تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

”عىلىم - تەحنيكا تۇقىمىن“ سەۋىپ، ”اۋقاتتاندىرۋ جەمىسىن“ الدى

− مەملەكەتتىك كەدەيلىكتەن ارىلتۋدان قامال الۋ سيلىعى جاڭالىق اشۋ سيلىعىنىڭ يەگەرى جاڭ يۇڭ - ان تۋرالى

ءتىلشى لي شيڭ

  تاياۋدا مەملەكەتتىك كەدەيلىكتەن ارىلتۋدان قامال الۋداعى وزات ىزگى ىستەردەن ارالاپ ءجۇرىپ بايانداما جاساۋ ماجىلىسىندە جاڭ يۇڭ - ان كوپشىلىككە ءوزى تۇرعان بيڭتۋان 3 - شىسى تۇمشۇق قالاسى 51 - تۋان 4 - ليانىنداعى ارحيۆ تۇرعىزىلىپ، كارتچكالاندىرىلعان 75 كەدەي وتباسىنداعى 300 ادامنىڭ بيىل تۇگەلدەي كەدەيلىكتەن ارىلعاندىعى جونىندە مالىمەت بەردى. ول اسەرلەنە: ”جاڭا داۋىردەگى بيڭتۋاندىق رەتىندە، مەن كەدەيلىكتەن ارىلتۋدان قامال الۋ شايقاسىندا ۋاعىندا جوعارى ساپالى جەڭىسكە جەتۋ ءۇشىن ۇزدىكسىز كۇش - قۋاتىمدى ارنايمىن!“، - دەدى.

  2018 - جىلى 2 - ايدا شينجياڭ ءوندىرىس - قۇرىلىس بيڭتۋانى عىلىم - تەحنيكا مەكەمەسى كەڭسەسىنىڭ مەڭگەرۋشىسى جاڭ يۇڭ - ان ۇيىمنىڭ تاڭداپ جىبەرۋىمەن بيڭتۋان 3 - شىسى تۇمشۇق قالاسى 51 - تۋان 4 - ليانىنا بارىپ، ”ۇعىسۋ، تيىمدىلىك جاساۋ، توعىستىرۋ“ قىزمەتى اترەتىنىڭ باستىعى، ليان - دۇي پارتيا ياچەيكاسىنىڭ ءبىرىنشى شۋجيى مىندەتىن وتەدى. جاڭ يۇڭ - ان ۇيرەتۋ، كومەكتەسۋ، جەتەكتەۋ رولىنا باسا ءمان بەرىپ، سىرلاسۋ، اڭگىمەلەسۋ، كومەكتەسە جەتەكتەپ ءتۇسىندىرۋ، دوستاسۋ، كوڭىل توعىستىرۋ سياقتى فورمالار ارقىلى ليان - دۇي پارتيا باسشىلىعىن كۇشەيتتى. جاس تىرەكتىلەر اراسىنان پارتيا مۇشەلەرىن باۋلۋعا، قابىلداۋعا باسا ءمان بەرىپ، اۋقاتتانۋ شەبەرلەرىن پارتيا مۇشەسىنە قابىلداپ، پارتيا مۇشەلەرىن اۋقاتتانۋ شەبەرى ەتىپ باۋلىپ، پارتيا ۇيىمىنىڭ باۋراۋ قۋاتىن، ۇيىستىرۋ قۋاتىن، ىقپال قۋاتىن كۇشەيتتى.

  جاستايىنان اۋىل - قىستاقتا وسكەن جاڭ يۇڭ - اننىڭ اۋىل - قىستاققا سۇيىسپەنشىلىگى وتە تەرەڭ، ليان - دۇيدىڭ كەدەيلىكتەن ارىلىپ، اۋقاتتانۋىنا ازدا بولسا جۇمىس ىستەۋگە بەل بايلاعان. وتباسىلارىن ارالاپ جاعداي ۇعىسۋ ارقىلى جاڭ يۇڭ - ان 4 - لياننىڭ دامۋىنداعى بوگەت − اۋىل شارۋاشىلىق نەگىزدىك قۇرىلعىلارىنىڭ ءالسىز، كاسىپ سالاسى قۇرىلىمىنىڭ جالاڭ ەكەندىگىن بايقايدى. ماقتا 4 - لياننىڭ تىرەكتى كاسىپ سالاسى بولعانىمەن، ۇزاق ۋاقىت بويى بىتىراڭقى ەگىلگەندىكتەن، ءتۇسىمى تومەن، ونىمدىلىگى ناشار ەدى. جاڭ يۇڭ - ان ماقتاعا بار كۇشىن جۇمساپ، ماقتاشىلىق كاسىبىن زورايتۋعا، نىعايتۋعا بەكىدى. كوپ جاقپەن بايلانىس جاساۋ ارقىلى جاڭ يۇڭ - ان جۇڭگو اۋىل شارۋاشىلىق عىلىم اكادەمياسى ماقتا زەرتتەۋ ورنىنىڭ زور كۇشپەن قولداۋىنا، كومەكتەسۋىنە يە بولىپ، ماقتا ءونىمىن جوعارىلاتتى. ەگىمشىلىكتەن ۇلگى كورسەتۋدى ورىستەتۋ ءۇشىن، جاڭ يۇڭ - ان ليان ”ەكى كوميتەت“ىمەن ۇلگى كورسەتۋ بازاسىن قۇرۋدى اقىلداستى ءارى 154 شارۋا وتباسىمەن 1200 مۋ جەردى اينالىمعا بەرۋ كەلىسىمىنە قول قويدى. كۇزگى جيىن - تەرىن كەزىندە، ۇلگى كورسەتۋ اتىزىنداعى ماقتانىڭ بىرلىك ءونىمى ماڭايىنداعى شارۋا وتباسىلارىنان %30 ارتىق بولىپ، ساپاسى 2 دارەجە جوعارىلادى. جەرىن اينالىمعا بەرگەن 154 وتباسىنىڭ ورتاشا كىرىسى 5400 يۋاننان اسىپ، ۇلگى كورسەتۋ بازاسىندا ماقتانى باسقارىپ وتىرعان 22 وتباسىنان كەلگەن جۇمىسشى قاۋىمنىڭ وتباسى ورتاشا كىرىسى 10 مىڭ يۋاننان استى. ليان - دۇي ەگىمشىلىك سەلبەستىك كووپەراتيۆىنىڭ باستىعى، پارتيا مۇشەسى سىمايىل مامەت بىلاي دەدى: ”مەن 10 نەشە جىل ەگىن ەككەندە، ماقتانى ماشينامەن تەرگەندى، ۇشاقپەن (ۇشقىشسىز ۇشاقپەن) ءدارى شاشقاندى تۇڭعىش رەت كورىپ وتىرمىن، قىزمەت اترەتى بىزگە تەحنيكا، تۇقىم، ەگىس ءدارىسىن، حيميالىق تىڭايتقىش بەردى، كىرىسىمىز وسىنشاما ارتتى، عىلىم - تەحنيكا مەكەمەسىنىڭ قىزمەت اترەتىنە العىس ايتامىز!“.

