تيانشان تورى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

ۇلتتار ىنتىماعىنىڭ ماداق جىرىن اسقاقتاتامىن

ماناس اۋداندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى

باقىتجان قاپاس

  شينجياڭ ەجەلدەن كوپ ۇلت بىرگە قونىستانعان، كوپ ءتۇرلى مادەنيەت قاتار ءومىر سۇرگەن ءوڭىر، ۇزاق ۋاقىتتىق تاريحي دامۋدا ءار ۇلت ارالاس، كىرگە قونىستانىپ، مادەنيەتتە ءوزارا قابىلداپ - ساقتاپ، ەكونوميكادا ءوزارا ارقا سۇيەپ، سۇيىسپەنشىلىكتە ءوزارا ەتەنە بولىپ، ءوزارا بىتە قايناسقان، ەشكىم دە ءبىر - بىرىنەن ايرىلا المايتىن كوپ نەگىزدى، ءبىر تۇلعالى جاعداي قالىپتاستى. 1949 - جىلى شينجياڭ بەيبىت ازات بولعاننان كەيىن، جۇڭگو كوممۋنيستىك پارتياسىنىڭ باسشىلىعىندا ءار ۇلت حالقى وتاننىڭ تۇتاستىعىن، ۇلتتار ىنتىماعىن جانە قوعام ورنىقتىلىعىن بىرگە قورعاپ، سوتسياليستىك قۇرىلىستى ىلگەرىلەتىپ، رەفورما جاساۋ، ەسىك اشۋ بارىسىن جەدەلدەتىپ، ءبىر نيەت، ءبىر تىلەكتە بولا وتىرىپ، جان قيارلىقپەن ۇمتىلىپ، ءىس جۇزىندىك ارەكەتتەرىمەن شينجياڭدى قورعاۋدىڭ، شينجياڭدى اشۋدىڭ، شينجياڭدى قۇرۋدىڭ شۇعىلالى تاراۋىن جازىپ شىقتى.

  مەن ماناس اۋدانىنىڭ شىندىقوزى قازاق اۋىلىنداعى قاراپايىم كادر وتباسىندا تۋىلدىم، اكەم اۋىل شارۋاشىلىق بانكەسى شىندىقوزى اۋىلدىق تيجارات ورنىنىڭ كادرى، كوپ جىلدان بەرى حانزۋ، ۇيعۇر، حۇيزۋ سياقتى قىزمەتتەستەرىمەن بىرگە قىزمەت ىستەپ كەلدى. مەنىڭ ءۇيىم دە كوپ ۇلت شوعىرلى قونىستانعان ورىندا بولعاندىقتان، ءبىز ءار ۇلت بالالارى كىشكەنتايىمىزدان بىرگە ويناپ، بىرگە ۇيرەنىپ، بىرگە ەرجەتتىك، كوپشىلىك ءبىر - بىرىمىزگە كوڭىل ءبولىپ، ءوزارا كومەكتەسىپ، تەرەڭ دوستىق سۇيىسپەنشىلىك ورناتتىق. كەيىن ءارقايسىمىز تۇرلىشە قىزمەتپەن اينالىسساق تا، كىشكەنتايىمىزدان ورناتقان دوستىعىمىز ۇزىلگەن ەمەس، كوپشىلىك ۇنەمى حابارلاسىپ، باس قوسىپ تۇرامىز. ءاربىر ادام ۇلتتار ىنتىماعىنىڭ ءبىزدىڭ جانىمىز ەكەندىگىن، ءبىزدىڭ بارلىق قىزمەتتى ويداعىداي ىستەۋىمىزدىڭ ءتۇبىرلى العى شارتى جانە كەپىلى ەكەندىگىن، ۇلتتار ىنتىماعىن كۇشەيتۋ، وتاننىڭ تۇتاستىعىن قورعاۋ − ءار ۇلت حالقىنىڭ ورتاق جاۋاپكەرشىلىگى ەكەندىگىن؛ ۇلتتار ىنتىماعى تاربيەسىن كۇشەيتۋ − ۇلتتاردىڭ ىنتىماقتى، ەتەنە بولۋىن جۇزەگە اسىرۋدىڭ نەگىزى ەكەندىگىن جۇرەك تۇكپىرىنەن تۇسىنەدى.

  كىشكەنتايىمنان اكەم ماعان جۇڭگو كوممۋنيستىك پارتياسى بولماسا، جاڭا جۇڭگو بولماس ەدى، قازىرگى باقىتتى تۇرمىسىمىز بولماس ەدى، تەپە - تەڭ، ىنتىماقتى، ءوزارا قارايلاساتىن، جاراسىمدى سوتسياليستىك ۇلت قاتىناسى جانە ۇلتتار ۇلى ىنتىماعىنىڭ تاماشا جاعدايى تىپتەن بولماس ەدى دەپ تاربيە بەردى. ۋاقىتتىڭ جىلجۋىنا جانە قىزمەت ورنىمنىڭ وزگەرۋىنە بايلانىستى، مەن شينجياڭنىڭ وراسان زور وزگەرىستەرىنە ءوز كوزىممەن كۋا بولدىم، بۇقارانىڭ تۇرمىس دەڭگەيى دە بارىنشا جوعارىلاپ، تابىس سەزىمى، باقىت سەزىمى، حاۋىپسىزدىك سەزىمى نىعايدى. اماليات جۇڭگو كوممۋنيستىك پارتياسىنىڭ پارمەندى باسشىلىعى مەملەكەتتىڭ گۇلدەنىپ - كوركەيۋىنىڭ، حالىقتىڭ تۇرمىسىنىڭ باقىتتى بولۋىنىڭ جانە ءار ۇلتتىڭ بىرگە ىنتىماقتاسا كۇرەس جاساۋىنىڭ، بىرگە گۇلدەنىپ، دامۋىنىڭ ءتۇبىرلى كەپىلى ەكەندىگىن دالەلدەدى.

  پارتيالى كادر رەتىندە، مەن باستان - اياق پارتياعا شارتسىز ادال بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“ دى ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتايمىن. پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، بولشەكتەۋشىلىككە قارسى تۇرۋ كۇرەسىندە تاباندى بولىپ، مەملەكەتتىڭ حاۋىپسىزدىگىنە زيان جەتكىزەتىن، ۇلتتار ىنتىماعىن بۇلدىرەتىن قاتە ءسوز - ارەكەتتەرگە كوكىرەك كەرە تويتارىس جاساپ، سىن تەزىنە الىپ، ۇلتتار ىنتىماعىنا پايدالى سوزدەردى كوپ سويلەپ، ۇلتتار ىنتىماعىنا پايدالى ىستەردى كوبىرەك ىستەپ، ءىس جۇزىندىك ارەكەتىم ارقىلى ۇلتتار ىنتىماعىنىڭ ماداق جىرىن اسقاقتاتامىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.