جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تەرەڭ تامىر تارتىپ تياناقتانۋىن بۇلجىماي ىلگەرىلەتەيىك
ءتىلشى جاۋ جىيۇن 11 - ايدىڭ 3 - كۇنى ۇرىمجىدەن حابارلايدى. 11 - ايدىڭ 2 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن جەتكىزدى، ۇيرەندى. ءماجىلىس مىنالاردى باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى ماڭىزدى ساياسي مىندەت ەتىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، وسكەلەڭ ساياسي جاۋاپكەرشىلىك سەزىم جانە تاريحي بورىشتىلىق سەزىم ارقىلى بۇكىل ىنتا - پەيىلمەن قىزمەت پەن ىسكە كىرىسىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن قۇلشىنا اشۋ كەرەك.
ءماجىلىس مىنالاردى اتاپ كورسەتتى: پارتيانىڭ باسشىلىعىنا استە اۋىتقىماستان تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتى اتقارىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋىنا، تالابىنا ساي، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ شينجياڭدا تامىر تارتىپ تياناقتانۋىن بۇلجىماي ىلگەرىلەتۋ كەرەك.
ءماجىلىس مىنالاردى اتاپ كورسەتتى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ويداعىداي ۇيرەنۋدى، ۇگىتتەۋدى، دايەكتىلەندىرۋدى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ۇيرەنۋمەن، دايەكتىلەندىرۋمەن، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋمەن ۇشتاستىرۋعا تاباندى بولىپ، مۇقيات ۇيرەنىپ، قايتا - قايتا ۇيرەنىپ، ىشكەرىلەي ۇيرەنىپ، پارتيا ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى كەلەلى شەشىمدەرىن، ورنالاستىرۋلارىن تەرەڭ يگەرىپ، ءتۇرلى فورماداعى ۇيرەنۋدى، زەرتتەۋ - تالقىلاۋدى ۇيىمداستىرىپ ورىستەتىپ، ۇيرەنۋدىڭ، دايەكتىلەندىرۋدىڭ ۇكىمەت جۇيەسىندەگى ءار دارەجەلى پارتيا ۇيىمى مەن بارلىق پارتيالى كادرلاردى قامتۋىن ىلگەرىلەتىپ، شىن مانىندە جەتە ۇيرەنىپ، جەتە يگەرىپ، شىنايى تياناقتاندىرىپ، ۇيرەنۋ جەتىستىكتەرىن شىن مانىندە بەرىك سەنىمگە، باتىل جاۋاپكەرشىلىككە، قابىلەت دەڭگەيىنە اينالدىرۋ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتەتىن قۇدىرەتتى كۇشكە اينالدىرۋ كەرەك.
ءماجىلىس مىنالاردى تالاپ ەتتى: اۆتونوميالى رايوندىق پارتكومنىڭ قىزمەت ورنالاستىرۋى بويىنشا، كىرىسۋ ءتۇيىنىن جاقسى تاۋىپ، اتقارۋ كۇشىن ارتتىرىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىنىڭ دايەكتىلەندىرىلۋىن، تياناقتاندىرىلۋىن شەگە قاعۋ رۋحىمەن ويداعىداي يگەرىپ، جاپپاي قامتۋ، تۇبەگەيلى تياناقتاندىرۋ، وزگەرتپەۋ كەرەك. ۇكىمەت فۋنكتسياسىنا جەدەل بۇرىلىس جاساپ، اكىمشىلىك فورماعا جاڭالىق ەنگىزىپ، اكىمشىلىك قۋاتتى ءوسىرىپ، اكىمشىلىك ۇقىقتى تەجەۋ مەن باقىلاۋدى كۇشەيتىپ، حالىق رازى بولاتىن قىزمەت وتەۋشى ۇكىمەت قۇرىپ، ۇكىمەت قۇرىلىمدارىن ىقشامداپ ۇقىقتى تومەنگە بەرۋدى، ۇقىقتى تومەنگە بەرۋ مەن باسقارۋدى ۇشتاستىرۋدى، قىزمەت وتەۋدى ساپالىلاندىرۋدى ىشكەرىلەي ىلگەرىلەتىپ، شارۋاشىلىق - ساۋدا ورتاسىن جاقسارتىپ، بازاردىڭ ومىرشەڭ كۇشى مەن قوعامنىڭ جاسامپازدىق كۇشىن اناعۇرلىم قاۋلاتۋ كەرەك. سونىمەن قاتار رەفورما جاساپ، جاڭالىق اشۋعا تاباندى بولىپ، قوعامدى جونگە سالۋدىڭ ءونىمدى ءتاسىلىن بەلسەنە قاراستىرىپ، اناعۇرلىم كوپ ناقتى، جارامدى جاقسى ادىستەردى جارىققا شىعارىپ جانە توپتاپ، امالياتتا جولىققان ماسەلەلەردى باعىتتامالى تۇردە شەشىپ، باياندى مەحانيزم ورناتىپ، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم زور ۇلەس قوسۋ كەرەك.
