ءتىلشى ءرايدا، قۇمىل تىلشىلەر پۋنكتىنەن ان يان
”تۇمشالامالى شام مەملەكەت مەرەكەسىن قۋانىشپەن قارسى الۋدىڭ بەلگىسى، مىنا ءبىر جاعىنا ورنەكتەگەن ءبىر جۇپ انار ءبىزدىڭ شينجياڭداعى ءار ۇلت حالقىنىڭ اناردىڭ دانىندەي تىعىز ۇيىسقاندىعىنىڭ بەلگىسى...“ 10 - ايدىڭ 10 - كۇنى ءيسارام داۋىت تىلشىگە ”كورىكتى شينجياڭ قۇرىپ، وتان ارمانىن بىرگە جۇزەگە اسىرۋ“ مەرۋەرتتى كەستەلى بۇيىمىنىڭ ءمانىن ايتىپ بەردى.
بيىل 60 جاستاعى ءيسارام قۇمىل قالاسى يجوۋ رايونى قالا ءىشى اۋىلى جيدەقۇدىق قىستاعىنىڭ قاراپايىم تۇرعىنى. كوپ جىلداردان بەرى، ول ءوزىنىڭ ءاربىر ءىس - ارەكەتىمەن پارتياعا، وتانعا دەگەن قىزۋ سۇيىسپەنشىلىگىن بەينەلەپ كەلەدى.
بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، ءيسارام 9 اي ۋاقىتىن جۇمساپ، 240 مىڭنان استام كۇرىشتىڭ ۇلكەندىگىندەي رەڭدى مەرۋەرتتى بىردەن - بىردەن ءتىزىپ، ۇزىندىعى 1.2 مەتر، كەڭدىگى 1 مەتر، سالماعى شامامەن 4 كيلوگرام كەلەتىن ”كورىكتى شينجياڭ قۇرىپ، وتان ارمانىن بىرگە جۇزەگە اسىرۋ“ ءارىپ ۇلگىسىندەگى مەرۋەرتتى كەستەلى بۇيىمىن كەستەلەپ شىعىپ، ۇلى وتانعا دەگەن تىلەگىن بەينەلەدى.
بۇل ءيسارامنىڭ مەرۋەرتتى كەستەلى بۇيىم ارقىلى پارتيانى ءسۇيۋ، وتاندى ءسۇيۋ سۇيىسپەنشىلىگىن ءبىرىنشى رەت بەينەلەۋى ەمەس. 2005 - جىلدان بۇگىنگە دەيىن، ءيسارام ىلگەرىندى - كەيىندى «جۇڭگو كارتاسى»، «تىنىش جۇڭگو»، «جاراسىمدى شينجياڭ» سياقتى 11 مەرۋەرتتى كەستەلى بۇيىم تىكتى، ءاربىر مەرۋەرتتى كەستەلى بۇيىم اينا - قاتەسىز ونىڭ پارتيا مەن مەملەكەتكە دەگەن العىستى سەزىمىن بەينەلەيدى.
2012 - جىلى قىستىڭ ءبىر كۇنى ەدى، الەۋمەتتىك قاتىناس اۆتوبۋزىندا وتىرعان ءيسارام تەرەزەدەن قارلى بوراندا مىندەت اتقارىپ تۇرعان قاتىناس ساقشىسىن كورىپ، قاتىناس ساقشىسىنا ۇلتاراق تىگىپ بەرۋ بەكىمىنە كەلەدى. ۇيىنە كەلگەن سوڭ ءيسارام ساندىعىن اقتارىپ، ىشكابىن قوتارىپ، ءوزىنىڭ كونە كيىمدەرىن الىپ شىعىپ تاپ - تازا جۋىپ كەپتىرگەن سوڭ ونى قول كۇيدىرەتىن ىستىق كاڭنىڭ ۇستىنە توسەپ، دايارلاپ العان شىلىمىن جاعادى، ءبىر قابات شىلىم جاعىپ، ءبىر قابات ماتا جاپسىرىپ، ءبىر قابات شىلىم جاعىپ، ءبىر قابات ماتا جاپسىرادى...
ەكىنشى كۇنى ءيسارام ابدەن كەپكەن ماتانى قايشىمەن اياق كيىم ۇلتانى سياقتى ءپىشىپ، سوڭىنان قىزىنا جاساۋعا بەرگەن تىگىن ماشيناسىمەن جۇرىندايدى.
وسىلايشا ءيسارام كۇنى - ءتۇنى دەمەي جارتى ايدان استام جۇمىس ىستەپ، 300 جۇپتان استام ۇلتاراق تىگىپ، قۇمىل قالالىق قاتىناس - ساقشى ۇلكەن اترەتىنە الىپ كەلەدى. وسىدان كەيىن ءيسارام ىلگەرىندى - كەيىندى قاتىناس ساقشىلارىنا نەشە مىڭداعان جۇپ ۇلتاراق تىگىپ بەرەدى.
2013 - جىلى ءيسارام حالىق اراسىنان شىققان ۇگىت - لەكسيا جاساۋشى بولىپ، قاراپايىم دا ۇعىنىقتى تىلمەن پارتيانىڭ حالىققا ءتيىمدى ساياساتتارىن سان مىڭداعان وتباسىنا جەتكىزدى.
بىلتىر 6 - ايدا ءيسارام ۇكىمەت ءبولىپ بەرگەن ارزان مايعا بەرىلەتىن ۇيگە كوشىپ كىرىپ، ۇكىمەتتىڭ قوسىمشا قاراجاتىنان يگىلىكتەنۋمەن بىرگە، اي سايىن 491 يۋان ەڭ تومەنگى تۇرمىستى قامتاماسىزداندىرۋ قاراجاتىن الادى. ول: كىشكەنتايىمنان ءوسىپ جەتىلگەنگە دەيىنگى ءاربىر قادامىم تۇگەلدەي پارتيا مەن مەملەكەتتىڭ قامقورلىعىنان ايرىلا المايدى، - دەپ قارايدى.
