تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

بۇقارانى تۋىسىنا بالادى

− روشانگۇل توحتىنىڭ ”قاراپايىم“ ءومىرى

ءتىلشى فۋ شياڭلۇڭ

  تاياۋدا ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) جۇڭيا وڭتۇستىك جولى اۋماعىن باسقارۋ كوميتەتى گۋاڭجوۋ كوشەسى الەۋمەتتىك اۋماعىنىڭ پارتيا باس ياچەيكاسىنىڭ بۇرىنعى شۋجيى روشانگۇل توحتى ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ داڭقتى اتاعىنا يە بولدى.

  55 جاستاعى روشانگۇل بىلاي دەدى: ”بۇل داڭق وتە ۇلكەن، مەن قاراپايىم قىزمەت ورنىمدا 17 جىل قىزمەت ىستەدىم، ەشقانداي كەرەمەت يگى ءىس ىستەي المادىم“.

  الايدا، تۇرعىنداردىڭ كوڭىلىندە روشانگۇل وسى داڭققا ابدەن لايىق.

  2017 - جىلى جازدا قاراستى اۋماقتاعى 84 جاستاعى قارت روشانگۇلگە تەلەفون شالىپ، دەرەۋ ونىڭ ۇيىنە كەلىپ، ۇلىنىڭ سوڭعى ىستەرىن ءبىر جايلى ەتۋگە كومەكتەسۋىن سۇرايدى. روشانگۇل شارشاپ - شالدىقانىنا قاراماي ونىڭ ۇيىنە جەتىپ، بار كۇشىن سالىپ بارلىق ىستەرىن جايعاستىرادى، قارت قاتتى اسەرلەنەدى. ۇلى قايتىس بولعاننان كەيىن، قارت اجەيدىڭ تۋىسى قالمايدى، تاعى ءبىر رەتىندە ول روشانگۇلدى ارنايى ىزدەپ بارىپ، روشانگۇلگە بىلاي دەيدى: ”مەن كوز جۇمعاننان كەيىن سوڭعى ىستەرىمدى وزىڭە اماناتتادىم“. روشانگۇل كوزىنە ىستىق جاس الىپ: ”اجەي الاڭسىز بولىڭىز!“، - دەيدى.

  روشانگۇل بىلاي دەدى: ”پارتيا مۇشەسى بولعان مەنىڭ مىندەت، جاۋاپكەرشىلىگىم پارتيا ماعان تاپسىرعان وسى شەپتى ويداعىداي قورعاپ، ءار ۇلت بۇقاراسىن تۋىسىم دەپ ءبىلىپ، كوپشىلىكتى الەۋمەتتىك اۋماق شاڭىراعىنىڭ كوركەم بولاشاعىن بىرگە قۇرۋعا باستايمىن“.

  پارتيا باس ياچەيكاسىنىڭ شۋجيى مىندەتىن اتقارعان كەزىندە، روشانگۇل ۇلتتار ىنتىماعى يدەياسىن باس بولىپ ۇگىتتەپ، الەۋمەتتىك اۋماقتىڭ تۇكپىر - تۇكپىرىن ارالاپ، ۇلكەندى - كىشىلى 100 رەتتەن ارتىق ۇگىت - لەكسيا جاساپ، قاتىناسقاندار جالپى 10 مىڭ ادام - رەتكە تايايدى. ول تاعى الەۋمەتتىك اۋماقتان ۇلتتار ىنتىماعى مادەنيەت قابىرعاسىن ارناۋلى جاسادى. 2015 - جىلى روشانگۇل اۆتونوميالى رايوندىق ۇلتتار ىنتىماعى، العاباسارلىعىنداعى ۇلگىلى جەكە بولىپ باعالانادى.

  بىلتىر 9 - ايدا روشانگۇلدىڭ ءبىر ”قىزى“ بار بولادى، ول جۇپ قۇراعان تۋىسى ليۋ ياننىڭ بالاسى ەدى. ليۋ يان جالعىز باستى انا، بىلتىر 7 - ايدا اۋرۋدان قايتىس بولادى، 8 جاستاعى قىزىن جاسى جەتكەن ناعاشى اپاسى باعادى.

  ليۋ يان كوز جۇمعاننان كەيىن، روشانگۇل بالانىڭ ناعاشى اپاسىنىڭ ۇيىنە امانداسا كەلەدى. ول بالانى باۋىرىنا باسىپ، جانى اشىعاندا جىلاپ جىبەرەدى. ”ءبىز وسى بالاعا بىرگە قارايلاسايىق، مەن ونى ءوز قىزىمداي كورەمىن“، - دەيدى روشانگۇل بالانىڭ ناعاشى اپاسىنا. سودان باستاپ، ول ”قىزىن“ باعۋدىڭ مىندەتىن ارقالايدى. ”قىزى“نىڭ اتا - انالار جيىنىنا ءوزى بارادى، ”قىزى“نىڭ ۇيرەنۋىنە ءوزى جاۋاپتى بولادى، ”قىزى“نىڭ تۇرمىسىنا ءوزى قارايلاسادى.

  تالاي جىلدان بەرى، روشانگۇل اي سايىن ءوزىنىڭ ايلىعىنان، از دەگەندە، 500 يۋان شىعارىپ وتباسىندا قيىنشىلىعى بارلارعا كومەكتەسىپ كەلدى، بىلتىردىڭ وزىندە، ونىڭ جەكە ءوزىنىڭ قيىنشىلىعى بار وتباسىلارىنا كومەكتەسۋگە بەرگەن اقشاسى 10 مىڭ يۋاننان استى.

  ”ۇلتتاردى تىعىز ىنتىماقتاستىرۋدا، ءسوزسىز، بۇقارانىڭ جۇمىسىن جۇرەك تورىنە قويىپ، بۇقارا الاڭداپ وتىرعان ۇساق ىستەردى، جايلى - جايسىز ىستەردى، ۋايىمداپ وتىرعان ىستەردى ويداعىداي، شىنايى ىستەۋ كەرەك“، - دەدى روشانگۇل.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى