تيانشان تورى   ›   جاڭالىقتار   ›   ساياحات

رايونىمىز زەردەلى ساياحات تۇعىرىن قۇرۋدى جەدەلدەتتى

  ”ءبىر قول تەلەفونمەن شينجياڭدى ساياحاتتاۋ“ تۇتاس وڭىرلىك ساياحاتقا قولايلىلىق جاراتتى

  ءتىلشى ياۋ گاڭ 11 - ايدىڭ 2 - كۇنى ۇرىمجىدەن حابارلايدى. 10 - ايدىڭ 23 - كۇنى سانجى حۇيزۋ اۆتونوميالى وبلىسىنىڭ زەردەلى ساياحات ۇلكەن ساندى مالىمەت تۇعىرى رەسمي جەلىگە قوسىلىپ، سانجى وبلىسى ساياحاتىنىڭ دامۋىن اناعۇرلىم قولايلى ينفورماتسيالىق قىزمەت وتەۋمەن قامداپ، ساياحاتشىلاردىڭ ساياحاتتى سەزىنۋ دارەجەسىن جوعارىلاتتى، سونىمەن بىرگە سانجى وبلىسىنىڭ تۇتاس وڭىرلىك ساياحاتىنىڭ جەدەل دامۋىن ۇلكەن ساندى مالىمەت تىرەگىمەن قامدادى. سول كۇنى سانجى وبلىستىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى شينجياڭ فيما جىلۇي عىلىم - تەحنيكا شەكتى جاۋاپكەرلىك سەرىكتەستىگىمەن ”قول تەلەفونمەن سانجى وبلىسىن ساياحاتتاۋ“ تۇتاس وڭىرلىك زەردەلى ساياحات تۇعىرى سەلبەستىك كەلىسىمىنە قول قويىستى.

  ”ينفورماتسيالاندىرۋ تاسىلىمەن شارۋاشىلىق كۇيىن باقىلاۋ - باسقارۋدى جانە بازاردى باقىلاۋدى ورىنداپ، باسقارۋشىلاردى شەشىم جاساۋ دالەلىمەن قامداپ، ساياحاتشىلاردى زەردەلى قىزمەت وتەۋمەن قامداپ، ساياحات ونىمدەرىنىڭ زەردەلى ساۋدالانۋىن جۇزەگە اسىرۋ“ نىساناسى بويىنشا، اۆتونوميالى رايوندىق مادەنيەت جانە ساياحات مەڭگەرمەسى ”ءبىر قول تەلەفونمەن شينجياڭدى ساياحاتتاۋ“ زەردەلى ساياحات نىسانىن بەلسەنە قۇرىپ، ”ءبىر قول تەلەفونمەن شينجياڭدى ساياحاتتاۋ“ زەردەلى ساياحات جۇيەسىن قۇرۋدى جەدەلدەتتى. بۇل نىسان قۇرىلعاننان كەيىن، ساياحاتشىلاردى باستاۋ، ۇلكەن ساندى مالىمەتتەرگە تالداۋ جاساۋ، ساياحات ونىمدەرىن جاراتۋ، ساياحاتتىق جاسىل دامۋ سياقتى جاقتاردا كەلەلى رول اتقارىپ، ”شينجياڭ جاقسى جەر“ ماركاسىن سومداۋعا كۇش ۇستەيدى.

  كەزەكتە ءۇرىمجى، التاي، تۇرپان، قاشقار، قارامايلى سياقتى ايماق، قالالاردىڭ زەردەلى ساياحات تۇعىرى تۇلعالانا باستاپ، باسقارۋ جانە قىزمەت وتەۋ جاقتارىندا بەلسەندى رول اتقارىپ، ساياحات كاسىبىنىڭ جوعارى ساپالى دامۋىنا پارمەندى كەپىل ازىرلەدى.

  جەر - جەر ۇلكەن ساندى مالىمەتكە سۇيەنىپ، زەردەلى ساياحات تۇعىرى قۇرىلىسىن ىلگەرىلەتىپ، ساياحاتشىلاردىڭ قاجەتىن شىعار ءتۇيىن ەتىپ، ساياحاتشىلاردى زەردەلى، ىڭعايلى، سان سالالى قىزمەت وتەۋمەن قامدادى.

  سايرام كولى كورىنىس ءوڭىرى ”ءبىر قول تەلەفونمەن سايرام كولىن ساياحاتتاۋ“ زەردەلى ساياحات APPىن ۇسىندى، ساياحاتشىلاردىڭ APP ارقىلى ”تاڭداۋلى ءتۇسىندىرۋشى“نى ۇسىنىس ەتىپ ساياحات رايونىن ارالاۋعا جەتەكشى ەتۋىنە، APPداعى ”سكانەرلەۋ“ يقۋاتىنان پايدالانىپ كول جاعاسىنداعى دالا گۇلدەرىن ايىرا بىلۋىنە، دالا گۇلدەرىنىڭ اتى جانە ەرەكشەلىگىمەن تانىسۋىنا بولادى.

  ”ءبىز اشقان كورىنىس ءوڭىرىنىڭ قولدانىلمالى جۇمساق بولشەگى سايرام كولى كورىنىس رايونىنىڭ ناقتى جاعدايى مەن ساياحاتشىلاردىڭ پايدالانۋ داعدىسىنا نەگىزدەلىپ، ۇلكەن ساندى مالىمەتكە نەگىزدەلىپ ۇزدىكسىز ساپالىلاندىرىپ، ونان ارى زەردەلى ساپارلاۋدا ’يديانتۇڭ‘ دى جۇزەگە اسىرادى“. APPدى اشۋشى جاق چىڭدۋ جۇڭكى داچي جۇمساق بولشەك جارناسى شەكتەۋلى سەرىكتەستىگىنىڭ قىزمەتكەرى جاڭ شياڭشۋ تانىستىرىپ بىلاي دەدى: جۇمساق بولشەكتى ۇزدىكسىز كەمەلدەندىرۋ ارقىلى ساياحاتشىلاردىڭ زەردەلى ساياحاتتاۋ، ساياحات رايونىن زەردەلى باسقارۋ ماقساتىنا جەتۋگە بولادى.

  تيانشان بوعدا كولى كورىنىس وڭىرىندە، ساياحاتشىلار بەت الپەتىن تانىتۋ ارقىلى ساياحات رايونىنا كىرە الادى، قاراپايىم دا قولايلى. جاڭا بەلەت ساتۋ - تەكسەرۋ جۇيەسى ساياحاتشىلاردىڭ بەلەت ساتۋ زالىنداعى بەلەت الۋ ۋاقىتىن قىسقارتىپ، دالمە - ءدال ساۋدالاسۋ مەن عىلمي شەشىم جاساۋعا ساندى مالىمەتتىك قولداۋ كورسەتتى. ساياحاتشىلار قول تەلەفونداعى ءۇنحاتتىڭ نەمەسە جىفۋباۋدىڭ سكانەرلەۋى ارقىلى كورىنىس رايوندارىنىڭ ەسىك بەلەتىن جانە رايون ارالىق اۆتوكولىك بەلەتىن ساتىپ الىپ، ازاماتتىق كۋالىگىن الىپ شىعىپ كىرەر ەسىكتە بەلەتىن تەكسەرتىپ عانا كورىنىس رايونىنا كىرۋىنە بولادى. ساياحاتشىلاردىڭ كەزەكتە تۇرىپ بەلەت ساتىپ الۋى سىندى بۋىندى ىقشامداپ، ساياحاتشىلاردى قولايلى، جىلدام، بۇكىلدەي جاڭا ساياحات سەزىنۋىمەن قامداپ، كورىنىس رايونىنىڭ بەلەت ساتۋ - تەكسەرۋ جانە جولاۋشىلار توبىن باسقارۋداعى قىسىمدى جەڭىلدەتتى.

  «شينجياڭنىڭ زەردەلى ساياحاتى 1 - مەرزىمدىك قۇرىلىسىنىڭ العاشقى جوبا نۇسقاسى» بويىنشا، 2020 - جىلعى ساياحاتتىڭ قاۋىرت مەزگىلى جەتىپ كەلۋدەن بۇرىن، ۇلكەن ساندى مالىمەت ورتالىعى مەن باسقارۋ تۇعىرى ىسكە قوسىلادى، سول كەزدە ساياحاتشىلار شينجياڭعا ساياحاتتاي كەلگەندە اناعۇرلىم جوعارى ونىمدىلىكتەن، قولايلىلىقتان يگىلىكتەنەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى