تيانشان تورى
تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

ەرەكشە رايوننىڭ ادال قورعاۋشىسى: فۋ يۇڭيوۋ

  فۋ يۇڭيوۋدىڭ سۋرەتى. شينحۋا اگەنتتىگى تاراتقان

  شينحۋا اگەنتتىگىنىڭ 10 - ايدىڭ 17 - كۇنى گۋاڭجوۋدان بەرگەن حابارى (تىلشىلەر لي شيۇڭيىڭ، ماۋ شين). 1980 - جىلى 8 - ايدا شىنجىن ەكونوميكالىق ەرەكشە رايونى رەسمي قۇرىلدى، ەرەكشە رايوننىڭ ىشىندەگى بيىك عيماراتتارمەن بىرگە سالىنعان، ەرەكشە رايوندى قورشاپ تۇرعان تەمىر قورشاۋ ”2 - شەپ“ دەپ اتالادى. ”2 - شەپ“ قۇرىلىسىنا بۇرىنعى گۋاڭدۇڭ قوعام حاۋىپسىزدىگى شەكارا قورعانىسى باس اترەتى 7 - تارماق اترەتىندەگى ءار بۋىن كوماندير - جاۋىنگەرلەردىڭ جاستىق كوكتەمى، ماڭداي تەرى مەن ىستىق قانى سىڭگەن، كوماندير - جاۋىنگەرلەر وعان باستان - اياق ۇزىلمەس سۇيىسپەنشىلىك بايلاعان، سونىڭ جولىندا قىمباتتى ءومىرىن ارناعان ”ەرەكشە رايوننىڭ ادال قورعاۋشىسى“ فۋ يۇڭيوۋ قۇربان ءتىپتى ەستەن كەتپەيدى.

  فۋ يۇڭيوۋ حاينان ولكەسى چاڭجياڭ ليزۋ اۆتونوميالى اۋدانىنان، 1971 - جىلى 5 - ايدا دۇنيەگە كەلگەن، 1990 - جىلى 12 - ايدا قوسىنعا قاتىناسقان، بۇرىنعى گۋاڭدۇڭ قوعام حاۋىپسىزدىگى شەكارا قورعانىسى باس اترەتى 7 - تارماق اترەتى 4 - ۇلكەن اترەتى 20 - ورتا اترەتىنىڭ جاۋىنگەرى.

  1992 - جىلى 1 - ايدىڭ 8 - كۇنى ساعات 19دا 20 - ورتا اترەتتىڭ جاۋىنگەرى فۋ يۇڭيوۋ مەن شۇي جيانحۋا ەرەكشە رايوننىڭ باسقارۋ شەبىندەگى ەگىنشىلىك قاراۋىل ورنىنا ۋاعىندا كەلىپ، ساقتىق شارلاۋ جۇرگىزەدى. ولار انادايدان 4 ادامنىڭ توعاي اراسىنان شىعىپ، تەمىر تورلى قورشاۋ ماڭىنا قاراي باسپالاي بارا جاتقانىن كورەدى. فۋ يۇڭيوۋ مەن شۇي جيانحۋا تاباندا قىراعىلىقپەن تەمىر قورشاۋدان 15 مەتر ارالىقتاعى اعاش تۇبىنە جاسىرىنىپ، شابۋىلداۋ ورايىن كۇتەدى. كوپ وتپەي، 4 ادامنىڭ ەكەۋى تەمىر قورشاۋدان سەكىرىپ وتكەندە، فۋ يۇڭيوۋ مەن شۇي جيانحۋا تاپ بەرىپ، بىرەۋى ءبىر سودىردان قۇرىقتايدى. قورشاۋ سىرتىنداعى ەكەۋى سىبايلاستارىنىڭ ۇستالعانىن كورىپ، اككىلىكپەن بوي تاسالاپ، وراي كۇتەدى. فۋ يۇڭيوۋ شۇي جيانحۋاعا: ”سەن مىنا 2 سودىردى اكەتە بەر، مەن قالىپ بايقايىن“، - دەيدى. شۇي جيانحۋا كەتىپ كوپ وتپەي، بۇزاقى ەلەمەنتتىڭ ءبىرى ورايدى بايقاپ، تەمىر قورشاۋدان اتتاپ ەرەكشە رايونعا كىرىپ كەتەدى. ءبىر شەتتە جاسىرىنىپ جاتقان فۋ يۇڭيوۋ اتىلىپ شىققاندا، سودىر جانتالاسا قاشادى، فۋ يۇڭيوۋ وكشەلەي 20 مەتر جەرگە دەيىن قۋىپ، جابايى ءشوپ قاپتاي وسكەن قۇرعاق جىرادان وتكەن كەزدە، فۋ يۇڭيوۋ اتىلىپ بارىپ سودىردى جىبەرمەي ۇستاپ الادى. ايقاسۋ بارىسىندا، تاقاتسىزدانعان قانقۇيلى سودىردىڭ كوزى قانتالاپ، جانىنا الىپ جۇرگەن ءوزى جاساعان ناگانىن الىپ شىعىپ، بۇرىلا بەرە فۋ يۇڭيوۋدىڭ باسىنا قاراي ماسسانى باسىپ قالادى...

  جاۋىنگەر سەرىكتەرى كەلەسى كۇنى تاڭعى ساعات 5تە فۋ يۇڭيوۋدى تاۋىپ العان كەزدە، ونىڭ اقتىق قانى الدەقاشان سارقىلعان ەدى. 1992 - جىلى 1 - ايدا قوعام حاۋىپسىزدىگى مينيسترلىگى فۋ يۇڭيوۋعا 1 - دارەجەلى ەڭبەك تولىقتاپ جازدى، گۋاڭدۇڭ ولكەلىك پارتكوم ونى جۇڭگو كوممۋنيستىك پارتياسىنىڭ مۇشەسى دەپ تانىدى، گۋاڭدۇڭ ولكەلىك حالىق ۇكىمەتى ونى قۇربان دەپ بەكىتتى، شىنجىن قالالىق ۇكىمەت فۋ يۇڭيوۋعا ”ەرەكشە رايوننىڭ ادال قورعاۋشىسى“ اتاعىن بەردى.

  رەفورما جاساعان، ەسىك اشقان 40 نەشە جىلدان بەرى، شىنجىن بۇرىنعى شەت - شەكاراداعى شاعىن قالاشىقتان دامىپ وسىزاماندانعان ءىرى قالاعا اينالىپ، دۇنيە ءجۇزىنىڭ ونەركاسىپتەنۋ، قالالانۋ جانە وسىزاماندانۋ دامۋ تاريحىنداعى كەرەمەتتى جاراتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.