاق تۇرعىندارىن مازالايتىن ىستەردى ول ءارقاشان كوڭىلىنە ساقتاپ، شەشىپ بەرۋگە بارىن سالادى.
■ بۇقارانىڭ تۇرمىسىنىڭ اناعۇرلىم جايلى بولۋىنا مۇمكىندىك جاسادى
”اكە - شەشەم ۇيدە جوقتا دا ءدامدى تۇسكى اس ازىرلەپ بەرگەن ءمومىن اعايعا جانە قىزمەت اترەتىندەگى اعايلارعا راقىمەت“. 10 - ايدىڭ 11 - كۇنى ءمومىن مەن قىزمەت اترەتىنىڭ مۇشەلەرى تۋرالى 13 جاستاعى ۇسەنجان يۇسۇپ وسىلاي دەدى العىس سەزىممەن. 2 جىلدىڭ الدىندا، اكە - شەشەسىنىڭ قىزمەتى قاربالاس بولعاندىقتان، تۇسكى اس كەزىندە، ۇسەنجان اكە - شەشەسى قاسىندا بولماعان باسقا بالالارمەن بىرگە بوزيۇلعۇن قىستاق كوميتەتىنىڭ اسحاناسىنا بارىپ تاماقتاناتىن.
بالالار تۋرالى ايتقاندا، ءمومىن نيزامنىڭ جانارىنان مەيىرىم شۋاعى توگىلەدى. ”قىستاق تۇرعىندارى ءبىزدىڭ جاقىندارىمىز، ولاردىڭ بالاسى ءبىزدىڭ بالامىز“، - دەيدى. قىستاقتا تۇرعاننان بەرى، ءمومىن نيزامنىڭ سايكەستىرىپ شەشۋىندە، قىستاقتاعى ”ءبىر ءۇيلى جاندار اسحاناسى“ ونداعان وتباسىنداعى وقۋشى بالالارعا ءار كۇنى ءۇش ۋاق تاماق دايىنداپ، اتا - انالارىنىڭ الاڭسىز ەگىس جۇمىستارىن ىستەۋىنە، جۇمىس ىستەۋىنە، بالالاردىڭ الاڭسىز وقۋىنا مۇمكىندىك جاسادى.
قىستاق تۇرعىنى وسىمان مىنۇپ ەسىگىنىڭ الدىندا جاڭادان جاتقىزىلعان سەمەنت جولعا قاراپ تۇرىپ، جۇزىنە كۇلكى ءۇيىرىلىپ، كەزىككەن ادامنىڭ بارىنە: ”مىناۋ، ءمومىن شۋجي مەن ءبىز جاتقىزعان جول، قازىر ءجۇرىس - تۇرىسقا وتە قولايلى. پارتيانىڭ بىزگە جاقسى كادر جىبەرگەنىنە كوپ راقىمەت“، - دەيدى.
قىستاقتاعى نەگىزگى جولدىڭ ەكى جاعىنداعى اعاشتاردى سۋارۋ، نەگىزگى توعانداردى جالعاستىرۋ ماسەلەسىن شەشۋ ءۇشىن، ءمومىن نيزام كادرلاردى 3 كيلومەتر توعاندى جوندەۋگە ۇيىمداستىرىپ، قىستاق تۇرعىندارىنىڭ ۇيلەرىنىڭ الدىنا 100دەن استام سەمەنت قۇبىر جاتقىزىپ، قىستاق تۇرعىندارىنىڭ ءوندىرىس - تۇرمىسىنا قولايلىلىق جاسادى.
■ بۇقارانى ۋايىم - قايعىدان ارىلتتى
ۇنەمى ارالاسۋ بارىسىندا، قىستاق تۇرعىندارى مەيلى اتىز باسىندا، الدە حاۋىپتى ۇيلەردى جاڭالاۋ جۇمىس ورنىندا بولسىن، ءمومىن نيزامدى قاشاندا كورۋگە بولاتىندىعىن بايقادى. بۇقارا وعان بارعان سايىن سەنىم ارتىپ، ىسكە جولىقسا بولدى ونى ىزدەپ بارىپ اقىلداسۋدى قالايتىن.