  ماقتا كاسىپ سالاسى جانداندى، جاڭ يۇڭ - ان دەر كەزىندە قيمىلداپ، ليان - دۇيدىڭ قالا ماڭىنا ورنالاسۋداي باسىمدىعىنا بىرلەستىرە وتىرىپ، اۋلا شارۋاشىلىعىن كۇش سالا دامىتتى. ول تارىم داشۋەسى، شينجياڭ تىڭ يگەرۋ عىلم اكادەمياسى ارنايى جىبەرگەن عىلىم - تەحنيكا قىزمەتكەرلەرىمەن سايكەسىپ، شارۋا وتباسىلارىن تەحنيكالىق قىزمەت وتەۋمەن جانە ساپالى تۇقىم، شوجەمەن قامداپ، 2 جاس شارۋانى ”جەرلىك مامان“ ەتىپ باۋلىپ شىعىپ، 50 نەشە كەدەي وتباسىن تاۋىق باعۋعا، كوكونىس، جەمىس - جيدەك ەگۋگە جەتەكتەدى. 300 تۇياقتان استام اسىل تۇقىمدى سويىس قويىن ساتىپ الىپ، ليان - دۇيدەگى پارتيا مۇشەسى، قوي باعۋدىڭ مامانى ابدىكەرىم روزىنىڭ 21 كەدەي وتباسىن باستاپ سويىس قويى باعىمشىلىعىن دامىتۋىن قولدادى.

  ليان - دۇيدە تۇرعان ءبىر جىلدان استام ۋاقىتتان بەرى، جاڭ يۇڭ - ان عىلىم - تەحنيكا مينيسترلىگىنىڭ عىلىم - تەحنيكا ارقىلى كەدەيلەردى سۇيەمەلدەۋ، جۇڭگو عىلىم - تەحنيكا قوعامىنىڭ عىلىم - تەحنيكا ارقىلى كەدەيلەردى دالمە - ءدال سۇيەمەلدەۋدى دەمەۋ، بيڭتۋاننىڭ عىلىم - تەحنيكا ارقىلى كەدەيلەردى سۇيەمەلدەۋ نىسانىنان 8ىنە قول جەتكىزىپ، 5 ميلليون يۋاننان استام قارجى قوسىپ، جۇڭگو اۋىل شارۋاشىلىق عىلىم اكادەمياسى ماقتا زەرتتەۋ ورنى، شينجياڭ تىڭ يگەرۋ عىلىم اكادەمياسى، تارىم داشۋەسى، 3 - شى اۋىل شارۋاشىلىق عىلمي زەرتتەۋ ورنى سياقتى مەملەكەت، بيڭتۋان، شى، قالاداعى ماڭداي الدى اۋىل شارۋاشىلىق عىلمي زەرتتەۋ ورىندارىنىڭ، مەكتەپتەرىنىڭ جاڭا سورتتارىنىڭ، جاڭا تەحنيكالارىنىڭ ليان - دۇيدە گۇل اشتىرىپ، جەمىس بەرۋىن جەبەدى.

  كەدەي وتباسىلارى ءۇمىت ۇشقىنىن كورىپ، اۋقاتتانۋ تىلەگى بارعان سايىن كۇشەيدى. قىزمەت اترەتى 25 كەدەي ەڭبەككۇشتى كاسىپورىنداردا ورنىقتى جۇمىستانۋعا ۇيىمداستىرىپ، ەكولوگيا ورمانىن قورعاۋشىلاردان، ورتا تازالىقشىلارىنان 23 ادامدى جۇمىسقا ورنالاستىردى، ولاردىڭ ورتاشا ايلىق كىرىسى 1500 يۋاننان استى. جاڭ يۇڭ - ان تاعى شەبەرلەر اسەم تىگىنشىلىك سەلبەستىك كووپەراتيۆىن قۇرۋعا كومەكتەسىپ، جارتى جىلدان استام ۋاقىتتا ساۋدا كىرىسىن 300 مىڭ يۋاننان اسىردى، كووپەراتيۆكە كىرگەن 8 كەدەي ايەلدىڭ ورتاشا كىرىسى 5000 يۋاننان اسىپ، كەدەيلىكتەن ورنىقتى ارىلۋدىڭ باقىتتى جولىنا ءتۇستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى