شي جينپيڭ شاڭحايدا تەكسەرۋ جۇرگىزدى

شي جينپيڭ شاڭحايدا تەكسەرۋ جۇرگىزگەندە بىلاي دەپ باسا دارىپتەدى

پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، سوتسياليستىك وسىزاماندانعان حالىقارالىق ءىرى قالانى جونگە سالۋ قابىلەتى مەن دەڭگەيىن جوعارىلاتايىق

　　11 - ايدىڭ 2 - كۇنىنەن 3 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭحايدا تەكسەرۋ جۇرگىزدى. سۋرەتتە: 11 - ايدىڭ 2 - كۇنى تۇستەن كەيىن، شي جينپيڭ ياڭپۋ رايونىنىڭ بينجياڭ الەۋمەتتىك كەڭىستىگى ياڭشۋپۋ سۋ زاۆودىنىڭ بينجياڭ بولىگىنە كەلىپ، سەيىلدەپ، دەنە شىنىقتىرىپ جۇرگەن قالا تۇرعىندارىمەن ىقىلاسپەن اڭگىمەلەستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　11 - ايدىڭ 2 - كۇنىنەن 3 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭحايدا تەكسەرۋ جۇرگىزدى. سۋرەتتە: 11 - ايدىڭ 2 - كۇنى تۇستەن كەيىن، شي جينپيڭ چاڭنيڭ رايونى حۇڭچياۋ ءمالىسىنىڭ گۋبەي قالا تۇرعىندارى ورتالىعىنا كەلىپ، زاڭ شىعارۋ جونىندە پىكىر الۋعا قاتىناسىپ جاتقان الەۋمەتتىك اۋماق تۇرعىندارىنىڭ ۋاكىلدەرىمەن ىقىلاسپەن اڭگىمەلەستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　شينحۋا اگەنتتىگىنىڭ 11 - ايدىڭ 3 - كۇنى شاڭحايدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا شاڭحايدا تەكسەرۋ جۇرگىزگەندە بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، جاڭا دامۋ ۇستانىمىن جاپپاي دايەكتىلەندىرىپ، رەفورما جاساۋ، ەسىك اشۋ اياق الىسىن تەزدەتىپ، وسىزاماندانعان ەكونوميكالىق جۇيەنى جەدەل قۇرىپ، ءۇش ۇلكەن قامال الۋ شايقاسىن ىلگەرىلەتۋ سەرپىنىن كۇشەيتىپ، چاڭجياڭ اتىراۋىنىڭ ءبىر تۇلعالانا دامۋىن تىڭعىلىقتى ىلگەرىلەتىپ، ەل ءىشى - سىرتىنداعى ءتۇرلى حاۋىپ - قاتەر، سىن - سايىستارعا ۇيلەسىمدى توتەپ بەرىپ، ەڭ اۋىر جۇكتى باتىل ارقالاپ، ەڭ قيىن تۇيىندەردى باتىل شەشىپ، قالانىڭ ەنەرگيا دارەجەسى مەن وزەكتى باسەكەلىك قۋاتىن كۇش سالا ءوسىرىپ، سوتسياليستىك وسىزاماندانعان حالىقارالىق ءىرى قالانى جونگە سالۋ قابىلەتى مەن جونگە سالۋ دەڭگەيىن ۇزدىكسىز جوعارىلاتۋ كەرەك.

　　11 - ايدىڭ 2 - كۇنىنەن 3 - كۇنىنە دەيىن، شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى لي چياڭنىڭ جانە قالا باستىعى يىڭ يۇڭنىڭ سەرىك بولۋىمەن، شاڭحايدىڭ ياڭپۋ بينجياڭىنا، گۋبەي الەۋمەتتىك اۋماعىنا بارىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ، قالانىڭ الەۋمەتتىك كەڭىستىگى جوبا قۇرىلىسى، الەۋمەتتىك اۋماقتىڭ جونگە سالۋى جانە قىزمەت وتەۋى سياقتىلار جونىندە تەكسەرۋ - زەرتتەۋ جۇرگىزىپ، نەگىزگى ساتىداعى كادرلارمەن، بۇقارامەن ىقىلاسپەن اڭگىمەلەستى.

　　11 - ايدىڭ 2 - كۇنى تۇستەن كەيىن، شي جينپيڭ ياڭپۋ رايونىنىڭ بينجياڭ الەۋمەتتىك كەڭىستىگى ياڭشۋپۋ سۋ زاۆودىنىڭ بينجياڭ بولىگىنە كەلىپ، بەينە جازبا جانە كوپ مەديالى كورسەتپەلى تۇسىندىرۋمەن ۇشتاستىرا وتىرىپ، حۋاڭپۋجياڭ وزەنى ەكى جاعالاۋىنداعى وزەكتى اۋماقتاعى 45 كيلومەترلىك الەۋمەتتىك كەڭىستىكتى تۇتاستىرۋ ينجەنەرياسىنىڭ نەگىزگى جاعدايى جانە ياڭپۋ بينجياڭ الەۋمەتتىك كەڭىستىگى قۇرىلىسىنىڭ جاعدايى جونىندەگى مالىمەتتى تىڭدادى. سوڭعى جىلدارى، شاڭحاي قالاسى حۋاڭپۋجياڭ وزەنىنىڭ ەكى جاعالاۋىن تۇتاستىرۋ، سونداي - اق بينجياڭ جاعالاۋ جەلىسىنىڭ تيبىن جاڭالاۋ قىزمەتىن ىلگەرىلەتىپ، ياڭپۋ بينجياڭىن بىرتىندەپ زاۆودتى، قامبانى نەگىز ەتكەن ءوندىرىس جاعالاۋ جەلىسىنەن باقشا - كوگالدى نەگىز ەتكەن تۇرمىس جاعالاۋ جەلىسىنە، ەكولوگيالىق جاعالاۋ جەلىسىنە، كورىنىس جاعالاۋ جەلىسىنە قاراي تيبىن جاڭالاپ، كەشەگى تۇماندى ونەركاسىپ بەلدەۋى اسەم تۇرمىس بەلدەۋىنە اينالىپ، شاڭحايعا تاعى ءبىر كوركەم كورىنىس قوستى. شي جينپيڭ بىلاي دەپ اتاپ كورسەتتى: مادەنيەت − قالانىڭ جانى. قالانىڭ تاريحي مادەنيەت مۇرالارى − بۇرىنعىلاردىڭ اقىل - پاراساتىنىڭ قورداسى، قالانىڭ ىشكى ءمانىنىڭ، قاسيەتىنىڭ، ەرەكشەلىگىنىڭ ماڭىزدى بەلگىسى. قورعاۋ مەن دامىتۋدىڭ قاتىناسىن ۇيلەسىمدى ءبىر جاقتى ەتىپ، قالانىڭ تاريحي مادەنيەت تامىرىن ۇلاستىرۋعا ءمان بەرىپ، قالاداعى كونە قۇرىلىستاردى ”قارتتار“دى قۇرمەتتەگەندەي قۇرمەتتەپ جانە قاستەرلەپ، قالانىڭ تاريحي مادەنيەت ەستەلىكتەرىن ساقتاپ، ادامداردىڭ تاريحتى ەستە ساقتاۋىنا، اۋىلعا دەگەن ساعىنىشتى ەستە ساقتاۋىنا، مادەنيەت سەنىمىن بەكەمدەپ، وتباسى، وتان سۇيىسپەنشىلىگىن كۇشەيتۋىنە مۇمكىندىك جاساۋ كەرەك.

　　شي جينپيڭ بينجياڭداعى اسپالى كوپىرمەن جاياۋ ءجۇرىپ، حۋاڭپۋجياڭ وزەنى ەكى جاعالاۋىنىڭ بەت - بەينەسىن كورىپ، گۋمانيتارلىق تاريح پەن قالا، اۋىل وزگەرىسىن ۇعىستى، يۇيشۇي باقشاسىنا بارىپ قالانىڭ قورشاعان ورتاسىن جان - جاقتى جونگە سالۋ جانە ۇلپا قالا قۇرىلىسى سياقتىلاردىڭ جاعدايىن جۇمىس باسىندا تەكسەردى ءارى اۆتوموبيلگە وتىرىپ جول - جونەكەي بالىقشىلار كەمەجايى، ياڭشۋپۋ پورتىنىڭ كونە جۇرتى سياقتى جەر بەلگىسى كورىنىستەرىن كورىپ، ياڭپۋ رايونىنىڭ بينجياڭ كەڭىستىگىن عىلمي جولمەن وزگەرتۋ، بۇقارانىڭ الەۋمەتتىك سەيىل - سەرۋەن قيمىل ورىندارىن سالۋ ادىستەرىن تۇراقتاندىردى. ەكسكۋرسيالاپ كەلە جاتقاندا، جول بويى سەيىلدەپ، دەنە شىنىقتىرىپ جۇرگەن كوپتەگەن قالا تۇرعىندارى جولىقتى، شي جينپيڭ ولارمەن ىقىلاسپەن اڭگىمەلەستى. شي جينپيڭ بىلاي دەپ اتاپ كورسەتتى. قالا − حالىقتىڭ قالاسى، حالىقتىڭ قالاسى حالىق ءۇشىن بولۋ كەرەك. مەيلى قالا جوباسى بولسىن، الدە قالا قۇرىلىسى بولسىن، مەيلى جاڭا قالا رايونى قۇرىلىسى بولسىن، الدە كونە قالا رايونىن جاڭالاۋ بولسىن، بارلىعىندا حالىقتى وزەك ەتۋگە تاباندى بولىپ، نازاردى حالىق بۇقاراسىنىڭ قاجەتىنە شوعىرلاندىرىپ، ءوندىرىس، تۇرمىس، ەكولوگيالىق كەڭىستىكتى ۇيلەسىمدى ورنالاستىرىپ، ىشكى مانگە يە، شوعىرلانعان، جاسىلدانعان جوعارى ساپالى دامۋ جولىمەن ءجۇرىپ، كاسىپكە، قونىسقا، كوڭىل اشۋعا، ساياحاتقا جايلى تاماشا قورشاعان ورتانى قۇلشىنا جاساپ، حالىق بۇقاراسىن اناعۇرلىم كوپ تابىس سەزىمىنە كەنەلدىرىپ، حالىققا اناعۇرلىم باقىتتى كوركەم تۇرمىس جاراتۋ كەرەك.

　　پۋجياڭ جاعاسىنداعى رىنرىن - ۋ پارتيا مۇشەلەرىنە، بۇقاراعا قىزمەت وتەۋ پۋنكتى − پارتيا قۇرىلىسىنان قىزمەت وتەيتىن اشىق تۇعىر، شي جينپيڭ قىزمەت وتەۋ پۋنكتىندەگى قىزمەتكەرلەر مەن تۇرعىنداردان وسى ارانىڭ نەگىزگى ساتى پارتيا قۇرىلىسىن ورىستەتۋ جانە الەۋمەتتىك قىزمەت وتەۋ احۋالىن تاپتەشتەي ۇعىستى. جاسى توقسانعا تاياپ قالعان ءبىر ساقا پارتيا مۇشەسى، ساقا ەڭبەك ەرى باس شۋجيگە ءوزىنىڭ وسى جەردە تۋىپ - وسكەن شاڭحايلىق ەكەنىن، شاڭحايدىڭ كونە جۇڭگودان جاڭا جۇڭگوعا دەيىنگى، ودان جاڭا داۋىرگە دەيىنگى وراسان وزگەرىستەرىن كوزىمەن كورگەنىن، جۇڭگو كوممۋنيستىك پارتياسى مەن جۇڭگوشا سوتسياليزمدى شەكسىز ماقتانىش ەتەتىنىن تەبىرەنە ايتتى. شي جينپيڭ ونى جاستارعا وسى ىستەردى كوبىرەك ايتىپ بەرىپ، ولاردىڭ جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەت سەنىمىن بەكەمدەۋگە جىگەرلەندىردى.

　　كەشكە قاراي، شي جينپيڭ چاڭنيڭ رايونى حۇڭچياۋ ءمالىسىنىڭ گۋبەي قالا تۇرعىندارى ورتالىعىنا كەلىپ تەكسەرۋ - زەرتتەۋ جۇرگىزدى. گۋبەي الەۋمەتتىك اۋماعىندا 50 نەشە مەملەكەت پەن رايوننان كەلگەن تۇرعىندار تۇرادى. شي جينپيڭ الەۋمەتتىك اۋماقتىڭ قوعام جاعدايىن، حالىق رايىن تىكەلەي ۇعىسۋ جولىن اشۋ، نەگىزگى ساتىداعى بۇقارانىڭ زاڭ شىعارۋ قىزمەتىنە ات سالىسۋىنا قىزمەت وتەۋ سياقتى جاعدايلار تۋرالى تانىستىرۋىن تىڭدادى ءارى زاڭ شىعارۋ جونىندە پىكىر الۋعا قاتىناسىپ جاتقان الەۋمەتتىك اۋماق تۇرعىندارىنىڭ ۋاكىلدەرىمەن ىقىلاسپەن اڭگىمەلەستى. ول بىلاي دەپ باسا دارىپتەدى: سىزدەردىڭ بۇل جەرلەرىڭىز − مەملەكەتتىك حالىق قۇرىلتايى تۇراقتى كوميتەتى قۇرعان نەگىزگى ساتىداعى زاڭ شىعارۋ بايلانىس ءتۇيىنى، سىزدەر الەۋمەتتىك اۋماقتىڭ ءىس جۇزىندىگىن ارقاۋ ەتىپ، قىزمەتتى مۇقيات، تىڭعىلىقتى ورىستەتىپ، بۇقاراعا جاقىن، حالىقتىڭ اقىل - پاراساتىن شوعىرلاندىرعان كوپتەگەن پايدالى ىزدەنىستەر جاسادىڭىزدار. حالىق قۇرىلتايى ءتۇزىمى − ەلىمىزدىڭ ءتۇبىرلى ساياسي ءتۇزىمى، وعان ويداعىداي تاباندى بولىپ، ويداعىداي بەكەمدەپ، ويداعىداي دامىتپ، حالىق رايىن اڭىس ەتۋ ارناسىن ىركىلىسسىزدەندىرىپ، دەموكراتيا فورماسىن بايىتۋ كەرەك.

　　تۇرعىنداردىڭ تۇرمىسىنا قولايلىلىق جاساۋ ءۇشىن، قالا تۇرعىندارى ورتالىعىندا اس - سۋ، ەمدەۋ، زاڭ ىستەرى سياقتى ءتۇرلى كاسىپتىك قىزمەت وتەۋ قۇرىلىمدارى قۇرىلىپتى. شي جينپيڭ شەتەلدىكتەرگە قاتىستى قىزمەت وتەۋ تەرەزەسى، قارتتاردىڭ تاماقتانۋىنا كومەك كورسەتۋ ءتۇيىنى سياقتىلاردى ءبىر - بىرلەپ كورىپ، الەۋمەتتىك اۋماقتىڭ تۇرمىس، مادەنيەت، قارتتاردى كۇتىمدەۋ سياقتى حالىققا قولايلى قىزمەت وتەۋ جاعدايىن ۇعىستى. قارتتاردىڭ تاماقتانۋىنا كومەك كورسەتۋ تۇيىنىندە، شي جينپيڭ تاماقتانىپ وتىرعان تۇرعىندارمەن ىستىق ىقىلاسپەن اڭگىمەلەسىپ، تاماقتىڭ ءدامدى - دامسىزدىگىن، باعاسىنىڭ قىمبات - ارزاندىعىن، الەۋمەتتىك اۋماقتىڭ حالىققا قولايلى قىزمەت وتەۋىنە تاعى قانداي جاڭا تالاپتارى بارلىعىن سۇرادى. شي جينپيڭ بىلاي دەپ اتاپ كورسەتتى: قالانى جونگە سالۋ − مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى مازمۇنى. كيەر كيىم، ىشەر اس، تۇرار جاي، ءجۇرىس - تۇرىس، وقۋ - اعارتۋ، جۇمىستاندىرۋ، ەمدەۋ، قارتتاردى كۇتىمدەۋ، مادەنيەت، دەنە تاربيە، تۇرمىس ورتاسى، قوعامدىق ءتارتىپ سياقتى جاقتاردىڭ بارلىعىندا قالانىڭ باسقارۋ دەڭگەيى مەن قىزمەت وتەۋ ساپاسى ايگىلەنىپ جاتادى. پارتيانىڭ ءتۇبىرلى نەگىزگى ماقساتىن ەستە بەرىك ساقتاپ، حالىقتىڭ ۇنىنە جاۋاپ قايتارۋعا تاباندى بولىپ، بۇقارانىڭ ۇلكەندى - كىشىلى ىستەرىن ويداعىداي ىستەپ بەرۋ كەرەك. قالانى جونگە سالۋدىڭ ءتۇيىنى مەن سايكەستى بايلىعىن مالىلەرگە، الەۋمەتتىك اۋماقتارعا ءتۇسىرىپ، نازاردى نەگىزگى ساتىنىڭ پارتيا قۇرىلىسى، قالا باسقارۋ، الەۋمەتتىك اۋماقتى جونگە سالۋ جانە الەۋمەتتىك قىزمەت وتەۋ سياقتى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، تەكسەرىپ بەكىتۋ، قىزمەت وتەۋ، زاڭ اتقارۋ سياقتى جاقتارداعى كۇشتەردى بىرىكتىرىپ، وڭىردەگى بۇقاراعا باعىتتاي قىزمەت وتەۋ كەرەك. قىزمەت وتەۋدى، جۇمىس ءبىتىرۋدى قولايلىلاستىرۋدى ىلگەرىلەتىپ، ءىس ءبىتىرۋ تارتىپتەرىن ساپالىلاندىرىپ، ءىس ءبىتىرۋ بۋىندارىن ازايتىپ، ۇكىمەت ءىسى ينفورماتسيا جۇيەسى بايلىعىن بىرىكتىرىپ بىرگە يگىلىكتەنۋدى جەدەلدەتۋ كەرەك. قىزمەت وتەۋ مەن قامداۋدى تاپتەشتەۋدى ىلگەرىلەتىپ، بۇقاراعا قىزمەت وتەۋدىڭ كىرىسۋ ءتۇيىنى مەن كۇش سالۋ ءتۇيىنىن ءداپ باسىپ تاۋىپ، بۇقارانىڭ قاجەتىمەن ۇشتاستىرا وتىرىپ قىزمەت وتەۋدىڭ قامداۋ جاعىنداعى رەفورماسىن اتقارىپ، حالىق تۇرمىسىنداعى ناقتى ىستەردىڭ بارلىعىن ويداعىداي ىستەۋ كەرەك. 

         الەۋمەتتىك اۋماقتان اتتاناردا، تۇرعىندار قىزۋ ىنتامەن جول بويىنا جينالىپ، باس شۋجيمەن جاپا - تارماعاي قول الىسىپ قوشتاستى.

　　11 - ايدىڭ 3 - كۇنى تۇستەن كەيىن شي جينپيڭ شاڭحاي قالالىق پارتكوم مەن قالالىق ۇكىمەتتىڭ قىزمەت مالىمەتىن تىڭداپ، شاڭحايدىڭ ءتۇرلى قىزمەتىن تولىق تۇراقتاندىردى. ول شاڭحايدىڭ پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ۇزدىكسىز جالعاستىرىپ، كۇش ۇستىنە كۇش قوسىپ، جاڭا داۋىردەگى جاڭا كەرەمەتتەردى قۇلشىنا جاراتۋىن ءۇمىت ەتتى.

　　شي جينپيڭ بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، قالانى جونگە سالۋدى وسىزامانداندىرۋ ورەسىن جوعارىلاتۋ كەرەك. جوبا، قۇرىلىس، باسقارۋ جانە ءوندىرىس، تۇرمىس، ەكولوگيا سياقتى ءار جاقتى ءبىر تۇتاس جوسپارلاپ، ۇكىمەت، قوعام، قالا تۇرعىندارى سياقتى ءار جاقتىڭ كۇشىن ويداعىداي ساۋلەلەندىرۋ كەرەك. كەيبىر جەتەكشى قىزمەتتەردى يگەرىپ، ”ۇكىمەت ىستەرىنەن قىزمەت وتەۋدى ءبىر جەلىدە بارلىعىن ءبىتىرۋ“دى، ”قالا اينالىسىن ءبىر جەلىدە ءبىر تۇتاس باسقارۋ“دى ويداعىداي يگەرىپ، بۇقارانىڭ قاجەتى مەن قالانى جونگە سالۋداعى كورنەكتى ماسەلەلەردى شىعار ءتۇيىن ەتۋدەن جازباي، بىتىراندى ينفورماتسيا جۇيەلەرىن بىرىكتىرىپ، ناقتى شايقاستا جارامدى بولۋ، نەگىزگى ساتى كادرلارى ۇناتىپ قولدانۋ، بۇقارا پايداسىن سەزىنەتىن بولۋى كەرەك. حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن مىقتاپ يگەرىپ، كورنەكتى حالىق تۇرمىسى قيىن ماسەلەلەرىن مىقتى ۇستاپ، ءبىر ءىستى ءبىر ىسكە جالعاپ تىندىرىپ، ءبىر جىلدى ءبىر جىلعا جالعاپ ىستەپ، ەرتەرەك ونىمدىلىك كورسەتۋگە تالپىنىپ، بۇقارانى اناعۇرلىم مول تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋ كەرەك. پارتيا مەن ۇكىمەتتىڭ جاۋاپكەرشىلىگىن ويداعىداي اتقارىپ، كاسىپورىنداردى، بۇقارالىق توپتار مەن ۇيىمداردى، قوعامدىق ۇيىمداردى بەلسەندىلىكپەن ات سالىسۋعا شابىتتاندىرىپ جانە ولارعا قولداۋ كورسەتىپ، بۇقارانىڭ تۇلعالىق رولىن ساۋلەلەندىرىپ، بۇقارانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرىپ، باياندى اينالىم مەحانيزمىن ورناتۋعا ىزدەنىس جاساۋ كەرەك.

　　شي جينپيڭ بىلاي دەپ اتاپ كورسەتتى: پارتيا ورتالىق كوميتەتى شاڭحايعا تاپسىرعان 3 جاڭا كەلەلى مىندەتتى تياناقتاندىرۋدى ىشكەرىلەي ىلگەرىلەتۋ كەرەك. شاڭحاي ەركىن ساۋدا سىناق رايونى لينگاڭ جاڭا اۋماعىندا اناعۇرلىم تەرەڭ ساتىدا، اناعۇرلىم كەڭ سالادا، اناعۇرلىم زور تەبىندە جان - جاقتىلى، جوعارى ورەلى ەسىك اشۋ جۇرگىزىپ، ەل ءىشى - سىرتىنداعى دارىندىلاردى شوعىرلاندىرىپ حالىقارالىق جاسامپازدىق سەلبەستىگىن ورىستەتەتىن ماڭىزدى بازاعا، ەل ىشىندەگى جۇمىستار مەن ەل سىرتىنداعى جۇمىستاردى ءبىر تۇتاس جوسپارلاپ دامىتاتىن ماڭىزدى تۇيىنگە، كاسىپورىننىڭ سىرتقا شىعىپ، دامىپ ۇلعايۋىنداعى ماڭىزدى وتكەلەككە، ەكى بازاردان، ەكى بايلىقتان اناعۇرلىم ويداعىداي پايدالاناتىن ماڭىزدى ارناعا، حالىقارالىق ەكونوميكانى جونگە سالۋعا ات سالىساتىن ماڭىزدى سىناق اتىزىنا اينالدىرۋعا قۇلشىنىپ، باعىتتامالى تۇردە ءتۇزىلىس مەحانيزمىندە جاڭالىق اشىپ، ءتۇزىم قۇرىلىسىن كۇشەيتىپ، ەكونوميكانىڭ ساپاسىن جوعارىلاتۋ كەرەك. عىلىم - تەحنيكالىق جاڭالىق اشۋ ۇلگى نۇسقاسىن قۇرۋدا ءارى تىركەۋگە الۋ ءتۇزىمىن تۇيىندەردە سىناق ەتۋدە ورىندى بەرىك ساقتاپ، جارنا بازارىنا شىققان سەرىكتەستىكتەردىڭ ساپاسىن جوعارىلاتىپ، ”قاتتى تەحنولوگيا“ كاسىپورىندارىنىڭ جارنا بازارىنا شىعۋىنا قولداۋ كورسەتىپ جانە شابىتتاندىرىپ، ينفورماتسيانى جاريا ەتۋدى كۇشەيتىپ، مەجەگە ۇيلەسىمدى جەتەكشىلىك ەتىپ، باقىلاۋ - باسقارۋدى كۇشەيتۋ كەرەك. چاڭجياڭ اتىراۋىنداعى 3 ولكە، ءبىر قالا كەلەلى جاعداي تانىمىن، جالپى جاعداي كوزقاراسىن كۇشەيتىپ، «چاڭجياڭ اتىراۋى ءوڭىرىنىڭ ءبىر تۇلعالانا دامۋىنىڭ جوسپار باعدارلاما»سىن دايەكتىلەندىرۋدى، تياناقتاندىرۋدى ويداعىداي يگەرىپ، نازاردى ءتۇيىندى سالالارعا، ءتۇيىندى وڭىرلەرگە، ەلەۋلى نىساندارعا، ەلەۋلى تۇعىرلارعا شوعىرلاندىرىپ، ءبىر تۇلعالانا دامۋ ءىسىن جاقسى ىستەۋ كەرەك.

　　شي جينپيڭ بىلاي دەپ باسا دارىپتەدى: ەكونوميكانىڭ جوعارى ساپالى دامۋىن جەبەۋ كەرەك. الەمدىك بايلىقتى جايعاستىرۋ يقۋاتىن كۇشەيتىپ، الەمدىك قارجى، ينفورماتسيا، تەحنيكا، دارىندى، زات سياقتى فاكتورلىق بايلىقتاردى بەلسەندىلىكپەن جايعاستىرىپ، ”ءبىر بەلدەۋ، ءبىر جول“دى بىرگە قۇرۋعا قىزمەت وتەۋدى كىرىسۋ ءتۇيىنى جانە قامال الۋ ءتۇيىنى ەتىپ، شاڭحاي فينانس بازارىنىڭ حالىقارالانۋ دارەجەسىن جەدەل جوعارىلاتۋ كەرەك. عىلىم - تەحنيكا جاسامپازدىق وشاعى يقۋاتىن كۇشەيتىپ، عىلىمداعى جاڭا بايقاۋدىڭ، تەحنيكاداعى جاڭا تاپقىرلىقتىڭ، كاسىپتەگى جاڭا بەتالىستىڭ، دامۋداعى جاڭا ۇستانىمنىڭ جوقتان بار بولۋعا دەيىنگى سەكىرىستى قۇلشىنا جۇزەگە اسىرىپ، عىلىم زاڭدىلىعىنىڭ ءبىرىنشى بايقاۋشىسى، تەحنيكا تاپقىرلىعىنىڭ ءبىرىنشى جاراتۋشىسى، جاسامپاز كاسىپتىڭ ءبىرىنشى ءورىس اشۋشىسى، جاسامپاز ۇستانىمنىڭ ءبىرىنشى اتقارۋشىسى بولىپ، نەگىزدىك زەرتتەۋ مەن قولدانىم نەگىزدىك زەرتتەۋىنەن ءبىر توپ ءتول جاسامپازدىق سيپاتتى جەتىستىك قالىپتاستىرىپ، ءبىر توپ كوكەي تەستى شەشۋشى، وزەكتى تەحنيكادان قامال الۋ كەرەك. جوعارى دەڭگەيلى كاسىپتەردىڭ جەتەكشىلىك يقۋاتىن كۇشەيتىپ، وسى زامانعى قىزمەت وتەۋ كاسىبىن نەگىزگى تۇلعا، وزىق جاساۋ كاسىبىن تىرەك ەتكەن ستراتەگيالىق ورىننان جازباي، كاسىپ تىزبەگىنىڭ وزەكتى بۋىنىن قۇلشىنا يگەرىپ، قۇن تىزبەگىنىڭ جوعارى دەڭگەيلى ورنىن يەلەۋ كەرەك. اشىق ءتۇيىننىڭ پورتالدىق يقۋاتىن كۇشەيتىپ، ەسىك اشۋ ارقىلى رەفورمانى جەبەۋگە، دامۋدى جەبەۋگە، جاڭالىق اشۋدى جەبەۋگە تاباندى بولىپ، دۇنيە ءجۇزى ەكونوميكاسىنىڭ تەلەگەي تەڭىزىنە باتىلدىقپەن ءتۇسىپ، تولقىنمەن ارپالىسىپ، ءوزىن الۋەتتەندىرۋ كەرەك.

　　شي جينپيڭ بىلاي دەپ باسا دارىپتەدى: پارتيا قۇرىلىسىن تىڭعىلىقتى ىلگەرىلەتۋ كەرەك. ءار دارەجەلى پارتيا ۇيىمدارى 1 - توپتاعى نەگىزگى تاقىرىپتىق تاربيەنىڭ تابىستارىن بەكەمدەۋمەن جانە كەڭەيتۋمەن بىرگە، 2 - توپتاعى نەگىزگى تاقىرىپتىق تاربيەنى ويداعىداي يگەرۋى ءارى ءتۇزىمدى اقاۋسىزداندىرۋ، مەحانيزمدى كەمەلدەندىرۋ ارقىلى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ سىندى پارتيا قۇرىلىسىنىڭ ماڭگىلىك تاقىرىبىن، پارتيالى كادرلاردىڭ ومىرلىك تاقىرىبىن ۇدايى يگەرۋ، ۇدايى جاڭالاۋ كەرەك. نەگىزگى تاقىرىپتىق تاربيەدە ۇيرەنگەنى ءبىر باسقا، ايتقانى ءبىر باسقا، ىستەگەنى ءبىر باسقا بولۋعا بولمايدى، ءىس جۇزىندىك ونىمدىلىكتى ولشەۋدىڭ ءتۇبىرلى ولشەم باعانى ماسەلەنى شەشۋ، ىستەردىڭ دامۋىن ىلگەرىلەتۋ. 2 - توپتاعى نەگىزگى تاقىرىپتىق تاربيەنىڭ ءتۇيىنى نەگىزگى ساتىدا، بۇقارانىڭ ەسىك الدىندا ورىستەتۋدە، شىندىقتى ءىس جۇزىنەن ىزدەۋ، ماسەلەنى بەتكە الۋ، ماسەلەدەن كوز جازباي تۇزەتۋ اناعۇرلىم تالاپ ەتىلىپ، وسى ارقىلى بۇقاراعا جاڭا وزگەرىستى، جاڭا ونىمدىلىكتى سەزىندىرۋ كەرەك. ءار دارەجەلى باسشى كادرلار باتىلدىقپەن جاۋاپكەرشىلىك ارقالاپ، قامال الىپ، قيىنشىلىقتاردى جەڭىپ، رەفورما، دامۋ، ورنىقتىلىق قىزمەتتەرىندە قاتاڭ يدەيالىق شىڭدالۋدان، ساياسي شىڭدالۋدان، امالياتتىق شىڭدالۋدان ءوتۋ كەرەك. ساياسي يقۋاتتى جانە ۇيىمداستىرۋ كۇشىن جوعارىلاتۋدى ءتۇيىن ەتىپ، نەگىزدى كۇشەيتۋ، ولقىلىقتى تولىقتاۋ جاعىنا كۇش سالىپ، نەگىزگى ساتى پارتيا ۇيىمىن پارتيانىڭ دارىپتەمەسىن ۇگىتتەيتىن، پارتيانىڭ شەشىمىن دايەكتىلەندىرەتىن، نەگىزگى ساتىنى جونگە سالۋعا باسشىلىق ەتەتىن، بۇقارانى ىنتىماقتاستىراتىن، جۇمىلدىراتىن، رەفورمانى، دامۋدى جەبەيتىن بەرىك جاۋىنگەر قامالى ەتىپ قۇرىپ شىعۋ كەرەك.

　　شي جينپيڭ بىلاي دەپ باسا دارىپتەدى: شاڭحاي − پارتيامىزدىڭ دۇنيەگە كەلگەن جەرى، پارتيا قۇرىلعاننان كەيىن، پارتيا ورتالىق كوميتەتىنىڭ ورگانى ۇزاق ۋاقىت شاڭحايدا تۇردى. شاڭحاي وسى مول قىزىل بايلىقتى نەگىزگى تاقىرىپتىق تاربيەنىڭ جاندى وقىتۋ ماتەريالى ەتىپ، قالىڭ پارتيا مۇشەلەرىن، كادرلاردى پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن ىشكەرىلەي ۇيرەنىپ، اۋەلگى ماقساتتىڭ ۇشقىنىن ۇزبەي جالعاستىرىپ، بورىشتى ماڭگى ارقالاپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ۇدەرىسىندە شىن مانىندە قۇلشىنا العا ۇمتىلۋعا، الدىڭعى لەكتە جۇرۋگە جەتەكتەۋ كەرەك.

　　ديڭ شۋەشياڭ، ليۋ حى، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.