تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

ۋي شىڭلۋە: جالعىز ءوزى 2 بۇزاقىمەن ايقاسىپ، جاسىل تاۋدا قان توگىپ، ساقشى رۋحىن سومدادى

ۋي شىڭلۋەنىڭ سۋرەتى. شينحۋا اگەنتتىگى تاراتقان

  شينحۋا اگەنتتىگىنىڭ 10 - ايدىڭ 14 - كۇنى ناننيڭنەن بەرگەن حابارى (ءتىلشى حۋاڭ ياۋتىڭ). گۋاڭشيدىڭ رۇڭ -ان اۋدانى ياياۋ اۋىلى داچين قىستاعى تۇڭجيادۇنىندەگى تاۋدىڭ باۋرايىندا وتكەن عاسىردىڭ 90 - جىلدارىندا جەرگىلىكتى قىستاق تۇرعىندارى بازارشىلاۋدا ۇنەمى باسىپ وتەتىن تاۋ اراسىنداعى سوقپاق جولمەن ادام جۇرمەگەلى كوپ جىل بولعان. ءشوپ - شالاڭ باسقان وسى سوقپاق جولداعى سول جەردى رۇڭ - ان اۋداندىق ورمان ساقشى مەكەمەسىنىڭ حالىق ساقشىسى مىڭ مىڭ اۋەلگىدەي تەز كورسەتىپ بەردى، ءدال وسى جەردە ونىڭ ساپتاسى جالعىز ءوزى 2 بۇزاقىمەن بەلدەسىپ، باقىتقا قارسى، دەنەسىنە 4 جەردەن پىشاق ءتيىپ، ەرلىكپەن قۇربان بولعان. ول ۋي شىڭلۋە ەدى.

  ۋي شىڭلۋە 1963 - جىلى گۋاڭشيدىڭ رۇڭ - ان اۋدانى ياياۋ اۋىلىندا دۇنيەگە كەلگەن. 1981 - جىلى 18 جاستاعى ۋي شىڭلۋە وتاننىڭ ۇندەۋىنە بەلسەنە ءۇن قوسىپ، اسكەرگە قاتىناسىپ، قوسىندا ىلگەرىندى - كەيىندى 9 رەت ماراپاتتالادى. 1985 - جىلى ۋي شىڭلۋە قوسىننان شەگىنگەننەن كەيىن، قوعام حاۋىپسىزدىگى قوسىنىنا كىرىپ، رۇڭ - ان اۋداندىق قوعام حاۋىپسىزدىگى مەكەمەسى حىدۇڭ ساقشى بولىمشەسىنىڭ اماندىق قورعاۋشىسى، ياياۋ اۋىلدىق ۇكىمەتتىڭ كادرى، ياياۋ ساقشى بولىمشەسىنىڭ اۋىل ساقشىسى، ياياۋ ساقشى بولىمشەسىنىڭ حالىق ساقشىسى بولادى.

  1985 - جىلى ۋي شىڭلۋە قوسىننان شەگىنىپ، اۋىلىنا قايتىپ، رۇڭ - ان اۋداندىق قوعام حاۋىپسىزدىگى مەكەمەسى اماندىق قورعاۋ اترەتىنىڭ اماندىق قورعاۋشىسى بولىپ، نەگىزىنەن، اۋدان قالاشىعىنىڭ سۋماقىلاردى تيۋ جانە شارلاۋ قىزمەتىنە جاۋاپتى بولادى. كۇندىز قىزمەتتەستەرىمەن بىرگە رۇڭ - ان اۋدانى چاڭ - ان قالاشىعىنداعى كەمەتۇراق، بەكەت سياقتى جەرلەردە شارلاۋ جۇرگىزەدى؛ كەشتە ىرىقتىلىقپەن ءوتىنىش ەتىپ، حىدۇڭ ساقشى بولىمشەسىنىڭ كەشكى شارلاۋىنا قاتىناسىپ، تۇندە ۇرلىق ىستەۋ سياقتى زاڭعا قايشى قىلمىستىق ارەكەتتەرگە سوققى بەرەدى. قىزمەتتە بەلسەندىلىك كورسەتكەندىكتەن، ۋي شىڭلۋە تەز ارادا اماندىق قورعاۋ اترەتىنىڭ تىرەكتى كۇشىنە اينالادى. 1986 - جىلى اماندىق قورعاۋ اترەتى قىزمەتتە كورنەكتى بەينەسىمەن ”اماندىقتى باسقارۋدا مەملەكەتتىك وزات ورىن“ اتاعىنا يە بولادى.

  1987 - جىلى ۋي شىڭلۋە ىلگەرىندى - كەيىندى كادر ساقشى قابىلداۋ ارقىلى رۇڭ - ان اۋدانى ياياۋ اۋىلىنىڭ اۋىل ساقشىسى، حالىق ساقشىسى بولادى. ”الدىڭعى جاق قانشا قاتەرلى بولسا دا حاۋىپتى جاعدايعا ۇشىراعاندا، ول قاشاندا اتويلاپ الدا جۇرەتىن“، - دەدى ۋي شىڭلۋەمەن ياياۋ اۋىلدىق ساقشى بولىمشەسىندە بىرگە ىستەگەن مىڭ مىڭ.

  1988 - جىلى 12 - ايدىڭ ءبىر كۇنى ۋي شىڭلۋە ساقشى بولىمشەسىندەگى تاعى ءبىر حالىق ساقشىسىمەن بىرگە گۋاڭشيدىڭ گۇيلين قالاسى يۇڭفۋ اۋدانى شوۋچىڭ اۋىلىندا قيانات مۇلىكتى ءتىنتىپ تاۋىپ الۋ بارىسىندا شوۋچىڭ بەكەتىنەن قىلمىس ارقالاپ قاشىپ جۇرگەنىنە جارتى جىلدان اسقان باسقىنشىلىق، ۇرلىق دەلوسىنىڭ قىلمىسكەرى لين موۋجيانعا جولىعادى، سول كەزدە لين فاميليالى قولىنا شوشقا سوياتىن پىشاق ۇستاپ تۇرعان، لين فاميليالى قىلمىسكەردىڭ كەز كەلگەن ۋاقىتتا پىشاعىن كوتەرىپ ادام زاقىمدايتىن حاۋپىنە قاراماستان، ۋي شىڭلۋە كوكىرەك كەرە العا شىعىپ، باتىلدىقپەن ونى قولعا تۇسىرەدى.

  1991 - جىلى 6 - ايدىڭ 2 - كۇنى ۇيىندە دەمالىپ جاتۋعا ءتيىستى ۋي شىڭلۋە ىرىقتىلىقپەن بولىمشەگە بارىپ كەزەكشى بولادى. سول كەزدە ءبىر بۇقارا ءوزىن ”ۋي لاۋسى“ دەپ اتايتىن، اسىلگى ەسىمى جاڭ موۋسى اتتى قاشىپ جۇرگەن ۇرلىق ىستەگەن كۇماندىنى ياياۋ كوشەسىنەن بايقاعاندىعىن مالىمدەيدى. ۋي شىڭلۋە جانە ساقشى بولىمشەسىندەگى تاعى ءبىر حالىق ساقشىسى جاعدايدان حاباردار اداممەن بىرگە جاڭ موۋسىنىڭ سوڭىنا تۇسەدى.

  جولدا قاتتى جۇگىرگەندىكتەن، تاعى ءبىر حالىق ساقشىسىنىڭ اسقازان ناۋقاسى كەنەت قوزعالادى، ساپتاسىن ورنالاستىرىپ بولعاننان كەيىن، ۋي شىڭلۋە ۇزدىكسىز قۋعىندايدى. نەشە كيلومەتر تاۋ جولىن باسىپ قۋعاننان كەيىن، كۇماندى ادامنان كوز جازىپ قالعان ۋي شىڭلۋە تاۋ جولىنىڭ شەتىنە جاسىرىنىپ كۇتەدى، كوپ وتپەي، قىلمىس كۇماندىسى تاۋ جولىنان توبە كورسەتەدى. ۋي شىڭلۋە اتىلىپ شىعىپ جاڭ موۋسىنى تارپا باس سالادى، ۋي شىڭلۋەنىڭ جالعىز ەكەندىگىن كورگەن جاڭ موۋسى جانتالاسا قارسىلىق كورسەتىپ، ەكەۋى قيان - كەسكى بەلدەسەدى. ۋي شىڭلۋە جەلكەسىنەن تىرپ ەتكىزبەي جەرگە باسىپ العان جاڭ موۋسى بۇلقىنا سىبايلاسىن كومەككە شاقىرادى، سىبايلاسى ۋي فاميليالى تۋ سىرتىنان تاپ بەرىپ ۋي شىڭلۋەنىڭ موينىنان قۇشاقتايدى، ۋي شىڭلۋە جىعىلىپ تۇسكەن ورايدان پايدالانىپ جاڭ موۋسى ۇشكىر پىشاعىن سۋىرىپ الىپ شىعادى.

  قانىپەزەر 2 بۇزاقىدان ەش جاسقانباعان ۋي شىڭلۋە باتىلدىقپەن قايتارما سوققى بەرەدى. بەلدەسۋ بارىسىندا جاڭ موۋسى ۇشكىر پىشاعىن ۋي شىڭلۋەگە 4 رەت سالىپ الادى، 2 رەتكىسى جۇرەگىنە سۇعىلعان ۋي شىڭلۋە سول جەردە، باقىتقا قارسى، ەرلىكپەن قۇربان بولادى، سول جىلى 28 جاستا عانا ەدى.

  بۇزاقى الدىندا ەش يمەنبەگەن ۋي شىڭلۋە جاستىق كوكتەمىمەن جانە ىستىق قانىمەن شۇعىلالى ساقشى رۋحىن سومداپ، پارتياعا ادال بولۋ، وتانعا ادال بولۋ، حالىققا ادال بولۋ، زاڭعا ادال بولۋ ايبىندى سەرتىن امالياتتا ايگىلەدى. 1992 - جىلى ۋي شىڭلۋەگە قوعام حاۋىپسىزدىگى مينيسترلىگى جاعىنان مەملەكەتتىك قوعام حاۋىپسىزدىگى شەبىندەگى 2 - دارەجەلى قاھارمان ۇلگى اتاعى تولىقتاپ بەرىلىپ، سول جىلى توڭكەرىستىك قۇربان بولىپ بەكىتىلدى.

  ۋي شىڭلۋەنىڭ اعاسى ۋي شىڭيۇڭنىڭ وتباسىندا حالىق ىستەرى مينيسترلىگى تاراتقان ”توڭكەرىستىك قۇربان كۋالىگى“ جانە قوعام حاۋىپسىزدىگى مينيسترلىگى تاراتقان ”قوعام حاۋىپسىزدىگى قاھارماندارىن رەسپۋبليكا ەسىنەن شىعارمايدى“ دەپ جازىلعان ەسكەرتكىش تاقتا قوناق بولمەسىنىڭ ورتاسىنا قويىلىپتى. ۇقساس ساقشىلىق مىندەت وتەپ، تەمىر جول قوعام حاۋىپسىزدىگى جۇيەسىنەن زەينەتكە شىققان ۋي شىڭيۇڭنىڭ قازىر 2 نەمەرەسى بار ەكەن. ”مەن ولارعا ءىنىمنىڭ بۇزاقىلارمەن باتىلدىقپەن بەلدەسكەن ءىسىن ءاردايىم اڭگىمەلەپ بەرەمىن، كەيىن ولار ساقشى بولامىن دەسە، ءسوز جوق، بار كۇشىممەن قولدايمىن“، - دەدى ۋي شىڭيۇڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى