تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ جەر - جەرى ناقتى ءادىس - امال شىعارىپ، ”اۋرۋ كورسەتۋ قيىن بولۋ، اۋرۋ كورسەتۋ قىمبات بولۋ“ ماسەلەسىن كۇش سالا شەشتى

− نازاردى نەگىزگى تاقىرىپقا، نەگىزگى جەلىگە شوعىرلاندىرىپ، رەتتەۋ - تۇزەتۋدى يگەرۋ جەلىلەس حابارى

ءتىلشى چاۋ جين

ەرىكتى تىلشىلەر ۋاڭ ۋىن، جاڭ پەيچي، ۋاڭ حوۋيۇن

  جالپى حالىقتىڭ سالاماتتىعىنداعى ”يكاتۇڭ“ ەمدەلۋدىڭ ونىمدىلىگىن ءونىمدى جوعارىلاتتى؛ ”ەمدەۋ ورتاق تۇلعاسى“ قۇرىلىسى ءار ۇلت بۇقاراسىنىڭ ءۇيىنىڭ جانىندا ساپالى ەمدەۋ قىزمەت وتەۋىنەن يگىلىكتەنۋىنە مۇمكىندىك جاسادى؛ وتباسى شيپاگەرلەرىنىڭ توقتامدى قىزمەت وتەۋى ءار ۇلت بۇقاراسىنىڭ سالاماتتىعىنىڭ ”ەڭ سوڭعى ءبىر كيلومەترىن“ اشتى... نەگىزگى تاقىرىپتىق تاربيەدە رايونىمىزداعى ءارقايسى ايماق، وبلىس، قالا بۇقارانىڭ مۇددەسىنە نەمقۇرايدى قاراۋ، زيان جەتكىزۋ ماسەلەلەرىن كۇش سالا وتىرىپ ارنايى رەتتەپ، وڭاپ، بۇقارانىڭ ”اۋرۋ كورسەتۋىنىڭ قيىن بولۋ، اۋرۋ كورسەتۋىنىڭ قىمبات بولۋ“ ماسەلەسىن شەشۋدە ناقتى، قاتاڭ ءادىس - امالدار شىعاردى.

  قۇمىل قالاسى دەنساۋلىق ساقتاۋدىڭ، سالاماتتىقتىڭ ينفورماتسيالانۋىنا قارجى قوسۋ سەرپىنىن كۇشەيتىپ، قالا، اۋدان، اۋىل، قىستاق 4 دارەجەلى دەنساۋلىق ساقتاۋ، سالاماتتىق ”يكاتۇڭ“ىن قولدانۋ جۇيەسىن قۇرىپ، ەلەكتروندىق سالاماتتىق كارتچكاسىمەن ەمدەلۋدىڭ جاڭا ۇلگىسىن ىسكە قوسىپ جانە جالپىلاستىرىپ، ەمدەۋدەن قىزمەت وتەۋ ءتارتىبىن اناعۇرلىم ساپالىلاندىرىپ، بۇقارانىڭ اۋرۋ كورسەتىپ، ەمدەلۋدەگى ”كوپ كارتچكا قاتار ءومىر ءسۇرۋ، بارلىعىن ءوزارا قولدانۋعا كەلمەۋ“ سىندى بوگەتتىك ماسەلەنى شەشتى.

  ”تۇرعىندار تىركەلۋ ارقىلى ەلەكتروندىق سالاماتتىق كارتچكاسىن ءوتىنىش ەتىپ السا بولدى، قۇمىل قالاسىنىڭ ءار دارەجەلى ەمدەۋ قۇرىلىمدارى تۇگەلدەي تاني بەرەدى، ەمدەۋ كارتچكاسىن قايتا الۋدىڭ قاجەتى جوق“. قۇمىل قالالىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى سادات امەت: قۇمىل قالاسى جالپى حالىقتىڭ سالاماتتىعىنداعى ”يكاتۇڭ“ بۇكىل شينجياڭ كولەمىندە تۇڭعىش سىناق ەتىلگەن ايماق، وبلىس، قالا، ەلەكتروندىق سالاماتتىق كارتچكا تۇعىرى 11 - ايدىڭ اياعىندا جەلىدە سىناق رەتىندە قولدانىلادى، - دەپ تانىستىردى.

  ۇعىسۋعا قاراعاندا، ەلەكتروندىق سالاماتتىق كارتچكاسى ناۋقاستىڭ ءوز قاراجاتىمەن جانە ەمدەۋ قامسىزداندىرۋ قورىنان ەسەپ كوتەرتۋ ارقىلى قولايلى تولەۋدى جۇزەگە اسىرىپ، تۇرعىنداردىڭ بۇكىل عۇمىرىنداعى ەلەكتروندىق سالاماتتىق ەستەلىگىن قالىپتاستىرىپ، تاراۋلار، قۇرىلىمدار، وڭىرلەر ارا ساندى مالىمەت بايلىعىنىڭ بىرىگۋىن ىلگەرىلەتۋگە بولادى ەكەن.

  ۇيرەنۋدە تەرەڭگە بويلاپ، ارەكەتتە ناقتى ونىمدىلىككە ۇمتىلدى. 9 - ايدىڭ 20 - كۇنى شاۋەشەك قالاسىنداعى تۇڭعىش ”ەمدەۋ ورتاق تۇلعاسى“ شاشا قالاشىعى ەمحاناسىندا ماڭدايشالىق ءىلدى. تۋىت ءبولىمى، بالالار اۋرۋلارى ءبولىمى، ىشكى - سىرتقى اۋرۋلار ءبولىمى، جۇڭگوشا شيپاگەرلىك ءبولىمى سياقتى 11 ءتۇيىندى ءبولىم - كەڭسەلەردىڭ كاسىپ تىرەكتىلەرى الما - كەزەك وتىرىپ دياگنوز قويىپ، ماماندار مەرزىم سايىن بالنيتساداعى ناۋقاستاردى تەكسەرىپ، بۇقارا الىسقا بارماي - اق ساپالى ەمدەۋ قىزمەت وتەۋىنەن يگىلىكتەنىپ، نەگىزگى ساتىدا ەمدەلۋ ونىمدىلىگى كورنەكتى ارتتى.

  كۇشار اۋداندىق دەنساۋلىق ساقتاۋ، سالاماتتىق كوميتەتى وتباسى شيپاگەرلەرىنىڭ توقتامدى قىزمەت وتەۋىن قامال الۋ ءتۇيىنى ەتىپ، اۋىل، قالاشىق، قىستاق ءبىرىنشى شەبىندەگى دەنساۋلىق ساقتاۋ بايلىعىنىڭ بارىنشا پايدالانىلۋىنا مۇمكىندىك جاسادى.

  پاتىگۇل يسامىدىن كۇشار اۋدانى ۇزىن قالاشىعى شيپاحاناسىنىڭ بەساسپاپ شيپاگەرى ءارى ”وتباسى شيپاگەرلەرىنىڭ توقتامدى قىزمەت وتەۋى“ ۇجىمىنىڭ جاۋاپتىسى. ول اپتا سايىن شيپاحانادان 10 كيلومەتردەي جەردەگى جاڭاتۇر 2 - قىستاعىنداعى توقتام جاساسقان وتباسىلارىنا 2 رەت بارىپ ارالاپ دياگنوز قويادى.

  نەگىزگى تاقىرىپتىق تاربيەدە كۇشار اۋداندىق دەنساۋلىق ساقتاۋ، سالاماتتىق كوميتەتى ارالاپ جاعداي ۇعىسۋ بارىسىندا بۇقارا اڭىس ەتكەن ماسەلەلەرگە مەڭزەس، وتباسى شيپاگەرلەرىنىڭ قىزمەت وتەۋ ولشەمى مەن قىزمەت وتەۋ كولەمىن دەر كەزىندە رەتتەپ، رەتتەۋ - تۇزەتۋ شاراسىن العا قويىپ، جاۋاپكەرشىلىكتى ادامعا دەيىن ايقىنداپ، شارانى جۇمىس ورنىنا دەيىن تياناقتاندىرىپ، وتباسى شيپاگەرلەرىنىڭ توقتام جاساسۋ ۇجىمىنىڭ ءار اپتادا 2 جارىم كۇن ۋاقىتپەن ەڭ الىستاعى توقتام جاساسقان شارۋالاردىڭ ۇيلەرىنە بارىپ قىزمەت وتەۋىن بەلگىلەپ، توقتامدى قىزمەت وتەۋدىڭ جاپپاي قامتۋىن جۇزەگە اسىرىپ، تۇرعىندارعا سالاماتتىق بويىنشا قىزمەت وتەۋدىڭ ”ەڭ سوڭعى ءبىر كيلومەترىن“ اشتى.

  قازىرگە دەيىن، كۇشار اۋدانى وتباسى شيپاگەرلەرىنىڭ توقتام جاساسقان ۇجىمىنان 247سىن قۇرىپ، وتباسى شيپاگەرلەرىنىڭ توقتام جاساسقان ادام سانى 318 مىڭ 500گە جەتتى، بۇكىل اۋدانداعى كەدەي وتباسىلارى، قانتتى نەسەپ اۋرۋى، جوعارى قان قىسىمى، تۋبەركۋلەز سياقتى ءتۇيىندى قىزمەت وتەۋ قاۋىمىنىڭ توقتام جاساسۋ سالىستىرماسى %100كە جەتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى