− پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ اشىلۋى بايلانىسىمەن
شينحۋا اگەنتتىگىنىڭ تىلشىلەرى زوۋ ۋي، لو جىڭگۋاڭ، ليۋ يجان، لين حۇي
جەر ءجۇزىن جاپپاي جونگە سالۋ ءالميساقتان قازىرگە دەيىن سانسىز ەل بيلەۋشىلەردىڭ تالىقپاي تالپىنىپ كەلگەن مۇراتى ءارى جۇڭگو كوممۋنيستىك پارتياسىنىڭ جۇڭگو حالقىن باستاپ بەل بۋىپ كەلگەن ۇمتىلىسى.
10 - ايدىڭ 28 - كۇنىنەن 31 - كۇنىنە دەيىن، جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى بەيجيڭدە اشىلادى. جۇڭگوشا سوتسياليستىك تۇزىمگە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ سياقتى ءبىرقانشا كەلەلى ماسەلەلەردى زەرتتەۋ − ءماجىلىستىڭ ايقىن نەگىزگى تاقىرىبى.
70 جىلدىق ايبىندى كۇشتى توپتاپ، جاڭا داۋىردە ارماندى سومداۋ جولىندا ەكپىندەي العا ىلگەرىلەدى.
ءداۋىر كۋا، تاريح ەستە ساقتايدى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتياعا، بۇكىل ەلدەگى ءار ۇلت حالقىنا جەتەكشىلىك ەتىپ، جۇڭگوشا سوتسياليستىك ءتۇزىمنىڭ اناعۇرلىم كەمەلدەنۋىن، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋعا قاراي قادام تاستاۋىن ىلگەرىلەتۋ ۇدەرىسىندە رەفورمادا جاڭالىق اشىپ، ءورىس اشا العا ىلگەرىلەپ، ”جۇڭگونىڭ جونگە سالۋى“نىڭ اناعۇرلىم جوعارى دەڭگەيىنە ۇزدىكسىز قادام تاستاپ، ءسوز جوق، پارتيا مەن مەملەكەت ىستەرىنىڭ قارىشتاپ دامۋىن، باياندى تىنىشتىقتى جۇزەگە اسىرىپ، ادامزاتتىڭ ءتۇزىم وركەنيەتىنە جۇڭگونىڭ جاڭا ۇلەسىن قوسادى.
■ جينالا - جينالا كۇش - قۋات بولىپ قالىپتاستى −
پارتيامىز حالىققا باسشىلىق ەتىپ ۇزدىكسىز ىزدەنىس جاساپ، ۇزدىكسىز امالياتتا ايگىلەپ، قۋاتتى ومىرشەڭ كۇشكە جانە وراسان زور باسىمدىققا يە ءتۇزىم مەن جونگە سالۋ جۇيەسىن قالىپتاستىرىپ، دۇنيە جۇزىندە سيرەك كەزدەسەتىن ەكونوميكالىق دامۋ كەرەمەتى مەن ساياسي ورنىقتىلىق كەرەمەتىن جاراتتى
التىن كۇزدە بەيجيڭ كورمە سارايى ادامعا لىق تولدى.
”ۇلى ۇدەرىس، شۇعىلالى جەتىستىك − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ كولەمدى جەتىستىكتەر كورمەسى“نە كەلگەن جۇرت ايبىندى دا دابىرالى ۋاقىت تۋنەلىن بويلاي جاڭا جۇڭگودا 70 جىلدان بەرى جارىققا شىققان دۇنيەنى جاڭارتقان زور وزگەرىستەردى كوردى.
حالىق قۇرىلتايى ءتۇزىمىن ورناتتى، پارتيانىڭ سايلاۋ تۇزىمىنە تاباندى بولدى جانە ونى كەمەلدەندىردى... ءبىر - بىرلەگەن كورمە تاقتالارى، كورمە بۇيىمدارى 70 جىلداعى دامۋ كەرەمەتىنىڭ استارىنداعى جۇڭگوشا سوتسياليستىك ءتۇزىمنىڭ العاش ورناتىلۋدان بىرتىندەپ كەمەلدەنۋگە، العا باسۋ جونىندە ىزدەنىس جاساۋدان اناعۇرلىم تولىسىپ، اناعۇرلىم تۇلعالانۋعا دەيىنگى ورلەۋ بۇرالاڭ جولدارىن ىقشامداپ كورسەتتى.
”جۇڭگو رەفورما جاساعاننان، ەسىك اشقاننان بەرى كوپتەگەن كەلەلى رەفورمالاردى جاساپ، جۇڭگونىڭ قارىشتاپ دامىپ، دۇنيە جۇزىندەگى ەكىنشى ۇلكەن ەكونوميكالىق تۇلعاعا اينالۋىنا مۇمكىندىك جاسادى، بۇل جۇڭگونىڭ جونگە سالۋ ءتۇزىلىسىنىڭ جوعارى ءونىمدى جانە تابىستى بولعاندىعىن تولىق دالەلدەدى“، - دەدى فرانسيانىڭ حالىقارالىق ماسەلەلەر مامانى، جۇڭگو - ەۆروپا تالقى مىنبەرىنىڭ قۇرۋشىسى داۆي گوسەت تەبىرەنە.
جۇڭگونىڭ كەڭ - بايتاق دالاسىندا تابان تىرەپ، جۇڭحۋا ۇلتىنىڭ ۇزاق ۋاقىت كۇرەس جۇرگىزۋ بارىسىندا جيناعان مادەنيەتىنىڭ ءنارىن الىپ، ادامزاتتىڭ ءتۇزىم وركەنيەتىنىڭ پايدالى جەتىستىكتەرىن قابىلداعان پارتيامىز حالىقتى باستاپ ۇزدىكسىز ىزدەنىس جاساپ، ۇزدىكسىز امالياتتا ايگىلەپ، سوتسياليستىك ءتۇزىمدى ورناتىپ جانە كەمەلدەندىرىپ، مەملەكەتتى جونگە سالۋدى ۇزدىكسىز كەمەلدەندىرىپ، تاريحي تابىستارعا قول جەتكىزدى.
ىزدەنۋ جولىندا باستان - اياق اقيقات الاۋىن بيىك كوتەرىپ، جۇڭگونىڭ قۇنارلى توپىراعىندا تەرەڭ تامىر تارتتىردى −
2019 - جىلى 9 - اي، بەيجيڭ، مەملەكەتتىك ساياسي كەڭەستىڭ زالىندا ساياسي كەڭەس گەربى بيىك ءىلىندى.
ورتالىقتىڭ ساياسي كەڭەس قىزمەتى ءماجىلىسى جانە جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسى وسى ارادا اشىلدى. جينالىسقا قاتىناسقانداردىڭ اراسىندا 90 جاستاعى تيان فۋدانىڭ وي - قيالى شارىقتاپ، ەرىكسىز 70 جىلدىڭ الدىنداعى جاعدايدى ەسكە الدى.
ول كەز 1949 - جىلدىڭ 9 - ايى ەدى، جۇڭنانحايدىڭ حۋايرىنتاڭ زالىندا جۇڭگو حالىق ساياسي ءماسليحات كەڭەسىنىڭ 1 - كەزەكتى جالپى ماجىلىسىندە ءار سالاداعى ايتۋلى ادامدار مەملەكەت قۇرۋ ۇلى ءىسىن بىرگە اقىلداستى. سول كەزدە 20 جاستاعى تيان فۋدا ماجىلىسكە قاتىناسقان ۋاكىل رەتىندە قۋانىشتى سەزىممەن، «جۇڭگو حالىق ساياسي ءماسليحات كەڭەسىنىڭ ورتاق تۇعىرناماسىن» تالقىلاپ، ۇلى وتاننىڭ جاڭا ءومىرىن ارماندادى...
ءتۇزىم − مەملەكەت جاعدايىن تابان تىرەر تياناق ەتۋ نەگىزىندە ۇزاق ۋاقىت دامۋدىڭ، بىرتىندەپ ىلگەرىلەۋدىڭ، جەتىلۋدىڭ، ىشكى وزگەرىستىڭ ناتيجەسى، كوشىرىپ اكەلىپ قوندىرىلعان ”فيلايفىڭ“نان ءۇمىت كۇتۋگە بولمايدى.
”ءوز ەلىمىزدىڭ توپىراعىندا تامىر تارتقان، تولىق ءنار العان ءتۇزىم عانا ەڭ سەنىمدى ءارى ەڭ جارامدى“ بولادى. باس شۋجي شي جينپيڭنىڭ ماڭىزدى تۇجىرىمى ادامدى قاتتى ويلاندىرادى.
حالىق قۇرىلتايى ءتۇزىمىن ورناتىپ حالىقتىڭ قوجايىن بولۋىنا كەپىلدىك ەتىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمى، ۇلتتىق وڭىرلىك اۆتونوميا ءتۇزىمى، سونداي - اق نەگىزگى ساتىداعى بۇقارانىڭ ءوزىن باسقارۋ ءتۇزىمى سياقتى نەگىزگى ساياسي تۇزىمدەردى كەمەلدەندىرىپ، جالپىلىق مەنشىكتى نەگىزگى تۇلعا ەتكەن، كوپ ءتۇرلى مەنشىكتەگى شارۋاشىلىق بىرگە داميتىن نەگىزگى شارۋاشىلىق ءتۇزىمى ۇستىندە ىزدەنىس جاسادى...
70 جىلدان بەرى، جۇڭگو كوممۋنيستىك پارتياسى جۇڭگو حالقىن باستاپ، ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرىپ، يدەيانى ازات ەتىپ، شىندىقتى ءىس جۇزىنەن ىزدەپ، اسا ناتيجەلى كەمەلدى جۇڭگوشا سوتسياليستىك ءتۇزىم جۇيەسىن قالىپتاستىرۋ ۇستىندە ىزدەنىس جاساپ، ”جۇڭگونىڭ جونگە سالۋى“نا ءتۇزىم ىرگە تاسىن قالادى.
ىزدەنۋ جولىندا باستان - اياق حالىقتى وزەك ەتۋگە تاباندى بولىپ، ەڭ كەڭ حالىقتىڭ ءتۇبىرلى مۇددەسىن تياناق ەتتى −
”سەندەردى قاتارعا قوسىلۋ قىستاعى دەپ اتاي ما؟ قاتارعا قوسىلدىڭدار ما؟“ حۋنان ولكەسى لۇڭشان اۋدانى قاتارعا قوسىلۋ قىستاعىنىڭ 51 جاستاعى تۇرعىنى لي حۇڭيۇن كەزىندە وسى ماسەلەگە قاتتى مازاسىزدانعان ەدى.
بۇگىندە، كەدەيلىك قالپاعىن الىپ تاستاعان لي حۇڭيۇن كوشەدە قاسقايىپ تۇرىپ: ”قازىر باسقالاردىڭ سۇراۋىن ارماندايمىن!“، - دەيدى.
دوڭگەلەك داۋلەت جولىنداعى كۇلكى ەسكەن جۇزدەردىڭ ار جاعىندا جۇڭگو كوممۋنيستىك پارتياسىنىڭ باسشىلىعىنداعى كەدەيلىكتەن ارىلتۋدان قامال الۋدىڭ تاسقىنداتقان وراسان زور ەنەرگياسى، اسىرەسە، حالىقشىلدىقتى ايقىن ەرەكشەلىك ەتكەن ءبىر قىدىرۋ تۇزىمدىك ورنالاستىرۋ جاتىر.
”ءبىر بالانى دا وقۋدان قالدىرمايتىن“ مىندەتتى وقۋ - اعارتۋ تۇزىمىنەن ”بالكۇلشەنى ۇلكەن جاساۋ، اسىرەسە، بالكۇلشەنى جاقسى ءبولۋ“ سىندى كىرىس ءبولىسى تۇزىمىنە، ارى قاراي حالىق تۇرمىسىنىڭ تومەنگى شەگىن شىن مانىندە قامتاماسىزداندىرۋ سىندى قوعامدىق قامتاماسىزداندىرۋ تۇزىمىنە دەيىن... ءتۇزىم سۇپ - سۋىق قۇرال ەمەس، جۇرەكتى جىلىتاتىن جىلى شۋاق بولدى.
بارلىعىندا حالىق ءۇشىن ىستەۋگە تاباندى بولىپ، حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋ مەن ادامنىڭ جان - جاقتى دامۋىن جۇزەگە اسىرۋدى قۇن بەتالىسىنىڭ تۇپكى تياناعى ەتىپ، جۇڭگوشا سوتسياليستىك تۇزىمگە ەڭ جاقسى تۇسىنىك بەردى.
ىزدەنۋ جولىندا باستان - اياق داۋىرمەن بىرگە العا باسۋدى جالعاستىردى، ودان تايمادى − پاراسات يەسى داۋىرمەن بىرگە وزگەرەدى، ءبىلىم يەسى ىسكە قاراي امال جاسايدى. وندىرگىش كۇشتەردىڭ دامۋىنا ۇيلەسپەتىن ءتۇزىلىس - مەحانيزمگە سايكەس، رەفورما جاساۋ، ەسىك اشۋ جولىنا تۇسكەن جۇڭگو كوممۋنيستەرى ەرەكشە ساياسي ەرلىكپەن ”نازارياداعى تيىم سالىنعان ءوڭىر“دى تالقانداپ، نەگىزگى شارۋاشىلىق تۇزىمىنە ۇزدىكسىز تۇردە جاڭا داۋىرلىك ءمان قوستى.
ۋاقىت پەن اۋقىمدى انىق اڭعارىپ، ”ءتۇزىم“ مەن ”جونگە سالۋ“دى تۇتاستىرىپ، دامۋدىڭ ”وزگەرۋى“ مەن ”وزگەرمەۋىن“ تەرەڭ يگەردى، پارتيا 18 - قۇرىلتايىنان بەرى، پارتيامىز حالىققا باسشىلىق ەتىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جۇڭگوشا سوتسياليستىك ءتۇزىمنىڭ اناعۇرلىم كەمەلدەنۋىن، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋ دەڭگەيىنىڭ كورنەكتى تۇردە جوعارىلاۋىن ىلگەرىلەتتى −
جۇيە كەمەلدى بولدى، پارتيانىڭ باسشىلىعىن جانە ەكونوميكا، ساياسي، مادەنيەت، قوعام، ەكولوگيالىق وركەنيەت، اسكەري ىستەر، سىرتقى ىستەر سياقتى جاقتاردى قامتىدى؛
عىلمي ارناعا ءتۇستى، ءتۇرلى تۇزىمدەر ۇيلەسىمدى ورنالاستىرىلدى، ءتارتىبى قاتاڭ بولدى، ءتۇرلى تۇزىمدەر ءوزارا ۇلاستى؛
اتقارىلۋى ءونىمدى بولدى، تۇزىمدەر سايكەستى، ىركىلىسسىز، ءتارتىپتى ءجۇرىلىپ، ”حيميالىق رەاكسيا“ ۇزدىكسىز تۋىلىپ، جالپىلىق بىرىككەن كۇش قالىپتاستى...
توپىراق توقتاۋسىز جينالىپ توبە قالىپتاسادى.
جۇڭگونىڭ مەملەكەت جاعدايىن ارقاۋ ەتكەن، اماليات بارىسىندا دامىپ، ۇلعايعان، قۋاتتى ومىرشەڭ كۇش پەن وراسان زور باسىمدىقتى كۇن سايىن ايگىلەگەن ”جۇڭگونىڭ جونگە سالۋى“ ايبىندى دا دابىرالى ۇدەرىستە كوركەم داستان جازدى.
■ بيىككە شىقساڭ الىستى كورەسىڭ −
ءجۇز جىلدا بولماعان زور وزگەرىس جاعدايىندا، ۇلتتىڭ گۇلدەنۋىنىڭ شەشۋشى كەزەڭىنە جەتكەندە، ءسوز جوق، جۇڭگوشا سوتسياليستىك تۇزىمگە تاباندى بولۋعا جانە ونى كەمەلدەندىرۋگە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە اناعۇرلىم زور كۇش سالۋ كەرەك
بىرنەشە كۇننىڭ الدىندا، ەۆروپا ورتالىق بانكەسىنىڭ باستىعى دراعي مىندەت مەرزىمىنىڭ ىشىندەگى ەڭ سوڭعى ءبىر رەتكى اقشا ساياساتى جونىندەگى داعدىلى ءماجىلىستى اياقتاتتى.
ەكونوميكانىڭ ارتۋىنىڭ توقىراۋعا تاياۋى، جۇمىستانۋدىڭ ارتۋىنىڭ باسەڭدەۋى، اقشانىڭ قۇنسىزدانۋىنىڭ ۇزدىكسىز كۇشەيۋى، ەكونوميكانىڭ كەلەشەگىنە دەگەن تورىعۋ كوڭىل كۇيىنىڭ كۇن سايىن كۇشەيۋى دراعيدىڭ ءىزباسارى ۇزدىكسىز ءدوپ كەلەتىن ەۆرو رايونى قيىنشىلىعى الا كەلگەن قيىن ماسەلە.
نازاردى شىعىسقا اۋدارايىق. الدىڭعى 3 توقساندا ىشكى ءوندىرىسىتىڭ جالپى ءونىم قۇنى ％6.2 ارتتى، تۇتىنۋدىڭ ارتۋعا قوسقان ۇلەس مولشەرى ％60تەن استى، تۇتاس جىلداعى جاڭادان جۇمىستاندىرۋ نىساناسى نەگىزىنەن ورىندالدى... جۇڭگو ەكونوميكاسىنىڭ ”3 توقسانداعى مالىمەتى“ قىسىم استىندا اناعۇرلىم جوعارى سەرپىمدىلىك بايقاتتى.
جۇڭگو ەكونوميكاسىنىڭ ورنىقتى بولۋى پارمەندى، ۇتىمدى ماكرولىق رەتتەۋ - تىزگىندەۋدىڭ ناتيجەسى، سوتسياليستىك بازار شارۋاشىلىعى ءتۇزىلىسىن ۇزدىكسىز كەمەلدەندىرۋدىڭ ناتيجەسى.
”ءبىز بۇرىن جان سانى پايداسىنا يە بولدىق ءارى ۇزاق ۋاقىت رەفورما تيىمدىلىگىنە كەنەلدىك، ەگەر سوتسياليستىك ءتۇزىمنىڭ ءوزىن - ءوزى كەمەلدەندىرۋ جولىندا ءتىپتى دە كوپ، ءتىپتى دە جاقسى ونىمگە قول جەتكىزسەك، اناعۇرلىم زور تۇزىمدىك پايدا الا كەلەدى“، - دەدى ورتالىق پارتيا تاريحى جانە حۇجاتتار زەرتتەۋ ورنىنىڭ زەرتتەرمەنى چىن جين.
كىشى پاراسات ءىستى جونگە سالادى، ۇلكەن پاراسات ءتۇزىمدى جونگە سالادى.
6 جىلدىڭ الدىندا، پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى بۇرىن بولىپ كورمەگەن رەفورما جوباسىن ايشىقتاپ، بۇرىن بولىپ كورمەگەن ايبىندى نىسانا بەلگىلەدى − جۇڭگوشا سوتسياليستىك ءتۇزىمدى كەمەلدەندىرىپ جانە دامىتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ.
بۇل ”ونەركاسىپ، اۋىل شارۋاشىلىعى، مەملەكەت قورعانىسى، عىلىم - تەحنيكا“ ءتورتتى وسىزامانداندىرۋدان كەيىنگى پارتيامىز العا قويعان تاعى ءبىر وسىزامانداندىرۋ ستراتەگيالىق نىساناسى، سوتسياليستىك جۇڭگونىڭ ۇزدىكسىز العا ىلگەرىلەۋىنە جەتەكشىلىك ەتەدى.
6 جىلدان كەيىنگى بۇگىن، مەملەكەتتى جونگە سالۋدى وسىزامانداندىرۋدى بەتكە الىپ ەكپىندەي ىلگەرىلەگەن جۇڭگو قازىر قانداي جاڭا باستامادا تۇر؟
بارعان سايىن كەمەلدەنگەن سوتسياليستىك دەموكراتيالىق ساياسي ءتۇزىم، ەڭ كەڭ كولەمدە، ەڭ شىنايى، ەڭ جارامدى دەموكراتيانى جۇزەگە اسىرۋدى ىلگەرىلەتتى؛ نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن كەمەلدەندىرىپ جانە دامىتىپ، زاڭمەن جونگە سالىناتىن جۇڭگونى قۇلشىنا قۇردى؛ ءبىر قىدىرۋ تۇزىمدىك ورنالاستىرۋلارعا سۇيەنىپ، دامۋ جەتىستىكتەرىنىڭ اناعۇرلىم كوپ، اناعۇرلىم ءادىل تۇردە جالپى حالىققا تيىمدىلىك جەتكىزۋىنە شىنايى كەپىلدىك ەتتى؛ بارعان سايىن كەمەلدەنگەن سىرتقا ەسىك اشۋ ءتۇزىمى ارقىلى الەمدىك ەكونوميكانىڭ دامۋىمەن ىشكەرىلەي توعىستى...
جۇڭگونىڭ جونگە سالۋى ساياساتتىڭ ورنىقتىلىعىنا، ەكونوميكانىڭ دامۋىنا، مادەنيەتتىڭ گۇلدەنۋىنە، ۇلتتار ىنتىماعىنا، قوعام تىنىشتىعىنا، مەملەكەتتىڭ تۇتاستىعىنا پارمەندى كەپىلدىك ازىرلەۋدە.
مەملەكەتتى جونگە سالۋدى وسىزامانداندىرۋدى بەتكە الىپ ەكپىندەي ىلگەرىلەگەن جۇڭگو تاعى قانداي سىن - سايىستارعا ءدوپ كەلەدى؟
دۇنيە جۇزىنە اينالا كوز جىبەرسەك، ءجۇز جىلدا بولماعان زور وزگەرىس تولقىنىنىڭ كۇشەيۋى مەن باسەڭدەۋى اراسىندا، حالىقارالىق فينانس داعدارىسىنىڭ ىقپالى ءالى دە تاراماي، جاھاندانۋ اياق الىسى كەرى اعىسقا ۇشىراپ، جاڭا تەحنيكا، جاڭا كاسىپ توڭكەرىسى دامۋ ۇستانىم ۇلگىسىندەگى تەرەڭ وزگەرىستى تۋدىرىپ، جاڭا كەزەك زور دامۋ، زور وزگەرىس، زور رەتتەلۋ جاقىنداپ كەلەدى...
نازاردى ءوز بويىمىزعا شوعىرلاندىرساق، سوتسياليزمنىڭ باستاپقى كەزەڭىندە تۇرۋ ءارى ۇزاق ۋاقىت تۇرۋ نەگىزگى مەملەكەت جاعدايى، قوعامنىڭ نەگىزگى قايشىلىعى بۇرىلىسىنىڭ ىقپالى تەرەڭ بولدى، ءتۇرلى سىن - سايىستار مەن حاۋىپ - قاتەرلەر ايقاسا قاباتتاستى، رەفورما، دامۋ، ورنىقتىلىق مىندەتى اۋىر بولدى.
ءتىپتى دە كوپ ”دامىعاننان كەيىنگى ماسەلەلەر“ شەشۋدى كۇتۋدە:
تەرەڭ سۋ اۋماعىنا كىرگەن رەفورما ونىمدىلىككە شىنايى كەپىلدىك ەتۋمەن بىرگە، ادىلدىكتى قورعاۋدى، باسەكەگە شابىتتاندىرۋمەن بىرگە، تومەنگى شەكتى قامتاماسىز ەتۋدى، پارىقتارعا قۇرمەت ەتۋمەن بىرگە، ورتاق تانىم ۇيىستىرۋدى بۇرىنعىدان ارمان قاجەت ەتۋدە؛
جوعارى ساپالى دامۋعا قادام باسقاندا، ونىمەن ۇيلەسەتىن كورسەتكىش جۇيەسى، ساياسات جۇيەسى، ولشەم جۇيەسى سياقتىلاردى جەدەل قالىپتاستىرىپ، ءتۇزىم ورتاسىن كەمەلدەندىرىپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋدى شۇعىل قاجەت ەتۋدە...
حالىقتىڭ تاماشا تۇرمىسقا دەگەن ءتىپتى دە كوپ تالپىنىسى جاۋاپ قاتۋدى شۇعىل كۇتۋدە:
شاپشاڭ جەتكەن قارتتانعان قوعام الدىندا، زور مولشەردەگى قارتتاردىڭ قارتايعاندا كۇتىمى بولۋدى، قارتايعاندا سۇيەنىشى بولۋدى، قارتايعاندا قۋانىشى بولۋدى، قارتايعاندا تىنىشتىعى بولۋدى قالاي جۇزەگە اسىرۋ كەرەك؟
”تۇراقتاپ قالا المايتىن قالا“ مەن ”قايتا قايتىپ بارا المايتىن اۋىل - قىستاق“ الدىندا، اۋىل شارۋاشىلىعىنان باسقا كاسىپكە ويىسقان ءجۇز ميلليونداعان جان سانىنىڭ ”كوڭىلىم قايدا تىنىش بولسا سول مەنىڭ مەكەنىم“ دەيتىن ارمانىن قالاي قاز - قالپىندا جۇزەگە اسىرۋ كەرەك؟
....
ءتۇزىم ماسەلەنى شەشۋدىڭ كىلتى، جونگە سالۋدىڭ نەگىزى.
مەملەكەتتى جونگە سالۋدى وسىزامانداندىرۋدى بەتكە الىپ ەكپىندەي ىلگەرىلەۋدە ءداۋىردىڭ وزگەرىسىنە اناعۇرلىم جاقسى سايكەسىپ، حالىقتىڭ تىلەگىنە اناعۇرلىم جاقسى ۇيلەسىپ، اناعۇرلىم عىلمي، كەمەلدى ءتۇزىم ارقىلى ”ۇكىمەت ىستەرىن باسقارۋدا قاعيدا بولۋدى، ۇكىمەت ىستەرىن باسقارۋدا ءتارتىپ بولۋدى“ جۇزەگە اسىرۋ كەرەك.
31 - ورىن!
دۇنيە ءجۇزى بانكەسى جاقىندا جاريالاعان «الەمدىك شارۋاشىلىق - ساۋدا ورتاسى مالىمەتى 2020»دا كورسەتىلۋىنشە، جۇڭگو 15 ورىن الدىعا جوعارىلاپ، تۇڭعىش رەت الەمدىك شارۋاشىلىق - ساۋدا ورتاسى قاتارىندا الدىڭعى 40تىڭ ىشىنە كىردى.
”باۋرام كۇشى“ ۇزدىكسىز جوعارىلاۋدىڭ ار جاعىندا ”تومەنگە بەرۋ، باسقارۋ، قىزمەت وتەۋ“ رەفورماسىنىڭ ۇزدىكسىز تەرەڭدەۋى، شارۋاشىلىق - ساۋدا ورتاسىنىڭ ءتۇرلى ءتۇزىم، ورنالاستىرۋلارىنىڭ تياناقتانىپ تامىر تارتۋى جاتىر: بەيجيڭدە ءبىر ساعاتقا جەتپەيتىن ۋاقىتتا كونە ۇيلەردى وتكەرمەلەپ تىركەۋ راسمياتى ورىندالادى؛ شىنجىندا كاسىپورىن تيجارت كۋالىگىن ”سەكۋندتا بەكىتۋ“ جۇزەگە استى...
بۇل تەڭگە اقشانىڭ ەكى بەتى سياقتى. ءتۇزىمنىڭ جاقسى - جامان بولۋى دامۋدىڭ ساپالى - ساپاسىز بولۋىن بەلگىلەيدى، دامۋدىڭ اياق الىسى دا ءتۇزىمنىڭ ىلگەرىلەۋىن جەبەيدى.
پارتيا مەن مەملەكەت ىستەرىنىڭ دامۋىنىڭ كۇن سايىن جاڭارىپ، اي سايىن تۇلەجىپ وتىرۋىمەن سايكەس، ءتۇزىمنىڭ وسىزاماندانۋى جاڭا ءداۋىر تاقىرىبىنا اينالدى.
”مەملەكەتتى جونگە سالۋدى وسىزامانداندىرۋ دەگەنىمىز ءتۇزىم، زاڭ سياقتىلاردىڭ وسى زامانعى ساياسيدىڭ فاكتورلارى رەتىندە ۇزدىكسىز، ءۇزىلىسسىز تومەن دارەجەدەن جوعارى دارەجەگە قاراي كەسەك وزگەرۋىن بىلدىرەدى“، - دەدى چيڭحۋا داشۋەسى مەملەكەت جاعدايىن زەرتتەۋ ورنىنىڭ باستىعى حۋ انگاڭ، - بۇل بارىس، ءسوز جوق، ۇزدىكسىز دارەجە جوعارىلايتىن، كۇشەيەتىن بارىس.
كۇندە ىلگەرىلەمەگەن، ءسوز جوق، كۇندە شەگىنەدى. وندىرگىش كۇشتىڭ دامۋىنا تۇساۋ بولاتىن ءتۇزىلىس - مەحانيزمدىك ولقىلىقتاردى ۇزدىكسىز جويىپ، داۋىرمەن بىرگە العا باسۋ بارىسىندا ءتۇزىمدى ونان ارى كەمەلدى، ونان ارى تۇلعالى ەتكەندە عانا، جۇڭگوشا سوتسياليستىك ءتۇزىم ونان ارى كەمەلدەنىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيى ىشكەرىلەي جوعارىلايتىن بولادى.
وزگەرىپ وتىرعان جاعداي مەن مىندەت، وزگەرمەيتىن ارمان مەن بورىش.
ءداۋىر كوورديناتاسىن ۇزارتىپ، سوتسياليستىك وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءجۇز جىلدىق ساپارىن كوزدە ۇستادى، العا ىلگەرىلەۋ جولى اناعۇرلىم ايقىندالدى −
”اناعۇرلىم كەمەلدەنگەن، اناعۇرلىم تۇلعالانعان ءتۇزىم قالىپتاستىرۋدان قاراعاندا، ەلىمىز سوتسياليزم امالياتىنىڭ الدىڭعى بولىگىن ءجۇرىپ بولدى، الدىڭعى بولىكتەگى ءبىزدىڭ باستى تاريحي مىندەتىمىز سوتسياليستىك نەگىزگى ءتۇزىم ورناتۋ ءارى وسى نەگىزدە رەفورما جاساۋ“.
”كەيىنگى بولىكتە ءبىزدىڭ باستى تاريحي مىندەتىمىز جۇڭگوشا سوتسياليستىك ءتۇزىمدى كەمەلدەندىرىپ جانە دامىتىپ، پارتيا مەن مەملەكەت ىستەرىنىڭ دامۋى ءۇشىن، حالىقتىڭ باقىتتى، ساۋ - سالامات بولۋى ءۇشىن، قوعامنىڭ جاراسىمدى، ورنىقتى بولۋى ءۇشىن، مەملەكەتتىڭ باياندى تىنىشتىعى ءۇشىن اناعۇرلىم كەمەلدى، اناعۇرلىم ورنىقتى، اناعۇرلىم جارامدى تۇزىمدىك جۇيە ازىرلەۋ“.
باس شۋجي شي جينپيڭنىڭ اسقاق ءسوزى ءبىر ساياسي پارتيانىڭ، ءبىر مەملەكەتتىڭ، ءبىر ۇلتتىڭ جاراتقان شۇعىلاسىن كورسەتتى، جاڭا ۇلى ساپاردى دا باستادى.
2 جىلدىڭ الدىندا، پارتيا 19 - قۇرىلتايى سوتسياليستىك وسىزاماندانعان قۇدىرەتتى مەملەكەتتى جاپپاي قۇرىپ شىعۋدىڭ ۋاقىت كەستەسىن، جول كارتاسىن ايقىن سىزدى −
2020 - جىلدان 2035 - جىلعا دەيىن جاپپاي دوڭگەلەك داۋلەتتى قوعام ورناتۋ نەگىزىندە تاعى 15 جىل كۇرەس جاساۋ ارقىلى سوتسياليستىك وسىزامانداندىرۋدى نەگىزىنەن جۇزەگە اسىرۋ. 2035 - جىلدان وسى عاسىردىڭ ورتا شەنىنە دەيىن وسىزاماندانۋ نەگىزىنەن جۇزەگە اسقان نەگىزدە، تاعى 15 جىل كۇرەس جاساۋ ارقىلى ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ.
جۋىردا اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى وسىمەن ۇيلەسەتىن ”جۇڭگونىڭ جونگە سالۋ“ىنىڭ ۋاقىت كەستەتىن، جول كارتاسىن ايقىن العا قويدى −
پارتيامىز قۇرىلعاندىعىنىڭ 100 جىلدىعى كەزىندە، ءار جاقتى ءتۇزىمدى اناعۇرلىم كەمەلدەندىرۋ، اناعۇرلىم تۇلعالاندىرۋ جاعىندا كورنەكتى ناتيجەگە قول جەتكىزۋ؛ 2035 - جىلعا جەتكەندە، ءارجاقتى ءتۇزىمدى اناعۇرلىم كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى نەگىزىنەن جۇزەگە اسىرۋ؛ جاڭا جۇڭگو قۇرىلعاندىعىنىڭ 100 جىلدىعى كەزىندە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جاپپاي جۇزەگە اسىرىپ، جۇڭگوشا سوتسياليستىك ءتۇزىمدى اناعۇرلىم بەكەمدەۋ، باسىمدىعىن تولىق ايگىلەۋ.
ءداۋىر اعىمىنا ۇيلەسىپ، ەلىمىز قوعامىنىڭ باستى قايشىلىعىنىڭ وزگەرىسىنە سايكەسىپ، ۇلى كۇرەستەردى، ۇلى ينجەنەريالاردى، ۇلى ىستەردى، ۇلى ارماندى جاپپاي مەڭگەرىپ، حالىقتىڭ تاماشا تۇرمىسقا دەگەن جاڭا ءۇمىتىن ۇزدىكسىز قاناعاتتاندىرىپ، العا ىلگەرىلەۋ جولىنداعى ءتۇرلى حاۋىپ - قاتەرلەر مەن سىن - سايىستاردى جەڭۋ...
بۇل قيىن ماسەلەلەردى شەشىپ، جاڭا تاريح جاراتۋ ءبىزدىڭ ورايدى قولدان بەرمەي، ەلەۋلى ماسەلەلەرگە زەرتتەۋ جۇرگىزۋدى كۇشەيتىپ، جۇڭگوشا سوتسياليستىك تۇزىمگە تاباندى بولىپ جانە ونى كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە اناعۇرلىم زور قادامدار باسۋىمىزدى قاجەت ەتەدى.
■ تىنباي ورلەۋ −
پارتيانىڭ باسشىلىعىنا تاباندى بولىپ، ءتۇزىم سەنىمىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جاپپاي جۇزەگە اسىرۋعا قاراي ارشىندى قاداممەن العا ىلگەرىلەپ، جۇڭگوشا سوتسياليستىك ءتۇزىمدى اناعۇرلىم بەكەمدەپ، باسىمدىعىن تولىق ايگىلەدى
ارمان الدا، جول تابانىمىزدىڭ استىندا.
توتەنشە كەرەمەت باسىپ وتكەن جولدارعا قايىرىلا قاراساق، گۇلدەنۋگە باستايتىن الداعى جولدارعا كوز سالساق، ءبىزدىڭ ءارقانداي كەزدەگىدەن، ءارقانداي كەزەڭدەگىدەن ءتۇزىم سەنىمىن بەكەمدەپ، ”جۇڭگونىڭ جونگە سالۋ“ىنىڭ جاڭا ءورىسىن ۇزدىكسىز اشىپ، ارمان قۋاتىن جاڭا ساپار ءۇشىن قۇدىرەتتى كۇش - قۋات ۇيىستىرۋدى ونان ارمان قاجەت ەتەدى.
”جۇڭگونىڭ جونگە سالۋ“ىنىڭ جاڭا ءورىسىن اشۋدا جۇڭگو كوممۋنيستىك پارتياسىنىڭ باسشىلىعى سىندى ەڭ ۇلكەن باسىمدىققا تاباندى بولۋدان تيتتەي دە اۋىتقىماۋ كەرەك −
”ايبىندى دا دابىرالى، كەڭ اۋقىمدى، ءتارتىپتى، ادەپ - يبا مەن شاتتىق توعىسقان“، تاياۋدا عانا اياقتاعان مەملەكەت مەرەكەسىنىڭ 70 جىلدىعىن قۇتتىقتاۋ قيمىلى كەرەمەت مەملەكەتتىك ۇلكەن سالتاناتپەن كۇللى الەمدى قايران قالدىردى.
يسپانيا «مەملەكەت گازەتىنىڭ» سايتى: ”بۇل بۇرىنعى ءارقانداي كەزدەگىنىڭ بارىنەن الدەقايدا قۇدىرەتتى، جاسامپازدىق قابىلەتى الدەقايدا كۇشتى جانە الدەقايدا ايبىندى مەملەكەت“، - دەپ شولۋ جاسادى.
جۇڭگو قوعامدىق عىلىمدار اكادەمياسى تاياۋ زامان تاريحىن زەرتتەۋ ورنى پارتكومىنىڭ ورىنباسار شۋجيى جين مينچيڭ: ”شەشۋشىسى، جۇڭگو كوممۋنيستىك پارتياسىنىڭ پارمەندى باسشىلىعىندا عانا، وسىنشاما مىعىم ۇيىمداستىرۋ قابىلەتىنە يە بولدى“، - دەپ قارادى.
جۇڭگوشا سوتسياليزمنىڭ ەڭ ماندىك ەرەكشەلىگى − جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليستىك ءتۇزىمىنىڭ ەڭ ۇلكەن باسىمدىعى دا جۇڭگو كوممۋنيستىك پارتياسىنىڭ باسشىلىعى.
70 جىلدان بەرى، باستان - اياق پارتيانىڭ ورتالىقتانعان ءبىر تۇتاس باسشىلىعىنا تاباندى بولعاندىقتان عانا، ءبىز بىرىنشىدەن كەدەي، ەكىنشىدەن اق كۇيدەن سوتسياليستىك ءتۇزىمدى بايىرعى شىعىستاعى ءىرى ەلدە تەرەڭ تامىر تارتقىزىپ، جاڭاشا ۇلگىدەگى مەملەكەت ءتۇزىمى مەن مەملەكەتتى جونگە سالۋ جۇيەسىن جۇڭحۋانىڭ كەڭ - بايتاق دالاسىندا كەمەلدەندىرىپ، دامىتىپ، سانسىزداعان جاپا - ماشاقاتتى باستاپ وتكىزىپ، تولىقسىتىپ، قۇلپىرتا تۇستىك.
بولاشاقتى بەتكە العاندا، ءبىزدىڭ، ءسوزسىز، پارتيانىڭ باسشىلىعىنا تيتتەي دە اۋىتقىماي تاباندى بولۋىمىز، پارتيانىڭ باسشىلىعىن رەفورما، دامۋ، ورنىقتىلىق، ىشكى ساياسات، ديپلوماتيا، مەملەكەت قورعانىسى، پارتيانى جونگە سالۋ، مەملەكەتتى جونگە سالۋ، ارميانى جونگە سالۋ سياقتى ءتۇرلى سالالاردا دايەكتىلەندىرۋمەن جانە بەينەلەۋمەن بىرگە، باستان - اياق پارتيانىڭ باسشىلىعىندا جۇڭگوشا سوتسياليستىك تۇزىمگە تاباندى بولۋىمىز جانە ونى كەمەلدەندىرۋىمىز، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيىن ۇزدىكسىز ءوسىرىپ، جۇڭگوشا سوتسياليزم ىستەرىن باستان - اياق بەتالىستان جازباي، نىق قاداممەن الىستارعا جەتكىزۋىمىز كەرەك.
”جۇڭگونىڭ جونگە سالۋ“ىنىڭ جاڭا ءورىسىن اشۋدا حالىقتى وزەك ەتۋگە تاباندى بولىپ، ءتۇرلى تۇزىمدەردى جوبالاۋدا حالىقتىڭ قوجايىن بولۋىنا تولىق كەپىلدىك ەتۋگە شىنايى كەپىلدىك ەتۋ كەرەك −
بيىل مەملەكەتتىك حالىق قۇرىلتايىنىڭ ۋاكىلى، ”80 - جىلداردىڭ تۇلەگى“ كومىر كەن جۇمىسشىسى دۇڭ ليننىڭ كومىر كەن جۇمىسشىلارىنا ”جارشى“ بولعاندىعىنىڭ 7 - جىلى.
بىرنەشە جىلدان بەرى، ول كومىر كەن قۇدىقتارىنىڭ استىنداعى جاپالى قىزمەتتىك قوسىمشا قاراجاتتان جەكەلەر تابىس سالىعىن الماۋ كەڭەستىك ۇسىنىسىن ءۇرتىس العا قويىپ، ساياساتتىڭ تياناقتاندىرىلىپ، ءونىمدى بولۋىن ىلگەرىلەتتى.
حالىقتىڭ قوجايىن بولۋى − سوتسياليستىك دەموكراتيالىق ساياسيدىڭ ءمانى جانە وزەگى. ەلىمىزدىڭ نەگىزگى زاڭىندا: ”جۇڭحۋا حالىق رەسپۋبليكاسىنىڭ بارلىق ۇقىعى حالىققا ءتان“ دەپ ايقىن بەلگىلەنگەن.
مىنە وسىنداي ءتۇزىم جوباسى بار بولعاندىقتان، شىن جيلان سياقتى قاراپايىم شارۋا مەملەكەتتىڭ ءتۇبىرلى ءىرى زاڭىنا وزگەرىس ەنگىزۋگە ىقپال جاسادى، شارۋا جۇمىسكەر، جەدەل جەتكىزۋشى سياقتىلار مەملەكەتتىڭ ءىرى جوسپارلارىن بىرگە اقىلداسۋعا قاتىناسا الدى.
حالىق اراسىندا تەرەڭ تامىر تارتقاندىقتان، ەلىمىزدىڭ مەملەكەت ءتۇزىمى حالىقتىڭ ەركىن ءونىمدى بەينەلەدى، حالىقتىڭ ۇقىق - مۇددەسىن قامتاماسىز ەتتى، حالىقتىڭ اقىل - پاراساتىن ۇيىستىردى، مەملەكەتتىڭ ۇكىمەت ىستەرىن اقىلداساتىن سارايلارىنان تارتىپ اتىز باستارىنا دەيىن، بارىندە ”جۇڭگونىڭ جونگە سالۋ“ىنىڭ داۋىرلىك كورىنىستەرى كورىندى.
العا ىلگەرىلەۋ جولىندا ءبىز، ءسوزسىز، باستان - اياق حالىقتى وزەك ەتۋ سىندى قۇن بەتالىسىنا تاباندى بولىپ، باستان - اياق حالىقتىڭ قوجايىن بولۋىنا كەپىلدىك ەتۋدى ءتۇرلى مەملەكەت ءتۇزىمىن جوبالاۋدا جانە جونگە سالۋ جۇيەسى قۇرىلىسىندا تياناقتاندىرۋىمىز، دەموكراتيالىق ءتۇزىمدى ۇزدىكسىز اقاۋسىزداندىرىپ، دەموكراتيا ارناسىن كەڭەيتىپ، دەموكراتيا فورماسىن بايىتىپ، زاڭمەن جونگە سالۋدى قامتاماسىز ەتۋدى كەمەلدەندىرىپ، مەملەكەت ءتۇزىمىن جوبالاۋ جانە جونگە سالۋ قىزمەتىن بەرىك ەل رايى نەگىزىنە يە ەتىپ، حالىق بۇقاراسىنىڭ ءون بويىندا جاتقان جاسامپازدىق ۇلى كۇشتى تولىق تاسقىنداتۋىمىز كەرەك.
”جۇڭگونىڭ جونگە سالۋ“ىنىڭ جاڭا ءورىسىن اشۋدا مەملەكەتتى زاڭ بويىنشا جاپپاي جونگە سالۋعا تاباندى بولىپ، پارتيا مەن مەملەكەتتىڭ باياندى تىنىشتىعىنىڭ ىرگە تاسىن بەكەمدەۋ كەرەك −
10 - ايدىڭ 21 - كۇنى 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 14 - رەتكى ءماجىلىسى ازاماتتىق ىستەر زاڭناماسىنىڭ ۇيلەنۋ، وتباسى ءبولىمىن قۇراستىرۋ جوباسىن ۇزدىكسىز قارادى، بۇل جالپى حالىققا قاتىستى وسى نەگىزدىك زاڭنىڭ 3 - رەت قارالۋى.
جاڭا جۇڭگو قۇرىلعاننان كەيىن شىعارىلعان ءبىرىنشى زاڭ رەتىندە، ۇيلەنۋ زاڭى جاسالعاننان تارتىپ قايتا - قايتا وزگەرىس ەنگىزىلگەنگە دەيىن، ەلىمىزدىڭ زاڭمەن جونگە سالۋ قۇرىلىسىنىڭ ۇزدىكسىز دامۋ، العا باسۋ اياق الىسىن بەينەلەدى.
مەملەكەتتى زاڭمەن جونگە سالۋ − ءبىر مەملەكەتتىڭ وسىزاماندانۋعا بەت الۋىنىڭ ماڭىزدى بەلگىسى، ونان دا ماڭىزدىسى، جۇڭگو كوممۋنيستىك پارتياسىنىڭ حالىققا باسشىلىق ەتىپ، مەملەكەتتى جونگە سالۋىنىڭ نەگىزگى جالپى جوباسى.
جاڭا جۇڭگو قۇرىلعان 70 جىلدان بەرى، پارتيامىز حالىققا باسشىلىق ەتىپ، ۇزدىكسىز ىزدەنىس جاساپ، امالياتتان وتكىزىپ، جۇڭگوشا سوتسياليستىك مەملەكەت ءتۇزىمىن جانە زاڭ ءتۇزىمىن بىرتىندەپ قالىپتاستىرىپ، زامانىمىزداعى جۇڭگونىڭ دامۋى، العا باسۋى ءۇشىن ءتۇبىرلى كەپىل ازىرلەدى.
كەزەكتە رەفورما، دامۋ، ورنىقتىلىق زاڭمەن جونگە سالۋدىڭ كەپىلدىك ەتۋىنەن ايرىلا المايدى، ەكونوميكالىق، قوعامدىق قۇرىلىس زاڭمەن جونگە سالۋدىڭ قورعاۋىنا مۇقتاج، بۇقارانىڭ اماندىعى، ىرىس - قۇتى زاڭمەن جونگە سالۋ ارقىلى قورعالادى.
”جاڭا ساپاردا مەملەكەتتى جاپپاي زاڭمەن جونگە سالۋعا تاباندى بولعاندا، زاڭمەن جونگە سالىناتىن مەملەكەتتى، زاڭمەن جونگە سالىناتىن ۇكىمەتتى، زاڭمەن جونگە سالىناتىن قوعامدى ءبىر تۇلعالاندىرۋ قۇرىلىسىنا تاباندى بولعاندا، مەملەكەتتى زاڭمەن جونگە سالۋ مەن مەملەكەتتى مورالمەن جونگە سالۋدى ءوزارا ۇشتاستىرۋعا تاباندى بولعاندا، قوعامدىق ومىرشەڭدىك كۇشتى ۇزدىكسىز ازات ەتىپ جانە كۇشەيتىپ، قوعامدىق ادىلدىكتى، تۋراشىلدىقتى جەبەپ، قوعامنىڭ جاراسىمدىلىعىن، ورنىقتىلىعىن قورعاپ، پارتيا مەن مەملەكەتتىڭ باياندى تىنىشتىعىنا شىنايى كەپىلدىك ەتە الامىز“، - دەدى جۇڭنان قازىنا - ەكونوميكا، ساياسي - زاڭ داشۋەسىنىڭ پروفەسسورى شۇي حانميڭ.
سەنىمدىلىك كۇشىن تاسقىنداتىپ، سەنىمدىلىك ساپارىن جاقسى باستى.
جۇڭگوشا سوتسياليستىك ءتۇزىمدى كەمەلدەندىرۋ جانە دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ باس نىساناسىنا قاراي قادام تاستاعاندا، ءبىز سەرگەك ءارى تاباندىمىز:
تۇزىمدە جاڭالىق اشۋدى ۇزدىكسىز ىلگەرىلەتىپ، جونگە سالۋ جۇيەسىن كەمەلدەندىرۋگە اناعۇرلىم زور كۇش سالىپ، ءتۇزىم قۇرىلىسىن كەمەلدەندىرىپ، تۇزىمدە جاڭالىق اشۋدى ىلگەرىلەتىپ، ءتۇزىم قۇرىلىمىن ساپالىلاندىرىپ، مەملەكەتتىڭ ءتۇبىرلى ءتۇزىمىنىڭ، نەگىزگى ءتۇزىمىنىڭ، ماڭىزدى ءتۇزىمىنىڭ عىلمي دا ۇيلەسىمدى جونگە سالۋ قۇرىلىمىن قالىپتاستىرىپ، ءتۇزىم بىرىككەن كۇشىن تۋدىرۋىنا مۇمكىندىك جاساۋ كەرەك؛
ەلىمىزدىڭ ءتۇزىم باسىمدىعىن مەملەكەتتى جونگە سالۋ ونىمدىلىگىنە اناعۇرلىم ويداعىداي اينالدىرۋعا ۇزدىكسىز زور كۇش سالىپ، پارتيانىڭ عىلمي بيلىك جۇرگىزۋ، دەموكراتيالى بيلىك جۇرگىزۋ، زاڭ بويىنشا بيلىك جۇرگىزۋ ورەسىن جوعارىلاتىپ، مەملەكەت قۇرىلىمدارىنىڭ جانە ونداعى قىزمەتكەرلەردىڭ مىندەت اتقارۋ قابىلەتىن جوعارىلاتۋ، حالىق بۇقاراسىنىڭ زاڭ بويىنشا مەملەكەت ىستەرىن باسقارۋعا قاتىناسۋ قابىلەتىن جوعارىلاتۋ، مەملەكەتتى جونگە سالۋ جۇيەسىنىڭ اناعۇرلىم ءونىمدى اينالىم جاساۋىن ىلگەرىلەتۋ كەرەك...
1957 - جىلى جاڭا جۇڭگونى قۇرۋشى شىن پەيىلمەن: ەلىمىزدىڭ سوتسياليستىك ءتۇزىمى ەندى عانا ورنادى، ءالى بۇكىلدەي ورناپ بولمادى، ءالى بۇكىلدەي بەكەمدەلمەدى، - دەدى.
1992 - جىلى رەفورما جاساۋدىڭ، ەسىك اشۋدىڭ باس جوبالاۋشىسى كورەگەندىكپەن: ”ەندى 30 جىل وتكەننەن كەيىن عانا ءتۇرلى جاقتاردا اناعۇرلىم كەمەلدى، اناعۇرلىم تۇلعالانعان ءتۇزىمدى قالىپتاستىرا الۋىمىز مۇمكىن “، - دەدى.
2019 - جىلى جاڭا ءداۋىردىڭ جول باستاۋشىسى ايبىندى تۇردە: ”ءبىز جۇڭگوشا سوتسياليستىك ءتۇزىمنىڭ تابىستى جولىنا تۇستىك، وسى جولدى بويلاي ۇزدىكسىز العا ىلگەرىلەي بەرسەك، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى، ءسوز جوق، جۇزەگە اسىرا الامىز“، - دەپ جاريالادى.
ۇيەڭكى وتتاي قىزارىپ، قىزىل تۋ جەلبىرەدى.
كەڭ كوسىلگەن چاڭ - ان كوشەسىنىڭ قاسىندا جاڭا جۇڭگو قۇرىلعاندىعىنىڭ 70 جىلدىعىن قۇتتىقتاعانداعى ءتۇستى جارقىلداقتار كوز الدىمىزدا تۇرعانداي، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ شىمىلدىعى اشىلۋ الدىندا تۇر.
جۇڭگو ەكونوميكاسىنىڭ جەدەل دامۋىنا، قوعامنىڭ باياندى ورنىقتىلىعىنا اناعۇرلىم جاقسى ءتۇزىم كەپىلىن ازىرلەۋ ءۇشىن، وركەندەپ كەلە جاتقان ەلدەردىڭ وسىزاماندانۋعا بەت الۋىنا شىت جاڭا تالعام ازىرلەۋ ءۇشىن، ادامزاتتىڭ ءتۇزىم وركەنيەتىنە جۇڭگو اقىل - پاراساتىن، جۇڭگو جوباسىن ارناۋ ءۇشىن، جۇڭگو كوممۋنيستەرى ۇزدىكسىز رەفورما جاساپ، جاڭالىق اشىپ، ءورىس اشا العا ىلگەرىلەۋدە!
(شينحۋا اگەنتتىگىنىڭ 10 - ايدىڭ 27 - كۇنى بەيجيڭنەن بەرگەن حابارى)
