شينحۋا اگەنتتىگىنىڭ 10 - ايدىڭ 29 - كۇنى بەيجيڭنەن بەرگەن حابارى. 2 - كەزەكتى دۇنيە جۇزىلىك شوقتىعى بيىك عالىمدار تالقى مىنبەرى (2019) 10 - ايدىڭ 29 - كۇنى شاڭحايدا اشىلدى. مەملەكەت ءتوراعاسى شي جينپيڭ تالقى مىنبەرىنە قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: عىلىم - تەحنيكا − ادامزاتتىڭ ۇلى جاسامپازدىق قيمىلى، عىلىم - تەحنيكانى دامىتۋدا، ءسوز جوق، الەمدىك كوز ايا بولۋ، ءداۋىر اۋقىمىن يگەرۋ كەرەك. جۇڭگو دۇنيە جۇزىندەگى ءار ەلمەن بىرگە عىلمي زەرتتەۋدى كۇشەيتىپ، عىلمي زەرتتەۋدە سەلبەسۋدى جيىلەتىپ، عىلىم - تەحنيكانىڭ العا باسۋىن ىلگەرىلەتىپ، ءداۋىردىڭ سىن - سايىسىنا توتەپ بەرۋدى قالايدى.
شي جينپيڭ بىلاي دەپ باسا دارىپتەدى: جۇڭگو عىلىم - تەحنيكا الدىڭعى شەپ سالاسىنىڭ دامۋىنا ايرىقشا ءمان بەرەدى، الەمدىك عىلىم - تەحنيكادا جاڭالىق اشۋ بويىنشا سايكەسۋدى ىلگەرىلەتۋگە كۇش سالادى. جۇڭگو اناعۇرلىم اشىق پوزيتسيامەن حالىقارالىق عىلىم - تەحنيكالىق اۋىس - كۇيىستى كۇشەيتىپ، دۇنيە جۇزىلىك شوقتىعى بيىك عالىمدار تالقى مىنبەرى سياقتى تۇعىرلارعا سۇيەنىپ، جۇڭگو مەن شەتەل عالىمدارىنىڭ يدەيا - پاراساتى مەن زەرتتەۋ جەمىستەرىنىڭ ەكونوميكالىق، قوعامدىق دامۋدىڭ قۋاتتى قوزعاۋشى كۇشىنە اينالۋىن ىلگەرىلەتەدى. تالقى مىنبەرىنە قاتىناسقان ۋاكىلدەردىڭ ”عىلىم - تەحنيكا، ادامزاتتىڭ ورتاق تاعدىرى ءۇشىن“ دەگەن وسى نەگىزگى تاقىرىپتى ارقاۋ ەتىپ، نەگىزدىك عىلىمدى ىلگەرىلەتىپ، حالىقارالىق سەلبەستىكتى دارىپتەپ، جاستاردىڭ جەتىلۋىن دەمەپ، ادامزاتتىڭ اناعۇرلىم تاماشا بولاشاعىن بىرگە جاراتۋ ءۇشىن ۇلەس قوسۋىن ءۇمىت ەتەمىن.