تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىنا پىكىر الدى

 جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

شي جينپيڭ باسقاردى ءارى ماڭىزدى ءسوز سويلەدى

ۋاڭ حۋنيڭ قاتىستى جاعدايلاردى تانىستىردى ۋاڭ ياڭ، حان جىڭ قاتىناستى

  شينحۋا اگەنتتىگىنىڭ 11 - ايدىڭ 1 - كۇنى بەيجيڭنەن بەرگەن حابارى. 9 - ايدىڭ 25 - كۇنى جۇڭگو كوممۋنيستىك پارتياسى ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىنا ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىستى باسقاردى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋدە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە بىرلىكساپتىڭ ارتىقشىلىعىن ساۋلەلەندىرۋ، كەڭ كولەمدە ورتاق تانىم ۇيىستىرۋ كەرەك. ءارقايسى دەموكراتيالىق پارتيا - توپتار، ساۋدا - ونەركاسىپشىلەر بىرلەستىكتەرى جانە پارتيادا، توپتا جوق قايراتكەرلەر جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ بارىسىندا زور ىستەر تىندىرادى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسكە قاتىناستى. ۋاڭ حۋنيڭ جۇڭگو كوممۋنيستىك پارتياسى ورتالىق كوميتەتىنىڭ قاتىستى ويلارىن جانە حۇجاتتاردى دايىنداۋ جاعدايىن تانىستىردى.

  اڭگىمە ماجىلىستە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، «3 - قىركۇيەك» ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى باۋ شينحى ىلگەرىندى - كەيىندى ءسوز سويلەدى. ولار جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىن قۇپتادى ءارى جۇڭگو كوممۋنيستىك پارتياسىنىڭ باسشىلىعىن كۇشەيتۋ، زاڭمەن جونگە سالىناتىن ۇكىمەت قۇرىلىسىن كۇشەيتۋ، جاڭاشا ساياسي پارتيا تۇزىمىنە ويداعىداي تاباندى بولۋ، ويداعىداي دامىتۋ، ويداعىداي كەمەلدەندىرۋ، عىلىم - تەحنيكادا جاڭالىق اشۋ ءتۇزىمى ورنالاستىرۋىن كۇشەيتۋ، مەملەكەتتىڭ كەلەلى دامۋ ستراتەگياسىن جانە ورتا، ۇزاق مەزگىلدىك جوبالاردى جاساۋ مەن تياناقتاندىرۋدى ىلگەرىلەتۋ، جاۋاپكەرشىلىك ارقالايتىن دۇنيە جۇزىلىك عىلىم - تەحنيكادا قۋاتتى ەل قۇرۋ، نەگىزگى ساتىنىڭ قوعامدىق جونگە سالۋ جۇيەسىن كۇشەيتۋ، بىرگە بايۋدى جۇزەگە اسىرۋدىڭ تۇزىمدىك قامتاماسىزدىعىن كۇشەيتۋ، حالىقتىق شارۋاشىلىق سالاسىنداعى پارتيا قۇرىلىسى قىزمەتىنىڭ تۇزىمدىك قۇرىلىسىن كۇشەيتۋ، مەملەكەتتى جونگە سالۋ جۇيەسى جونىندەگى نازاريالىق زەرتتەۋ مەن تاربيەنى، ۇگىتتى كۇشەيتۋ سياقتىلار جونىندە پىكىر جانە ۇسىنىستاردى العا قويدى.

  كوپشىلىكتىڭ ءسوزىن مۇقيات تىڭداعاننان كەيىن، شي جينپيڭ ماڭىزدى ءسوز سويلەدى. ول مىنالاردى ءبىلدىردى: كوپشىلىك قارار نۇسقاسى جونىندە كوپتەگەن قۇندى، ورەلى پىكىرلەر مەن ۇسىنىستاردى العا قويدى، بۇل قارار نۇسقاسىنا جاقسى وزگەرىس ەنگىزۋگە كوپ كومەگى تيەدى، ءبىز مۇقيات زەرتتەۋ جۇرگىزەمىز جانە قابىلدايمىز.

  شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جۇڭگو كوممۋنيستىك پارتياسى ورتالىق كوميتەتىنىڭ ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇرىپ اشقان ءماجىلىسى، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندە ساياسي مالىمدەمە جاسايدى. ەلىمىزدىڭ مەملەكەتتى جونگە سالۋ جۇيەسى مەن جونگە سالۋ قابىلەتى − جۇڭگوشا سوتسياليزم ءتۇزىمىنىڭ جانە ونىڭ بيلىك جۇرگىزۋ قابىلەتىنىڭ شوعىرلى بەينەلەنۋى. ەلىمىزدىڭ مەملەكەتتى جونگە سالۋىنىڭ بارلىق قىزمەتى مەن ارەكەتى تۇگەلدەي جۇڭگوشا سوتسياليزم ءتۇزىمى بويىنشا ورىستەتىلەدى ءارى وسى بارىستا ۇزدىكسىز تاجىريبە جيناقتايدى، ورەنى جوعارىلاتادى. ءبىزدىڭ قازىرگى ىستەيتىنىمىز، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ امالياتى بارىسىندا مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ.

  شي جينپيڭ بىلاي دەپ باسا دارىپتەدى: جاڭا جۇڭگو قۇرىلعاندىعىنىڭ 70 جىلدىعى ماڭىزدى تاريحي ساتىندە، جاڭا جۇڭگو قۇرىلعاننان بەرگى ەلىمىزدىڭ سوتسياليستىك ءتۇزىم قۇرىلىسى، مەملەكەتتى جونگە سالۋ جۇيەسى مەن جونگە سالۋ قابىلەتى قۇرىلىسى جاقتارىنداعى تاجىريبەلەرىن جاقسى قورىتىندىلاپ، ونان كەيىن تاريحي تاجىريبەلەردى قولدانۋ نەگىزىندە، كەلەشەكتەگى ءبىر مەزگىلدەگى تۇزىمدىك قۇرىلىستىڭ، جونگە سالۋ جۇيەسى مەن جونگە سالۋ قابىلەتى قۇرىلىسىنىڭ كۇش سالۋ ءتۇيىنى مەن نىسانا - مىندەتتەرىن ايقىنداۋ كەرەك. كوپشىلىكتىڭ نازاردى جاڭا داۋىردەگى پارتيا مەن مەملەكەت ىستەرىن دامىتۋ نىسانا - مىندەتتەرىنە شوعىرلاندىرىپ، ءوز ارتىقشىلىقتارىن تولىق ساۋلەلەندىرىپ، ىشكەرىلەي تەكسەرۋ - زەرتتەۋ جۇرگىزۋ نەگىزىندە كورەگەندىك، ستراتەگيالىق، جارامدى پىكىر جانە ۇسىنىستاردى العا قويۋىن ءۇمىت ەتەمىن.

  ديڭ شۋەشياڭ، ۋاڭ چىن، ليۋ حى، ياڭ شياۋدۋ، چىن شي، گو شىڭكۇن، حۋاڭ كۇنميڭ، يوۋ چۋان، شياۋ جيە، جاڭ چيڭلي، حى ليفىڭ، ورتالىقتىڭ قاتىستى تاراۋلارىنىڭ جاۋاپتى جولداستارى اڭگىمە ماجىلىسكە قاتىناستى.

  پارتيا سىرتىنداعى قايراتكەرلەردەن تاعى چىن شياۋگۋاڭ، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ جانە جياڭ زوجۇن، لي يۋەفىڭ، شيە جيڭرۇڭ، يۇي رۋسۇڭ قاتارلىلار اڭگىمە ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.