ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ماجىلىسىندە سويلەنگەن ءسوز
شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى. 11 - ايدىڭ 1 - كۇنى باسپادان شىققان «ىزدەنۋ» جۋرنالىنىڭ 21 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى − «ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ماجىلىسىندە سويلەنگەن ءسوز» جاريالاندى.
ماقالادا مىنالار باسا دارىپتەلدى: جاڭا جاعدايدا ورتالىق پەن مەملەكەت ورگاندارى پارتيانىڭ ساياسي قۇرىلىسىن ءبىر تۇتاس باسشىلىققا الىپ، نازاريامەن قارۋلانۋدى تەرەڭدەتۋگە كۇش سالىپ، نەگىزگى ساتىنىڭ نەگىزىن بەكەمدەۋگە كۇش سالىپ، ستيلدى دۇرىستاپ، ءتارتىپتى قاتايتۋدى ىلگەرىلەتۋگە كۇش سالىپ، ورتالىق پەن مەملەكەت ورگاندارىنىڭ پارتيا قۇرىلىسى ساپاسىن جاپپاي جوعارىلاتىپ، جاڭا داۋىردەگى جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ جاعىندا ونەگە كورسەتىپ، پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ جاعىندا ونەگە كورسەتىپ، پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن باتىل دايەكتىلەندىرۋ، تياناقتاندىرۋ جاعىندا ونەگە كورسەتىپ، پارتيا ورتالىق كوميتەتى الاڭسىز بولاتىن، حالىق بۇقاراسى ريزا بولاتىن ۇلگىلى ورگان قۇرۋ كەرەك.
ماقالادا مىنالار اتاپ كورسەتىلدى: ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋ مەن جاقسارتۋدىڭ كەلەلى ءمانىن جەتە تانۋ كەرەك. ورتالىق پەن مەملەكەت ورگاندارىنىڭ پارتيا قۇرىلىسى، ءسوز جوق، الدا ءجۇرۋ، ونەگە كورسەتۋ كەرەك، مۇنى ورتالىق پەن مەملەكەت ورگاندارىنىڭ ورنى جانە رولى بەلگىلەگەن. ورتالىق پەن مەملەكەت ورگاندارى پارتيا ورتالىق كوميتەتىنە ەڭ جاقىن، پارتيا ورتالىق كوميتەتىنە ەڭ تىكە قىزمەت وتەيدى، ورگاننىڭ پارتيا قۇرىلىسى، اۋەلى، باسقا سالالاردىڭ پارتيا قۇرىلىسى جونىنەن ماڭىزدى باعدارلاۋىشتىق رولعا يە. پارتيانى جاپپاي قاتاڭ جونگە سالۋدى تەرەڭدەتۋدە، وزىنە توڭكەرىس جۇرگىزۋدە، ءسوز جوق، ورتالىق پەن مەملەكەت ورگاندارىنان باستاپ قاتايتۋ، ورگان پارتيا قۇرىلىسىنان باستاپ يگەرۋ كەرەك.
ماقالادا مىنالار اتاپ كورسەتىلدى: ”ەكىنى قورعاۋ“دى باستاماشىلدىقپەن ورىنداپ، ورتالىق پەن مەملەكەت ورگاندارىندا پارتيانىڭ ساياسي قۇرىلىسىن ىلگەرىلەتۋگە كۇش سالۋ كەرەك. ”ەكىنى قورعاۋ“دى باستاماشىلدىقپەن ورىنداۋ − ورتالىق پەن مەملەكەت ورگاندارىنىڭ پارتيا قۇرىلىسىن كۇشەيتۋدەگى ماڭداي الدى مىندەتى. نازاريامەن قارۋلانۋدى تەرەڭدەتىپ، ۇيرەنۋ - تاربيەنىڭ باعىتتامالىلىعىن جانە ناقتى ونىمدىلىگىن جوعارىلاتىپ، جەتە ۇيرەنۋ، جەتە ءتۇسىنۋ، ناقتى ىستەۋ جاعىندا جاقسى ۇلگى بولىپ، ۇيرەنۋ جەتىستىگىن ءوز مىندەتىندەگى قىزمەتتەردى جاقسى ىستەۋ، ىستەردىڭ دامۋىن ىلگەرىلەتۋ جاعىندا تياناقتاندىرۋ كەرەك.
ماقالادا مىنالار اتاپ كورسەتىلدى: ۇيىمداستىرۋ قۋاتىن جوعارىلاتۋدى ءتۇيىن ەتىپ، باتىل، پارمەندى ورگان نەگىزگى ساتى پارتيا ۇيىمدارىن سومداۋ كەرەك. تاباندىلىقپەن ستيلدى دۇرىستاپ، ءتارتىپتى قاتايتىپ، ستيلى پاك، سالتى دۇرىس ساياسي ورگان قۇرۋ كەرەك. ءسوز جوق، كىرشىكسىزدىك پەن جاۋاپكەرشىلىك ارقالاۋدىڭ قاتىناسىن دۇرىس ءبىر جاقتى ەتۋ كەرەك، شىرىكتەسۋگە قارسى تۇرۋدى جاۋاپكەرشىلىك ارقالاماۋدىڭ، ىسكەرلىك كورسەتپەۋدىڭ سىلتاۋى ەتۋگە استە بولمايدى.
ماقالادا مىنالار اتاپ كورسەتىلدى: ەرەكشەلىكتى، زاڭدىلىقتى يگەرىپ، ورتالىق پەن مەملەكەت ورگاندارىنىڭ پارتيا قۇرىلىسى ساپاسىن جاپپاي جوعارىلاتىپ، ورتاقتىق پەن دارالىقتىڭ قاتىناسىن، پارتيا قۇرىلىسى مەن كاسىپتىڭ قاتىناسىن، نىسانانى جەتەكشى ەتۋ مەن ماسەلەنى باعدار ەتۋدىڭ قاتىناسىن، ەرەجە بەلگىلەپ، ءتۇزىم ورناتۋ مەن تياناقتانىپ، ونىمدىلىك كورسەتۋدىڭ قاتىناسىن، مۇراگەرلىك ەتۋ مەن جاڭالىق اشۋدىڭ قاتىناسىن ويداعىداي ءبىر جاقتى ەتۋ كەرەك. نەگىزگى تۇلعالىق جاۋاپكەرشىلىكتى تياناقتاندىرىپ، ورتالىق پەن مەملەكەت ورگاندارىنىڭ پارتيا قۇرىلىسىنا باسشىلىعىن كۇشەيتۋ كەرەك.
