شينحۋا اگەنتتىگىنىڭ 10 - ايدىڭ 27 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «جاڭا داۋىردەگى ازاماتتىق ءمورال قۇرىلىسىن اتقارۋ باعدارلاماسىن» باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىك جاعدايمەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«باعدارلاما»دا مىنالار اتاپ كورسەتىلدى: جۇڭحۋا وركەنيەتىنىڭ تاريحى ۇزاق، جۇڭحۋا ۇلتىنىڭ باعالى رۋحاني قاسيەتىن ازىرلەپ، جۇڭگو حالقىنىڭ وسكەلەڭ قۇن تالپىنىسىن جەتىلدىردى. جۇڭگو كوممۋنيستىك پارتياسى حالىققا باسشىلىق ەتىپ، توڭكەرىس، قۇرىلىس جانە رەفورما جاساۋدىڭ تاريحي ۇدەرىسىندە ماركسيزمنىڭ ادامزاتتىڭ كوركەم قوعامعا دەگەن مۇراتىنا تاباندى بولىپ، جۇڭحۋانىڭ ءداستۇرلى تاماشا ءمورالىنا مۇراگەرلىك ەتىپ، جۇڭگو قوعامىنىڭ دامۋى مەن العا باسۋىنا جەتەكشىلىك ەتەتىن سوتسياليستىك ءمورال جۇيەسىن قالىپتاستىردى. جۇڭگوشا سوتسياليزمگە تاباندى بولۋ جانە ونى دامىتۋدا زاتتىق وركەنيەت پەن رۋحاني وركەنيەت جاپپاي دامۋ، حالىقتىڭ زاتتىق تۇرمىسى مەن رۋحاني تۇرمىس دەڭگەيى جاپپاي جوعارىلاۋ كەرەك. جۇڭگوشا سوتسياليزم جاڭا داۋىرگە وتكەندە ازاماتتىق ءمورال قۇرىلىسىن كۇشەيتۋ، تۇتاس قوعامنىڭ ءمورالدىق دەڭگەيىن ءوسىرۋ − جاپپاي دوڭگەلەك داۋلەتتى قوعام ورناتۋدىڭ، سوتسياليستىك وسىزاماندانعان قۇدىرەتتى مەملەكەتتى جاپپاي قۇرۋدىڭ ستراتەگيالىق مىندەتى، قوعامنىڭ باستى قايشىلىعىنىڭ وزگەرۋىنە ۇيلەسۋدىڭ، حالىقتىڭ تاماشا تۇرمىسقا تالپىنىسىن قاناعاتتاندىرۋدىڭ كوكەي تەستى قاجەتى، قوعامنىڭ جاپپاي العا باسۋىن، ادامنىڭ جان - جاقتى دامۋىن جەبەۋدىڭ تابيعي تالابى.
«باعدارلاما»دا مىنالار اتاپ كورسەتىلدى: حالىقارالىق، ەل ءىشى جاعدايىندا تەرەڭ وزگەرىستەر جارىققا شىققان، ەلىمىزدىڭ ەكونوميكاسى مەن قوعامى تەرەڭ وزگەرگەن جاعدايدا، بازار شارۋاشىلىعى ەرەجەسى، ساياسات، زاڭ - ەرەجەلەر، قوعامدىق جونگە سالۋ ءالى جەتكىلىكتى كەمەلدەنبەگەندىكتەن، ناشار يدەيا، مادەنيەتتەردىڭ ءشىرىتۋىنىڭ جانە ينتەرنەتتەگى زياندى ينفورماتسيالاردىڭ ىقپالىندا، ءمورال سالاسىندا ءالى دە ءبىرتالاي ماسەلەلەر ورىن تەۋىپ وتىر. ءىشىنارا جەرلەردە، ءىشىنارا سالالاردا ءمورالدىق ازعىنداۋ جايتتەرى ۇقساماعان دارەجەدە ءومىر سۇرۋدە، اقشاقۇمارلىق، راحاتقۇمارلىق، شەكتەن اسقان جەكەشىلدىك ءالى دە ءبىرشاما كورنەكتى؛ ءىشىنارا قوعام مۇشەلەرىنىڭ ءمورالدىق كوزقاراسى كۇڭگىرت، ءتىپتى، كەمشىل، دۇرىس پەن بۇرىستى، ىزگىلىك پەن سۇرقيالىقتى، سۇلۋلىق پەن سيىقسىزدىقتى اجىراتپايدى، التىن كورسە جولدان تايۋ، پايداقورلىق، وزگەگە زالال جەتكىزىپ، ءوزى پايدا ءتۇسىرۋ، جالپىنى زيانداپ جەكەگە پايدا ءتۇسىرۋ؛ جالعاندىق ىستەپ الداۋ، سەنىمسىزدىك ىستەۋ جايتتەرى ۇزاقتان بەرى جونگە سالىنسا دا تيىلمادى، الەۋمەتتىك ءتارتىپ پەن تاماشا سالتتىڭ تومەنگى شەگىن بۇزۋ، حالىقتىڭ باقىتتى تۇرمىسىنا زيان جەتكىزۋ، مەملەكەتتىڭ ار - نامىسى مەن ۇلتتىڭ سۇيىسپەنشىلىگىنە داق سالۋ وقيعالارى اۋىق - اۋىق تۋىلۋدا. بۇل ماسەلەلەر، ءسوز جوق، بۇكىل پارتيانىڭ، بۇكىل قوعامنىڭ نازارىن بارىنشا اۋدارۋى، ونى پارمەندى شارالارمەن شىن مانىندە شەشۋ كەرەك.
«باعدارلاما»دا مىنالار باسا دارىپتەلدى: ازاماتتىق ءمورال قۇرىلىسىن كۇشەيتۋ ۇزاق ۋاقىتتىق ءارى كوكەي تەستى، جاپالى دا كۇردەلى مىندەت، جاڭا ءداۋىردىڭ جاڭا تالابىنا ۇيلەسىپ، نىسانانى باعدار ەتۋ مەن ماسەلەنى باعدار ەتۋدىڭ بىرلىگىنە تاباندى بولىپ، قىزمەت سەرپىنىن اناعۇرلىم كۇشەيتىپ، زاڭدىلىقتى يگەرىپ، بەلسەنە جاڭالىق اشىپ، تاباندىلىقپەن ۇزدىكسىز ەڭبەك كورسەتىپ، بۇكىل حالىقتىڭ ءمورالدىق ساپاسى مەن قوعامدىق وركەنيەت دەڭگەيىنىڭ تىڭ ورەگە كوتەرىلۋىن ىلگەرىلەتۋ كەرەك.
«باعدارلاما»دا جاڭا داۋىردەگى ازاماتتىق ءمورال قۇرىلىسى جونىندە جالپىلىق تالاپ جانە ءتۇيىندى مىندەت ورتاعا قويىلدى ءارى ءمورالدىق تاربيەنى، جەتەكشىلىكتى تەرەڭدەتۋ، ءمورالدىق امالياتتىڭ جەتىلۋىن ىلگەرىلەتۋ، ينتەرنەت كەڭىستىگىندەگى ءمورال قۇرىلىسىن ويداعىداي يگەرۋ، ءتۇزىمنىڭ قامتاماسىزداندىرۋ رولىن ساۋلەلەندىرۋ سياقتى جاقتاردا ناقتى ورنالاستىرۋ جاسالدى.
