− پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليزم ءتۇزىمىنىڭ ەڭ ۇلكەن ابزالدىلىعى.
پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارى» ەلىمىزدىڭ مەملەكەت ءتۇزىمىنىڭ جانە مەملەكەتتى جونگە سالۋ جۇيەسىنىڭ بىرتىندەي كەمەلدەنۋ بەتالىسى مەن زاڭدىلىعىن ءدال يگەرىپ، پارتيانىڭ باسشىلىعى تۇزىمىنە تاباندى بولۋدى جانە ونى كەمەلدەندىرۋدى كورنەكتىلەندىرىپ، مەملەكەتتى جونگە سالۋدىڭ تەتىگى مەن ءتۇبىرلى نەگىزىن مەڭگەرىپ، ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىقتارىن اناعۇرلىم ويداعىداي ساۋلەلەندىرۋ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋ جونىنەن كەلەلى دە تەرەڭ ماڭىزعا يە.
جۇڭگو كوممۋنيستىك پارتياسى مەملەكەتتىڭ ەڭ جوعارى ساياسي باسشىلىق كۇشى، جۇڭگونىڭ ىستەرىن ويداعىداي ىستەۋدىڭ تەتىگى پارتيادا. ەگەر جۇڭگو كوممۋنيستىك پارتياسىنىڭ باسشىلىعى بولماسا، مەملەكەتىمىزدىڭ، ۇلتىمىزدىڭ بۇگىنگىدەي جەتىستىكتەرگە قول جەتكىزۋى مۇمكىن ەمەس، بۇگىنگىدەي حالىقارالىق ورىنعا يە بولۋى دا مۇمكىن ەمەس. جاڭا جۇڭگو قۇرىلعان 70 جىلدان بەرى، باستان - اياق پارتيانىڭ باسشىلىعىندا كۇشتى شوعىرلاندىرا وتىرىپ ءىرى ىستەردى تىندىرىپ، مەملەكەت ءبىر تۇتاس، ءونىمدى تۇردە ءتۇرلى ىستەردى ۇيىمداستىرىپ، ءتۇرلى قىزمەتتەردى ورىستەتكەندىكتەن، ءبىر قىدىرۋ اۋىر حاۋىپ - قاتەرلەرگە، سىن - سايىستارعا ءساتتى توتەپ بەرىپ، سانسىزداعان ماشاقاتتى، كەدەرگىلەردى جەڭىپ، دۇنيە جۇزىندە ىلۋدە ءبىر كەزىگەتىن ەكونوميكا جەدەل دامىعان كەرەمەتتى جانە قوعام ۇزاق ۋاقىت ورنىقتى بولعان كەرەمەتتى جاراتتى. اماليات پارتيانىڭ باسشىلىعىنا تاباندى بولۋدىڭ جانە ونى كەمەلدەندىرۋدىڭ پارتيا مەن مەملەكەتتىڭ ءتۇبىرلى نەگىزى، جان تامىرىنىڭ نەگىزى، بۇكىل ەلدەگى ءار ۇلت حالقىنىڭ مۇددەسىنىڭ نەگىزى، باقىتىنىڭ نەگىزى ەكەندىگىن تولىق دالەلدەدى. ءبىز ءتۇرلى جاقتارداعى ءتۇزىم قۇرىلىسىن ىلگەرىلەتكەندە، ءتۇرلى ىستەردىڭ دامۋىن ىلگەرىلەتكەندە، ءار جاقتاعى قىزمەتتى كۇشەيتكەندە جانە جاقسارتقاندا، بارىندە، ءسوزسىز، پارتيانىڭ باسشىلىعىنا تاباندى بولۋىمىز، پارتيا جالپى جاعدايدى ءبىر تۇتاس مەڭگەرەتىن، ءار جاقتى سايكەستىرەتىن ءتۇبىرلى تالاپتى سانالى دايەكتىلەندىرۋىمىز كەرەك.
پارتيانىڭ باسشىلىق ءتۇزىمى ەلىمىزدىڭ ءتۇبىرلى باسشىلىق ءتۇزىمى. جۇڭگوشا سوتسياليزم ءتۇزىمى بەرىك تە كەمەلدى عىلمي ءتۇزىم جۇيەسى، تىرەكتىك رول اتقاراتىنى ءتۇبىرلى ءتۇزىم، نەگىزگى ءتۇزىم، ماڭىزدى ءتۇزىم، مۇنىڭ ىشىندە ءبىر تۇتاس قولباسشىلىق ەتۋ ورنىنا يە بولعانى پارتيانىڭ باسشىلىق ءتۇزىمى. جالپى ءماجىلىس پارتيانىڭ باسشىلىق ءتۇزىمى جۇيەسىنە تاباندى بولۋدى جانە ونى كەمەلدەندىرۋدى ماڭداي الدى ورىنعا قويدى، سونىمەن بىرگە پارتيانىڭ باسشىلىعىنا تاباندى بولۋ جانە ونى كۇشەيتۋ تالابىن ءار جاقتاعى ءتۇزىم ورنالاستىرۋلارىندا جان - جاقتى بەينەلەدى، مۇندا پارتيانىڭ باسشىلىق ءتۇزىمىنىڭ جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىندەگى ءبىر تۇتاس قولباسشىلىق ەتۋ ورنى كورنەكتىلەنىپ، پارتيامىزدىڭ اۋەلگى ماقساتتى، بورىشتى ەستە بەرىك ساقتاپ، پارمەندى باسشىلىقپەن ماڭگىلىك ۇلى ءىستى ورىندايتىن جاۋاپكەرشىلىك ارقالاۋىن ايگىلەدى.
مەملەكەتتى جونگە سالۋدىڭ تەتىگى مەن ءتۇبىرلى نەگىزىن ءدال يگەرۋدە باستان - اياق پارتيانىڭ ورتالىقتانعان ءبىر تۇتاس باسشىلىعىنا تاباندى بولۋ كەرەك. ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسى كوپ جاقتان كورنەكتى ابزالدىلىققا يە، باستىسى، پارتيانىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيانىڭ عىلمي نازاريالارىنا تاباندى بولىپ، ساياسي ورنىقتىلىقتى ساقتاپ، مەملەكەتتىڭ باستان - اياق سوتسياليزم بەتالىسىمەن العا باسۋىنا شىنايى كەپىلدىك ەتۋ. ەلىمىزدىڭ سوتسياليستىك ساياسي ءتۇزىمىنىڭ ابزالدىلىعىنىڭ ءبىر كورنەكتى ەرەكشەلىگى پارتيانىڭ جالپى جاعدايدى ءبىر تۇتاس مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولى، وبرازدى ايتقاندا، ”ايدى قورشاعان قالىڭ جۇلدىز“، مۇنداعى ”اي“ ءدال جۇڭگو كوممۋنيستىك پارتياسى. مەملەكەتتى جونگە سالۋ جۇيەسىنىڭ ۇلكەن شاحمات تاقتاسىندا پارتيا ورتالىق كوميتەتى ورتاداعى قولباسشىلىق شاتىرىنداعى ”باس قولباسشىسى“، سوعىس ارباسى، ات، زەڭبىرەكتەردىڭ ءارقايسىسى ءوز ارتىقشىلىعىن ساۋلەلەندىرەدى، ءبىر شاحمات تاقتاسىنىڭ جالپى جاعدايى وتە ايقىن. جاڭا داۋىردە جۇڭگوشا سوتسياليزم تۇزىمىنە تاباندى بولۋدا جانە ونى كەمەلدەندىرۋدە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدە، الدىمەن، پارتيانىڭ بارلىق قىزمەتكە باسشىلىق ەتۋىنە تاباندى بولۋ، پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتۋگە تاباندى بولۋ، پارتيا ورتالىق كوميتەتىنىڭ بەدەلىن باتىل قورعاۋ كەرەك.
مەملەكەتتى جونگە سالۋدىڭ تەتىگى مەن ءتۇبىرلى نەگىزىن ءدال يگەرۋدە پارتيانىڭ باسشىلىعىنا تاباندى بولۋ ءتۇزىلىس مەحانيزمىن كەمەلدەندىرۋ كەرەك. باس شۋجي شي جينپيڭ: ”جاڭا داۋىردەگى جۇڭگوشا سوتسياليزمنىڭ ءتۇرلى ىستەرىن ءساتتى ىلگەرىلەتۋدە، ءسوزسىز، پارتيانىڭ باسشىلىعىنا تاباندى بولۋ ءتۇزىلىس مەحانيزمىن كەمەلدەندىرىپ، پارتيانىڭ باسشىلىعى سىندى ەڭ ۇلكەن ابزالدىلىقتى اناعۇرلىم ويداعىداي ساۋلەلەندىرىپ، ۇلى كۇرەس جۇرگىزەتىن، ۇلى ينجەنەريا جۇرگىزەتىن، ۇلى ىستەردى تىندىراتىن، ۇلى ارماندى جۇزەگە اسىراتىن كەلەلى مىندەت، جاۋاپكەرشىلىكتى ويداعىداي ارقالاۋ كەرەك“، - دەپ باسا دارىپتەدى. ءبىز «قارار»دىڭ ورنالاستىرۋلارى، تالاپتارى بويىنشا، جالپى جاعدايدى ءبىر تۇتاس مەڭگەرەتىن، ءار جاقتى سايكەستىرەتىن پارتيانىڭ باسشىلىعى ءتۇزىمى جۇيەسىن اقاۋسىزداندىرىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىن ورناتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعايتىن ءتۇرلى تۇزىمدەردى كەمەلدەندىرىپ، پارتيانىڭ جاپپاي باسشىلىعى ءتۇزىمىن اقاۋسىزداندىرىپ، حالىق ءۇشىن بيلىك جۇرگىزەتىن، حالىققا سۇيەنىپ بيلىك جۇرگىزەتىن ءتۇرلى تۇزىمدەردى اقاۋسىزداندىرىپ، پارتيانىڭ بيلىك جۇرگىزۋ قابىلەتى مەن باسشىلىق دەڭگەيىن جوعارىلاتاتىن تۇزىمدەردى اقاۋسىزداندىرىپ، پارتيانى جاپپاي قاتاڭ جونگە سالۋ ءتۇزىمىن كەمەلدەندىرىپ، پارتيانىڭ باسشىلىعىن مەملەكەتتى جونگە سالۋدىڭ ءار سالاسىندا، ءار جاعىندا، ءار بۋىنىندا تياناقتاندىرۋىمىز كەرەك.
پارتيانىڭ باسشىلىعى پارتيا مەن مەملەكەت ىستەرى دامۋىنىڭ ماڭىزدى تىرەگى. قازىرگى تاڭدا دۇنيە ءجۇزى 100 جىلدا بولماعان زور وزگەرىسكە ءدوپ كەلگەن جاعدايدا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇرعاندا، پارتيانىڭ باسشىلىعى ءتۇزىمى جۇيەسىنە تاباندى بولىپ جانە ونى كەمەلدەندىرىپ، پارتيانىڭ باسشىلىعى سىندى ەڭ ۇلكەن ابزالدىلىقتى ءتىپتى دە تولىق، ويداعىداي ساۋلەلەندىرسەك بولعانى، ءبىز جۇڭحۋا ۇلتىنىڭ ۇلى گۇلدەنۋى سىندى الىپ كەمەنىڭ قاشاندا دۇرىس باعدارمەن تولقىن جارا العا ىلگەرىلەپ، شۇعىلالى قارسى جاعاعا جەڭىسپەن بەتتەۋىن ىلگەرىلەتە الامىز.
(شينحۋا اگەنتتىگىنىڭ 11 - ايدىڭ 3 - كۇنى بەيجيڭنەن بەرگەن حابارى)
