جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى بەيجيڭدە وتكىزىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى بەيجيڭدە وتكىزىلدى

ورتالىق كوميتەت ساياسي بيۋروسى ءماجىلىستى باسقاردى، ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى

  جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى

  جالپى ءماجىلىس «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىن» قاراپ ماقۇلدادى

  جالپى ءماجىلىس بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، تۇراقتىلىقتى ساقتاپ، قايراتتانا العا ۇمتىلىپ، ءورىس اشا جاڭالىق اشىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزۋگە ۇندەدى

  جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى 2019 - جىلى 10 - ايدىڭ 28 - كۇنىنەن 31 - كۇنىنە دەيىن بەيجيڭدە وتكىزىلدى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

   جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى 2019 - جىلى 10 - ايدىڭ 28 - كۇنىنەن 31 - كۇنىنە دەيىن بەيجيڭدە وتكىزىلدى. ورتالىق كوميتەت ساياسي بيۋروسى ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

   ■ جۇڭگوشا سوتسياليزم ءتۇزىمى − پارتيا مەن حالىقتىڭ ۇزاق ۋاقىت امالياتتىق ىزدەنىسى بارىسىندا قالىپتاسقان عىلمي ءتۇزىم جۇيەسى، ەلىمىزدىڭ مەملەكەتتى جونگە سالۋداعى بارلىق قىزمەتى مەن قيمىلدارى تۇگەلدەي جۇڭگوشا سوتسياليزم ءتۇزىمى بويىنشا ورىستەتىلەدى، ەلىمىزدىڭ مەملەكەتتى جونگە سالۋ جۇيەسى مەن جونگە سالۋ قابىلەتى جۇڭگوشا سوتسياليزم ءتۇزىمىنىڭ جانە ونىڭ اتقارۋ قابىلەتىنىڭ شوعىرلى بەينەسى

   ■ جۇڭگوشا سوتسياليزم تۇزىمىنە تاباندى بولۋدىڭ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ باس نىساناسى: پارتيامىز قۇرىلعاندىعىنا 100 جىل بولعان كەزدە، ءار جاقتاعى ءتۇزىمدى اناعۇرلىم تولىستىرۋ، اناعۇرلىم تۇلعالاندىرۋ جاعىندا كورنەكتى ناتيجەگە قول جەتكىزۋ؛ 2035 - جىلعا جەتكەندە، ءار جاقتاعى ءتۇزىمدى اناعۇرلىم كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى نەگىزىنەن جۇزەگە اسىرۋ؛ جاڭا جۇڭگو قۇرىلعاندىعىنا 100 جىل بولعان كەزدە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جاپپاي جۇزەگە اسىرىپ، جۇڭگوشا سوتسياليزم ءتۇزىمىن اناعۇرلىم بەكەمدەۋ، ابزالدىلىعىن تولىق ايگىلەۋ

  شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ مازمۇنداماسى

  (جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە 2019 - جىلى 10 - ايدىڭ 31 - كۇنى ماقۇلداندى)

  جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى 2019 - جىلى 10 - ايدىڭ 28 - كۇنىنەن 31 - كۇنىنە دەيىن بەيجيڭدە وتكىزىلدى.

  بۇل رەتكى جالپى ماجىلىسكە ورتالىق كوميتەتتىڭ مۇشەلەرىنەن 202 ادام، كانديدات ورتالىق كوميتەت مۇشەلەرىنەن 169 ادام قاتىناستى. ورتالىق ءتارتىپ تەكسەرۋ كوميتەتى تۇراقتى كوميتەتىنىڭ مۇشەلەرى مەن قاتىستى جاقتارداعى جاۋاپتى جولداستار ماجىلىسكە سىرتتاي قاتىناستى. پارتيا 19 - قۇرىلتايىنىڭ ۋاكىلدەرى اراسىنداعى ءبىر ءبولىم نەگىزگى ساتىداعى جولداستار مەن مامان - وقىمىستىلار دا ماجىلىسكە سىرتتاي قاتىناستى.

  جالپى ءماجىلىستى ورتالىق كوميتەتتىڭ ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.

  جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىن» قاراپ ماقۇلدادى. شي جينپيڭ «قارار (تالقىلاناتىن نۇسقا)» جونىندە جالپى ماجىلىسكە تۇسىنىك جاسادى.

  جالپى ءماجىلىس پارتيا 19 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى ورتالىق كوميتەت ساياسي بيۋروسىنىڭ قىزمەتىن تولىق تۇراقتاندىردى. ءبىر اۋىزدان بىلاي دەپ قارادى: ەل ءىشى - سىرتىنداعى حاۋىپ - قاتەرلەر مەن سىن - سايىستار كورنەكتى ارتقان كۇردەلى جاعدايدا، ورتالىق كوميتەت ساياسي بيۋروسى جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ەل ءىشى جانە حالىقارا سىندى ەكى ۇلكەن كەلەلى جاعدايدى دۇرىس يگەرىپ، دامۋ جانە حاۋىپسىزدىك سىندى ەكى ۇلكەن ءىستى مىقتى ۇستاۋعا كۇش سالىپ، ستراتەگيالىق جوسپارلاۋدى كۇشەيتىپ، ستراتەگيالىق تاباندىلىقتى ارتتىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ۇزدىكسىز ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ قامال الىپ، قيىنشىلىقتاردى جەڭىپ، ۇدەرە العا تارتتى، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جەلىلەس قيمىلدارى پارتيا تىلەگىن، ارميا تىلەگىن، حالىق تىلەگىن بارىنشا جەلپىندىردى جانە توعىستىردى، رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جەلىلەس قيمىلدارى رەفورمانى سوڭىنا دەيىن جۇرگىزۋ سەنىمىن نىعايتتى، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ ناتيجەسى كورنەكتى بولدى، پارتيا مەن مەملەكەت قۇرىلىمدارى رەفورماسىن تەرەڭدەتۋدىڭ ءتۇرلى قىزمەتتەرى جەڭىسپەن ورىندالدى، رەفورما جاساۋ، ەسىك اشۋ جاپپاي تەرەڭدەپ، ەكونوميكا مەن قوعام اقاۋسىز، ورنىقتى دامۋدى ساقتادى، ءۇش ۇلكەن قامال الۋ شايقاسىن باتىل، ويداعىداي جۇرگىزۋ جانە ءتۇرلى حاۋىپ - قاتەرلەر مەن سىن - سايىستارعا توتەپ بەرۋ قىزمەتى پارمەندى، ءونىمدى بولدى، مەملەكەت قورعانىسى مەن ارميانى وسىزامانداندىرۋ تەرەڭ ىلگەرىلەتىلدى، پارتيا مەن مەملەكەت ىستەرىن ىلگەرىلەتۋ جاڭا، كەلەلى ىلگەرىلەۋشىلىككە قول جەتكىزدى.

  جالپى ءماجىلىس مىنالاردى العا قويدى: جۇڭگوشا سوتسياليزم ءتۇزىمى − پارتيا مەن حالىقتىڭ ۇزاق ۋاقىت امالياتتىق ىزدەنىسى بارىسىندا قالىپتاسقان عىلمي ءتۇزىم جۇيەسى، ەلىمىزدىڭ مەملەكەتتى جونگە سالۋداعى بارلىق قىزمەتى مەن قيمىلدارى تۇگەلدەي جۇڭگوشا سوتسياليزم ءتۇزىمى بويىنشا ورىستەتىلەدى، ەلىمىزدىڭ مەملەكەتتى جونگە سالۋ جۇيەسى مەن جونگە سالۋ قابىلەتى جۇڭگوشا سوتسياليزم ءتۇزىمىنىڭ جانە ونىڭ اتقارۋ قابىلەتىنىڭ شوعىرلى بەينەسى.

  جالپى ءماجىلىس بىلاي دەپ قارادى: جۇڭگو كوممۋنيستىك پارتياسى قۇرىلعاننان بەرى، حالىقتى ىنتىماقتاستىرىپ، باستاپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا تاباندى بولىپ، جۇڭگو توڭكەرىسىنىڭ جەڭىسىنە قول جەتكىزىپ، سونداي - اق ەل ءىشى - سىرتىنىڭ ۇنامدى - ۇنامسىز ەكى جاقتاعى تاجىريبەلەرىن تەرەڭ قورىتىندىلاپ، امالياتتا ۇزدىكسىز ىزدەنىس جاساپ، ۇزدىكسىز رەفورما جاساپ جانە جاڭالىق اشىپ، سوتسياليزم ءتۇزىمىن ورناتىپ جانە ونى كەمەلدەندىرىپ، پارتيانىڭ باسشىلىعى جانە ەكونوميكا، ساياسي، مادەنيەت، قوعام، ەكولوگيالىق وركەنيەت، اسكەري ىستەر، سىرتقى ىستەر سياقتى ءار جاقتاعى تۇزىمدەردى قالىپتاستىرىپ جانە دامىتىپ، مەملەكەتتى جونگە سالۋدى كۇشەيتىپ جانە كەمەلدەندىرىپ، تاريحي سيپاتتى جەتىستىككە قول جەتكىزدى. پارتيانىڭ 18 - قۇرىلتايىنان بەرى، پارتيامىز حالىققا باسشىلىق ەتىپ ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جۇڭگوشا سوتسياليزم ءتۇزىمىنىڭ اناعۇرلىم كەمەلدەنۋىن، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋ دەڭگەيىنىڭ كورنەكتى جوعارىلاۋىن ىلگەرىلەتىپ، ساياسيدىڭ ورنىقتىلىعىنا، ەكونوميكانىڭ دامۋىنا، مادەنيەتتىڭ گۇلدەنۋىنە، ۇلتتار ىنتىماعىنا، حالىقتىڭ باقىتىنا، قوعامنىڭ تىنىشتىعىنا، مەملەكەتتىڭ ءبىر تۇتاستىعىنا پارمەندى كەپىلدىك ۇسىندى. اماليات مىنانى دالەلدەدى: جۇڭگوشا سوتسياليزم ءتۇزىمى جانە مەملەكەتتى جونگە سالۋ جۇيەسى − ماركسيزمدى جەتەكشى ەتكەن، جۇڭگونىڭ بايتاق دالاسىنا تامىر تارتقان، جۇڭحۋا مادەنيەتىنىڭ تەرەڭ تامىرىنا يە، حالىقتىڭ توتەنشە قولداۋىنا بولەنگەن ءتۇزىم جانە جونگە سالۋ جۇيەسى، قۇدىرەتتى ومىرشەڭدىك كۇشكە جانە وراسان زور ابزالدىلىققا يە ءتۇزىم جانە جونگە سالۋ جۇيەسى، ءبىر ميلليارد 400 ميلليونعا جۋىق حالقى بار ءىرى ەلدىڭ العا باسۋى مەن دامۋىن ۇزدىكسىز ىلگەرىلەتە الاتىن، 5000 جىلدان استام وركەنيەت تاريحى بار جۇڭحۋا ۇلتىنىڭ ”قوس 100 جىلدىق“ كۇرەس نىساناسىن جۇزەگە اسىرۋىنا، ونان ارى ىلگەرىلەگەن تۇردە ۇلى گۇلدەنۋدى جۇزەگە اسىرۋعا شىنايى كەپىلدىك ەتە الاتىن ءتۇزىم جانە جونگە سالۋ جۇيەسى.

  جالپى ءماجىلىس مىنالاردى باسا دارىپتەدى: ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسى كوپ جاقتان كورنەكتى ابزالدىلىققا يە، باستىسى مىنالار: پارتيانىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيانىڭ عىلمي نازاريالارىنا تاباندى بولىپ، ساياسي ورنىقتىلىقتى ساقتاپ، مەملەكەتتىڭ قاشاندا سوتسياليزم بەتالىسىمەن العا باسۋىنا شىنايى كەپىلدىك ەتەتىن كورنەكتى ابزالدىلىعى؛ حالىقتىڭ قوجايىن بولۋىنا تاباندى بولىپ، حالىق دەموكراتياسىن دامىتىپ، بۇقارامەن ەتەنە بايلانىس ورناتىپ، حالىققا تىعىز ارقا سۇيەپ مەملەكەتتىڭ دامۋىن ىلگەرىلەتەتىن كورنەكتى ابزالدىلىعى؛ مەملەكەتتى جاپپاي زاڭمەن جونگە سالۋعا تاباندى بولىپ، سوتسياليستىك زاڭمەن جونگە سالىناتىن مەملەكەت قۇرىپ، قوعامنىڭ تەڭدىگىن، ادىلدىگىن جانە حالىقتىڭ ۇقىعىن شىنايى قامتاماسىز ەتەتىن كورنەكتى ابزالدىلىعى؛ بۇكىل ەل ءبىر تۇلعا دەگەنگە تاباندى بولىپ، ءار جاقتىڭ بەلسەندىلىگىن جۇمىلدىرىپ، كۇشتى شوعىرلاندىرىپ ۇلكەن ءىس تىندىراتىن كورنەكتى ابزالدىلىعى؛ ءار ۇلت حالقىنىڭ تەرەزەسى تەڭ بولۋىنا تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتىپ، بىرگە ىنتىماقتاسا كۇرەس جۇرگىزۋدى، بىرگە گۇلدەنىپ دامۋدى جۇزەگە اسىراتىن كورنەكتى ابزالدىلىعى؛ جالپىلىق مەنشىكتى نەگىز ەتۋگە، كوپ ءتۇرلى مەنشىكتەگى شارۋاشىلىقتىڭ قاتار دامۋىن جانە ەڭبەگىنە قاراي ءبولۋدى نەگىز ەتۋگە، كوپ ءتۇرلى ءبولىس ءتاسىلىنىڭ قاتار ءومىر سۇرۋىنە تاباندى بولىپ، سوتسياليزم ءتۇزىمى مەن بازار شارۋاشىلىعىن ورگانيكالى بىرلەستىرىپ، قوعامدىق وندىرگىش كۇشتى ۇزدىكسىز ازات ەتەتىن جانە دامىتاتىن كورنەكتى ابزالدىلىعى؛ ورتاق مۇرات - سەنىمگە، قۇن ۇستانىمىنا، ءمورالدىق كوزقاراسقا تاباندى بولىپ، جۇڭحۋانىڭ تاڭداۋلى ءداستۇرلى مادەنيەتىن، توڭكەرىستىك مادەنيەتىن، سوتسياليستىك وزىق مادەنيەتتى اسقاقتاتىپ، بۇكىل حالىقتىڭ يدەيالىق جاقتا، رۋحاني جاقتا تىعىز ىنتىماقتاسۋىن جەبەيتىن كورنەكتى ابزالدىلىعى؛ حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، حالىقتىڭ ىرىس - قۇتىن ۇزدىكسىز مولايتىپ، بىرگە بايۋ جولىمەن جۇرەتىن كورنەكتى ابزالدىلىعى؛ رەفورما جاساۋعا، جاڭالىق اشۋعا، داۋىرمەن بىرگە العا باسۋعا تاباندى بولىپ، ءوزىن - ءوزى كەمەلدەندىرۋگە، ءوزىن - ءوزى دامىتۋعا شەبەر بولىپ، قوعامنىڭ جالىندى ومىرشەڭدىككە تولى بولۋىنا مۇمكىندىك جاسايتىن كورنەكتى ابزالدىلىعى؛ ءمورالدى دا قابىلەتتى بولۋعا، بىلىمدىلەردى تاڭداۋعا، ىسكەرلەردى مىندەتكە قويۋعا تاباندى بولىپ، شار تاراپتىڭ دارىندىلارىن جيناپ پايدالانىپ، اناعۇرلىم كوپ، اناعۇرلىم ۇزدىك دارىندىلار جەتىلدىرەتىن، قالىپتاستىراتىن كورنەكتى ابزالدىلىعى؛ مىلتىققا پارتيا قولباسشىلىق ەتۋگە تاباندى بولىپ، حالىق ارمياسىنىڭ پارتيا مەن حالىققا شارتسىز ادال بولۋىنا شىنايى كەپىلدىك ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن پارمەندى قامتاماسىز ەتەتىن كورنەكتى ابزالدىلىعى؛ ”ءبىر ەل، ەكى تۇزىم“گە تاباندى بولىپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن ساقتاپ، وتاننىڭ بەيبىت بىرلىككە كەلۋىن جەبەيتىن كورنەكتى ابزالدىلىعى؛ دەربەس، ءوز - وزىنە قوجايىن بولۋ مەن سىرتقا ەسىك اشۋدىڭ بىرلىگىنە تاباندى بولىپ، الەمدىك جونگە سالۋعا بەلسەنە ات سالىسىپ، ادامزاتتىڭ تاعدىرلاس ورتاق تۇلعاسىن قۇرۋعا ۇزبەي ۇلەس قوساتىن كورنەكتى ابزالدىلىعى. وسى كورنەكتى ابزالدىلىقتار ءبىزدىڭ جۇڭگوشا سوتسياليزم جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋىمىزدىڭ ءتۇبىرلى نەگىزى.

  جالپى ءماجىلىس مىنالاردى باسا دارىپتەدى: ءسوز جوق، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭ بويىنشا جونگە سالۋدىڭ ورگانيكالى بىرلىگىنە تاباندى بولىپ، يدەيانى ازات ەتۋگە، شىندىقتى ءىس جۇزىنەن ىزدەۋگە تاباندى بولىپ، رەفورما جاساۋعا، جاڭالىق اشۋعا تاباندى بولىپ، جۇڭگوشا سوتسياليزم تۇزىمىنە تىرەك بولاتىن ءتۇبىرلى تۇزىمگە، نەگىزگى تۇزىمگە، ماڭىزدى تۇزىمگە تاباندى بولۋدى جانە ونى كەمەلدەندىرۋدى كورنەكتىلەندىرىپ، نەگىزدى بەكەمدەپ، ابزالدىلىقتى ساۋلەلەندىرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، جۇيەلى، كەمەلدى، عىلمي، ارناعا تۇسكەن، جۇمىس جۇرگىزۋى ءونىمدى ءتۇزىم جۇيەسىن ورناتۋعا كۇش سالىپ، جۇيەلى جونگە سالۋدى، زاڭ بويىنشا جونگە سالۋدى، كەشەندى جونگە سالۋدى، تۋ باسىنان جونگە سالۋدى كۇشەيتىپ، ەلىمىزدىڭ تۇزىمدىك ابزالدىلىعىن مەملەكەتتى جونگە سالۋدىڭ تيىمدىلىگىنە اناعۇرلىم ويداعىداي اينالدىرىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن پارمەندى كەپىلدىك ازىرلەۋ كەرەك.

  جالپى ءماجىلىس مىنالاردى ورتاعا قويدى: جۇڭگوشا سوتسياليزم تۇزىمىنە تاباندى بولۋدىڭ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ باس نىساناسى: پارتيامىز قۇرىلعاندىعىنا 100 جىل بولعان كەزدە، ءار جاقتاعى ءتۇزىمدى اناعۇرلىم تولىستىرۋ، اناعۇرلىم تۇلعالاندىرۋ جاعىندا كورنەكتى ناتيجەگە قول جەتكىزۋ؛ 2035 - جىلعا جەتكەندە، ءار جاقتاعى ءتۇزىمدى اناعۇرلىم كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى نەگىزىنەن جۇزەگە اسىرۋ؛ جاڭا جۇڭگو قۇرىلعاندىعىنا 100 جىل بولعان كەزدە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جاپپاي جۇزەگە اسىرىپ، جۇڭگوشا سوتسياليزم ءتۇزىمىن اناعۇرلىم بەكەمدەۋ، ابزالدىلىعىن تولىق ايگىلەۋ.

  جالپى ءماجىلىس مىنالاردى العا قويدى: پارتيانىڭ باسشىلىعى ءتۇزىم جۇيەسىنە تاباندى بولىپ جانە ونى كەمەلدەندىرىپ، پارتيانىڭ عىلمي بيلىك جۇرگىزۋ، دەموكراتيالى بيلىك جۇرگىزۋ، زاڭ بويىنشا بيلىك جۇرگىزۋ دەڭگەيىن جوعارىلاتۋ كەرەك. ءسوز جوق، پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتۋگە تاباندى بولىپ، پارتيا ورتالىق كوميتەتىنىڭ بەدەلىن باتىل قورعاپ، جالپى جاعدايدى ءبىر تۇتاس مەڭگەرەتىن، ءار جاقتى سايكەستىرەتىن پارتيانىڭ باسشىلىق ءتۇزىم جۇيەسىن اقاۋسىزداندىرىپ، پارتيانىڭ باسشىلىعىن مەملەكەتتى جونگە سالۋدىڭ ءار سالاسىندا، ءار جاعىندا، ءار بۋىنىندا تياناقتاندىرۋ كەرەك. اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىن ورناتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعايتىن ءتۇرلى تۇزىمدەردى كەمەلدەندىرىپ، پارتيانىڭ جاپپاي باسشىلىعى ءتۇزىمىن اقاۋسىزداندىرىپ، حالىق ءۇشىن بيلىك جۇرگىزەتىن، حالىققا سۇيەنىپ بيلىك جۇرگىزەتىن ءتۇرلى تۇزىمدەردى اقاۋسىزداندىرىپ، پارتيانىڭ بيلىك جۇرگىزۋ قابىلەتى مەن باسشىلىق دەڭگەيىن جوعارىلاتاتىن تۇزىمدەردى اقاۋسىزداندىرىپ، پارتيانى جاپپاي قاتاڭ جونگە سالۋ ءتۇزىمىن كەمەلدەندىرۋ كەرەك.

  جالپى ءماجىلىس مىنالاردى العا قويدى: حالىق قوجايىن بولۋ ءتۇزىم جۇيەسىنە تاباندى بولىپ جانە ونى كەمەلدەندىرىپ، سوتسياليستىك دەموكراتيالىق ساياسيدى دامىتۋ كەرەك. ءسوز جوق، حالىقتىڭ نەگىزگى تۇلعالىق ورنىنا تاباندى بولىپ، جۇڭگوشا سوتسياليستىك ساياسي دامۋ جولىمەن جۇرۋگە مىزعىماستان تاباندى بولىپ، حالىقتىڭ زاڭ بويىنشا ءتۇرلى جولدارمەن جانە فورمالارمەن مەملەكەت ىستەرىن باسقارۋىنا، ەكونوميكا - مادەنيەت ىستەرىن باسقارۋىنا، قوعامدىق ىستەردى باسقارۋىنا شىنايى كەپىلدىك ەتۋ كەرەك. حالىق قۇرىلتايى ءتۇزىمى سىندى ءتۇبىرلى ساياسي تۇزىمگە تاباندى بولىپ جانە ونى كەمەلدەندىرىپ، جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى جانە ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، ەڭ كەڭ وتانشىلدىق بىرلىكساپتى بەكەمدەپ جانە دامىتىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ومىرشەڭدىككە تولى نەگىزگى ساتى بۇقاراسىنىڭ ءوزىن - ءوزى باسقارۋ ءتۇزىمىن اقاۋسىزداندىرۋ كەرەك.

  جالپى ءماجىلىس مىنالاردى العا قويدى: جۇڭگوشا سوتسياليستىك زاڭمەن جونگە سالۋ جۇيەسىنە تاباندى بولىپ جانە ونى كەمەلدەندىرىپ، پارتيانىڭ زاڭ بويىنشا مەملەكەتتى جونگە سالۋ، زاڭ بويىنشا بيلىك جۇرگىزۋ قابىلەتىن جوعارىلاتۋ كەرەك. جۇڭگوشا سوتسياليستىك زاڭمەن جونگە سالۋ جۇيەسىن ورناتۋ، سوتسياليستىك زاڭمەن جونگە سالىناتىن مەملەكەت قۇرۋ − جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ىشكى تالابى. ءسوز جوق، جۇڭگوشا سوتسياليستىك زاڭمەن جونگە سالۋ جولىمەن جۇرۋگە مىزعىماستان تاباندى بولىپ، مەملەكەتتى زاڭمەن جونگە سالۋدى جاپپاي ىلگەرىلەتىپ، مەملەكەتتى زاڭ بويىنشا جونگە سالۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى قاتار ىلگەرىلەتۋگە تاباندى بولىپ، زاڭمەن جونگە سالىناتىن مەملەكەتتى، زاڭمەن جونگە سالىناتىن ۇكىمەتتى، زاڭمەن جونگە سالىناتىن قوعامدى ءبىر تۇلعادا قۇرۋعا تاباندى بولۋ كەرەك. نەگىزگى زاڭنىڭ جاپپاي اتقارىلۋىنا كەپىلدىك ەتەتىن ءتۇزىلىس - مەحانيزمدەردى اقاۋسىزداندىرىپ، زاڭ شىعارۋ ءتۇزىلىس - مەحانيزمدەرىن كەمەلدەندىرىپ، قوعامدىق تەڭدىك پەن ادىلدىكتى زاڭمەن قامتاماسىز ەتۋ ءتۇزىمىن اقاۋسىزداندىرىپ، زاڭداردىڭ اتقارىلۋىن باقىلاۋدى كۇشەيتۋ كەرەك.

  جالپى ءماجىلىس مىنالاردى العا قويدى: جۇڭگوشا سوتسياليستىك اكىمشىلىك تۇزىلىسكە تاباندى بولىپ جانە ونى كەمەلدەندىرىپ، قىزمەت جاۋاپكەرشىلىگى ايقىن، زاڭ بويىنشا اكىمشىلىك جۇرگىزەتىن ۇكىمەت جونگە سالۋ جۇيەسىن قۇرۋ كەرەك. مەملەكەتتىڭ اكىمشىلىك باسقارۋى − پارتيا مەن مەملەكەتتىڭ شەشىم - ورنالاستىرۋلارى بويىنشا ەكونوميكالىق، قوعامدىق دامۋدى ىلگەرىلەتۋ، قوعامدىق ىستەردى باسقارۋ، حالىق بۇقاراسىنا قىزمەت وتەۋ سىندى كەلەلى قىزمەت جاۋاپكەرشىلىگىن ارقالايدى. ءسوز جوق، بارلىق اكىمشىلىك ورگانداردىڭ حالىق ءۇشىن قىزمەت ىستەۋىنە، حالىققا جاۋاپتى بولۋىنا، حالىقتىڭ باقىلاۋىن قابىلداۋىنا تاباندى بولىپ، اكىمشىلىك جۇرگىزۋ تاسىلدەرىنە جاڭالىق ەنگىزىپ، اكىمشىلىك رولىن جوعارىلاتىپ، حالىق رازى بولاتىن قىزمەت وتەۋ ۇلگىسىندەگى ۇكىمەت قۇرۋ كەرەك. مەملەكەتتىڭ اكىمشىلىك ءتۇزىلىسىن كەمەلدەندىرىپ، ۇكىمەتتىڭ قىزمەت جاۋاپكەرشىلىگى جۇيەسىن ساپالىلاندىرىپ، ۇكىمەتتىڭ ۇيىمدىق قۇرىلىمدارىن ساپالىلاندىرىپ، ورتالىق پەن جەرگىلىكتى ورىن ەكەۋىنىڭ بەلسەندىلىگىن تولىق ساۋلەلەندىرەتىن ءتۇزىلىس - مەحانيزمدەردى اقاۋسىزداندىرۋ كەرەك.

  جالپى ءماجىلىس مىنالاردى العا قويدى: سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك. جالپىلىق مەنشىكتى نەگىزگى تۇلعا ەتۋ، كوپ ءتۇرلى مەنشىكتەگى شارۋاشىلىق قاتار دامۋ، ەڭبەگىنە قاراي ءبولىستى نەگىزگى تۇلعا ەتۋ، كوپ ءتۇرلى ءبولىس ءتاسىلى قاتار ءومىر ءسۇرۋ، سوتسياليستىك بازار شارۋاشىلىعى ءتۇزىلىسى سياقتى سوتسياليزمنىڭ نەگىزگى ەكونوميكالىق تۇزىمدەرى سوتسياليستىك ءتۇزىمنىڭ ابزالدىلىعىن تولىق ايگىلەۋمەن بىرگە، ەلىمىزدىڭ سوتسياليزمنىڭ العاشقى ساتىسىنداعى قوعامدىق وندىرگىش كۇشىنىڭ دامۋ دەڭگەيىنە ۇيلەستى، ول − پارتيا مەن حالىقتىڭ ۇلى جاسامپازدىعى. ءسوز جوق، سوتسياليزمنىڭ نەگىزگى ەكونوميكالىق تۇزىمىنە تاباندى بولىپ، بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، جاڭا دامۋ ۇستانىمىن جاپپاي دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، وسىزاماندانعان ەكونوميكالىق جۇيەنى جەدەل قۇرۋ كەرەك. جالپىلىق مەنشىكتەگى شارۋاشىلىقتى تيتتەي دە مىزعىماستان بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىن تيتتەي دە مىزعىماستان ىنتالاندىرىپ، قولداپ، جەتەكتەپ، ەڭبەگىنە قاراي ءبولۋدى نەگىز ەتۋگە، كوپ ءتۇرلى ءبولىس ءتاسىلى قاتار ءومىر سۇرۋگە تاباندى بولىپ، سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرىپ، عىلىم - تەحنيكالىق جاڭالىق اشۋ ءتۇزىلىس - مەحانيزمدەرىن كەمەلدەندىرىپ، اناعۇرلىم جوعارى دەڭگەيدەگى اشىق ەكونوميكانىڭ جاڭا ءتۇزىلىسىن ورناتۋ كەرەك.

  جالپى ءماجىلىس مىنالاردى العا قويدى: سوتسياليستىك وزىق مادەنيەتتى گۇلدەندىرەتىن، دامىتاتىن تۇزىمگە تاباندى بولىپ جانە ونى كەمەلدەندىرىپ، بۇكىل حالىق ىنتىماقتاسا كۇرەس جۇرگىزەتىن ورتاق يدەيالىق نەگىزدى بەكەمدەۋ كەرەك. سوتسياليستىك وزىق مادەنيەتتى دامىتۋ، حالىقتىڭ رۋحاني كۇشىن كەڭىنەن ۇيىستىرۋ − مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ مىعىم تىرەگى. ءسوز جوق، مادەنيەت سەنىمىن بەكەمدەپ، سوتسياليستىك وزىق مادەنيەتتىڭ العا باسۋ بەتالىسىن مىقتاپ يگەرىپ، بۇكىل ۇلتتىڭ مادەنيەت جاسامپازدىق قۋاتىن قاۋلاتىپ، جۇڭگو رۋحىن، جۇڭگو قۇنىن، جۇڭگو كۇشىن اناعۇرلىم ويداعىداي سومداۋ كەرەك. ماركسيزم يدەولوگيا سالاسىندا جەتەكشى ورىندا تۇراتىن ءتۇبىرلى تۇزىمگە تاباندى بولىپ، سوتسياليستىك وزەكتى قۇن كوزقاراسىمەن مادەنيەت قۇرىلىسى تۇزىمىنە جەتەكشىلىك ەتۋگە تاباندى بولىپ، حالىقتىڭ مادەنيەتتىك ۇقىق - مۇددەسىن قامتاماسىزداندىراتىن تۇزىمدەردى اقاۋسىزداندىرىپ، دۇرىس باعداردان جازبايتىن قوعامدىق پىكىر جەتەكشىلىگى قىزمەت مەحانيزمىن كەمەلدەندىرىپ، قوعامدىق ونىمدىلىكتى ماڭداي الدى ورىنعا قوياتىن، قوعامدىق ونىمدىلىك پەن ەكونوميكالىق ونىمدىلىكتى ۇشتاستىرعان مادەنيەت تۋىندىلارىن ءوندىرۋ ءتۇزىلىس - مەحانيزمدەرىن ورناتۋ، اقاۋسىزداندىرۋ كەرەك.

  جالپى ءماجىلىس مىنالاردى العا قويدى: قالا مەن اۋىلدى ءبىر تۇتاس جوسپارلاعان حالىق تۇرمىسىن قامتاماسىز ەتۋ تۇزىمىنە تاباندى بولىپ جانە ونى كەمەلدەندىرىپ، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن قاناعاتتاندىرۋ كەرەك. حالىقتىڭ ىرىس - قۇتىن ارتتىرۋ، ادامداردىڭ جان - جاقتى دامۋىن جەبەۋ − پارتيامىزدىڭ جالپى ءۇشىن پارتيا قۇرۋ، حالىق ءۇشىن بيلىك جۇرگىزۋدەگى ماندىك تالابى. ءسوز جوق، مەكتەپكە دەيىنگى تاربيەدەن يگىلىكتەنە الۋ، وقيتىن مەكتەبى بولۋ، ەڭبەگىنىڭ جەمىسىن كورۋ، ەمدەلەتىن شيپاحاناسى بولۋ، قارتايعاندا كۇتىمدەلەتىن ورىن بولۋ، تۇراقتى باسپاناسى بولۋ، كومەككە ءزارۋ جاندار كومەكتەن يگىلىكتەنە الۋ سياقتى جاقتارداعى مەملەكەتتىڭ نەگىزگى الەۋمەتتىك قىزمەت وتەۋ ءتۇزىمى جۇيەسىن اقاۋسىزداندىرىپ، جاپپاي تيىمدىلىك جاسايتىن، نەگىزدىك، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتۋگە باسا ءمان بەرىپ، بۇقارانىڭ نەگىزگى تۇرمىسىن قامتاماسىزداندىرۋ كەرەك. حالىقتىڭ كوپ ساتىلى، الۋان ءتۇرلى سۇرانىسىن قاناعاتتاندىرىپ، رەفورمانىڭ، دامۋدىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك. اناعۇرلىم كەمەلدى، اناعۇرلىم جوعارى ساپالى جۇمىستاندىرۋعا ءتيىمدى جەبەۋ مەحانيزمىن اقاۋسىزداندىرىپ، جالپى حالىقتىڭ ءومىر بويى ۇيرەنۋىنە قىزمەت وتەيتىن وقۋ - اعارتۋ جۇيەسىن ورناتىپ، جالپى حالىقتى قامتىعان قوعامدىق قامتاماسىزداندىرۋ جۇيەسىن كەمەلدەندىرىپ، حالىقتىڭ سالاماتتىق دەڭگەيىن جوعارىلاتاتىن تۇزىمدىك قامتاماسىزدىقتى كۇشەيتۋ كەرەك. كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، سالىستىرمالى كەدەيلىكتى شەشەتىن ۇزاق ۋاقىتتىق ءونىمدى مەحانيزمىن ورناتۋ كەرەك.

  جالپى ءماجىلىس مىنالاردى العا قويدى: بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ تۇزىمىنە تاباندى بولىپ جانە ونى كەمەلدەندىرىپ، قوعام ورنىقتىلىعىن ساقتاپ، مەملەكەت حاۋىپسىزدىگىن قورعاۋ كەرەك. قوعامدىق جونگە سالۋ − مەملەكەتتى جونگە سالۋدىڭ ماڭىزدى جاعى. ءسوز جوق، قوعامدىق جونگە سالۋدى كۇشەيتىپ جانە وندا جاڭالىق اشىپ، پارتكوم باسشىلىق ەتەتىن، ۇكىمەت جاۋاپتى بولاتىن، دەموكراتيالىق كەڭەسەتىن، قوعام سايكەسەتىن، جۇرت ات سالىساتىن، زاڭمەن جونگە سالۋ جاعىنان قامتاماسىز ەتەتىن، عىلىم - تەحنيكا جاعىنان تىرەك بولاتىن قوعامدىق جونگە سالۋ جۇيەسىن كەمەلدەندىرىپ، بارلىق ادام جاۋاپتى بولاتىن، بارلىق ادام جاۋاپكەرشىلىگىن ادا ەتەتىن، بارلىق ادام يگلىكتەنەتىن قوعامدىق جونگە سالۋ ورتاق تۇلعاسىن قۇرىپ، حالىقتىڭ تىنىش ءومىر، شات - شادىمان تىرشىلىك كەشۋىنە، قوعامنىڭ تىنىش، ءتارتىپتى بولۋىنا شىنايى كەپىلدىك ەتىپ، اناعۇرلىم جوعارى دەڭگەيدەگى تىنىش جۇڭگو قۇرۋ كەرەك. جاڭا جاعدايداعى حالىق ىشىندەگى قايشىلىقتاردى دۇرىس ءبىر جاقتى ەتۋدىڭ ۇتىمدى مەحانيزمىن كەمەلدەندىرىپ، قوعام اماندىعى بويىنشا ساقتانۋ - تىزگىندەۋ جۇيەسىن كەمەلدەندىرىپ، الەۋمەتتىك حاۋىپسىزدىك ءتۇزىلىسىن، مەحانيزمىن اقاۋسىزداندىرىپ، نەگىزگى ساتىنىڭ قوعامدىق جونگە سالۋ جاڭا جۇلگەسىن قۇرىپ، مەملەكەتتىڭ حاۋىپسىزدىك جۇيەسىن كەمەلدەندىرۋ كەرەك.

  جالپى ءماجىلىس مىنالاردى العا قويدى: ەكولوگيالىق وركەنيەت ءتۇزىمى جۇيەسىنە تاباندى بولىپ جانە ونى كەمەلدەندىرىپ، ادام مەن تابيعاتتىڭ جاراسىمدى، بىرگە ءومىر ءسۇرۋىن جەبەۋ كەرەك. ەكولوگيالىق وركەنيەت قۇرىلىسى جۇڭحۋا ۇلتىنىڭ تىنباي دامۋىنىڭ مىڭ جىلدىق ۇلى جوباسىنا قاتىستى. ءسوز جوق، تۇنىق سۋ، جاسىل تاۋ − باعالى بايلىق ۇستانىمىن امالياتتا ايگىلەپ، بايلىقتى ۇنەمدەۋ جانە قورشاعان ورتانى قورعاۋ سىندى نەگىزگى مەملەكەت ساياساتىنا تاباندى بولىپ، ۇنەمدەۋدى الدىمەن ويلاسۋ، قورعاۋدى الدىمەن ويلاسۋ، تابيعي قالپىنا كەلتىرۋدى نەگىز ەتۋ باعىتىنا تاباندى بولىپ، ءوندىرىسى دامىعان، تۇرمىسى ىرعىن، ەكولوگياسى تاماشا وركەنيەتتى دامۋ جولىمەن باتىل ءجۇرىپ، كورىكتى جۇڭگو قۇرۋ كەرەك. ەڭ قاتاڭ ەكولوگيالىق ورتانى قورعاۋ ءتۇزىمىن اتقارىپ، بايلىقتى جوعارى ءونىمدى پايدالانۋ ءتۇزىمىن جاپپاي ورناتىپ، ەكولوگيانى قورعاۋ مەن قالپىنا كەلتىرۋ ءتۇزىمىن اقاۋسىزداندىرىپ، ەكولوگيالىق ورتانى قورعاۋ جاۋاپكەرشىلىك ءتۇزىمىن قاتايتۋ كەرەك.

  جالپى ءماجىلىس مىنالاردى العا قويدى: پارتيانىڭ حالىق ارمياسىنا شارتسىز باسشىلىق ەتۋ تۇزىمىنە تاباندى بولىپ جانە ونى كەمەلدەندىرىپ، حالىق ارمياسىنىڭ جاڭا داۋىردەگى بورىشتارىن، مىندەتتەرىن ادالدىقپەن اتقارۋىنا شىنايى كەپىلدىك ەتۋ كەرەك. پارتيانىڭ حالىق ارمياسىنا شارتسىز باسشىلىعى − حالىق ارمياسىنىڭ ارميا قۇرۋداعى نەگىزى، ارميانى قۇدىرەتتەندىرۋدەگى جان جۇيەسى. ءسوز جوق، شي جينپيڭنىڭ ارميانى قۇدىرەتتەندىرۋ يدەياسىنىڭ مەملەكەت قورعانىسى مەن ارميا قۇرىلىسىنداعى جەتەكشى ورنىن مىقتاپ ورناتىپ، مەملەكەت قورعانىسى مەن ارميا رەفورماسىن تەرەڭدەتۋدىڭ جەتىستىكتەرىن بەكەمدەپ جانە كەڭەيتىپ، جۇڭگوشا سوتسياليستىك اسكەري ىستەر ساياساتتىق ءتۇزىم جۇيەسىن ورناتىپ، مەملەكەت قورعانىسى مەن ارميانى وسىزامانداندىرۋدى جاپپاي ىلگەرىلەتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋىنا شىنايى كەپىلدىك ەتىپ، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعىپ، حالىق ارمياسىنىڭ سيپاتىن، نەگىزگى ماقساتىن، قاسيەتىن ماڭگى ساقتاۋ كەرەك. حالىق ارمياسىنىڭ ەڭ جوعارى باسشىلىق ۇقىعى جانە قولباسشىلىق ۇقىعى پارتيا ورتالىق كوميتەتىنە تاۋەلدى بولۋىنا تاباندى بولىپ، حالىق ارمياسىنىڭ پارتيا قۇرىلىسى ءتۇزىمى جۇيەسىن اقاۋسىزداندىرىپ، پارتيانىڭ حالىق ارمياسىنا شارتسىز باسشىلىعىن ارميا قۇرىلىسىنىڭ ءتۇرلى سالالارىندا، جالپى بارىسىندا دايەكتىلەندىرۋ كەرەك.

  جالپى ءماجىلىس مىنالاردى العا قويدى: ”ءبىر ەل، ەكى ءتۇزىم“ ءتۇزىم جۇيەسىنە تاباندى بولىپ جانە ونى كەمەلدەندىرىپ، وتاننىڭ بەيبىت بىرلىككە كەلۋىن ىلگەرىلەتۋ كەرەك. ”ءبىر ەل، ەكى ءتۇزىم“ − پارتيانىڭ حالىققا باسشىلىق ەتىپ وتاننىڭ بەيبىت بىرلىككە كەلۋىن جۇزەگە اسىرۋداعى ءبىر ماڭىزدى ءتۇزىم، جۇڭگوشا سوتسياليزمنىڭ ءبىر ۇلى جاسامپازدىعى. ءسوز جوق، نەگىزگى زاڭ جانە ءتۇبىرلى زاڭ بويىنشا شياڭگاڭ ەرەكشە اكىمشىلىك رايونىن، اۋمىن ەرەكشە اكىمشىلىك رايونىن قاتاڭ باسقارىپ، جونگە سالىپ، شياڭگاڭنىڭ، اۋمىننىڭ ۇزاق ۋاقىتتىق گۇلدەنۋىن، ورنىقتىلىعىن قورعاۋ كەرەك. ەرەكشە اكىمشىلىك رايونىنىڭ مەملەكەتتىڭ حاۋىپسىزدىگىن قورعاۋداعى زاڭ - تۇزىمدەرىن جانە اتقارۋ مەحانيزمدەرىن ورناتۋ، اقاۋسىزداندىرۋ كەرەك. وتاننىڭ بەيبىت بىرلىككە كەلۋ اياق الىسىن تاباندىلىقپەن ىلگەرىلەتىپ، ەكى جاعالاۋدىڭ اۋىس - كۇيىسىن، سەلبەستىگىن جەبەيتىن، ەكى جاعالاۋدىڭ توعىسا دامۋىن تەرەڭدەتەتىن، تايۋاندىق باۋىرلاستاردىڭ ىرىس - قۇتىن قامتاماسىز ەتەتىن تۇزىمدىك ورنالاستىرۋلاردى جانە ساياساتتىق شارالاردى كەمەلدەندىرىپ، قالىڭ تايۋاندىق باۋىرلاستاردى ”تايۋان تاۋەلسىزدىگى“نە قارسى تۇرۋعا، بىرلىككە كەلۋدى جەبەۋگە ىنتىماقتاستىرۋ كەرەك.

  جالپى ءماجىلىس مىنالاردى العا قويدى: دەربەس، ءوز - وزىنە قوجايىن بولاتىن بەيبىت ديپلوماتيالىق ساياساتىنا تاباندى بولىپ جانە ونى كەمەلدەندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. ءسوز جوق، ەل ءىشى جانە حالىقارا سىندى ەكى ۇلكەن جاعدايدى ءبىر تۇتاس جوسپارلاپ، بەيبىت، دامۋ، سەلبەستىك، بىرگە يگىلىكتەنۋ تۋىن بيىك ۇستاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن بۇلجىماي قورعاۋ، دۇنيە ءجۇزىنىڭ بەيبىتشىلىگىن بۇلجىماي قورعاۋ، بىرگە دامۋدى بۇلجىماي جەبەۋ كەرەك. پارتيانىڭ سىرتقى ىستەر قىزمەتىنە باسشىلىق ەتۋ ءتۇزىلىسىن، مەحانيزمىن اقاۋسىزداندىرىپ، جان - جاقتى ديپلوماتيالىق ورنالاستىرۋلاردى كەمەلدەندىرىپ، سەلبەسىپ، تەڭ يگىلىككە كەنەلەتىن اشىق جۇيە قۇرىلىسىن ىلگەرىلەتىپ، بۇكىل الەمدىك جونگە سالۋ جۇيەسى رەفورماسىنا جانە قۇرىلىسىنا بەلسەنە ات سالىسۋ كەرەك.

  جالپى ءماجىلىس مىنالاردى العا قويدى: پارتيانىڭ جانە مەملەكەتتىڭ باقىلاۋ جۇيەسىنە تاباندى بولىپ جانە ونى كەمەلدەندىرىپ، ۇقىق اينالىمىن تەجەۋدى جانە باقىلاۋدى كۇشەيتۋ كەرەك. پارتيانىڭ جانە مەملەكەتتىڭ باقىلاۋ جۇيەسى − پارتيانىڭ ۇزاق ۋاقىت بيلىك جۇرگىزۋ شارت - جاعدايىندا ءوزىن كىرشىكسىزدەندىرۋدى، ءوزىن كەمەلدەندىرۋدى، ءوزىن جاڭالاۋدى، ءوزىن جوعارىلاتۋدى جۇزەگە اسىرۋىنداعى ماڭىزدى تۇزىمدىك كەپىلى. ءسوز جوق، پارتيا ءبىر تۇتاس باسشىلىق ەتەتىن، جاپپاي قامتىعان، قۇزىرلى، جوعارى ءونىمدى باقىلاۋ جۇيەسىن اقاۋسىزداندىرىپ، باقىلاۋدىڭ قاتاڭدىعىن، سايكەستىلىگىن، ونىمدىلىگىن كۇشەيتىپ، شەشىمى عىلمي، اتقارۋى باتىل، باقىلاۋى پارمەندى ۇقىق اينالىمى مەحانيزمىن قالىپتاستىرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى تۇلعالى ىلگەرىلەتەتىن ءتۇزىلىس - مەحانيزمىن ورناتىپ، پارتيا مەن حالىق بەرگەن ۇقىقتى باستان - اياق حالىقتى باقىتقا كەنەلتۋگە پايدالانۋعا شىنايى كەپىلدىك ەتۋ كەرەك.

  جالپى ءماجىلىس مىنالاردى باسا دارىپتەدى: جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ − بۇكىل پارتيانىڭ كەلەلى ستراتەگيالىق مىندەتى. ءار دارەجەلى پارتكومدار مەن ۇكىمەتتەر جانە ءار دارەجەلى باسشى كادرلار ءتۇزىم تانىمىن تىڭعىلىقتى كۇشەيتىپ، ءتۇزىمنىڭ بەدەلىن باستاماشىلدىقپەن قورعاپ، ءتۇزىمدى اتقارۋدىڭ ۇلگىسى بولىپ، بۇكىل پارتيانى، بۇكىل قوعامدى تۇزىمگە سانالى قۇرمەت ەتۋگە، ءتۇزىمدى قاتاڭ اتقارۋعا، ءتۇزىمدى باتىل قورعاۋعا باستاۋ كەرەك. ءتۇزىمنىڭ نازاريالىق زەرتتەۋىن جانە ۇگىت - تاربيەسىن كۇشەيتىپ، بۇكىل پارتيانى، بۇكىل قوعامدى جۇڭگوشا سوتسياليزم ءتۇزىمىنىڭ ماندىك ەرەكشەلىگىن جانە باسىمدىعىن تولىق تانۋعا، ءتۇزىم سەنىمىن بەكەمدەۋگە جەتەكتەۋ كەرەك. قالىڭ كادرلاردىڭ تۇزىمگە قاتاڭ بويسۇنىپ قىزمەت جاۋاپكەرشىلىگىن اتقارۋىن، ۇقىق جۇرگىزۋىن، قىزمەت ورىستەتۋىن ىلگەرىلەتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋى جانە ”ءتورتتى جاپپاي ورىنداۋ“ ستراتەگيالىق ورنالاستىرۋى سياقتى ءتۇرلى قىزمەتتەردى ىلگەرىلەتۋ قابىلەتى مەن دەڭگەيىن جوعارىلاتۋ كەرەك.

  جالپى ءماجىلىس پارتيا ۋستاۆىنىڭ بەلگىلەمەسىنە ساي، ورتالىق كوميتەتتىڭ كانديدات مۇشەلەرى ما جىڭ - ۋ، ما ۋيميڭ جولداستى ورتالىق كوميتەتتىڭ مۇشەلىگىنە رەت بويىنشا تولىقتىرۋدى ۇيعاردى.

  جالپى ءماجىلىس جۇڭگو كوممۋنيستىك پارتياسى ورتالىق ءتارتىپ تەكسەرۋ كوميتەتىنىڭ ليۋ شىيۇي جولداستىڭ تارتىپكە، زاڭعا اۋىر قايشىلىق جاساۋ ماسەلەسى جونىندەگى تەكسەرۋ بايانداماسىن قاراپ، ماقۇلداپ، ورتالىق كوميتەت ساياسي بيۋروسىنىڭ وسىنىڭ الدىندا شىعارعان ليۋ شىيۇي جولداستى 2 جىل پارتيادا قالدىرىپ بايقاپ كورۋ جازاسىن تۇراقتاندىردى.

  جالپى ءماجىلىس بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، تۇراقتىلىقتى ساقتاپ، قايراتتانا العا ۇمتىلىپ، ءورىس اشا جاڭالىق اشىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزۋگە ۇندەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.