تيانشان تورى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

ۇلتتار ىنتىماعىنىڭ بەرەكەلى شاڭىراعىندا شىن پەيىلىممەن كومەكتەسىپ، سۇيەمەلدەپ، شىنايى سۇيىسپەنشىلىگىمدى ايگىلەيمىن

كەلپىن اۋدانى شىلان اۋىلدىق پارتكومنىڭ ورىنباسار شۋجيى

جاڭ حايفىڭ

  مەن شينجياڭدا تۋىپ، شينجياڭدا ەرجەتتىم، كىشكەنتايىمنان ءار ۇلت بىرگە قونىستانعان، ىنتىماقتى، جاراسىمدى ورتادا ءوستىم. بالا كەزىمدە مەن ۇنەمى ءار ۇلت بالالارىمەن بىرگە وينايتىنمىن، وقۋعا تۇسكەن كەزىمدە كلاسىمىزدا تۇگەلدەي ءار ۇلتتان ساباقتاستارىم بولدى، كۇنى بۇگىنگە دەيىن كوپشىلىكپەن وتە جاقسى قارىم - قاتىناس جاساپ كەلەمىن. ءوزارا كومەكتەسەتىنبىز، ءوزارا ۇيرەنەتىنبىز، ۇلتتار ىنتىماعى كىشكەنتايىمىزدان كوڭىلىمىزدەن ويىپ ورىن الدى، ورتاق تۇرمىس شەڭبەرى ءبىر - بىرىمىزبەن بىتە قايناسقان اسەرلى جاعداي قالىپتاستىردى، ۇلتتار ىنتىماعى ورتاق تۇرمىس كەشىرۋدىڭ ءاربىر ىستەرىنەن كورىنىپ تۇردى.

  پارتيالى كادر رەتىندە، مەن ءبىر كەدەي وتباسىن سۇيەمەلگە الدىم ءارى ولارمەن تۋىس بولدىم. كۇندەلىكتى قىزمەت پەن تۇرمىس بارىسىندا، مەن ۇنەمى تۋىسىمنىڭ ۇيىنە بارىپ سۇيەمەلدەۋ قىزمەتىن ورىستەتىپ، ولارمەن اناعۇرلىم ىشكەرىلەي ارالاسىپ، ءتىپتى دە تەرەڭ سۇيىسپەنشىلىك ورناتتىم. تۋىسىمنىڭ بالاسى كوپ، ەڭ ۇلكەن قىزى 18 جاستا، باۋىر - سىڭلىلەرىن مەكتەپكە اپارىپ - اكەلەتىن جانە تاماقتارىن دايىندايتىندىقتان، قىزمەت ىزدەستىرمەپتى. سول قىستاقتا تۇراتىن ناعاشى اتاسى مەن ناعاشى اپاسىنىڭ دەنساۋلىعى جاقسى ەمەس، ولارعا ۇنەمى كەلىپ قارايلاسا المايدى، كوبىندە بالالار ءوز كۇنىن ءوزى كورەدى ەكەن. سۇيەمەلدەۋ قىزمەتى بارىسىندا ۇنەمى بارىس - كەلىس جاساعاندىعىمىز سەبەپتى، ولار مەنى ابدەن ءتۇسىنىپ، مەنى تۋىسىنداي كورىپ كەتتى.

  نەشە كۇننىڭ الدىندا، تۋىسىمنىڭ ۇيىندەگى كىشكەنتاي قارىنداسىم ناۋقاستانىپ وقۋعا بارا الماي قالىپتى، مەن ارنايى بارىپ كوڭىلىن سۇرادىم ءارى وعان ءدارى - دارمەك اپارىپ بەردىم. تۋىسىمنىڭ ۇيىندە ەڭبەككۇش از، كىرىستى ارتتىرىپ، كەدەيلىكتەن ارىلۋدا ەڭ تومەنگى تۇرمىستى قامتاماسىزداندىرۋ قاراجاتىنا جانە كەدەيلەردى سۇيەمەلدەۋ نىساندارىنا سۇيەنەدى، مەن ولاردىڭ قىستاقتاعى سەلبەستىك كووپەراتيۆىنە جارنا قوسۋىنا اقشا بەرە تۇردىم، وسىلاي ىستەگەندە ولاردىڭ ءار جىلى پايدا الىپ تۇرۋىنا بولادى. مەملەكەتتىڭ كەدەيلەردى سۇيەمەلدەۋ ساياساتى ولاردىڭ تۇرمىسىن قامتاماسىز ەتتى، ونىڭ ۇستىنە بارعان سايىن جاقسارتتى. تۋىسىمنىڭ اۋلاسى تازا دا رەتتى، ىشەر اس، كيەر كيىمنەن تارىقپايدى، بالالار بولاشاقتاعى تۇرمىستارىنا دا كامىل سەنىممەن قارايدى. تۋىسىمنىڭ وتباسىندا ءبىر كەتەۋى كەتكەن ءۇي بار ەدى، قويما رەتىندە پايدالانىپ وتىرعان، قابىرعالارىن ابدەن سور باسىپ مۇجىلىپ قاتەرلى ۇيگە اينالعان، كومەسكى حاۋىپ - قاتەرى زور. مەن ولارعا اقىل ايتىپ ونى بۇزىپ قايتا سالۋدى ايتسام، ولار بۇزۋعا قيماي، ”قايتا سالاتىن اقشامىز جوق“ دەدى. مەن ولارعا: قىستاق ”ەكى كوميتەتى“ بار، مەن سياقتى تۋىستارىڭ بار، كوپشىلىك بىرگە امال تاۋىپ ءۇيدى قايتادان سالايىق، - دەدىم، ولاردىڭ جۇزدەرىنەن العىستى بەينە مەن مۇندالادى. ۇلتتار ىنتىماعىنىڭ سۇيىسپەنشىلىگى وسىلايشا ءاربىر ۇساق ىستەردەن ۇزبەي كورنەكتىلەنىپ جاتتى.

  ءاربىر ادامنىڭ باقىتى تۇگەلدەي وتاننىڭ كوركەيىپ - گۇلدەنۋىنەن ايرىلا المايدى. شينجياڭدا ۇلتتار ىنتىماعى ءبىر - ءبىرىنىڭ باقىتىنا جاڭا جىلۋلىق ۇستەدى. ءار ۇلت بۇقاراسىنىڭ تۇرمىسىنىڭ بارعان سايىن جاقسارۋىنا بايلانىستى، تابىس سەزىمى، باقىت سەزىمى ۇزدىكسىز جوعارىلادى. ءار جولى جاعداي ۇعىسا بارعان كەزىمدە تۋىسىمنىڭ جۇزىندەگى كۇلكىنى كورگەندە، ءوزىمنىڭ قۇلشىنىستارىمنىڭ تەككە كەتپەگەندىگىن سەزىنەمىن. ءار كۇنى جاقسى ءىس ىستەۋگە، ناقتى ءىس ىستەۋگە قۇلشىنسام، ولاردىڭ ءىس جۇزىندىك ماسەلەلەرىن شەشۋىنە كومەكتەسسەم، وتە ۇساق ءىس بولسا دا ىقىلاسپەن ىستەسەم، ازدان - ازدان ىستەي بەرسەم، ۇلتتار ىنتىماعى گۇلىنىڭ ءتىپتى دە قۇلپىرا اشىلاتىنى داۋسىز.

  مەن ءىس جۇزىندىك ارەكەتىم ارقىلى ءار ۇلت اراسىنداعى ىنتىماق پەن دوستىقتى كۇشەيتىپ، ۇلتتار ىنتىماعىن كوز قاراشىعىمدى ايالاعانداي ايالاپ، ۇلتتار ىنتىماعىن ءومىرىمدى قاستەرلەگەندەي قاستەرلەپ، ماڭايىمداعى ۇساق ىستەردەن باستاپ ىستەپ، ۇلتتار ىنتىماعىنىڭ ۇلگىسى بولۋعا قۇلشىنىپ، ۇلتتار ىنتىماعى قىزمەتىنە بەلسەندى، ىرىقتى تۇردە ۇلەس قوسامىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.