شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جالپى ءماجىلىستىڭ ءتۇرلى نىسانالارىنىڭ، مىندەتتەرىنىڭ جان - جاقتى تياناقتانۋىن تاباندىلىقپەن ىلگەرىلەتەيىك
چىن چۋانگو ءماجىلىستى باسقاردى
تىلشىلەر ياۋ تۇڭ، ۋاڭ شيڭرۇي 11 - ايدىڭ 1 - كۇنى ۇرىمجىدەن حابارلايدى. 11 - ايدىڭ 1 - كۇنى اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جاڭا جۇڭگو قۇرىلعاندىعىنىڭ 70 جىلدىعى كەزىندە، ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە اشىلعان ءبىر رەتكى باستاما سيپاتتى، بەلەستىك مانگە يە ماڭىزدى ءماجىلىس. جالپى ءماجىلىس پارتيا 19 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرگى ورتالىق كوميتەت ساياسي بيۋروسىنىڭ قىزمەتىن تولىق تۇراقتاندىردى، «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىن» قاراپ ماقۇلدادى. باس شۋجي شي جينپيڭ ماڭىزدى بايانداما جاسادى، ماڭىزدى ءسوز سويلەدى ءارى «قارار (تالقىلاناتىن نۇسقا)» جونىندە تۇسىنىك جاسادى. «قارار» پارتيا مەن مەملەكەت ىستەرى دامۋىنىڭ جالپى جاعدايىن جانە بولاشاعىن شىعار ءتۇيىن ەتىپ، ”نەگە تاباندى بولۋ جانە نەنى بەكەمدەۋ، نەنى كەمەلدەندىرۋ جانە دامىتۋ كەرەك“ دەگەن كەلەلى ساياسي ماسەلەگە ىشكەرىلەي جاۋاپ بەرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيىكتە تۇرىپ، ۇزاققا كوز جىبەرگەن ستراتەگيالىق كوز اياسىن جانە كۇشتى تاريحي جاۋاپكەرشىلىك ارقالاعانىن تولىق ايگىلەدى، جاڭا داۋىردەگى پارتيا مەن مەملەكەت ىستەرى دامۋىنىڭ جاڭا تالاپتارىن جانە حالىق بۇقاراسىنىڭ جاڭا ارمانىن تولىق بەينەلەدى، بۇل جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، سوتسياليستىك وسىزاماندانعان مەملەكەتتى جاپپاي قۇرۋ جونىنەن، پارتيانىڭ بيلىك جۇرگىزۋ ورنىن بەكەمدەۋ، پارتيا مەن مەملەكەتتىڭ باياندى تىنىشتىعىنا شىنايى كەپىلدىك ەتۋ جونىنەن كەلەلى دە تەرەڭ مانگە يە. بۇكىل رايونىمىزداعى ءار دارەجەلى، ءارقايسى تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باتىل تۇردە يدەيا مەن ارەكەتتى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، «قارار»دىڭ ورنالاستىرۋلارىمەن بىرلىككە كەلتىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا العا ۇمتىلىپ، ءورىس اشا جاڭالىق اشىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا قاجىماي - تالماي كۇرەس جۇرگىزۋ كەرەك.
بىرىنشىدەن، ىشكەرىلەي ويداعىداي ۇيرەنىپ، يدەيالىق تانىمدى بىرلىككە كەلتىرۋ كەرەك. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى كەزەكتەگى جانە الداعى ءبىر مەزگىلدەگى كەلەلى ساياسي مىندەت ەتۋگە تاباندى بولىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ −”قوس 100 جىلدىق“ كۇرەس نىساناسىن جۇزەگە اسىرۋداعى كەلەلى مىندەت ەكەندىگىن، جاڭا داۋىردە رەفورما جاساۋدى، ەسىك اشۋدى العا ىلگەرىلەتۋدەگى ءتۇبىرلى تالاپ ەكەندىگىن، حاۋىپ - قاتەر، سايىستارعا توتەپ بەرۋدىڭ، ىرىقتىلىقتى قولعا كەلتىرۋدىڭ پارمەندى كەپىلى ەكەندىگىن تەرەڭدەي ءتۇسىنىپ، يدەيالىق تانىمدى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ تالاپتارىمەن شىن مانىندە بىرلىككە كەلتىرىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ يدەيالىق سانالىلىعىن، ساياسي سانالىلىعىن، ارەكەت سانالىلىعىن ۇزدىكسىز كۇشەيتۋ كەرەك.
ەكىنشىدەن، كەڭ كولەمدە ويداعىداي ۇگىتتەپ، تاماشا راي قالىپتاستىرۋ كەرەك. باعدار مەن نەگىزگى اۋەندى ويداعىداي يگەرىپ، ءتۇرلى اقپارات قۇرالدارىن ءبىر تۇتاس ورنالاستىرىپ، ءتۇرلى ۇگىت تاسىلدەرىنەن پايدالانىپ، بۇقارا ۇناتا قابىلدايتىن فورمالاردى قولدانىپ، جالپى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جان - جاقتى، كوپ ساتىلى ۇگىتتەپ، شوعىرلى ۇگىت - لەكسيا ورىستەتىپ، ۇيرەنۋدى، جەتەكتەۋدى ويداعىداي يگەرىپ، رۋحىن ءتۇسىندىرۋدى تەرەڭدەتىپ، نازاريالىق زەرتتەۋدى كۇشەيتىپ، ۇيرەنۋدىڭ، ۇگىتتەۋدىڭ قىزۋ ورلەۋىن جەدەل كوتەرىپ، ۇيرەنۋدىڭ، دايەكتىلەندىرۋدىڭ قويۋ بەينەسىن قالىپتاستىرىپ، ءار ۇلت كادرلارى مەن بۇقاراسىنىڭ جۇڭگوشا سوتسياليزم ءتۇزىمىنىڭ ماندىك ەرەكشەلىگى مەن ابزالدىلىعىن جەتە تانۋىن ىلگەرىلەتىپ، ساياسي جاۋاپكەرشىلىك سەزىم مەن تاريحي بورىشتىلىق سەزىمدى ۇزدىكسىز كۇشەيتىپ، جۇڭگوشا سوتسياليزم تۇزىمىنە تاباندى بولۋدىڭ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇشىن ۇيىستىرۋ كەرەك.
ۇشىنشىدەن، جان - جاقتى ويداعىداي دايەكتىلەندىرىپ، ءتۇزىمدى باتىل قورعاۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا عىلمي جوسپارلاۋعا، دەن قويا ۇيىمداستىرۋعا، الىس پەن جاقىندى بايلانىستىرۋعا، جالپى تۇلعالىق ىلگەرىلەتۋگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، «قارار»دىڭ رۋحىن ىشكەرىلەي دايەكتىلەندىرىپ، ءتۇزىم تانىمىن شىنايى كۇشەيتىپ، ءتۇزىمنىڭ بەدەلىن باستاماشىلدىقپەن قورعاپ، ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىعىن مىقتاپ يگەرىپ، مەملەكەتتى جونگە سالۋدى كۇشەيتۋدە جانە ونى كەمەلدەندىرۋدە، ءسوزسىز، تاباندى بولۋعا ءتيىستى نەگىزگى پرينسيپتى، جالپى نىسانانى جانە قىزمەت تالابىن مىقتاپ يگەرىپ، ءتۇزىم قۇرىلىسىن ىلگەرىلەتۋدەگى كەلەلى مىندەتتەر مەن شارالاردى باتىل تياناقتاندىرىپ، جالپى ءماجىلىس تۇراقتاندىرعان ءتۇرلى نىسانالاردىڭ، مىندەتتەردىڭ جان - جاقتى، ناقتاپ تياناقتاندىرىلۋىنا شىنايى كەپىلدىك ەتۋ كەرەك.
تورتىنشىدەن، تىعىز ويداعىداي ۇشتاستىرىپ، ناقتاپ تياناقتاندىرىلۋىنا شىنايى كەپىلدىك ەتۋ كەرەك. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى جاڭا داۋىردەگى پارتيانىڭ شينجياڭدى جونگە سالۋ جالپى جوباسىمەن، اسىرەسە، قوعام ورنىقتىلىعى مەن باياندى تىنىشتىق باس نىساناسىمەن ۇشتاستىرۋعا تاباندى بولىپ، پارتيا ورتالىق كوميتەتىنىڭ ءبىر تۇتاس باسشىلىعىندا نەگىزدى بەكەمدەپ، ابزالدىلىقتى ساۋلەلەندىرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، جۇيەلى، كەمەلدى، عىلمي، ارناعا تۇسكەن، جۇمىس جۇرگىزۋى ءونىمدى ءتۇزىم جۇيەسىن ورناتۋعا كۇش سالىپ، جۇيەلى جونگە سالۋدى، زاڭ بويىنشا جونگە سالۋدى، كەشەندى جونگە سالۋدى، تۋ باسىنان جونگە سالۋدى كۇشەيتىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن اناعۇرلىم زور ۇلەس قوسۋ كەرەك.
ءماجىلىس باسقا دا ىستەردى اقىلداستى.
شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، لي ۋي، ۋاڭ جۇنجىڭ، تيان ۋىن، جي جىڭ، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.