قىستاق تۇرعىنى سامي توحتى اسەرلەنىپ بىلاي دەدى: ”مەن جاڭا ءۇي سالدىم، اسىلىندە كونە ءۇيىمىزدىڭ قۇرىلىمى ەسكىرىپ كەتكەنىمەن، شاعىلماي كەلگەن بولاتىن. ءمومىن نيزام وسى جاعدايدى ۇعىسقاننان كەيىن، قىستاقتا تۇراتىن كادرلارمەن بىرگە مەنىڭ كونە ءۇيدى شاعۋىما كومەك كورسەتتى“.
قىستاق تۇرعىندارىنىڭ باقىتتى تۇرمىس كەشىرۋىنە مۇمكىندىك جاساۋ ءۇشىن، ءمومىن نيزام مەن قىستاق قىزمەت اترەتىنىڭ مۇشەلەرى قىستاق تۇرعىندارىنىڭ بايۋ جولىن قاراستىرۋىنا كومەكتەسىپ، قىستاق تۇرعىندارىنىڭ كىرىستەرىن ارتتىرىپ، بايۋىنا ءجون سىلتەدى. بيىل العاشقى جارتى جىلدا، قىزمەت اترەتى قىستاق تۇرعىندارىنىڭ 1500 توننا قۇمىل قاۋىنىن، 17 توننا شىلاندى ساتۋىنا كومەكتەستى؛ قىستاقتا كەدەيلەردى سۇيەمەلدەۋ سەحىن قۇرىپ، 50 نەشە ادامنىڭ جۇمىستانۋىن شەشتى؛ ءمومىن نيزام مەن قىستاق قىزمەت اترەتىنىڭ مۇشەلەرى تاعى اقشا جيىپ، 5 كەدەي وتباسىنىڭ دەربەس شارۋاشىلىق قۇرۋىنا كومەك بەردى.
■ بۇقارانىڭ ىسىندە كىشى - گىرىم ءىس جوق
قىستاق تۇرعىندارىنىڭ ءوندىرىس - تۇرمىسىنا ساياتىن ىستەر بولسا بولعانى، ءمومىن نيزامنىڭ كوڭىلىندە بارلىعى ۇلكەن ءىس سانالادى. قىستاق كەلبەتىنىڭ، قىستاق بەينەسىنىڭ اناعۇرلىم كوركەم بولۋىنا مۇمكىندىك جاساۋ ءۇشىن، ءمومىن نيزام ورتا تازالىعىن جالپىلىق رەتتەۋ - وڭاۋ قىزمەتىن ماڭىزدى قىزمەتتەردىڭ ءبىرى رەتىندە مىقتى ۇستاپ، قىستاق ”ەكى كوميتەتى“نىڭ ”كورىكتى اۋىل - قىستاق“ قۇرۋ ناقتى وي جەلىسىن تۇراقتاندىرۋىنا كومەكتەستى. ول تۇتاس قىستاقتىڭ ورتاسىن رەتتەۋ - وڭاۋدى تۇتاس قالاشىق ءوڭىرىنىڭ جوبا قۇرىلىسىمەن تىعىز بايلانىستىرىپ، قىستاق تۇرعىندارىن ورتا تازالىعىن رەتتەۋ - وڭاۋعا بەلسەنە ات سالىسۋعا جۇمىلدىرىپ، قىستاق تۇرعىندارىنىڭ قولداۋىنا يە بولدى.
پارتيا مۇشەسى، نەگىزگى ساتى كادرى رەتىندە، ءمومىن نيزام ءىس جۇزىندىك ارەكەتى ارقىلى قىستاق تۇرعىندارىن تۋىسىنا بالاۋداي سەرتىن امالياتتا ايگىلەدى. ”پارتيا مۇشەسى رەتىندە، بۇقارانىڭ ءتول مۇددەسىنە جانە ءىس جۇزىندىك قيىنشىلىعىنا ساياتىن ىستەر بولسا، بىزدەي قىستاقتا تۇراتىن كادرلار بۇلتارماي ويداعىداي شەشۋىمىز كەرەك، بۇل جاۋاپكەرشىلىك، ونان دا ماڭىزدىسى بورىش. ءبىز تەك بوس ءسوز سويلەمەي، ناقتى ىستەردى كوبىرەك ىستەيتىن بولساق، بۇقارا ءبىزدى ءوز ءۇيىنىڭ ادامدارىنداي كورەدى“، - دەدى ءمومىن نيزام.
