شينحۋا اگەنتتىگىنىڭ 11 - ايدىڭ 4 - كۇنى شاڭحايدان بەرگەن حابارى (تىلشىلەر ليۋ حۋا، حى شينرۇڭ). مەملەكەت ءتوراعاسى شي جينپيڭ 11 - ايدىڭ 4 - كۇنى شاڭحايدا سەربيانىڭ زۇڭليى برنابيسپەن كەزدەستى.
شي جينپيڭ برنابيسكە ۋچيچي زۇڭتۇڭعا ىقىلاستى سالەمىن جانە ىزگى تىلەگىن جەتكىزۋدى ايتتى. شي جينپيڭ بىلاي دەدى: ۋچيچي زۇڭتۇڭنىڭ زۇڭلي حانىمدى ۇيىرمە باستاپ جۇڭگوعا كەلىپ، 2 - كەزەكتى جۇڭگو حالىقارالىق يمپورت كورمەسىنە قاتىناسۋعا جىبەرۋدى ۇيعارۋى سەربيا جاقتىڭ جۇڭگو مەن سەربيانىڭ سەلبەستىگىنە باسا ءمان بەرگەندىگىن تولىق ايگىلەدى. جۇڭگو جاق سەربيا جاقپەن ساياسي ءوزارا سەنىمدىلىكتى جانە ءداستۇرلى دوستىقتى ۇزدىكسىز تەرەڭدەتىپ، ”ءبىر بەلدەۋ، ءبىر جول“دى قول ۇستاسا بىرگە قۇرىپ، جۇڭگو مەن سەربيانىڭ جاپپاي ستراتەگيالىق سەرىكتەستىك قارىم - قاتىناسىنىڭ تاعى دا تىڭ ساتىعا كوتەرىلۋىن ىلگەرىلەتىپ، اناعۇرلىم قويۋ مۇددە ورتاق تۇلعاسىن سومداۋدى قالايدى.
شي جينپيڭ بىلاي دەپ باسا دارىپتەدى: جۇڭگو مەن سەربيا ەكى جاق جوعارى جىكتەگىلەردىڭ بارىس - كەلىس جاساۋ ارىنىن ساقتاپ، ءبىر - ءبىرىنىڭ وزەكتى مۇددەسىن باتىل قولداۋى كەرەك. ەكى ەلدىڭ ءوندىرىس قۋاتى، نەگىزدىك قۇرىلعى قۇرىلىسى سياقتى سالالارداعى سەلبەستىك ءىرى نىساندارىن ويداعىداي، شىنايى ىستەپ، سمەدەرەۆو بولات زاۆودى، ۆەنگريا - سەربيا تەمىر جولى سياقتى بەلگى سيپاتتى نىسانداردى بىرگە ويداعىداي قۇرىپ، 5 - ۇرپاق جىلجىمالى حابارلاسۋ تورى، زەردەلى قالا سياقتى سالالاردا ۇزدىكسىز تاماشا سەلبەستىك ورىستەتۋ كەرەك. كوپ جاقتى سالالارداعى سەلبەستىكتى كۇشەيتىپ، حالىقارالىق قارىم - قاتىناستىڭ نەگىزگى ولشەمىن جانە كوپ جاقتىلىقتى بىرگە قورعاۋ كەرەك. جۇڭگو جاق سەربيا جاقتى ءوز ىشىنە العان قاتىستى ءارقايسى جاقتارمەن بىرگە قۇلشىنىپ، جۇڭگو - ورتا، شىعىس ەۆروپا ەلدەرى سەلبەستىگىنىڭ ورنىقتى دامۋىن ىلگەرىلەتۋدى قالايدى.
برنابيس مىنانى ءبىلدىردى: سەربيا مەن جۇڭگو ”قۇرىشتاي دوستىق“قا يە، ەكى ەلدىڭ قارىم - قاتىناسى تاريحتاعى ەڭ تاماشا مەزگىلدە تۇر، سمەدەرەۆو بولات زاۆودى سياقتى ءىرى نىساندار سەربيانىڭ ەكونوميكالىق دامۋىن پارمەندى جەبەپ، سەربيا حالقىنىڭ سەربيا مەن جۇڭگونىڭ سەلبەستىگى الا كەلگەن ىرىس - قۇتتى بارعان سايىن شىنايى سەزىنۋىنە مۇمكىندىك جاسادى. سەربيا جاق جۇڭگونىڭ قول جەتكىزگەن وراسان زور دامۋ جەتىستىگىنە سۇيىنەدى، ”ءبىر بەلدەۋ، ءبىر جول“دى بىرگە قۇرۋعا ۇزدىكسىز بەلسەنە ات سالىسىپ، جۇڭگو سەرىكتەستىكتەرىنىڭ سەربياعا بارىپ، قارجى قوسىپ، سەلبەسۋىن قولدايدى، ورتا، شىعىس ەۆروپا ەلدەرىنىڭ جۇڭگومەن سەلبەستىگىن ىلگەرىلەتۋدە بەلسەندى رول اتقارۋدى قالايدى. جۇڭگو يمپورت كورمەسىن وتكىزىپ، سىرتقا ەكونوميكانىڭ جاھاندانۋىن جانە ساۋدانىڭ ەركىن بولۋىن ىلگەرىلەتۋدىڭ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋدىڭ پارمەندى سيگنالىن تاراتتى، سەربيا جاق ۇزدىكسىز بەلسەنە قاتىناسىپ، جۇڭگو جاقپەن بىرگە حالىقارالىق سەلبەستىكتى كۇشەيتىپ، سىڭار جاقتىلىققا، قورعامپازدىققا قارسى تۇرادى.
ديڭ شۋەشياڭ، لي چياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.
