التىن كۇز مەزگىلىندە، جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جەڭىسپەن وتكىزىلدى. جالپى ءماجىلىس باس شۋجي شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭداپ جانە تالقىلاپ، پارتيا 19 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى ورتالىق كوميتەت ساياسي بيۋروسىنىڭ قىزمەتتەرىن تولىق تۇراقتاندىردى. جالپى ءماجىلىس «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىن» قاراپ ماقۇلدادى، بۇل ەلىمىزدىڭ مەملەكەت ءتۇزىمى مەن جونگە سالۋ جۇيەسىن كەمەلدەندىرۋدىڭ جانە دامىتۋدىڭ تۇعىرنامالىق حۇجاتى.
جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ ساتىندە، پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ماسەلەسىن ارناۋلى تاقىرىپتا اقىلداسۋى ءارى قارار شىعارۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيىكتە تۇرىپ، ۇزاققا كوز جىبەرگەن ستراتەگيالىق كوز اياسىن جانە كۇشتى تاريحي جاۋاپكەرشىلىك ارقالاعانىن ايگىلەپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، جاپپاي سوتسياليستىك وسىزاماندانعان مەملەكەت قۇرۋ، پارتيانىڭ بيلىك جۇرگىزۋ ورنىن بەكەمدەۋ، پارتيا مەن مەملەكەتتىڭ باياندى تىنىشتىعىنا شىنايى كەپىلدىك ەتۋ جونىنەن كەلەلى ءارى تەرەڭ ءمان الادى. جالپى ءماجىلىس ماقۇلداعان «قارار» پارتيا مەن مەملەكەت ىستەرى دامۋىنىڭ جالپى جاعدايىن جانە ۇزاق بولاشاعىن نەگىزگە الىپ، ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىنىڭ بىرتىندەي كەمەلدەنۋ بەتالىسىن جانە زاڭدىلىعىن ءدال يگەرىپ، ”نەگە تاباندى بولۋ جانە نەنى بەكەمدەۋ، نەنى كەمەلدەندىرۋ جانە دامىتۋ“ سىندى وسى كەلەلى ساياسي ماسەلەگە تەرەڭدەي جاۋاپ بەردى، ءارى، ءسوز جوق، مىقتاپ تاباندى بولاتىن كەلەلى تۇزىمدەردى جانە پرينسيپتەردى ەگجەي - تەگجەيلى باياندادى، تاعى ءتۇزىم قۇرىلىسىن ىلگەرىلەتۋدىڭ كەلەلى مىندەتتەرىن جانە شارالارىن ورنالاستىردى، تاريحتى قورىتىندىلاۋ مەن بولاشاققا بەت الۋدىڭ بىرلىگىن، تۇراقتىلىقتى ساقتاۋ مەن رەفورما جاساۋدىڭ، جاڭالىق اشۋدىڭ بىرلىگىن، ماسەلەنى باعدار ەتۋ مەن نىسانانى باعدار ەتۋدىڭ بىرلىگىن ايگىلەدى، ءسوز جوق، ءتۇرلى جاقتاعى تۇزىمدەردىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتۋ، ەلىمىزدىڭ ءتۇزىم باسىمدىعىن مەملەكەتتى جونگە سالۋ قۋاتىنا اناعۇرلىم ويداعىداي اينالدىرۋ جونىنەن كەلەلى ءارى تەرەڭ ىقپال تۋدىرادى.
