− پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
جۇڭگوشا سوتسياليزم ءتۇزىمى − پارتيا مەن حالىقتىڭ ۇزاق ۋاقىت امالياتتىق ىزدەنىسى بارىسىندا قالىپتاسقان عىلمي ءتۇزىم جۇيەسى، ەلىمىزدىڭ مەملەكەتتى جونگە سالۋداعى بارلىق قىزمەتى مەن قيمىلدارى تۇگەلدەي جۇڭگوشا سوتسياليزم ءتۇزىمى بويىنشا ورىستەتىلەدى، ەلىمىزدىڭ مەملەكەتتى جونگە سالۋ جۇيەسى مەن جونگە سالۋ قابىلەتى − جۇڭگوشا سوتسياليزم ءتۇزىمى مەن ونىڭ اتقارۋ قابىلەتىنىڭ شوعىرلى بەينەسى.
پارتيا مەن مەملەكەت ىستەرىنىڭ دامۋىنىڭ جالپى جاعدايى مەن ۇزاق بولاشاعىن ارقاۋ ەتە وتىرىپ، پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ ماسەلەسىن ارناۋلى تاقىرىپتا زەرتتەپ، «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىن» قاراپ ماقۇلداپ، پارتيانىڭ حالىققا باسشىلىق ەتىپ ەلىمىزدىڭ مەملەكەت ءتۇزىمى قۇرىلىسى جانە مەملەكەتتى جونگە سالۋ جاعىندا قول جەتكىزگەن تابىستارىن، توپتاعان تاجىريبەلەرىن، قالىپتاستىرعان پرينسيبتەرىن جاپپاي قورىتىندىلاپ، جۇڭگوشا سوتسياليزم تۇزىمىنە سۇيەۋ بولعان ءتۇبىرلى تۇزىمگە، نەگىزگى تۇزىمگە، ماڭىزدى تۇزىمگە تاباندى بولۋدى جانە ونى كەمەلدەندىرۋدى ءتۇيىندى تۇردە بايىمداپ، تەرەڭدەتۋگە ءتيىستى كەلەلى ءتۇزىلىس - مەحانيزم رەفورمالارىن، ىلگەرىلەتىلۋگە ءتيىستى ءتۇيىندى قىزمەت مىندەتتەرىن ورنالاستىرىپ، جاڭا داۋىردە جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋگە، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋگە العا ىلگەرىلەۋ بەتالىسىن كورسەتىپ، ءتۇبىرلى ولشەم ازىرلەدى، ول ماركسيزمنىڭ باعدارلامالىق حۇجاتى ءارى جۇڭگوشا سوتسياليزمگە تاباندى بولۋ مەن ونى دامىتۋدىڭ ساياسي جارناماسى.
جۇڭگو كوممۋنيستىك پارتياسى قۇرىلعاننان بەرى، حالىقتى ىنتىماقتاستىرىپ، باستاپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا تاباندى بولىپ، جۇڭگو توڭكەرىسىنىڭ جەڭىسىنە قول جەتكىزىپ، سونداي - اق ەل - ءىشى سىرتىنىڭ ۇنامدى - ۇنامسىز ەكى جاقتاعى تاجىريبەلەرىن تەرەڭ قورىتىندىلاپ، امالياتتا ۇزدىكسىز ىزدەنىس جاساپ، ۇزدىكسىز رەفورما جاساپ جانە جاڭالىق اشىپ، سوتسياليستىك ءتۇزىمدى ورناتىپ جانە ونى كەمەلدەندىرىپ، پارتيانىڭ باسشىلىعى جانە ەكونوميكا، ساياسي، مادەنيەت، قوعام، ەكولوگيالىق وركەنيەت، اسكەري ىستەر، سىرتقى ىستەر سياقتى ءار جاقتاعى تۇزىمدەردى قالىپتاستىرىپ جانە دامىتىپ، مەملەكەتتى جونگە سالۋدى كۇشەيتىپ جانە كەمەلدەندىرىپ، تاريحي جەتىستىككە قول جەتكىزدى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىققا باسشىلىق ەتىپ ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جۇڭگوشا سوتسياليزم ءتۇزىمىنىڭ اناعۇرلىم كەمەلدەنۋىن، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋ دەڭگەيىنىڭ كورنەكتى جوعارىلاۋىن ىلگەرىلەتىپ، ساياسيدىڭ ورنىقتىلىعىنا، ەكونوميكانىڭ دامۋىنا، مادەنيەتتىڭ گۇلدەنۋىنە، ۇلتتار ىنتىماعىنا، حالىقتىڭ باقىتىنا، قوعامنىڭ تىنىشتىعىنا، مەملەكەتتىڭ ءبىر تۇتاستىعىنا پارمەندى كەپىلدىك ۇسىندى. اماليات پارتيامىز ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرىپ، بايىرعى شىعىستاعى ءىرى ەلدە 100 ميلليونداعان حالىقتىڭ قوجايىندىعىنا كەپىلدىك ەتەتىن جاڭاشا مەملەكەت ءتۇزىمىن ورناتىپ، حۇڭگوشا سوتسياليزم ءتۇزىمىن كورنەكتى ابزالدىلىققا جانە قۇدىرەتتى ومىرشەڭ كۇشكە يە تۇزىمگە اينالدىرىپ، ەلىمىزدىڭ دۇنيە جۇزىندە سيىرەك ۇشىرايتىن ەكونوميكانىڭ تەز دامۋ كەرەمەتى مەن قوعامنىڭ ۇزاق ۋاقىت ورنىقتىلىعى كەرەمەتىن جاراتۋىن قامتاماسىز ەتكەندىگىن دالەلدەدى. جۇڭگوشا سوتسياليزم ءتۇزىمى − قازىرگى زامانعى جۇڭگونىڭ دامىپ العا باسۋىنىڭ ءتۇبىرلى كەپىلى، بۇل − تاريح پەن شىنايى بولمىستان شىعارىلعان ايقىن قورىتىندى.
اماليات بارىسىندا ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسى كوپ جاقتاعى كورنەكتى ابزالدىلىقتاردى كورسەتتى. باستىسى، مىنالار: پارتيانىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيانىڭ عىلمي نازاريالارىنا تاباندى بولىپ، ساياسي ورنىقتىلىقتى ساقتاپ، مەملەكەتتىڭ قاشاندا سوتسياليزم بەتالىسىمەن العا باسۋىنا شىنايى كەپىلدىك ەتەتىن كورنەكتى ابزالدىلىعى؛ حالىقتىڭ قوجايىن بولۋىنا تاباندى بولىپ، حالىق دەموكراتياسىن دامىتىپ، بۇقارامەن ەتەنە بايلانىس ورناتىپ، حالىققا تىعىز ارقا سۇيەپ مەملەكەتتىڭ دامۋىن ىلگەرىلەتەتىن كورنەكتى ابزالدىلىعى؛ مەملەكەتتى جاپپاي زاڭمەن جونگە سالۋعا تاباندى بولىپ، سوتسياليستىك زاڭمەن جونگە سالىناتىن مەملەكەت قۇرىپ، قوعامنىڭ تەڭدىگىن، ادىلدىگىن جانە حالىقتىڭ ۇقىعىن شىنايى قامتاماسىز ەتەتىن كورنەكتى ابزالدىلىعى؛ بۇكىل ەل ءبىر تۇلعا دەگەنگە تاباندى بولىپ، ءار جاقتىڭ بەلسەندىلىگىن جۇمىلدىرىپ، كۇشتى شوعىرلاندىرىپ ۇلكەن ءىس تىندىراتىن كورنەكتى ابزالدىلىعى؛ ءار ۇلت حالقىنىڭ تەرەزەسى تەڭ بولۋىنا تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتىپ، بىرگە ىنتىماقتاسا كۇرەس جۇرگىزۋدى، بىرگە گۇلدەنىپ دامۋدى جۇزەگە اسىراتىن كورنەكتى ابزالدىلىعى؛ جالپىلىق مەنشىكتى نەگىز ەتۋگە، كوپ ءتۇرلى مەنشىكتەگى شارۋاشىلىقتىڭ قاتار دامۋىن جانە ەڭبەگىنە قاراي ءبولۋدى نەگىز ەتۋگە، كوپ ءتۇرلى ءبولىس ءتاسىلىنىڭ قاتار ءومىر سۇرۋىنە تاباندى بولىپ، سوتسياليستىك ءتۇزىم مەن بازار شارۋاشىلىعىن ورگانيكالى بىرلەستىرىپ، قوعامدىق وندىرگىش كۇشتى ۇزدىكسىز ازات ەتەتىن جانە دامىتاتىن كورنەكتى ابزالدىلىعى؛ ورتاق مۇرات - سەنىمگە، قۇن ۇستانىمىنا، ءمورالدىق كوزقاراسقا تاباندى بولىپ، جۇڭحۋانىڭ تاڭداۋلى ءداستۇرلى مادەنيەتىن، توڭكەرىستىك مادەنيەتىن، سوتسياليستىك وزىق مادەنيەتتى اسقاقتاتىپ، بۇكىل حالىقتىڭ يدەيالىق جاقتا، رۋحاني جاقتا تىعىز ىنتىماقتاسۋىن جەبەيتىن كورنەكتى ابزالدىلىعى؛ حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، حالىقتىڭ ىرىس - قۇتىن ۇزدىكسىز مولايتىپ، بىرگە بايۋ جولىمەن جۇرەتىن كورنەكتى ابزالدىلىعى؛ رەفورما جاساۋعا، جاڭالىق اشۋعا، داۋىرمەن بىرگە العا باسۋعا تاباندى بولىپ، ءوزىن - ءوزى كەمەلدەندىرۋگە، ءوزىن - ءوزى دامىتۋعا شەبەر بولىپ، قوعامنىڭ جالىندى ومىرشەڭدىككە تولى بولۋىنا مۇمكىندىك جاسايتىن كورنەكتى ابزالدىلىعى؛ ءمورالدى دا قابىلەتتى بولۋعا، بىلىمدىلەردى تاڭداۋعا، ىسكەرلەردى مىندەتكە قويۋعا تاباندى بولىپ، شار تاراپتىڭ دارىندىلارىن جيناپ پايدالانىپ، اناعۇرلىم كوپ، اناعۇرلىم ۇزدىك دارىندىلار جەتىلدىرەتىن، قالىپتاستىراتىن كورنەكتى ابزالدىلىعى؛ مىلتىققا پارتيا قولباسشىلىق ەتۋگە تاباندى بولىپ، حالىق ارمياسىنىڭ پارتيا مەن حالىققا شارتسىز ادال بولۋىنا شىنايى كەپىلدىك ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن پارمەندى قامتاماسىز ەتەتىن كورنەكتى ابزالدىلىعى؛ ”ءبىر ەل، ەكى ءتۇزىم“گە تاباندى بولىپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن ساقتاپ، وتاننىڭ بەيبىت بىرلىككە كەلۋىن جەبەيتىن كورنەكتى ابزالدىلىعى؛ دەربەس ءوز - وزىنە قوجايىن بولۋ مەن سىرتقا ەسىك اشۋدىڭ بىرلىگىنە تاباندى بولىپ، الەمدىك جونگە سالۋعا بەلسەنە ات سالىسىپ، ادامزاتتىڭ تاعدىرلاس ورتاق تۇلعاسىن قۇرۋعا ۇزبەي ۇلەس قوساتىن كورنەكتى ابزالدىلىعى. وسى ابزالدىلىقتاردى ۇزاق ۋاقىت ساقتاۋ ءارى ونى ۇزدىكسىز كۇشەيتۋ − ءبىزدىڭ جاڭا داۋىردە جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋدەگى، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدەگى قۇلشىنىس بەتالىسىمىز.
بۇگىنگى دۇنيە ءجۇزى 100 جىلدا بولماعان ۇلى وزگەرىستەردى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋگە اناعۇرلىم زور كۇش سالىپ، جۇڭگوشا سوتسياليزم ءتۇزىمىن اناعۇرلىم نىعايتساق، ابزالدىلىعىن تولىق ساۋلەلەندىرسەك، ءبىز، ءسوز جوق، ”قوس 100 جىلدىق“ كۇرەس نىساناسىن جۇزەگە اسىرا الامىز، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرا الامىز!
(شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى)
