حالىق گازەتىنىڭ شولۋشىسى
«جاڭا داۋىردەگى ازاماتتىق ءمورال قۇرىلىسىن اتقارۋ باعدارلاماسىنىڭ» جاريالانۋى − ەلىمىزدىڭ سوتسياليستىك رۋحاني وركەنيەت قۇرىلىسىنداعى ەلەۋلى ىستەردىڭ ءبىرى. جۇڭگوشا سوتسياليزمنىڭ جاڭا داۋىرگە قادام تاستاۋى ازاماتتىق ءمورال قۇرىلىسىنا جاڭا اناعۇرلىم جوعارى تالاپ قويدى. ازاماتتىق ءمورال قۇرىلىسىن كۇشەيتۋ، تۇتاس قوعامنىڭ ءمورال ورەسىن جوعارىلاتۋ − جاپپاي دوڭگەلەك داۋلەتتى قوعام ورناتۋداعى، جاپپاي سوتسياليستىك وسىزاماندانعان قۇدىرەتتى ەل قۇرۋداعى ستراتەگيالىق مىندەت، قوعامداعى باستى قايشىلىقتىڭ وزگەرىسىنە ۇيلەسۋدىڭ، حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋدىڭ كوكەي تەستى قاجەتى، قوعامنىڭ جان - جاقتى العا باسۋىن، ادامنىڭ جان - جاقتى دامۋىن جەبەۋدىڭ تابيعي تالابى. «باعدارلامانىڭ» شىعارىلۋى جالپى حالىقتىڭ ءمورال ساپاسى مەن قوعامنىڭ وركەنيەت ورەسىنىڭ تىڭ دەڭگەيگە جەتۋىن جەبەۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، جاپپاي سوتسياليستىك وسىزاماندانعان ەل قۇرۋدىڭ تىڭ جورىعىن باستاۋ جونىنەن توتەنشە ماڭىزدى ءمان الادى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ازاماتتىق ءمورال قۇرىلىسىنا وسكەلەڭ ءمان بەرىپ، ءبىرسىپىرا ماڭىزدى ورنالاستىرۋ جاساپ، يدەيا، ءمورال قۇرىلىسىندا كورنەكتى تابىسقا قول جەتكىزۋدى ىلگەرىلەتتى. ءمورالدى دارىپتەۋ، ءمورالدى قۇرمەتتەۋ، ءمورالعا بويسۇنۋ، وسكەلەڭ ءمورالعا تالپىنۋ جاڭا سالتقا اينالدى؛ قاھارمانداردى ارداقتايتىن، ۇلگىلەرگە قۇرمەت ەتەتىن، وزاتتاردان ۇيرەنەتىن راي ونان ارى قويۋلاپ، ءمورال سالاسىندا بەلسەندى، اقاۋسىز، العا باسقان تاماشا جاعداي قالىپتاستى. بيىل جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ جەلىلەس قيمىلدارىندا بۇكىل ەلدەگى ءار ۇلت حالقى ايگىلەگەن وتاندى ءسۇيۋ سەزىمى قاراپايىم دا قىزۋ ىنتالى بولدى، تۇتاس قوعام ءبىر نيەتپەن ىنتىماقتاسىپ، قايراتتى تاسقىنداتىپ، ۇلت سەنىمى مەن ماقتانىش سەزىمى ونان ارى كۇشەيىپ، ەلىمىزدىڭ ازاماتتىق ءمورال قۇرىلىسىندا قول جەتكىزگەن قوماقتى تابىستارى ايگىلەندى. زامانىمىزداعى جۇڭگو قوماقتى ءمورال بايلىعىن توپتادى، بۇل ءبىزدىڭ جاڭا داۋىردە ازاماتتىق ءمورال قۇرىلىسىن ونان ارى جاقسى ىستەۋىمىزدىڭ ماڭىزدى نەگىزى.
جاڭا داۋىردەگى ازاماتتىق ءمورال قۇرىلىسىن ىلگەرىلەتۋدە، ءسوز جوق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋ كەرەك. تۇتاس ۇلتتا جۇڭگوشا سوتسياليزم ورتاق مۇراتىن بەرىك ورناتىپ، تۇتاس قوعامدا سوتسياليستىك وزەكتى قۇن كوزقاراسىن بار كۇشپەن اسقاقتاتىپ، ازاماتتاردىڭ جەكە باسىندىق ءمورال تالپىنىسىن جۇڭگو ارمانىن جۇزەگە اسىرۋدىڭ ۇلى جورىعىمەن توعىستىرىپ، وتانشىلدىق، كوللەكتيۆيزم، سوتسياليزم يدەياسىن بارىنشا اسقاقتاتىپ، جاڭا داۋىردەگى ازاماتتىق ءمورال قۇرىلىسىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ قۇدىرەتتى رۋحاني قوزعاۋشى كۇشى ەتىپ ۇيىستىرۋ كەرەك.
جاڭا داۋىردەگى ازاماتتىق ءمورال قۇرىلىسىن ىلگەرىلەتۋدە، ءسوز جوق، سوتسياليستىك وزەكتى قۇن كوزقاراسىن جەتەكشى ەتۋگە تاباندى بولۋ كەرەك. سوتسياليستىك وزەكتى قۇن كوزقاراسى − زامانىمىزداعى جۇڭگونىڭ قۇن كوزقاراسىنداعى ەڭ ۇلكەن ورتاق بولگىشى، قورىتىپ كەلگەندە، ءبىر ءتۇرلى ءمورال، ول جەكە باسىندىق ءمورال دا ءارى مەملەكەتتىڭ ءمورالى دا، قوعامنىڭ ءمورالى دا. مەملەكەتتىڭ قۇن نىساناسىن، قوعامدىق قۇن ولشەمىن جانە ازاماتتىق قۇن جۇيەسىن ازاماتتىق ءمورال قۇرىلىسىنىڭ جان - جاعىمەن، تۇتاس بارىسىمەن ورگانيكالى توعىستىرىپ، جەتەكشىلىك رولىن ونان ارى ويداعىداي ساۋلەلەندىرۋ كەرەك.
جاڭا داۋىردەگى ازاماتتىق ءمورال قۇرىلىسىن ىلگەرىلەتۋدە، ءسوز جوق، ۇلتتىڭ گۇلدەنۋى سىندى ۇلاعاتتى مىندەتتى ارقالايتىن ءداۋىر جاڭا ادامدارىن باۋلۋعا كۇش ۇيىستىرۋ كەرەك. ۇلتتىڭ ۇلى گۇلدەنۋى سىندى ۇلاعاتتى مىندەتتى ارقالايتىن ءداۋىر جاڭا ادامدارى، ءسوز جوق، يدەيالىق دەڭگەي، ساياسي سانا، ءمورالدىق قاسيەت، مادەنيەتتىك ساپا، رۋحاني كۇي سياقتى جاقتاردا جاڭا ءداۋىردىڭ تالابىمەن ساي كەلۋى قاجەت، بۇل − ازاماتتىق ءمورال قۇرىلىسىنىڭ شىعار ءتۇيىنى جانە تابان تىرەر تياناعى، بارلىق قىزمەتتە نازاردى وسى نىساناعا شوعىرلاندىرۋ كەرەك، ودان استە اۋىتقۋعا بولمايدى. ءداۋىر جاڭا ادامدارىنىڭ باي مازمۇندى وزىندىك ءمانى، ءداۋىر ەرەكشەلىگى، ءتۇبىرلى تالابى جونىندەگى تانىم مەن تۇسىنىكتى ۇزدىكسىز تەرەڭدەتىپ، ءداۋىر جاڭا ادامدارىن باۋلۋ سىندى ماڭىزدى قىزمەت جاۋاپكەرلىگىن اناعۇرلىم ويداعىداي ارقالاۋ كەرەك.
الىسقا ساپار ادىم جەردەن باستالادى. ازاماتتىق ءمورال قۇرىلىسىندا، ەڭ ماڭىزدىسى، كىشكەنە ىستەن باستاپ يگەرۋ، ەگجەي - تەگجەيلى يگەرۋ، ناقتى يگەرۋ. وڭىرلەر، تاراۋلار جاڭا ءداۋىردىڭ تىڭ تالابىنا ۇيلەسىپ، نىسانانى باعدار ەتۋ مەن ماسەلەنى باعدار ەتۋدى ءوزارا بىرلىككە كەلتىرۋگە تاباندى بولىپ، قىزمەت تەبىنىن ونان ارى كۇشەيتىپ، زاڭدىلىقتى يگەرىپ، بەلسەندىلىكپەن جاڭالىق اشىپ، العان بەتتەن قايتپاي، ۇزدىكسىز قاجىماي كۇش سالىپ، جالپى حالىقتىڭ ءمورال ساپاسى مەن قوعامنىڭ وركەنيەت ورەسىنىڭ تىڭ دەڭگەيگە جەتۋىن جەبەۋ كەرەك.
(«حالىق گازەتىنىڭ» 2019 - جىلى 10 - ايدىڭ 28 - كۇنگى سانىنان الىندى)