جۇڭگوشا سوتسياليزم ءتۇزىمى − پارتيا مەن حالىقتىڭ ۇزاق ۋاقىت امالياتتىق ىزدەنىسى بارىسىندا قالىپتاسقان عىلمي ءتۇزىم جۇيەسى، ەلىمىزدىڭ مەملەكەتتى جونگە سالۋداعى بارلىق قىزمەتى مەن قيمىلدارى تۇگەلدەي جۇڭگوشا سوتسياليزم ءتۇزىمى بويىنشا ورىستەتىلەدى، ەلىمىزدىڭ مەملەكەتتى جونگە سالۋ جۇيەسى مەن جونگە سالۋ قابىلەتى − جۇڭگوشا سوتسياليزم ءتۇزىمىنىڭ جانە ونىڭ اتقارۋ قابىلەتىنىڭ شوعىرلى بەينەسى. جاڭا جۇڭگونىڭ 70 جىلدا قول جەتكىزگەن تاريحي تابىسى مىنانى تولىق دالەلدەدى: جۇڭگوشا سوتسياليزم ءتۇزىمى قازىرگى زامانعى جۇڭگونىڭ دامۋىنىڭ، العا باسۋىنىڭ ءتۇبىرلى كەپىلى. جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسى ماركسيزمدى جەتەكشى ەتكەن، جۇڭگونىڭ بايتاق دالاسىنا تامىر تارتقان، تەرەڭ جۇڭحۋا مادەنيەتى نەگىزىنە يە، حالىقتىڭ قولداۋىنا ابدەن يە بولعان ءتۇزىم جانە جونگە سالۋ جۇيەسى، قۇدىرەتتى ومىرشەڭدىك كۇشكە جانە وراسان زور باسىمدىققا يە ءتۇزىم جانە جونگە سالۋ جۇيەسى، ءبىر ميلليارد 400 ميلليونعا تاياۋ جان سانى بار ءىرى ەلدىڭ العا باسۋى مەن دامۋىن ۇزدىكسىز ىلگەرىلەتە الاتىن، 5000 جىلدان استام وركەنيەت تاريحى بار جۇڭحۋا ۇلتىنىڭ ”قوس 100 جىلدىق“ كۇرەس نىساناسىن جۇزەگە اسىرۋىنا، ونان سوڭ ۇلى گۇلدەنۋدى جۇزەگە اسىرۋىنا شىنايى كەپىلدىك ەتەتىن ءتۇزىم جانە جونگە سالۋ جۇيەسى. اماليات ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىنىڭ كوپ جاقتاردا كورنەكتى باسىمدىققا يە ەكەندىگىن، وسى كورنەكتى باسىمدىقتار ءبىزدىڭ جۇڭگوشا سوتسياليزم جول سەنىمىمىزدى، نازاريا سەنىمىمىزدى، ءتۇزىم سەنىمىمىزدى، مادەنيەت سەنىمىمىزدى بەكەمدەيتىن نەگىزگى دالەل ەكەندىگىن تولىق تۇسىندىرەدى.
قازىرگى تاڭداعى دۇنيە ءجۇزى 100 جىلدا بولماعان زور وزگەرىس جاعدايىن باستان كەشۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر. ءداۋىر اعىنىنا سايكەسىپ، ەلىمىز قوعامىنداعى باستى قايشىلىقتىڭ وزگەرىسىنە ۇيلەسىپ، ۇلى كۇرەستى، ۇلى ينجەنەريانى، ۇلى ىستەردى، ۇلى ارماندى جاپپاي مەڭگەرىپ، حالىقتىڭ تاماشا تۇرمىسقا بولعان جاڭا تىلەگىن ۇزدىكسىز قاناعاتتاندىرىپ، العا باسۋ جولىنداعى ءتۇرلى حاۋىپ - قاتەرلەردى، سىن - سايىستاردى جەڭۋدە، ءسوز جوق، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جاعىنا اناعۇرلىم كۇش سالۋ كەرەك. وسى رەتكى جالپى ءماجىلىس جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ماسەلەسىن ارناۋلى تاقىرىپتا اقىلداسۋدا مىنالاردى ويلاسقان: بۇل ”قوس 100 جىلدىق“ كۇرەس جاساۋ نىساناسىن جۇزەگە اسىرۋدىڭ كەلەلى مىندەتى، ءسوز جوق، بۇل جونىندە جۇيەلى قورىتىندى جاساپ، داۋىرمەن بىرگە ىلگەرىلەيتىن، كەمەلدەندىرەتىن جانە دامىتاتىن العا باسۋ بەتالىسىن جانە قىزمەت تالابىن ورتاعا قويۋ كەرەك؛ بۇل جاڭا داۋىردەگى رەفورما جاساۋدى، ەسىك اشۋدى العا ىلگەرىلەتەتىن ءتۇبىرلى تالاپ، ءسوز جوق، وسىنى نەگىزگى ءوس ەتىپ، ءتۇزىم قۇرىلىسى مەن جونگە سالۋ قابىلەتى قۇرىلىسىن اناعۇرلىم كورنەكتى ورىنعا قويىپ، ءار جاقتاعى تۇزىمدەردىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك؛ بۇل حاۋىپ - قاتەرلەرگە، سىن - سايىستارعا توتەپ بەرىپ، ىرىقتىلىققا قول جەتكىزۋدىڭ پارمەندى كەپىلى، ءسوز جوق، ءتۇزىم قۇدىرەتىن حاۋىپ - قاتەرلەردىڭ، سىن - سايىستاردىڭ سوققىسىنا توتەپ بەرۋگە قولدانىپ، اۋىر حاۋىپ - قاتەرلەردەن ساقتانۋدان جانە ونى جويۋدان قامال الۋ شايقاسىنىڭ جەڭىسىنە قول جەتكىزۋ كەرەك.
”مەملەكەتتى جونگە سالۋدا، حالىقتى تارتىپكە شاقىرۋدا ءتۇزىم باستى ورىندا تۇرادى“. جۇڭگوشا سوتسياليزم تۇزىمىنە تاباندى بولۋدىڭ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ باس نىساناسى: پارتيامىز قۇرىلعاندىعىنا 100 جىل بولعان كەزدە، ءار جاقتاعى ءتۇزىمدى اناعۇرلىم تولىستىرۋ، اناعۇرلىم تۇلعالاندىرۋ جاعىندا كورنەكتى ناتيجەگە قول جەتكىزۋ؛ 2035 - جىلعا جەتكەندە، ءار جاقتاعى ءتۇزىمدى اناعۇرلىم كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى نەگىزىنەن جۇزەگە اسىرۋ؛ جاڭا جۇڭگو قۇرىلعاندىعىنا 100 جىل بولعان كەزدە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جاپپاي جۇزەگە اسىرىپ، جۇڭگوشا سوتسياليزم ءتۇزىمىن اناعۇرلىم بەكەمدەۋ، ابزالدىلىعىن تولىق ايگىلەۋ. تەك پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، يدەيانى ازات ەتۋگە، شىندىقتى ءىس جۇزىنەن ىزدەۋگە تاباندى بولىپ، رەفورما جاساۋعا، جاڭالىق اشۋعا تاباندى بولىپ، جۇڭگوشا سوتسياليزم تۇزىمىنە تىرەك بولاتىن ءتۇبىرلى تۇزىمگە، نەگىزگى تۇزىمگە، ماڭىزدى تۇزىمگە تاباندى بولۋدى جانە ونى كەمەلدەندىرۋدى كورنەكتىلەندىرىپ، نەگىزدى بەكەمدەۋگە، باسىمدىقتى ساۋلەلەندىرۋگە، ولقىلىقتاردى تولىقتاۋعا، ءالسىز تۇستاردى كۇشەيتۋگە كۇش سالىپ، جۇيەسى كەمەلدى، عىلمي ارناعا تۇسكەن، اينالىمى ۇتىمدى ءتۇزىم جۇيەسىن ورناتىپ، جۇيەلى جونگە سالۋدى، زاڭ بويىنشا جونگە سالۋدى، جالپىلىق جونگە سالۋدى، تۋ باستان جونگە سالۋدى كۇشەيتىپ، ەلىمىزدىڭ ءتۇزىم باسىمدىعىن مەملەكەتتى جونگە سالۋ قۋاتىنا اناعۇرلىم ويداعىداي اينالدىراتىن بولساق عانا، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى كەپىلدىك ازىرلەۋگە بولادى.
جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ − بۇكىل پارتيانىڭ كەلەلى ستراتەگيالىق مىندەتى. ءسوز جوق، پارتيا ورتالىق كوميتەتىنىڭ ءبىر تۇتاس باسشىلىعىندا جۇرگىزىپ، عىلمي جوبالاپ، دەن قويا ۇيىمداستىرىپ، الىس پەن جاقىندى ۇشتاستىرىپ، تۇتاس تۇلعالىق ىلگەرىلەتىپ، وسى رەتكى جالپى ءماجىلىس تۇراقتاندىرعان ءتۇرلى نىسانالار مەن مىندەتتەردىڭ جاپپاي ناقتاپ تياناقتانۋىنا شىنايى كەپىلدىك ەتۋ كەرەك. ءار دارەجەلى پارتكومدار مەن ۇكىمەتتەر جانە ءار دارەجەلى باسشى كادرلار ءتۇزىم تانىمىن شىنايى كۇشەيتىپ، ءتۇزىم بەدەلىن باستاماشىلدىقپەن قورعاپ، ءتۇزىم اتقارۋدىڭ ۇلگىسى بولىپ، بۇكىل پارتيانى، بۇكىل قوعامدى تۇزىمگە سانالى قۇرمەت ەتۋگە، ءتۇزىمدى قاتاڭ اتقارۋعا، ءتۇزىمدى باتىل قورعاۋعا باستاۋ كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا ىلگەرىلەپ، ءورىس اشا جاڭالىق اشىپ، جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزەيىك!
(شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى)
