1996 - جىلى 10 - اي، جۇڭگونىڭ رۋحاني وركەنيەت قۇرىلىسىنىڭ عاسىر اتتاپ دامۋىنا جەتەكشىلىك ەتەتىن تۇعىرنامالىق حۇجات − «جۇڭگو كوممۋنيستىك پارتياسى ورتالىق كوميتەتىنىڭ سوتسياليستىك رۋحاني وركەنيەت قۇرىلىسىن كۇشەيتۋدەگى ءبىرقانشا ماڭىزدى ماسەلە جونىندەگى قاۋلىسى» جۇڭگو كوممۋنيستىك پارتياسى 14 - كەزەكتى ورتالىق كوميتەتىنىڭ التىنشى جالپى ماجىلىسىندە ماقۇلداۋدان ءوتتى.
پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، تاۋار شارۋاشىلىعىن دامىتۋدىڭ جاڭا جاعدايى جونىندە دىڭ شياۋپيڭ: زاتتىق وركەنيەت قۇرىلىسىن يگەرۋمەن بىرگە، سوتسياليستىك رۋحاني وركەنيەت قۇرىلىسىنا استە نەمقۇرايدى قاراۋعا بولمايدى، ەكەۋىن بىردەي يگەرۋ، ەكەۋىن دە مىقتى يگەرۋ كەرەك دەگەندى ورتاعا قويدى. الدىڭعى عاسىردىڭ 90 - جىلدارىنا كىرگەننەن كەيىن، رەفورمانى تەرەڭدەتۋدىڭ جانە سوتسياليستىك بازار شارۋاشىلىعىن دامىتۋدىڭ جاڭا جاعدايىندا، جياڭ زىمين جولداستى ۇيتقى ەتكەن پارتيا ورتالىق كوميتەتى ”ەكەۋىن بىردەي يگەرۋ، ەكەۋىن دە مىقتى يگەرۋ كەرەك“ باعىتىنا تاباندى بولىپ، سوتسياليستىك رۋحاني وركەنيەت قۇرىلىسىن ۇزدىكسىز ىلگەرىلەتتى.
1996 - جىلى 10 - ايدا اشىلعان جۇڭگو كوممۋنيستىك پارتياسى 14 - كەزەكتى ورتالىق كوميتەتىنىڭ التىنشى جالپى ماجىلىسىندە «جۇڭگو كوممۋنيستىك پارتياسى ورتالىق كوميتەتىنىڭ سوتسياليستىك رۋحاني وركەنيەت قۇرىلىسىن كۇشەيتۋدەگى ءبىرقانشا ماڭىزدى ماسەلە جونىندەگى قاۋلىسى» ماقۇلدانىپ، سوتسياليستىك رۋحاني وركەنيەت قۇرىلىسىنىڭ جەتەكشى يدەياسى، باستى تالابى جانە مۇنان كەيىنگى 15 جىلداعى رۋحاني وركەنيەت قۇرىلىسىنىڭ ماڭىزدى نىساناسى اناعۇرلىم بەرىك ورنادى.
قاۋلىدا مىنالار اتاپ كورسەتىلدى: رۋحاني وركەنيەت قۇرىلىسىنىڭ جەتەكشى يدەياسى جانە باستى تالابى: ماركسيزم - لەنينيزمدى، ماۋ زىدۇڭ يدەياسىن جانە دىڭ شياۋپيڭنىڭ جۇڭگوشا سوتسياليزم قۇرۋ نازارياسىن جەتەكشى ەتىپ، پارتيانىڭ نەگىزگى لۋشيانى مەن نەگىزگى باعىتىنا تاباندى بولىپ، يدەيا - ءمورال قۇرىلىسىن كۇشەيتىپ، وقۋ - اعارتۋدى، عىلىمدى، مادەنيەتتى دامىتىپ، عىلمي نازاريامەن ادامدى قارۋلاندىرىپ، دۇرىس قوعامدىق پىكىرمەن ادامعا جەتەكشىلىك ەتىپ، وسكەلەڭ رۋحپەن ادامدى سومداپ، تاڭداۋلى تۋىندىلارمەن ادامدى شابىتتاندىرىپ، مۇراتتى، ءمورالدى، مادەنيەتتى، ءتارتىپتى سوتسياليزم ازاماتتارىن تاربيەلەپ، تۇتاس ۇلتتىڭ يدەيا - ءمورال ساپاسىن جانە عىلىم - مادەنيەت ساپاسىن ءوسىرىپ، ءار ۇلت حالقىن ىنتىماقتاستىرىپ جانە باستاپ، ەلىمىزدى باي، قۇدىرەتتى، دەموكراتيالى، وركەنيەتتى سوتسياليستىك وسىزاماندانعان مەملەكەت ەتىپ قۇرىپ شىعۋ.
14 - كەزەكتى ورتالىق كوميتەتىنىڭ التىنشى جالپى ماجىلىسىنەن كەيىن، وركەنيەتتى قالا، وركەنيەتتى قىستاق - قالاشىق، وركەنيەتتى كاسىپ سالاسىن قۇرۋدى نەگىزگى مازمۇن ەتكەن بۇقارالىق قيمىلدار، سونداي - اق قوعامدىق الەۋمەتتىك ءمورال، كاسىپتىك ءمورال جانە وتباسى تاماشا ءمورال تاربيەسى بۇكىل مەملەكەتتىڭ جەر - جەرىندە قارىشتاي ورىستەتىلىپ، سوتسياليستىك رۋحاني وركەنيەت قۇرىلىسىن پارمەندى جەبەدى.
(شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى)
