تيانشان تورى   ›   جاڭالىقتار   ›   شينجياڭ حابارلارى

وتانشىلدىق تاربيەنى تەرەڭدەتىپ، اۋەلگى ماقسات، بورىش جونىندەگى تۇسىنىكتى كۇشەيتتى

− اۆتونوميالى رايونداعى ايماقتار، وبلىستار، قالالار، جوعارى مەكتەپتەر وتانشىلدىق تاربيەنى ىشكەرىلەي ورىستەتتى

  ەكىنشى توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە ورىستەتىلگەننەن بەرى، اۆتونوميالى رايونداعى ايماقتار، وبلىستار، قالالار، جوعارى مەكتەپتەر پارتيا مۇشەلەرىن ارناۋلى تاقىرىپتا ۇيرەنۋ، نەگىزگى تاقىرىپتا زەرتتەۋ - تالقى ورىستەتۋ، سول جەردىڭ وزىندە تاربيە بەرۋ، پارتيا تاريحىن، جاڭا جۇڭگو تاريحىن ۇيرەنۋ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسى سالتاناتىنىڭ تىكە تاراتىلىمىن شوعىرلى كورۋگە ۇيىمداستىرۋ سياقتى تاسىلدەرمەن توڭكەرىستىك ءداستۇر تاربيەسى مەن وتانشىلدىق تاربيەنى نەگىزگى تاقىرىپتىق تاربيەمەن توعىستىرىپ، پارتيا مۇشەلەرىنىڭ اۋەلگى ماقساتى مەن بورىشىن شىڭدادى.

■ نازاريا ۇيرەنىپ، اۋەلگى ماقساتتى ۇعىندى

  نەگىزگى تاقىرىپتىق تاربيەدە اۆتونوميالى رايونداعى ايماقتار، وبلىستار، قالالار، جوعارى مەكتەپتەر جاڭا داۋىردەگى وتانشىلدىق تاربيەنى كۇشەيتۋدى نەگىزگى تاقىرىپتىق تاربيەنىڭ ماڭىزدى مازمۇنى ەتىپ، پارتيالى كادرلاردى باس شۋجي شي جينپيڭنىڭ جاڭا داۋىردەگى وتانشىلدىق رۋحتى اسقاقتاتۋ جونىندەگى ماڭىزدى بايىمداۋلارىن مۇقيات ۇيرەنىپ، ۇعىنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنا دەگەن تۇسىنىگىن ۇزدىكسىز تەرەڭدەتۋگە، اۋەلگى ماقسات، بورىش جونىندەگى ۇعىمىن تەرەڭدەتۋگە ۇيىمداستىردى.

  سانجى وبلىسىنداعى ءار دارەجەلى پارتيا ۇيىمدارى نەگىزگى تاقىرىپتان، نەگىزگى جەلىدەن كوز جازباي، باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ءسوزى سياقتى ماڭىزدى سوزدەرىنىڭ رۋحىن ىلەسە ۇيرەنىپ، پارتيا تاريحىن، جاڭا جۇڭگو تاريحىن مۇقيات ۇيرەنىپ، پارتيا مۇشەلەرىن ۇيرەنۋ بارىسىندا پارتيامىزدىڭ حالىققا باسشىلىق ەتىپ، توڭكەرىس، قۇرىلىس، رەفورما جۇرگىزگەن شۇعىلالى تاريحي بارىسى مەن داڭقتى ءداستۇرىن تۇسىنۋگە، جاڭا جۇڭگو قۇرىلعاننان بەرگى، اسىرەسە، رەفورما جاساپ، ەسىك اشقاننان بەرگى پارتيا مەن مەملەكەت ىستەرى دامۋىنداعى ۇلى جەتىستىكتەر مەن قىمباتتى تاجىريبەلەردى تۇسىنۋگە، تاريحتى ءبىلىپ، پارتيانى ءسۇيۋدى، تاريحتى ءبىلىپ، وتاندى ءسۇيۋدى شىنايى ورىنداپ، اۋەلگى ماقسات پەن بورىشتى سانالىلىقپەن امالياتتا ايگىلەۋگە تاربيەلەدى جانە جەتەكتەدى.

  اۋەلگى ماقسات جونىندەگى اڭگىمەلەردى تىڭدادى، ماناس اۋدانى 8 - ارميا تايحاڭ ەسكەرتكىش سارايىنىڭ ءبىرىنشى ۇرپاق ءتۇسىندىرۋشىسى، تايحاڭ كادرلار شۋەيۋانىنىڭ پروفەسسورى سۇي شاۋگۋاڭدى ارناۋلى تاقىرىپتا لەكسيا سويلەۋگە ۇسىنىس ەتىپ، قالىڭ پارتيا مۇشەلەرى مەن كادرلاردى تەرەڭ توڭكەرىستىك ءداستۇر تاربيەسىن قابىلداپ، قىزىل گەندى ۇرپاقتان - ۇرپاققا جالعاستىرۋعا تاربيەلەدى جانە جەتەكتەدى.

  التاي ايماعى جەرگىلىكتى ورىننىڭ قىزىل بايلىعىنان ويداعىداي پايدالانىپ، وتانشىلدىق تاربيەسىنەن ۇلگى كورسەتۋ بازاسى رولىن ساۋلەلەندىرىپ، توڭكەرىستىك اعا بۋىنداردى ساعىنا ەسكە الىپ، قىزىل گەندى جالعاستىرىپ، ”ءۇش جيىن، ءبىر ساباق“، نەگىزگى تاقىرىپتىق پارتيا كۇنىمەن ۇشتاستىرىپ، وتانشىلدىق ۇگىت تاربيەسىن ورىستەتىپ، 70 جىلدان بەرى ەلىمىز قول جەتكىزگەن تاريحي تابىستاردى، تۋىلعان تاريحي وزگەرىستەردى شىن مانىندە سەزىندى.

  10 - ايدىڭ 21 - كۇنى التاي ايماقتىق پارتكومنىڭ القا مۇشەلەرى كوكتوعاي قىزىل تاربيە بازاسىنا كەلدى. كوپشىلىك ىشكەرىلەي تالقىلاپ، ”جاپاعا شىدامدى، قايراتتى بولۋ، قاجىرلىلىقپەن كۇرەس جۇرگىزۋ، قالتقىسىز ۇلەس قوسۋ، وتانعا داڭق اپەرۋ“ سىندى كوكتوعاي رۋحىن ۇعىنىپ، وتانشىلدىق تاربيەنى ۇزدىكسىز كۇشەيتىپ، قالىڭ پارتيا مۇشەلەرى مەن كادرلاردى جانە حالىق بۇقاراسىن قىزىل گەندى جالعاستىرىپ، جاڭا داۋىردە وتاندى ءسۇيىپ، كۇرەس جاساۋدىڭ ۇلگىسىن امالياتتا ايگىلەۋشى بولۋعا شابىتتاندىردى.

  قۇمىل كاسىپتىك - تەحنيكالىق شۋەيۋانى پارتيا مۇشەلەرىن، كادرلاردى پارتيا تاريحىن، جاڭا جۇڭگو تاريحىن مۇقيات ۇيرەنىپ، پارتيا تاريحىنداعى، جاڭا جۇڭگو تاريحىنداعى ماڭىزدى ىستەردى، ماڭىزدى ماجىلىستەردى، ماڭىزدى حۇجاتتاردى، ماڭىزدى قايراتكەرلەردى تۇسىنۋگە، سونىمەن ءبىر ۋاقىتتا ”قىزىل قايىق رۋحى“، ”ۇزاق جورىق رۋحى“، ”يان - ان رۋحى”، ”شيبايپو رۋحى“، ”جيڭگاڭشان رۋحى“ سياقتى توڭكەرىستىك رۋحتار مەن زەرتتەۋ - تالقى ارناۋلى تاقىرىبىن تىعىز ۇشتاستىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ تانىمى مەن تۇسىنىگىن ۇزدىكسىز تەرەڭدەتۋگە ۇيىمداستىردى جانە جەتەكتەدى.

■ كەلبەتتى ايگىلەپ، رۋحتى اسقاقتاتتى

  نەگىزگى تاقىرىپتىق تاربيەدە ايماقتار، وبلىستار، قالالار، جوعارى مەكتەپتەر قويۋ وتانشىلدىق سۇيىسپەنشىلىكتى، وتان ءۇمىتىن اقتاۋ جىگەرىن پارتيا مۇشەلەرىنىڭ ءىس جۇزىندىك ارەكەتىنە اينالدىرىپ، باي دا الۋان ءتۇرلى نەگىزگى تاقىرىپتىق امالياتى ارقىلى ماقتانىش سەزىمىن، جاۋاپكەرشىلىك سەزىمىن كۇشەيتىپ، قالىڭ پارتيا مۇشەلەرى مەن كادرلاردىڭ اسقاق جىگەرمەن العا باساتىن رۋحاني بەت - بەينەسىن جانە اۋەلگى ماقساتتى ۇمىتپايتىن، بورىشتى ەستە بەرىك ساقتايتىن قاجىماس تاباندىلىعىن تولىق ايگىلەدى.

  جاۋاپ حات رۋحىن قايتالاي پىسىقتاپ، داشي زور وزگەرىسىن قايتالاي ەسكە الىپ، باس شۋجي شي جينپيڭنىڭ تاپسىرماسىن قايتالاي تىڭدادى... لوپنۇر اۋدانى شيڭپيڭ قالاشىعى داشي قىستاعىنىڭ يدەيالىق سىناقتى قابىلداۋى لوپنۇر اۋدانى شيڭپيڭ قالاشىعى پارتيا مۇشەلەرى مەن كادرلاردىڭ نەگىزگى تاقىرىپتىق تاربيەنى قابىلداۋداعى ”مىندەتتى وقيتىن ساباعى“ بولدى. شيڭپيڭ قالاشىعى داشي قىستاعىن ”قىزىل ساباقحانا“ ەتىپ قۇرىپ، وتانشىلدىق تاربيەسى مەن ۇيرەنۋ، زەرتتەۋ - تالقىلاۋدى ءبىر تۇلعالاندىرىپ، جۇمىس باسىندا سارالاۋ، زەرتتەۋ - تالقى وتكىزۋ، پىكىر اۋىستىرۋ سياقتى تاسىلدەرمەن پارتيا مۇشەلەرى مەن كادرلاردىڭ ساپاسىن كۇشەيتىپ، پارتيا ۇيىمىنىڭ جاۋىنگەرلىك قۋاتىن نىعايتتى.

  شيڭپيڭ قالاشىعى قاراقۇم قىستاعىنىڭ ءبىرىنشى شۋجيى سۇڭ باۋچيڭ بىلاي دەدى: ”پارتيا ورتالىق كوميتەتىنىڭ قامقورلىعى مەن بۇكىل قىستاقتاعى ءار ۇلت كادر - جۇرتشىلىعىنىڭ تىنباي قۇلشىنۋىندا، داشي قىستاعى كەزىندەگى سورتاڭ قايراڭنان الىس - جاقىنعا اتى ايگىلى ۇلگىلى قىستاققا اينالدى، وسى كۇرەس بارىسى ءاربىر نەگىزگى ساتى كادرلارىنىڭ ۇيرەنۋىنە تاتيدى. ءبىز اۋەلگى ماقسات قاسيەتىن ماڭگى ساقتاپ، ءار ۇلت قىستاق تۇرعىندارىن داشي قىستاعىنان ۇيرەنۋگە، ەرتەرەك اۋقاتتانىپ، دوڭگەلەك داۋلەتتىلىككە جەتۋگە ىنتىماقتاستىرامىز جانە باستايمىز“.

  شينجياڭ كوركەمونەر شۋەيۋانى نەگىزگى تاقىرىپتىق تاربيەنى شينجياڭ جوعارى مەكتەپتەرىنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ ”وتاندى جىرلاۋ“ جەلىلەس ويىن قويۋ قيمىلىمەن ۇشتاستىرىپ، ءبي، سۋرەت، مۋزيكا سياقتى تۇرلىشە كوركەمونەر فورمالارى ارقىلى 70 جىلدان بەرى شينجياڭنىڭ بايتاق دالاسىندا جۇڭگو كوممۋنيستىك پارتياسىنىڭ باسشىلىعىندا تۋىلعان تەرەڭ وزگەرىستەردى جىرعا قوستى. مۋزيكا فاكۋلتەتى پارتيا باس ياچەيكاسىنىڭ شۋجيى ياڭ فان بىلاي دەدى: ”بۇدان كەيىنگى قىزمەت بارىسىندا، ءبىز وتانشىلدىق تاربيەسىن زور كۇشپەن كۇشەيتىپ، كوركەمونەر وقىتۋىنىڭ ’ۇناتا تىڭداپ قۇمارتا كورۋ‘، ’ويىن ارقىلى تاربيەلەۋ‘ سىندى ۇگىت - تاربيە رولىن تولىق ساۋلەلەندىرىپ، وتانشىلدىق تاربيە مەن جۇڭحۋانىڭ تاڭداۋلى ءداستۇرلى مادەنيەتى مازمۇنىن كاسىپتىك وقۋلىقپەن، ساباقحانا وقىتۋىمەن جانە ويىن قويۋ ساحناسىمەن توعىستىرامىز“.

  ىلە پەداگوگيكا داشۋەسى يدەيا - ساياسي جالپىلىق بىلىمدەرى تاربيەسى بازاسى مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىىن ۇيرەنۋ - تاربيە كاريدورىن سالۋ، ”وقىتۋشى - وقۋشىلار نازاريالىق ۇيرەنۋ ءتۇسىندىرۋ ۇجىمىن“ ۇيىمداستىرۋ ارقىلى قىزىل رۋح، قىزىل اڭگىمە تاربيەسى، توڭكەرىستىك ءداستۇر تاربيەسى جانە ”بەستى شىنايى مويىنداۋ“ سياقتى مازمۇنداردى ”سەزىنۋ ۇلگىسى“، ”كورىنىس ۇلگىسى“ وقىتۋ تاسىلدەرىن قولدانىپ ناقتىلاندىرىپ، كورنەكتىلەندىرىپ كورسەتىپ، قالىڭ وقىتۋشى - وقۋشىلاردىڭ وتانشىلدىق سۇيىسپەنشىلىگىن تاسقىنداتىپ، قالىڭ وقىتۋشى - وقۋشىلاردى جاڭا ءداۋىردى تياناق ەتىپ، جاڭا ءداۋىردى جىرعا قوسۋعا، جاڭا داۋىردە ەكپىندەي ىلگەرىلەۋگە تاربيەلەدى جانە جەتەكتەدى.

  (تىلشىلەر جاڭ تيڭ، شيا چيڭ، جاۋ شييا، ەرىكتى تىلشىلەر لي چاڭدا، ياڭ حايجۇن، ۋاڭ شو، لي يافىڭ، چاڭ شۋەحۇي، يە سۇي جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى