تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوننىڭ وڭتۇستىك شينجياڭ سۋ يگىلىگى قىزمەتى ءماجىلىسى اشىلدى

سۋدى تىزگىندەۋ، سۋ ىستەرىن گۇلدەندىرۋ، سۋدى ۇنەمدەۋ، سۋ ىستەرىن باسقارۋ قىزمەتتەرىن ءبىر تۇتاس جوسپارلاپ، وڭتۇستىك شينجياڭنىڭ باياندى دامۋىنا پارمەندى سۋ يگىلىگى قامتاماسىزدىعىن ازىرلەيىك

  ءتىلشى لي ياڭ 11 - ايدىڭ 1 - كۇنى اقسۋدان حابارلايدى. 10 - ايدىڭ 31 - كۇنى تۇستەن كەيىن، اۆتونوميالى رايوننىڭ وڭتۇستىك شينجياڭ سۋ يگىلىگى قىزمەتى ءماجىلىسى اقسۋ قالاسىندا اشىلدى، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى. ءماجىلىس مىنالاردى باسا دارىپتەدى: باس شۋجي شي جينپيڭنىڭ سۋدى تىزگىندەۋ جونىندەگى ماڭىزدى بايىمداۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، سۋ يگىلىگى ينجەنەرياسىنداعى ولقىلىقتاردى تولىقتاۋدى، سۋ يگىلىگى كاسىپ سالاسىنداعى باقىلاۋ - باسقارۋدى كۇشەيتۋدى ىلگەرىلەتىپ، جوعارعى اعاردى، ورتاڭعى اعاردى، تومەنگى اعاردى ءبىر تۇتاس جوسپارلاپ، وندىرىسكە، تۇرمىسقا، ەكولوگياعا پايدالانىلاتىن سۋدى ءبىر تۇتاس جوسپارلاپ، سۋدى تىزگىندەۋ، سۋ ىستەرىن گۇلدەندىرۋ، سۋدى ۇنەمدەۋ، سۋ ىستەرىن باسقارۋ قىزمەتتەرىن تىڭعىلىقتى ىلگەرىلەتىپ، وڭتۇستىك شينجياڭنىڭ ەكونوميكاسىنىڭ، قوعامىنىڭ باياندى دامۋىنا پارمەندى سۋ يگىلىگى قامتاماسىزدىعىن ازىرلەۋ كەرەك.

  ءماجىلىس مىنالاردى اتاپ كورسەتتى: اۆتونوميالى رايوندىق پارتكوم وڭتۇستىك شينجياڭداعى سۋ حاۋىپسىزدىگى مەن تارىم وزەنىن جونگە سالۋعا وسكەلەڭ ءمان بەرىپ، سۋ ۇنەمدەۋ، سۋ ساقتاۋ سياقتى ءتۇيىندى قىزمەتتەردى مۇقيات جاقسى يگەرىپ، سۋ ساقتاۋدى نەگىزگى ءتاسىل ەتكەن سۋ بايلىعىن رەتتەۋ - تىزگىندەۋ جۇيەسىن باستاپقى قادامدا ورناتىپ، سۋ ۇنەمدەۋدى وزەك ەتكەن ءىرى، ورتا تيپتى سۋارمالى وڭىرلەر قۇرىلىسىن تىڭعىلىقتى ىلگەرىلەتىپ، كەلەلى ەكولوگيالىق قورعاۋ جانە قالپىنا كەلتىرۋ ينجەنەرياسىن بەلسەندىلىكپەن ىلگەرىلەتىپ، اۋىل - قىستاق سۋ يگىلىگى نەگىزدىك قۇرىلعىلارىن بىرتىندەپ كەمەلدەندىرىپ، تاسقىننان ساقتانۋ، اپاتتى ازايتۋ جۇيەسىن نەگىزىنەن ورناتىپ، تارىم وزەنى الابىنىڭ ەكولوگيالىق ورتاسىن باستاپقى قادامدا جاقسارتتى. سونىمەن بىرگە، سۋ اپاتى زيانىنىڭ الدىن الۋ جانە ونى جونگە سالۋ، سۋ بايلىعىن ۇنەمدەۋ، سۋ ەكولوگياسىن قورعاۋ، قالپىنا كەلتىرۋ، سۋ ورتاسىن جونگە سالۋ سياقتى جاقتاردا ورىن تەۋىپ وتىرعان كورنەكتى ماسەلەلەردى دە ايقىن كورە ءبىلۋ كەرەك. شىنايى تۇردە ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باس شۋجي شي جينپيڭنىڭ سۋدى تىزگىندەۋ جونىندەگى ماڭىزدى بايىمداۋلارىنىڭ رۋحىن بەرىك، باتىل، ويداعىداي ۇيرەنىپ، دايەكتىلەندىرىپ، تياناقتاندىرىپ، وڭتۇستىك شينجياڭداعى سۋدى تىزگىندەۋدىڭ، سۋ ىستەرىن گۇلدەندىرۋدىڭ كەلەلى امالياتىن ديالەكتيكالىق ويمەن جانە جۇيەلى ادىسپەن ىلگەرىلەتىپ، وڭتۇستىك شينجياڭنىڭ ەكونوميكاسىنىڭ، قوعامىنىڭ باياندى دامۋىن جەبەپ، ءار ۇلت بۇقاراسىن سۋ يگىلىگى رەفورماسىنان، دامۋىنان ءتىپتى دە مول تابىس سەزىمىنە كەنەلدىرۋ كەرەك.

  ءماجىلىس مىنالاردى تالاپ ەتتى: جاڭا دامۋ ۇستانىمىن بۇلجىماستان دايەكتىلەندىرىپ، ”سۋدى ۇنەمدەۋدى الدىڭعى ورىنعا قويۋ، كەڭىستىك جاعىندا بىركەلكى بولۋ، جۇيەلى جونگە سالۋ، ەكى جاقتان كۇش سالۋ“ سىندى سۋدى تىزگىندەۋ باعىتىن جان - جاقتى تياناقتاندىرىپ، سۋدى ۇنەمدەۋدىڭ شەشۋشى ءتۇيىنىن كورنەكتىلەندىرىپ، سۋدى تىزگىندەۋ، سۋ ىستەرىن گۇلدەندىرۋ، سۋدى ۇنەمدەۋ، سۋ ىستەرىن باسقارۋ قىزمەتتەرىن شىنايى ىلگەرىلەتۋ كەرەك. سۋ بايلىعىن ەڭ زور قاتاڭ شەكتەمە ەتىپ، سۋ ۇنەمدەۋ كاسىپتەرىن جەتىلدىرىپ، دامىتىپ، سۋ بايلىعىن سارىپ ەتۋدىڭ جالپى مولشەرى جانە كۇشەمەلىلىگى جاقتارىنان قوس تىزگىندەۋ ارەكەتىن اتقارىپ، وڭتۇستىك شينجياڭنىڭ سۋارمالى وڭىرلەرىندەگى تىرەكتى ينجەنەريالاردى جالعاستىرىپ سالۋ، سەپتەۋ جانە سۋ ۇنەمدەۋ جاعىندا وزگەرتىپ سالۋ ينجەنەريالارىن جەدەل ىلگەرىلەتىپ، سۋدان پايدالانۋدىڭ ۇيلەسىمسىز سۇرانىستارىن باتىل تەجەپ، سۋ بايلىعىن ۇنەمدەپ شوعىرلى پايدالانۋدى ىلگەرىلەتۋ كەرەك. سۋ يگىلىگى ينجەنەرياسىنداعى ولقىلىقتاردى جەدەل تولىقتاپ، ءتۇيىندى سۋ قاينارى ينجەنەريا قۇرىلىسىن كۇشەيتىپ، تاسقىننان ساقتانۋ جانە وزەن اعارلارىن جونگە سالۋ قىزمەتىنىڭ تەبىنىن ارتتىرىپ، اۋىل - قىستاق اۋىز سۋ حاۋىپسىزدىگىن بەكەمدەۋ، دەڭگەيىن جوعارىلاتۋ ينجەنەريالارىن اتقارىپ، وڭتۇستىك شينجياڭداعى سۋ بايلىعىن رەتتەۋ، ساقتاۋ قابىلەتىن ونان ارى كۇشەيتۋ كەرەك. تارىم وزەنى الابىن ءبىر تۇتاس باسقارۋدى كۇشەيتىپ، كورنەكتى ماسەلەلەردى ارناۋلى رەتتەۋ - جونگە سالۋدى تىڭعىلىقتى ورىستەتىپ، ”زەردەلى تارىم وزەنى“ قۇرىلىسىن جەدەل ىلگەرىلەتىپ، الاپتىڭ ەكولوگيالىق ورتاسىن شىن مانىندە جاقسارتىپ، تارىم وزەنىنىڭ جاندى ومىرشەڭدىك كۇشىن ماڭگى ساقتاۋ كەرەك.

  ءماجىلىس مىنالاردى باسا دارىپتەدى: پارتيانى باسقارۋ، پارتيانى جونگە سالۋ جاۋاپكەرشىلىگىن كۇشەيتىپ، پارتيانىڭ سۋ يگىلىگى قىزمەتىنە جاپپاي باسشىلىعىن كۇشەيتىپ، سۋ حاۋىپسىزدىگىن قامتاماسىز ەتۋگە پارمەندى ساياسي كەپىلدىك ازىرلەۋ كەرەك. وزەن، كول باستىعى ءتۇزىمىن جان - جاقتى ىلگەرىلەتۋدى تۇتقا ەتىپ، سۋدى تىزگىندەۋدىڭ ءتۇزىلىس - مەحانيزمىن اقاۋسىزداندىرۋ، كەمەلدەندىرۋ كەرەك. بيڭتۋان مەن جەرگىلىكتى ورىندى ءبىر تۇتاس جوسپارلاۋدان، سايكەستى ىلگەرىلەتۋدەن جازباي، تاراۋلار سەلبەسىپ، وڭىرلەر قوسىلا ارەكەت ەتىپ، ءبارى بىردەي كىرىسەتىن قىزمەت جاعدايىن قالىپتاستىرۋ كەرەك.

  اۆتونوميالى رايوننىڭ باسشىلارىنان دۇڭ شينگۋاڭ، جاۋ چيڭ، ماعاۋ سەيىتقامزا ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.