تيانشان تورى   ›   ۇيرەنۋ   ›   شولۋ

ءار جاقتاعى ءتۇزىمنىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتەيىك

− پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  مەملەكەتتى جونگە سالۋدا، حالىقتى تارتىپكە شاقىرۋدا، ءتۇزىم باستى ورىندا تۇرادى. ءار جاقتاردا اناعۇرلىم تولىسقان، اناعۇرلىم تۇلعالانعان ءتۇزىم قالىپتاستىرۋ − پارتيامىزدىڭ ەل باسقارۋداعى ماڭىزدى نىساناسى.

  پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارى» ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىندە ”نەگە تاباندى بولۋ جانە بەكەمدەۋ، نەنى كەمەلدەندىرۋ جانە دامىتۋ كەرەك“ دەگەن وسى ءبىر كەلەلى ساياسي ماسەلەگە جان - جاقتى جاۋاپ بەرىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋگە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە قۇلشىنۋ بەتالىسىن ايقىن كورسەتىپ، ءبىزدىڭ ءار جاقتاعى ءتۇزىمدى اناعۇرلىم تولىستىرۋىمىزعا، اناعۇرلىم تۇلعالاندىرۋىمىزعا ۋاقىت كەستەسىن، جول كارتاسىن تۇراقتاندىرىپ بەردى.

  ءتۇزىم ماسەلەسى ءتۇبىرلى سيپاتقا، جالپى جاعداي سيپاتىنا، ورنىقتىلىق سيپاتىنا جانە ۇزاق ۋاقىتتىق سيپاتقا يە. رەفورما جاساۋدىڭ، ەسىك اشۋدىڭ بىرتىندەپ تەرەڭدەۋىنە ىلەسە، پارتيامىزدىڭ ءتۇزىم قۇرىلىسى جونىندەگى تانىمى بارعان سايىن تەرەڭدەدى. پارتيا 14 - قۇرىلتايى، پارتيا 15 - قۇرىلتايى، پارتيا 16 - قۇرىلتايى، پارتيا 17 - قۇرىلتايى تۇگەلدەي ءتۇزىم قۇرىلىسى جونىنەن ايقىن تالاپتار العا قويدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ءتۇزىم قۇرىلىسىن اناعۇرلىم كورنەكتى ورىنعا قويىپ، جۇڭگوشا سوتسياليزم ءتۇزىمىن كۇن سايىن تولىستىرىپ، تۇلعالاندىرىپ، پارتيا مەن مەملەكەت ىستەرىندە تاريحي تابىستارعا قول جەتۋىن، تاريحي وزگەرىستەر تۋىلۋىن ىلگەرىلەتۋدە كەلەلى رول اتقاردى. پارتيا 19 - قۇرىلتايى وسى عاسىردىڭ ورتا شەنىنە جەتكەندە ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ ستراتەگيالىق ورنالاستىرۋىن جاسادى، مۇنىڭ ىشىندە، ءتۇزىم قۇرىلىسى مەن جونگە سالۋ قابىلەتى قۇرىلىسىنىڭ نىساناسى: 2035 - جىلعا جەتكەندە، ءار جاقتاعى تۇزىمدەردى اناعۇرلىم كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى نەگىزىنەن جۇزەگە اسىرۋ؛ وسى عاسىردىڭ ورتا شەنىنە جەتكەندە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جۇزەگە اسىرۋ. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ماسەلەسى جونىندە ارناۋلى تاقىرىپتا زەرتتەۋ جۇرگىزۋىندەگى سەبەپ ءدال مۇنىڭ ”قوس 100 جىلدىق“ كۇرەس نىساناسىن جۇزەگە اسىرۋدىڭ كەلەلى مىندەتى ەكەندىگىن، ءسوز جوق، وعان جۇيەلى قورىتىندى جاساپ، داۋىرمەن بىرگە ىلگەرىلەپ كەمەلدەنەتىن جانە داميتىن العا باسۋ بەتالىسى مەن قىزمەت تالابىن العا قويۋ كەرەكتىگىن ويلاستىرعاندىعى.

  پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى رەفورمانى جاپپاي تەرەڭدەتۋدىڭ باس نىساناسى جۇڭگوشا سوتسياليزم ءتۇزىمىن كەمەلدەندىرىپ جانە دامىتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ەكەندىگىن العا قويدى. بۇرىنعىمەن سالىستىرعاندا، جاڭا داۋىردە رەفورمانى جاپپاي تەرەڭدەتۋ كوپتەگەن جاڭا مازمۇندار مەن ەرەكشەلىكتەرگە يە، ولاردىڭ ىشىندە وتە ماڭىزدى ءبىر ءتۇيىن − ءتۇزىم قۇرىلىسىنىڭ ۇلەسىنىڭ اناعۇرلىم زور بولعاندىعى. رەفورمانىڭ كوبىنەسە ءدوپ كەلەتىنى تەرەڭ ساتىداعى ءتۇزىلىس مەحانيزمى ماسەلەسى، رەفورمانى جوعارى دەڭگەيدە جوبالاۋ جونىندەگى تالابى اناعۇرلىم جوعارى، رەفورمانىڭ جۇيەلىلىگى، تۇتاس تۇلعالىعى، سايكەسىمدىلىگى جونىندەگى تالابى اناعۇرلىم كۇشتى، وسىعان سايكەس، ءتارتىپ - ەرەجە جاساۋ، جۇيە ورناتۋ مىندەتى دە اناعۇرلىم اۋىر. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ماسەلەسى جونىندە ارناۋلى تاقىرىپتا زەرتتەۋ جۇرگىزۋى مۇنىڭ جاڭا داۋىردەگى رەفورما جاساۋدى، ەسىك اشۋدى العا ىلگەرىلەتۋدىڭ ءتۇبىرلى تالابى ەكەندىگىن ويلاستىرعاندىقتان. جاڭا داۋىردە رەفورمانى جاپپاي تەرەڭدەتۋدى جوسپارلاعاندا، ءسوز جوق، وسىنى نەگىزگى ءوس ەتىپ، ەلىمىز دامۋىنىڭ تالاپتارى مەن ءداۋىر اعىمىن تەرەڭ يگەرىپ، ءتۇزىم قۇرىلىسى مەن جونگە سالۋ قابىلەتى قۇرىلىسىن اناعۇرلىم كورنەكتى ورىنعا قويىپ، ءار سالاداعى، ءار جاقتاعى ءتۇزىلىس مەحانيزمى رەفورماسىن ۇزدىكسىز تەرەڭدەتىپ، ءار جاقتاعى ءتۇزىمنىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك.

  ”الەم اۋقىمى گۇلدەنبەسە قۇلدىرايدى، الەمدى جونگە سالۋ ىلگەرىلەمەسە شەگىنەدى“. قازىرگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، حالىقارالىق جاعداي كۇردەلى دە الماعايىپ، پارتيامىز ءدوپ كەلگەن رەفورما، دامۋ، ورنىقتىلىق مىندەتىنىڭ اۋىرلىعى بۇرىندى - سوڭدى بولىپ كورمەگەن دارەجەدە، ءدوپ كەلگەن حاۋىپ - قاتەرلەر مەن سىن - سايىستاردىڭ قاتاڭدىعى بۇرىندى - سوڭدى بولىپ كورمەگەن دارەجەدە. جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ حاۋىپ - قاتەرلەر مەن سىن - سايىستارعا توتەپ بەرۋدىڭ، ىرىقتىلىقتى قولعا كەلتىرۋدىڭ پارمەندى كەپىلى. ءبىز ەلەۋلى حاۋىپ - قاتەرلەردەن ساقتانۋ جانە ونى جويۋدان قامال الۋ شايقاسىنىڭ جەڭىسىنە جەتۋ ءۇشىن، ءسوز جوق، ءتۇزىمنىڭ كۇشىنەن پايدالانىپ حاۋىپ - قاتەرلەر مەن سىن - سايىستاردىڭ سوققىسىنا توتەپ بەرۋىمىز كەرەك. ءبىز ءداۋىر اعىمىنا سايكەسىپ، ەلىمىز قوعامىنداعى باستى قايشىلىقتىڭ وزگەرىسىنە ۇيلەسىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى جاپپاي مەڭگەرىپ، حالىقتىڭ تاماشا تۇرمىسقا دەگەن جاڭا تىلەگىن ۇزدىكسىز قاناعاتتاندىرۋ ءۇشىن، ءسوز جوق، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جاعىنا اناعۇرلىم زور كۇش سالۋىمىز كەرەك.

  ”جۇڭگونىڭ كەشەگىسى تاريح پاراعىنا جازىلدى، جۇڭگونىڭ بۇگىنى ميلليارد حالىقتىڭ قولىمەن جاراتىلۋدا، جۇڭگونىڭ ەرتەڭى، ءسوز جوق، اناعۇرلىم كوركەم بولادى“. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ سىندى جالپى تۇلعالىق نىسانانى بەتكە الىپ قۇلشىنىپ، سەنىمدى بەكەمدەپ، تاباندىلىقتى ساقتاپ، قاجىرلىلىقپەن العا ىلگەرىلەپ، ءورىس اشا جاڭالىق جاراتساق، ءبىز، ءسوز جوق، ءتۇزىمدى اناعۇرلىم تولىستىرىپ، اناعۇرلىم تۇلعالاندىرىپ، دامۋدىڭ اناعۇرلىم ساپالى بولۋىنا، جونگە سالۋدىڭ اناعۇرلىم ورەلى بولۋىنا، حالىقتىڭ اناعۇرلىم تابىس سەزىمىنە يە بولۋىنا مۇمكىندىك جاساي الامىز.

  (شينحۋا اگەنتتىگىنىڭ 11 - ايدىڭ 2 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.