جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارار

(جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە 2019 - جىلى 10 - ايدىڭ 31 - كۇنى ماقۇلداندى)

　　پارتيا 19 - قۇرىلتايىنىڭ رۋحىن دايەكتىلەندىرۋ، تياناقتاندىرۋ ءۇشىن 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەردى باسا زەرتتەپ، مىناداي قارار شىعاردى.

　　ءبىرىنشى، جۇڭگوشا سوتسياليزم تۇزىمىنە تاباندى بولۋدىڭ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ كەلەلى ءمانى جانە جالپى تۇلعالىق تالابى

　　جۇڭگوشا سوتسياليزم ءتۇزىمى − پارتيا مەن حالىقتىڭ ۇزاق ۋاقىت امالياتتىق ىزدەنىسى بارىسىندا قالىپتاسقان عىلمي ءتۇزىم جۇيەسى، ەلىمىزدىڭ مەملەكەتتى جونگە سالۋداعى بارلىق قىزمەتى مەن قيمىلدارى تۇگەلدەي جۇڭگوشا سوتسياليزم ءتۇزىمى بويىنشا ورىستەتىلەدى، ەلىمىزدىڭ مەملەكەتتى جونگە سالۋ جۇيەسى مەن جونگە سالۋ قابىلەتى جۇڭگوشا سوتسياليزم ءتۇزىمىنىڭ جانە ونى اتقارۋ قابىلەتىنىڭ شوعىرلى بەينەسى.

　　جۇڭگو كوممۋنيستىك پارتياسى قۇرىلعاننان بەرى، حالىقتى ىنتىماقتاستىرىپ، باستاپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا تاباندى بولىپ، جۇڭگو توڭكەرىسىنىڭ جەڭىسىنە قول جەتكىزدى، سونداي - اق ەل ءىشى - سىرتىنىڭ ۇنامدى - ۇنامسىز ەكى جاقتاعى تاجىريبەلەرىن تەرەڭ قورىتىندىلاپ، ۇزدىكسىز امالياتتىق ىزدەنىس جاساپ، ۇزدىكسىز رەفورما جاساپ جانە جاڭالىق اشىپ، سوتسياليزم ءتۇزىمىن ورناتىپ جانە ونى كەمەلدەندىرىپ، پارتيانىڭ باسشىلىعى جانە ەكونوميكا، ساياسي، مادەنيەت، قوعام، ەكولوگيالىق وركەنيەت، اسكەري ىستەر، سىرتقى ىستەر سياقتى ءار جاقتاعى تۇزىمدەردى قالىپتاستىرىپ جانە دامىتىپ، مەملەكەتتى جونگە سالۋدى كۇشەيتىپ جانە كەمەلدەندىرىپ، تاريحي سيپاتتى جەتىستىككە قول جەتكىزدى. پارتيا 18 - قۇرىلتايىنان بەرى، پارتيامىز حالىققا باسشىلىق ەتىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جۇڭگوشا سوتسياليزم ءتۇزىمىنىڭ اناعۇرلىم كەمەلدەنۋىن، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋ دەڭگەيىنىڭ كورنەكتى جوعارىلاۋىن ىلگەرىلەتىپ، ساياسيدىڭ ورنىقتىلىعىنا، ەكونوميكانىڭ دامۋىنا، مادەنيەتتىڭ گۇلدەنۋىنە، ۇلتتار ىنتىماعىنا، حالىقتىڭ باقىتىنا، قوعامنىڭ تىنىشتىعىنا، مەملەكەتتىڭ ءبىر تۇتاستىعىنا پارمەندى كەپىلدىك ازىرلەدى.

　　جاڭا جۇڭگو قۇرىلعان 70 جىلدان بەرى، پارتيامىز حالىققا باسشىلىق ەتىپ، الەمدە سيرەك كەزدەسەتىن ەكونوميكانىڭ جىلدام دامۋ حيكىمەتىن جانە قوعامنىڭ ۇزاق ۋاقىت ورنىقتى بولۋ حيكىمەتىن جاراتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى. اماليات مىنانى دالەلدەدى: جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسى − ماركسيزمدى جەتەكشى ەتكەن، جۇڭگونىڭ بايتاق دالاسىنا تامىر تارتقان، جۇڭحۋا مادەنيەتىنىڭ تەرەڭ قورداسىنا يە، حالىقتىڭ قولداۋىنا بولەنگەن ءتۇزىم جانە جونگە سالۋ جۇيەسى، قۇدىرەتتى ومىرشەڭدىك كۇشكە جانە وراسان زور ابزالدىلىققا يە ءتۇزىم جانە جونگە سالۋ جۇيەسى، ءبىر ميلليارد 400 ميلليونعا جۋىق حالقى بار ءىرى ەلدىڭ العا باسۋى مەن دامۋىن ۇزدىكسىز ىلگەرىلەتە الاتىن، 5000 جىلدان استام وركەنيەت تاريحى بار جۇڭحۋا ۇلتىنىڭ ”قوس 100 جىلدىق“ كۇرەس نىساناسىن جۇزەگە اسىرۋىنا، ونان ارى ىلگەرىلەگەن تۇردە ۇلى گۇلدەنۋدى جۇزەگە اسىرۋعا شىنايى كەپىلدىك ەتە الاتىن ءتۇزىم جانە جونگە سالۋ جۇيەسى.

　　ەلىمىزدىڭ مەملەكەت ءتۇزىمى مەن مەملەكەتتى جونگە سالۋ جۇيەسى كوپ جاقتان كورنەكتى ابزالدىلىققا يە، باستىسى، مىنالار: پارتيانىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيانىڭ عىلمي نازاريالارىنا تاباندى بولىپ، ساياسي ورنىقتىلىقتى ساقتاپ، مەملەكەتتىڭ باستان - اياق سوتسياليزم بەتالىسىمەن العا باسۋىنا شىنايى كەپىلدىك ەتەتىن كورنەكتى ابزالدىلىعى؛ حالىقتىڭ قوجايىن بولۋىنا تاباندى بولىپ، حالىق دەموكراتياسىن دامىتىپ، بۇقارامەن ەتەنە بايلانىس ورناتىپ، حالىققا تىعىز ارقا سۇيەپ، مەملەكەتتىڭ دامۋىن ىلگەرىلەتەتىن كورنەكتى ابزالدىلىعى؛ مەملەكەتتى جاپپاي زاڭمەن جونگە سالۋعا تاباندى بولىپ، سوتسياليستىك زاڭمەن جونگە سالىناتىن مەملەكەت قۇرىپ، قوعامدىق تەڭدىك پەن ادىلدىكتى جانە حالىقتىڭ ۇقىعىن شىنايى قامتاماسىز ەتەتىن كورنەكتى ابزالدىلىعى؛ بۇكىل ەل ءبىر تۇلعا دەگەنگە تاباندى بولىپ، ءار جاقتىڭ بەلسەندىلىگىن جۇمىلدىرىپ، كۇشتى شوعىرلاندىرىپ ۇلكەن ءىس تىندىراتىن كورنەكتى ابزالدىلىعى؛ ءار ۇلت حالقىنىڭ تەرەزەسى تەڭ بولۋىنا تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتىپ، بىرگە ىنتىماقتاسا كۇرەس جۇرگىزۋدى، بىرگە گۇلدەنىپ دامۋدى جۇزەگە اسىراتىن كورنەكتى ابزالدىلىعى؛ جالپىلىق مەنشىكتى نەگىز ەتۋگە، كوپ ءتۇرلى مەنشىكتەگى شارۋاشىلىقتىڭ قاتار دامۋىن جانە ەڭبەگىنە قاراي ءبولۋدى نەگىز ەتۋگە، كوپ ءتۇرلى ءبولىس ءتاسىلىنىڭ قاتار ءومىر سۇرۋىنە تاباندى بولىپ، سوتسياليزم ءتۇزىمى مەن بازار شارۋاشىلىعىن ورگانيكالى بىرلەستىرىپ، قوعامدىق وندىرگىش كۇشتى ۇزدىكسىز ازات ەتەتىن جانە دامىتاتىن كورنەكتى ابزالدىلىعى؛ ورتاق مۇرات - سەنىمگە، قۇن ۇستانىمىنا، ءمورالدىق كوزقاراسقا تاباندى بولىپ، جۇڭحۋانىڭ تاڭداۋلى ءداستۇرلى مادەنيەتىن، توڭكەرىستىك مادەنيەتىن، سوتسياليستىك وزىق مادەنيەتتى اسقاقتاتىپ، بۇكىل حالىقتىڭ يدەيالىق جاقتا، رۋحاني جاقتا تىعىز ىنتىماقتاسۋىن جەبەيتىن كورنەكتى ابزالدىلىعى؛ حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن ۇزدىكسىز قامتاماسىز ەتىپ جانە جاقسارتىپ، حالىقتىڭ ىرىس - قۇتىن ۇزدىكسىز مولايتىپ، بىرگە بايۋ جولىمەن جۇرەتىن كورنەكتى ابزالدىلىعى؛ رەفورما جاساۋعا، جاڭالىق اشۋعا، داۋىرمەن بىرگە العا باسۋعا تاباندى بولىپ، ءوزىن - ءوزى كەمەلدەندىرۋگە، ءوزىن - ءوزى دامىتۋعا شەبەر بولىپ، قوعامنىڭ جالىندى ومىرشەڭدىككە تولى بولۋىنا مۇمكىندىك جاسايتىن كورنەكتى ابزالدىلىعى؛ ءمورالدى دا قابىلەتتى بولۋعا، بىلىمدىلەردى تاڭداۋعا، ىسكەرلەردى مىندەتكە قويۋعا تاباندى بولىپ، شار تاراپتىڭ دارىندىلارىن جيناپ پايدالانىپ، اناعۇرلىم كوپ، اناعۇرلىم ۇزدىك دارىندىلار جەتىلدىرەتىن، قالىپتاستىراتىن كورنەكتى ابزالدىلىعى؛ مىلتىققا پارتيا قولباسشىلىق ەتۋگە تاباندى بولىپ، حالىق ارمياسىنىڭ پارتيا مەن حالىققا شارتسىز ادال بولۋىنا شىنايى كەپىلدىك ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن پارمەندى قامتاماسىز ەتەتىن كورنەكتى ابزالدىلىعى؛ ”ءبىر ەل، ەكى ءتۇزىم“گە تاباندى بولىپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن ساقتاپ، وتاننىڭ بەيبىت بىرلىككە كەلۋىن جەبەيتىن كورنەكتى ابزالدىلىعى؛ دەربەس، ءوز - وزىنە قوجايىن بولۋ مەن سىرتقا ەسىك اشۋدىڭ بىرلىگىنە تاباندى بولىپ، الەمدىك جونگە سالۋعا بەلسەنە ات سالىسىپ، ادامزاتتىڭ تاعدىرلاس ورتاق تۇلعاسىن قۇرۋعا ۇزبەي ۇلەس قوساتىن كورنەكتى ابزالدىلىعى. وسى كورنەكتى ابزالدىلىقتار ءبىزدىڭ جۇڭگوشا سوتسياليزم جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋىمىزدىڭ ءتۇبىرلى نەگىزى.

　　قازىرگى تاڭداعى دۇنيە ءجۇزى 100 جىلدا بولماعان زور وزگەرىس جاعدايىن باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر. ءداۋىر اعىنىنا سايكەسىپ، ەلىمىز قوعامىنداعى باستى قايشىلىقتىڭ وزگەرىسىنە ۇيلەسىپ، ۇلى كۇرەستى، ۇلى ينجەنەريانى، ۇلى ىستەردى، ۇلى ارماندى جاپپاي مەڭگەرىپ، حالىقتىڭ تاماشا تۇرمىسقا بولعان جاڭا تىلەگىن ۇزدىكسىز قاناعاتتاندىرىپ، العا باسۋ جولىنداعى ءتۇرلى حاۋىپ - قاتەرلەردى، سىن - سايىستاردى جەڭۋدە، ءسوز جوق، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جاعىنا اناعۇرلىم كۇش سالۋ كەرەك.

　　ءسوز جوق، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭ بويىنشا جونگە سالۋدىڭ ورگانيكالى بىرلىگىنە تاباندى بولىپ، يدەيانى ازات ەتۋگە، شىندىقتى ءىس جۇزىنەن ىزدەۋگە تاباندى بولىپ، رەفورما جاساۋعا، جاڭالىق اشۋعا تاباندى بولىپ، جۇڭگوشا سوتسياليزم تۇزىمىنە تىرەك بولاتىن ءتۇبىرلى تۇزىمگە، نەگىزگى تۇزىمگە، ماڭىزدى تۇزىمگە تاباندى بولۋدى جانە ونى كەمەلدەندىرۋدى كورنەكتىلەندىرىپ، نەگىزدى بەكەمدەپ، ابزالدىلىقتى ساۋلەلەندىرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، جۇيەلى، كەمەلدى، عىلمي، ارناعا تۇسكەن، جۇمىس جۇرگىزۋى ءونىمدى ءتۇزىم جۇيەسىن ورناتۋعا كۇش سالىپ، جۇيەلى جونگە سالۋدى، زاڭ بويىنشا جونگە سالۋدى، كەشەندى جونگە سالۋدى، تۋ باسىنان جونگە سالۋدى كۇشەيتىپ، ەلىمىزدىڭ تۇزىمدىك ابزالدىلىعىن مەملەكەتتى جونگە سالۋدىڭ ونىمدىلىگىنە اناعۇرلىم ويداعىداي اينالدىرىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن پارمەندى كەپىلمەن قامداۋ كەرەك.

　　جۇڭگوشا سوتسياليزم تۇزىمىنە تاباندى بولۋدىڭ جانە ونى كەمەلدەندىرۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ باس نىساناسى: پارتيامىز قۇرىلعاندىعىنا 100 جىل بولعان كەزدە، ءار جاقتاعى ءتۇزىمدى اناعۇرلىم تولىستىرۋ، اناعۇرلىم تۇلعالاندىرۋ جاعىندا كورنەكتى ناتيجەگە قول جەتكىزۋ؛ 2035 - جىلعا جەتكەندە، ءار جاقتاعى ءتۇزىمدى اناعۇرلىم كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى نەگىزىنەن جۇزەگە اسىرۋ؛ جاڭا جۇڭگو قۇرىلعاندىعىنا 100 جىل بولعان كەزدە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جاپپاي جۇزەگە اسىرىپ، جۇڭگوشا سوتسياليزم ءتۇزىمىن اناعۇرلىم بەكەمدەۋ، ابزالدىلىعىن تولىق ايگىلەۋ.

　　ەكىنشى، پارتيانىڭ باسشىلىق ءتۇزىم جۇيەسىنە تاباندى بولىپ جانە ونى كەمەلدەندىرىپ، پارتيانىڭ عىلمي بيلىك جۇرگىزۋ، دەموكراتيالى بيلىك جۇرگىزۋ، زاڭ بويىنشا بيلىك جۇرگىزۋ دەڭگەيىن جوعارىلاتۋ

　　جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليزم ءتۇزىمىنىڭ ەڭ ۇلكەن ابزالدىلىعى، پارتيا − ەڭ جوعارى ساياسي باسشىلىق كۇش. ءسوز جوق، پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتۋگە تاباندى بولىپ، پارتيا ورتالىق كوميتەتىنىڭ بەدەلىن باتىل قورعاپ، جالپى جاعدايدى ءبىر تۇتاس مەڭگەرەتىن، ءار جاقتى سايكەستىرەتىن پارتيانىڭ باسشىلىق ءتۇزىم جۇيەسىن اقاۋسىزداندىرىپ، پارتيانىڭ باسشىلىعىن مەملەكەتتى جونگە سالۋدىڭ ءار سالاسىندا، ءار جاعىندا، ءار بۋىنىندا تياناقتاندىرۋ كەرەك.

　　(1) اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءتۇزىمىن ورناتۋ. بۇكىل پارتيانىڭ پارتيا ۋستاۆىنا بويسۇنۋىنا، پارتيانىڭ سيپاتى مەن نەگىزگى ماقساتىن ساقتاۋىنا شىنايى كەپىلدىك ەتىپ، كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنىڭ بۇكىل پارتيانى ۇيىستىرۋىنا، حالىقتى ىنتىماقتاستىرۋىنا تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرىپ، حالىقتى تاربيەلەپ، قىزمەتكە جەتەكشىلىك ەتىپ، پارتيانىڭ بيلىك جۇرگىزۋدەگى يدەيالىق نەگىزىن بەكەمدەۋ. اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى پارتيا قۇرىلىسىن كۇشەيتۋدىڭ ماڭگىلىك تاقىرىبى جانە بارلىق پارتيا مۇشەلەرىنىڭ، كادرلاردىڭ ومىرلىك تاقىرىبى ەتىپ، ۇزاق ءونىمدى مەحانيزم قالىپتاستىرىپ، پارتيا مۇشەلەرىنىڭ، كادرلاردىڭ ادالدىق، كىرشىكسىزدىك، جاۋاپكەرشىلىك ارقالايتىن ساياسي قاسيەتىن تاباندىلىقپەن شىڭداۋ. پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، پارتيانىڭ نازاريادا جاڭالىق اشۋىن، امالياتتا جاڭالىق اشۋىن، تۇزىمدە جاڭالىق اشۋىن ۇزدىكسىز ىلگەرىلەتىپ، بارلىق قىزمەتتىڭ ءداۋىر اعىنىنا سايكەسۋىنە، دامۋ زاڭدىلىعىنا ۇيلەسۋىنە، حالىق تىلەگىن بەينەلەۋىنە مۇمكىندىك جاساپ، پارتيانىڭ باستان - اياق ءداۋىردىڭ الدىڭعى لەگىندە جۇرۋىنە، حالىقتىڭ شىن جۇرەكتەن قولداۋىنا يە بولۋىنا شىنايى كەپىلدىك ەتۋ.

　　(2) پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعايتىن ءتۇرلى تۇزىمدەردى كەمەلدەندىرۋ. بۇكىل پارتيا ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتياداعى ۇيتقىلىق ورنىن باتىل قورعاۋدى ناقتى تياناقتاندىرۋ. پارتيا ورتالىق كوميتەتىنىڭ كەلەلى قىزمەتتەرگە باسشىلىق ەتۋ ءتۇزىلىسىن اقاۋسىزداندىرىپ، پارتيا ورتالىق كوميتەتىنىڭ شەشىمدەرىن كەڭەسۋ، سايكەستىرۋ قۇرىلىمىنىڭ فۋنكتسيالىق رولىن كۇشەيتىپ، پارتيا ورتالىق كوميتەتىنىڭ كەلەلى شەشىمدەرىن تياناقتاندىرۋ مەحانيزمىن كەمەلدەندىرىپ ىلگەرىلەتىپ، پارتيا ورتالىق كوميتەتىنەن نۇسقاۋ سۇراۋ، مالىمەت بەرۋ ءتۇزىمىن قاتاڭ اتقارىپ، بۇيرىقتى بۇلجىتپاي اتقارۋعا شىنايى كەپىلدىك ەتۋ. پارتيانىڭ ورتالىقتانعان ءبىر تۇتاستىعىن قورعايتىن ۇيىمدىق ءتۇزىمدى اقاۋسىزداندىرىپ، پارتيانىڭ ورتالىق كوميتەت ۇيىمدارىنىڭ، جەرگىلىكتى ۇيىمدارىنىڭ، نەگىزگى ساتى ۇيىمدارىنىڭ جوعارى مەن تومەندى ساباقتاستىراتىن، اتقارۋى پارمەندى قاتاڭ جۇيەسىن قالىپتاستىرىپ، پارتيا ۇيىمى مەن پارتيا قىزمەتىنىڭ جاپپاي قامتۋىن جۇزەگە اسىرۋ.

　　(3) پارتيانىڭ جاپپاي باسشىلىعى ءتۇزىمىن اقاۋسىزداندىرۋ. پارتيانىڭ حالىق قۇرىلتايى، ۇكىمەت، ساياسي كەڭەس، باقىلاۋ - تەكسەرۋ ورگانى، تەرگەۋ ورگانى، پروكۋراتۋرا ورگانى، قارۋلى كۇش، حالىقتىق توپتار، كاسىپورىن، ءىسورىن، نەگىزگى ساتى بۇقاراسىنىڭ ءوزىن - ءوزى باسقارۋ ۇيىمدارى، قوعامدىق ۇيىمدار سياقتىلارعا باسشىلىق ەتۋ ءتۇزىمىن كەمەلدەندىرىپ، ءار دارەجەلى پارتكومداردىڭ (پارتيا باسشىلىق گرۋپپاسى) قىزمەت ءتۇزىمىن اقاۋسىزداندىرىپ، پارتيانىڭ ءتۇرلى ۇيىمدارداعى باسشىلىق رولىن ساۋلەلەندىرۋىنە شىنايى كەپىلدىك ەتۋ. پارتيانىڭ ءتۇرلى ىستەرگە باسشىلىق ەتەتىن ناقتى تۇزىمدەردى كەمەلدەندىرىپ، پارتيا باسشىلىعىنىڭ ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدىڭ ءار جاعىندا تياناقتاندىرۋ. پارتيا مەن مەملەكەت قۇرىلىمدارىنىڭ فۋنكتسيا جۇيەسىن كەمەلدەندىرىپ، پارتيانىڭ باسشىلىعىن پارتيا مەن مەملەكەتتىڭ بارلىق قۇرىلىمدارىنىڭ قىزمەت جاۋاپكەرشىلىگىن وتەۋىنىڭ جالپى بارىسىندا دايەكتىلەندىرىپ، ءار جاقتىڭ سايكەسىپ ارەكەتتەنۋىن، بىرىككەن كۇشتى ارتتىرۋىن ىلگەرىلەتۋ.

　　(4) حالىق ءۇشىن بيلىك جۇرگىزەتىن، حالىققا سۇيەنىپ بيلىك جۇرگىزەتىن ءتۇرلى تۇزىمدەردى اقاۋسىزداندىرۋ. جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە تاباندى بولىپ، پارتيانىڭ حالىق بۇقاراسىمەن ەتەنە بايلانىسىن ساقتاپ، حالىق تىلەگىنە قۇرمەت ەتۋدى، حالىقتىڭ اقىل - پاراساتىن توپتاۋدى، حالىق كۇشىن ۇيىستىراتىن، حالىق تۇرمىسىن جاقسارتۋدى پارتيانىڭ ەل باسقارۋ جالپى قىزمەتى بارىسىنا ساباقتاستىرىپ، پارتيانىڭ بيلىك جۇرگىزۋدەگى تاپتىق نەگىزىن بەكەمدەپ، پارتيانىڭ بيلىك جۇرگىزۋدەگى بۇقارالىق نەگىزىن بەكەمدەپ، ءتۇزىمدى كەمەلدەندىرۋ ارقىلى حالىقتىڭ مەملەكەتتى جونگە سالۋداعى نەگىزگى تۇلعالىق ورنىنا كەپىلدىك ەتىپ، بۇقارادان الشاقتاۋ قاتەرىنەن كۇش سالا ساقتانۋ. پارتيانىڭ بۇقارالىق لۋشيانىن دايەكتىلەندىرىپ، پارتيا مۇشەلەرىنىڭ، كادرلاردىڭ بۇقارامەن بايلانىس ورناتۋ ءتۇزىمىن كەمەلدەندىرىپ، ينتەرنەت داۋىرىندەگى بۇقارالىق قىزمەت مەحانيزمىندە جاڭالىق اشىپ، بۇقارا ءۇشىن ىستەۋدى، بۇقاراعا سەنۋدى، بۇقاراعا ارقا سۇيەۋدى، بۇقاراعا ءجون سىلتەۋدى، بۇقارامەن ىشكەرىلەي ارالاسۋدى، نەگىزگى ساتىعا ىشكەرىلەي بارۋدى باستان - اياق ورىنداۋ. بايلانىس اياسى كەڭ، بۇقاراعا قىزمەت وتەيتىن بۇقارالىق ۇيىمدار قىزمەت جۇيەسىن اقاۋسىزداندىرىپ، حالىقتىق توپتاردىڭ ساياسي سيپاتىن، العاباسارلىق سيپاتىن، بۇقارالىق سيپاتىن كۇشەيتۋىن ىلگەرىلەتىپ، ءار جاق بايلانىس ورناتقان بۇقارانى پارتيانىڭ توڭىرەگىنە تىعىز ىنتىماقتاستىرۋ.

　　(5) پارتيانىڭ بيلىك جۇرگىزۋ قابىلەتى مەن باسشىلىق دەڭگەيىن جوعارىلاتاتىن تۇزىمدەردى اقاۋسىزداندىرۋ. دەموكراتيالىق ورتالىقتاندىرۋ تۇزىمىنە تاباندى بولىپ، پارتيا ىشىندەگى دەموكراتيانى دامىتۋدىڭ جانە دۇرىس ورتالىقتاندىرۋدى اتقارۋدىڭ قاتىستى تۇزىمدەرىن كەمەلدەندىرىپ، پارتيانىڭ بەتالىستى مەڭگەرۋ، جالپى جاعدايدى كوزدەۋ، ساياسات بەلگىلەۋ، رەفورمانى جەبەۋ قابىلەتىن جوعارىلاتۋ. شەشىم جاساۋ مەحانيزمىن اقاۋسىزداندىرىپ، كەلەلى شەشىمدەر بويىنشا تەكسەرۋ - زەرتتەۋدى، عىلمي دالەلدەۋدى، حاۋىپ - قاتەردى تۇسپالداۋدى كۇشەيتىپ، شەشىمدەردى اتقارۋدى، باعالاۋدى، باقىلاۋدى كۇشەيتۋ. پارتيانىڭ باسشىلىق ءتاسىلى مەن بيلىك جۇرگىزۋ ءتاسىلىن جاقسارتىپ، ءار دارەجەلى پارتيا ۇيىمدارىنىڭ ساياسي رولىن جانە ۇيىمدىق قۋاتىن كۇشەيتۋ. جاۋاپكەرشىلىك ارقالاۋدى، ىسكەرلىك كورسەتۋدى شابىتتاندىرۋ مەحانيزمىن كەمەلدەندىرىپ، ءار دارەجەلى باسشى كادرلاردىڭ ۇيرەنۋ قابىلەتىن، ساياسي باسشىلىق قابىلەتىن، رەفورما جاساۋ، جاڭالىق اشۋ قابىلەتىن، عىلمي دامۋ قابىلەتىن، زاڭ بويىنشا بيلىك جۇرگىزۋ قابىلەتىن، بۇقارالىق قىزمەت قابىلەتىن، تياناقتاندىرۋدى مىقتى يگەرۋ قابىلەتىن، حاۋىپ - قاتەردى مەڭگەرۋ قابىلەتىن كۇشەيتۋىن جەبەپ، كۇرەسكەرلىك رۋحىن اسقاقتاتىپ، كۇرەسكەرلىك قابىلەتىن كۇشەيتۋ.

　　(6) پارتيانى جاپپاي قاتاڭ جونگە سالۋ ءتۇزىمىن كەمەلدەندىرۋ. پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، تاۋقىمەت تانىمىن كۇشەيتىپ، پارتيانىڭ وزىنە توڭكەرىس جاساۋىن ۇزدىكسىز ىلگەرىلەتىپ، پارتيانىڭ العاباسارلىعى مەن كىرشىكسىزدىگىن ماڭگى ساقتاۋ. جاڭا داۋىردەگى پارتيا قۇرىلىسىنىڭ جالپى تالابىن دايەكتىلەندىرىپ، پارتيا قۇرىلىسى ءتۇزىمى رەفورماسىن تەرەڭدەتىپ، پارتيانى قاعيدا بويىنشا جونگە سالۋعا تاباندى بولىپ، پارتيانىڭ ساياسي قۇرىلىسىن ءبىر تۇتاس باسشىلىققا الاتىن، پارتيانىڭ ءتۇرلى جاقتارداعى قۇرىلىسىن جاپپاي ىلگەرىلەتەتىن ءتۇزىلىس، مەحانيزمىن ورناتۋ جانە كەمەلدەندىرۋ. جاڭا داۋىردەگى پارتيانىڭ ۇيىمدىق لۋشيانىنا تاباندى بولىپ، پارتيانىڭ كادرلاردى باسقارۋ، قابىلەتتىلەردى تاڭداپ، ىسكەرلەردى مىندەتكە قويۋ ءتۇزىمىن اقاۋسىزداندىرۋ. پارتيانىڭ ىشكى ساياسي تۇرمىسىن ارناعا ءتۇسىرىپ، ساياسي ءتارتىپ پەن ساياسي قاعيدانى قاتايتىپ، بەلسەندى، اقاۋسىز پارتيانىڭ ىشكى ساياسي مادەنيەتىن دامىتىپ، پارتيانىڭ ىشكى ساياسي ەكولوگياسىن جاپپاي كىرشىكسىزدەندىرۋ. پارتيانى جاپپاي قاتاڭ جونگە سالۋ جاۋاپكەرشىلىك ءتۇزىمىن كەمەلدەندىرۋ جانە تياناقتاندىرۋ. پارتيانىڭ العاباسارلىعىنا ىقپال كورسەتەتىن، پارتيانىڭ كىرشىكسىزدىگىن السىرەتەتىن بارلىق ماسەلەلەرمەن باتىل كۇرەس جاساپ، فورماشىلدىقتى، تورەشىلدىكتى كۇش سالا تۇزەتىپ - جونگە سالىپ، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن ۇزدىكسىز كۇشەيتىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالۋىنا شىنايى كەپىلدىك ەتۋ.

　　ءۇشىنشى، حالىق قوجايىن بولۋ ءتۇزىم جۇيەسىنە تاباندى بولىپ جانە ونى كەمەلدەندىرىپ، سوتسياليستىك دەموكراتيالىق ساياسيدى دامىتۋ

　　ەلىمىز جۇمىسشى تابى باسشىلىق ەتەتىن، جۇمىسشى - ديقان وداعىن نەگىز ەتكەن حالىق دەموكراتياسى ديكتاتۋراسىندىق سوتسياليستىك مەملەكەت، مەملەكەتتىڭ بارلىق ۇقىعى حالىققا ءتان. ءسوز جوق، حالىقتىڭ نەگىزگى تۇلعالىق ورنىنا تاباندى بولىپ، جۇڭگوشا سوتسياليستىك ساياسي دامۋ جولىمەن جۇرۋگە مىزعىماستان تاباندى بولىپ، دەموكراتيالىق ءتۇزىمدى اقاۋسىزداندىرىپ، دەموكراتيا فورماسىن بايىتىپ، دەموكراتيا ارناسىن كەڭەيتىپ، دەموكراتيالىق سايلاۋدى، دەموكراتيالىق كەڭەسۋدى، دەموكراتيالىق شەشىم جاساۋدى، دەموكراتيالىق باسقارۋدى، دەموكراتيالىق باقىلاۋدى زاڭ بويىنشا اتقارىپ، ءار جاقتى ءتۇزىم مەن مەملەكەتتى جونگە سالۋدىڭ اناعۇرلىم حالىقتىڭ ەركىن ايگىلەۋىنە، حالىقتىڭ ۇقىق - مۇددەسىن قامتاماسىز ەتۋىنە، حالىقتىڭ جاسامپازدىعىن قاۋلاتۋىنا مۇمكىندىك جاساپ، حالىقتىڭ زاڭ بويىنشا ءتۇرلى جولدار مەن فورمالار ارقىلى مەملەكەت ىستەرىن باسقارۋىنا، ەكونوميكا، مادەنيەت ىستەرىن باسقارۋىنا، قوعامدىق ىستەردى باسقارۋىنا شىنايى كەپىلدىك ەتۋ.

　　(1) حالىق قۇرىلتايى ءتۇزىمى سىندى ءتۇبىرلى ساياسي تۇزىمگە تاباندى بولۋ جانە ونى كەمەلدەندىرۋ. حالىقتىڭ مەملەكەتتىڭ ۇقىعىن جۇرگىزەتىن ورگانى بۇكىل مەملەكەتتىك حالىق قۇرىلتايى مەن جەرگىلىكتى ءار دارەجەلى حالىق قۇرىلتايلارى. حالىقتىڭ حالىق قۇرىلتايى ارقىلى مەملەكەتتىڭ ۇقىعىن جۇرگىزۋىنە قولداۋ كورسەتۋ جانە كەپىلدىك ەتۋ، ءار دارەجەلى حالىق قۇرىلتايلارىنىڭ تۇگەلدەي دەموكراتيالىق سايلاۋ ارقىلى تۋىلۋىنا، حالىققا جاۋاپتى بولۋىنا، حالىقتىڭ باقىلاۋىن قابىلداۋىنا كەپىلدىك ەتۋ، ءار دارەجەلى مەملەكەت ورگاندارىنىڭ تۇگەلدەي حالىق قۇرىلتايى ارقىلى تۋىلۋىنا، حالىق قۇرىلتايىنا جاۋاپتى بولۋىنا، حالىق قۇرىلتايىنىڭ باقىلاۋىندا بولۋىنا كەپىلدىك ەتۋ. حالىق قۇرىلتايىنىڭ، سونداي - اق ونىڭ تۇراقتى كوميتەتتەرىنىڭ مىندەت ۇقىعىن زاڭ بويىنشا جۇرگىزۋىنە قولداۋ كورسەتۋ جانە كەپىلدىك ەتۋ، حالىق قۇرىلتايىنىڭ ”حالىق ۇكىمەتىنە، باقىلاۋ - تەكسەرۋ كوميتەتىنە، حالىق سوتى مەكەمەسىنە، حالىق پروكۋراتۋراسىنا“ باقىلاۋ جۇرگىزۋ ءتۇزىمىن اقاۋسىزداندىرۋ. حالىق قۇرىلتايى ۋاكىلدەرىنىڭ حالىق بۇقاراسىمەن بايلانىسىن قويۋلاتىپ، ۋاكىلدەردىڭ بايلانىس جاساۋ مەحانيزمىن اقاۋسىزداندىرىپ، حالىق قۇرىلتايى ۋاكىلدەرىنىڭ رولىن اناعۇرلىم جاقسى ساۋلەلەندىرۋ. حالىق قۇرىلتايىنىڭ ۇيىمدىق ءتۇزىمىن، سايلاۋ ءتۇزىمىن جانە كەڭەستىك ءتارتىبىن اقاۋسىزداندىرۋ، دالەلدەۋ، باعالاۋ، كەڭەسۋ، سىپات تىڭداۋ تۇزىمدەرىن كەمەلدەندىرۋ. نەگىزگى ساتى حالىق قۇرىلتايلارى ۋاكىلدەرىنىڭ سانىن لايىقتى ارتتىرۋ. جەرگىلىكتى حالىق قۇرىلتايلارى، سونداي - اق ولاردىڭ تۇراقتى كوميتەتتەرى قۇرىلىسىن كۇشەيتۋ.

　　(2) جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگىنە جانە ساياسي كەڭەس تۇزىمىنە تاباندى بولۋ جانە ونى كەمەلدەندىرۋ. ۇزاق ۋاقىت بىرگە تۇرۋ، ءوزارا باقىلاۋ، ءبىرى - بىرىنە شىن ادال بولۋ، داڭق پەن نامىستا بىرگە بولۋ باعىتىن دايەكتىلەندىرىپ، جۇڭگوشا سوتسياليستىك ساياسي پارتيا ءتۇزىمى قۇرىلىسىن كۇشەيتىپ، ءوزارا باقىلاۋ، اسىرەسە، جۇڭگو كوممۋنيستىك پارتياسىنىڭ باقىلاۋدى سانالى تۇردە قابىلداۋ، كەلەلى شەشىمدەردى، ورنالاستىرۋلاردى دايەكتىلەندىرۋ، تياناقتاندىرۋ جاعدايىنا ارناۋلى باقىلاۋ جۇرگىزۋ سياقتى مەحانيزمدەردى اقاۋسىزداندىرىپ، دەموكراتيالىق پارتيا - توپتاردىڭ ورتالىق كوميتەتتەرىنىڭ جۇڭگو كوممۋنيستىك پارتياسى ورتالىق كوميتەتىنە تىكەلەي ۇسىنىس بەرۋ ءتۇزىمىن كەمەلدەندىرۋ، دەموكراتيالىق پارتيا - توپتار مەن پارتيا دا، توپتا جوق قايراتكەرلەردىڭ فۋنكتسياسىن اتقارۋىنا قولداۋ كورسەتەتىن ءادىس - امالداردى كەمەلدەندىرىپ، ەلىمىزدىڭ جاڭاشا ساياسي پارتيا ءتۇزىمىنىڭ ابزالدىلىعىن ايگىلەۋ. حالىق ساياسي كەڭەسىنىڭ ساياسي ۇيىمدىق جانە دەموكراتيالىق فورمالىق رولىن ساۋلەلەندىرىپ، ساياسي كەڭەسۋ، دەموكراتيالىق باقىلاۋ، ۇكىمەت ىستەرىنە ارالاسۋ، ۇكىمەت ىستەرىنە كەڭەس بەرۋ ورەسىن جوعارىلاتىپ، ورتاق تانىمدى اناعۇرلىم ويداعىداي ۇيىستىرۋ. حالىق ساياسي كەڭەسىنىڭ ارناۋلى كەڭەس قۇرىلىمى ءتۇزىمىن كەمەلدەندىرىپ، كەڭەس فورماسىن بايىتىپ، كەڭەس ەرەجەسىن اقاۋسىزداندىرىپ، سالا ورنالاستىرۋىن جاقسارتىپ، دەموكراتيانى اسقاقتاتۋ مەن ىنتىماقتى كۇشەيتۋدى ءوزارا تۇتاستىراتىن، ۇكىمەت ىستەرىنە اقىل - كەڭەس بەرۋ مەن ورتاق تانىم ۇيىستىرۋعا قوس باعداردا كۇش سالاتىن ءتارتىپ مەحانيزمىن اقاۋسىزداندىرۋ.

　　سوتسياليستىك كەڭەستىك دەموكراتيانىڭ وزگەشە ابزالدىلىعىنا تاباندى بولىپ، ساياسي پارتيالار كەڭەسىن، حالىق قۇرىلتايى كەڭەسىن، ۇكىمەت كەڭەسىن، ساياسي كەڭەس كەڭەسىن، حالىقتىق توپتار كەڭەسىن، نەگىزگى ساتى كەڭەسىن، سونداي - اق قوعامدىق ۇيىمدار كەڭەسىن ءبىر تۇتاس جوسپارلاپ ىلگەرىلەتىپ، ءتارتىبى ۇيلەسىمدى، بۋىنى كەمەلدى كەڭەستىك دەموكراتيا جۇيەسىن ورناتىپ، شەشىم جاساۋدان بۇرىن جانە شەشىمدى اتقارۋ بارىسىندا كەڭەسەتىن تياناقتاندىرۋ مەحانيزمىن كەمەلدەندىرىپ، ءىستى اقىلداسۋ، كوپتىڭ ءىسىن كوپ بولىپ اقىلداسۋدى تۇزىمدەندىرۋ امالياتىن بايىتۋ.

　　(3) ەڭ كەڭ وتانشىلدىق بىرلىكساپتى بەكەمدەۋ جانە دامىتۋ. زور بىرلىكساپ قىزمەت جاعدايىنا تاباندى بولىپ، بىردەيلىك پەن كوپ تۇرلىلىكتىڭ بىرلىگىنە تاباندى بولىپ، وداقتاستاردىڭ مۇددەسىن ويلاستىرۋ ساياساتىن كەمەلدەندىرىپ، ۇلت قىزمەتىن جانە ءدىن قىزمەتىن جاقسى ىستەپ، پارتيا سىرتىنداعى ۋاكىل قايراتكەرلەر قوسىنى قۇرىلىسى ءتۇزىمىن اقاۋسىزداندىرىپ، شياڭگاڭدىق، اۋمىندىق باۋىرلاستاردىڭ، تايۋاندىق باۋىرلاستاردىڭ، شەتەلدەگى چياۋمين باۋىرلاستاردىڭ كۇشىن ۇيىستىرىپ، ەڭ ءىرى ورتاق بولگىشكە تالپىنىپ، ەڭ ءىرى كىندىكتەس شەڭبەرلەر سىزىپ، ساياسي پارتيا قاتىناسىنىڭ، ۇلت قاتىناسىنىڭ، ءدىن قاتىناسىنىڭ، جىك قاتىناسىنىڭ، ەل ءىشى - سىرتىنداعى باۋىرلاستار قاتىناسىنىڭ جاراسىمدىلىعىن جەبەۋ.

　　(4) ۇلتتىق وڭىرلىك اۆتونوميا تۇزىمىنە تاباندى بولۋ جانە ونى كەمەلدەندىرۋ. ۇلت ماسەلەسىن شەشۋدىڭ جۇڭگوشا ەرەكشەلىككە يە دۇرىس جولىمەن بۇلجىماي ءجۇرىپ، ۇلتتاردىڭ تۇگەلدەي تەڭدىگىنە تاباندى بولىپ، ۇلتتاردىڭ بىرگە ىنتىماقتاسا كۇرەس جاساۋىنا، بىرگە گۇلدەنىپ دامۋىنا تاباندى بولىپ، ۇلتتىق اۆتونوميالى جەرلەردىڭ اۆتونوميا ۇقىعىن زاڭ بويىنشا جۇرگىزۋىنە كەپىلدىك ەتىپ، از ۇلتتاردىڭ زاڭدى ۇقىق - مۇددەسىن قامتاماسىز ەتىپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋ جانە دامىتۋ. ماركسيزمدىك وتان كوزقاراسى، ۇلت كوزقاراسى، مادەنيەت كوزقاراسى، تاريح كوزقاراسى ۇگىت - تاربيەسىن قاجىماي - تالماي ورىستەتىپ، جۇڭحۋا ۇلتى ورتاق تۇلعا يدەياسىنىڭ نەگىزىن بەكەمدەۋ. ۇلتتار ىنتىماعى، العاباسارلىعى قۇرىلىسىن جان - جاقتى، ىشكەرىلەي، باياندى ورىستەتىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتۋ. ۇلتتىق وڭىرلەردىڭ جەدەل دامۋىنا قولداۋ كورسەتىپ جانە كومەكتەسىپ، ءار ۇلت بۇقاراسىنىڭ تۇرمىس ورەسىن ۇزدىكسىز جوعارىلاتۋ.

　　(5) ومىرشەڭدىك كۇشكە تولى نەگىزگى ساتى بۇقاراسىنىڭ ءوزىن - ءوزى باسقارۋ ءتۇزىمىن اقاۋسىزداندىرۋ. نەگىزگى ساتى پارتيا ۇيىمى باسشىلىعىنداعى نەگىزگى ساتى بۇقاراسىنىڭ ءوزىن - ءوزى باسقارۋ مەحانيزمىن كەمەلدەندىرىپ، قالا - اۋىل الەۋمەتتىك اۋماقتارىن جونگە سالۋ، نەگىزگى ساتى الەۋمەتتىك ىستەرى جانە الەۋمەتتىك يگىلىك ىستەرىندە بۇقارالىق ءوزىن باسقارۋ، وزىنە قىزمەت وتەۋ، ءوزىن تاربيەلەۋ، ءوزىن باقىلاۋدى كەڭ كولەمدە اتقارىپ، حالىق بۇقاراسىنىڭ پىكىر جانە ۇسىنىستى اڭىس ەتۋ ارناسىن كەڭەيتىپ، نەگىزگى ساتىنىڭ تىكە دەموكراتياسىن تۇزىمدەندىرۋدى، جۇيەلىلەندىرۋدى، تارتىپتەندىرۋدى كۇش سالا ىلگەرىلەتۋ. بار ىنتا - پەيىلمەن جۇمىسشى تابىنا سۇيەنىپ، جۇمىسشى - قىزمەتشىلەر ۋاكىلدەر قۇرىلتايىن نەگىزگى فورما ەتكەن كاسىپورىن - ءىسورىنداردىڭ دەموكراتيالىق باسقارۋ ءتۇزىمىن اقاۋسىزداندىرىپ، كاسىپورىن جۇمىسشى - قىزمەتكەرلەرىنىڭ باسقارۋعا قاتىناسۋىنىڭ ۇتىمدى تاسىلىنە ىزدەنىس جاساپ، جۇمىسشى - قىزمەتكەر بۇقاراسىنىڭ جاعدايدان حاباردار بولۋ ۇقىعىن، قاتىسۋ ۇقىعىن، جەتكىزۋ ۇقىعىن، باقىلاۋ ۇقىعىن قامتاماسىز ەتىپ، جۇمىسشى - قىزمەتكەرلەردىڭ زاڭدى ۇقىق - مۇددەسىن قورعاۋ.

　　ءتورتىنشى، جۇڭگوشا سوتسياليستىك زاڭمەن جونگە سالۋ جۇيەسىنە تاباندى بولىپ جانە ونى كەمەلدەندىرىپ، پارتيانىڭ زاڭ بويىنشا مەملەكەتتى جونگە سالۋ، زاڭ بويىنشا بيلىك جۇرگىزۋ قابىلەتىن جوعارىلاتۋ

　　جۇڭگوشا سوتسياليستىك زاڭمەن جونگە سالۋ جۇيەسىن ورناتۋ، سوتسياليستىك زاڭمەن جونگە سالىناتىن مەملەكەت قۇرۋ − جۇڭگوشا سوتسياليزمگە تاباندى بولۋ مەن ونى دامىتۋدىڭ ىشكى تالابى. ءسوز جوق، جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرىپ، مەملەكەتتى زاڭمەن جونگە سالۋدى جاپپاي ىلگەرىلەتىپ، مەملەكەتتى زاڭمەن جونگە سالۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى قاتار ىلگەرىلەتۋگە تاباندى بولىپ، زاڭمەن جونگە سالىناتىن مەملەكەتتى، زاڭمەن جونگە سالىناتىن ۇكىمەتتى، زاڭمەن جونگە سالىناتىن قوعامدى ءبىر تۇلعادا قۇرۋعا تاباندى بولىپ، كەمەلدى زاڭدىق ولشەم جۇيەسىن، جوعارى ونىمدىلىكتى زاڭمەن جونگە سالۋدى اتقارۋ جۇيەسىن، قاتاڭ زاڭمەن جونگە سالۋدى باقىلاۋ جۇيەسىن، پارمەندى زاڭمەن جونگە سالۋ قامتاماسىزدىعى جۇيەسىن جەدەل قالىپتاستىرىپ، كەمەلدى پارتيا ءىشى زاڭ - ەرەجە جۇيەسىن جەدەل قالىپتاستىرىپ، زاڭدى عىلمي شىعارۋدى، زاڭدى قاتاڭ اتقارۋدى، ءادىليانى ءادىل جۇرگىزۋدى، جالپى حالىقتىڭ زاڭعا بويسۇنۋىن جاپپاي ىلگەرىلەتىپ، زاڭمەن جونگە سالىناتىن جۇڭگو قۇرىلىسىن ىلگەرىلەتۋ.

　　(1) نەگىزگى زاڭنىڭ جان - جاقتى اتقارىلۋىنا كەپىلدىك ەتەتىن ءتۇزىلىس - مەحانيزمىن اقاۋسىزداندىرۋ. مەملەكەتتى زاڭمەن جونگە سالۋدا، ەڭ اۋەلى، مەملەكەتتى نەگىزگى زاڭمەن جونگە سالۋعا تاباندى بولۋ، بيلىكتى زاڭ بويىنشا جۇرگىزۋدە، ەڭ اۋەلى، بيلىكتى نەگىزگى زاڭ بويىنشا جۇرگىزۋگە تاباندى بولۋ كەرەك. نەگىزگى زاڭنىڭ اتقارىلۋى مەن باقىلاۋدى كۇشەيتىپ، نەگىزگى زاڭدى ءتۇسىندىرۋ ءتارتىپ مەحانيزمىن تياناقتاندىرىپ، نەگىزگى زاڭعا سيىمدىلىعىن تەكسەرۋ قىزمەتىن ىلگەرىلەتىپ، ەستەلىككە الىپ تەكسەرۋ ءتۇزىمى مەن قابىلەت قۇرىلىسىن كۇشەيتىپ، نەگىزگى زاڭعا قايشى، زاڭدارعا قايشى ولشەمدىك حۇجاتتاردى زاڭ بويىنشا كۇشىنەن قالدىرۋ جانە تۇزەتۋ. نەگىزگى زاڭنىڭ زاڭداردان ۇستەم تۇرۋىنا تاباندى بولىپ، زاڭ الدىندا بارلىق ادام تەڭ بولۋ سياقتى قامتاماسىز ەتۋ مەحانيزمىن اقاۋسىزداندىرىپ، مەملەكەت زاڭ - تۇزىمدەرىنىڭ بىرلىگىن، ابىرويىن، بەدەلىن قورعاپ، نەگىزگى زاڭعا، زاڭدارعا قايشى بارلىق ارەكەتتى، ءسوز جوق، قۋزاستىرۋ.

　　(2) زاڭ شىعارۋ ءتۇزىلىس - مەحانيزمىن كەمەلدەندىرۋ. عىلمي جولمەن زاڭ شىعارۋعا، دەموكراتيالىق جولمەن زاڭ شىعارۋعا، زاڭ بويىنشا زاڭ شىعارۋعا تاباندى بولىپ، پارتكومنىڭ باسشىلىعىنداعى، حالىق قۇرىلتايىنىڭ جەتەكشىلىگىندەگى، ۇكىمەتتى سۇيەنىش ەتكەن، ءار جاق قاتىسقان زاڭ شىعارۋ قىزمەت جۇلگەسىن كەمەلدەندىرىپ، شىعارۋدى، وزگەرىس ەنگىزۋدى، كۇشىنەن قالدىرۋدى، ءتۇسىندىرۋدى تەڭ جۇرگىزىپ، زاڭ شىعارۋ ساپاسى مەن ونىمدىلىگىن ۇزدىكسىز جوعارىلاتۋ. نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن كەمەلدەندىرىپ، ماڭىزدى سالالارداعى زاڭ شىعارۋدى كۇشەيتىپ، ەلىمىزدىڭ زاڭ وڭىرىنەن تىس قولدانىلاتىن زاڭدار جۇيەسى قۇرىلىسىن تەزدەتىپ، كەمەلدى زاڭمەن شەبەرلىكپەن جونگە سالۋدى قامتاماسىز ەتۋ.

　　(3) قوعامدىق ادىلدىكتى، تۋراشىلدىقتى زاڭمەن جونگە سالۋ قامتاماسىزدىعى ءتۇزىمىن اقاۋسىزداندىرۋ. زاڭمەن جونگە سالۋ قۇرىلىسى حالىق ءۇشىن بولۋعا، حالىققا سۇيەنۋگە تاباندى بولىپ، ادامدىق ۇقىقتى زاڭمەن جونگە سالۋ ارقىلى قامتاماسىز ەتۋدى كۇشەيتىپ، حالىقتىڭ زاڭ بويىنشا كەڭ كولەمدى ۇقىق پەن ەركىندىكتەن يگىلىكتەنۋىنە، وتەۋگە ءتيىستى بورىشىن ارقالاۋىنا كەپىلدىك ەتىپ، جالپى حالىقتى سوتسياليستىك زاڭمەن جونگە سالۋدىڭ ادال قاستەرلەۋشىسى، سانالى بويسۇنۋشىسى، بەرىك قورعاۋشىسى بولۋعا جەتەكتەۋ. زاڭعا، ءسوز جوق، نەگىزدەلۋگە، زاڭ اتقارۋدا، ءسوز جوق، قاتاڭ بولۋعا، زاڭعا قايشى ءىس - ارەكەتتەردى، ءسوز جوق، قۋزاستىرۋعا تاباندى بولىپ، ءادىل، مادەنيەتتى زاڭ اتقارۋدى قاتاڭ ارناعا ءتۇسىرىپ، زاڭ اتقارۋدا ەركىن ۇيعارىم جاساۋ ۇقىعىن ارناعا ءتۇسىرىپ، بۇقارانىڭ ءتول مۇددەسىنە ساياتىن ءتۇيىندى سالالارداعى زاڭ اتقارۋ تەبىنىن ارتتىرۋ. ءادىليا تۇزىلىسىندەگى كەشەندى سەپتەۋ رەفورماسىن تەرەڭدەتىپ، سوتتاۋ ءتۇزىمىن، پروكۋرور ءتۇزىمىن كەمەلدەندىرىپ، ءادىليا جاۋاپكەرشىلىك ءتۇزىمىن جان - جاقتى تياناقتاندىرىپ، ادۆوكات ءتۇزىمىن كەمەلدەندىرىپ، ءادىليالىق ارەكەتتى باقىلاۋدى كۇشەيتىپ، ءادىليانىڭ ءادىل، جوعارى ونىمدىلىكتى، بەدەلدى بولۋىنا شىنايى كەپىلدىك ەتىپ، حالىق بۇقاراسىنا ءاربىر ءادىليالىق دەلودان ادىلدىكتى، تۋراشىلدىقتى قۇلشىنا سەزىندىرۋ.

　　(4) زاڭنىڭ اتقارىلۋىن باقىلاۋدى كۇشەيتۋ. اكىمشىلىك ۇقىقتىڭ، باقىلاۋ - تەكسەرۋ ۇقىعىنىڭ، سوتتاۋ ۇقىعىنىڭ، پروكۋرورلىق ۇقىقتىڭ زاڭ بويىنشا دۇرىس جۇرگىزىلۋىنە كەپىلدىك ەتىپ، ازاماتتاردىڭ، زاڭدىق تۇلعالاردىڭ جانە باسقا دا ۇيىمداردىڭ زاڭدى ۇقىق - مۇددەسىنىڭ شىن مانىندە قامتاماسىز ەتىلۋىنە كەپىلدىك ەتىپ، زاڭ اتقارۋعا، ءادىليا قيمىلدارعا كيلىگۋدى باتىل جويۋ. الەۋمەتتىك يگىلىك ارىز - شاعىم دەلولارىنىڭ كولەمىن كەڭەيتۋ. زاڭعا اۋىر قايشى ارەكەتتەردى جازالاۋ تەبىنىن ارتتىرىپ، جازالاۋ سيپاتتى تولەم ءتۇزىمىن اتقارىپ، قىلمىستىق ىستەر جاۋاپكەرشىلىگىن قۋزاستىرۋدى قاتايتۋ. جالپى حالىقتىق زاڭ جالپىلاستىرۋ قىزمەت تەبىنىن ارتتىرىپ، جالپى حالىقتىڭ زاڭمەن جونگە سالۋ كوزقاراسىن كۇشەيتىپ، الەۋمەتتىك زاڭنان قىزمەت وتەۋ جۇيەسىن كەمەلدەندىرىپ، مەملەكەتتى زاڭمەن جونگە سالۋدىڭ بۇقارالىق نەگىزىن بەكەمدەۋ. ءار دارەجەلى پارتيا جانە مەملەكەت ورگاندارى، سونداي - اق باسشى كادرلار باستاماشىلدىقپەن زاڭدى قاستەرلەپ، زاڭدى ۇيرەنىپ، زاڭعا بويسۇنىپ، زاڭنان پايدالانىپ، زاڭمەن جونگە سالۋ ويىمەن جانە زاڭمەن جونگە سالۋ تاسىلىمەن رەفورمانى تەرەڭدەتۋ، دامۋدى جەبەۋ، قايشىلىقتى جويۋ، ورنىقتىلىقتى قورعاۋ، حاۋىپ - قاتەرگە توتەپ بەرۋ قابىلەتىن جوعارىلاتۋ.

　　بەسىنشى، جۇڭگوشا سوتسياليستىك اكىمشىلىك تۇزىلىسىنە تاباندى بولىپ جانە ونى كەمەلدەندىرىپ، مىندەت جاۋاپكەرشىلىگى ايقىن، اكىمشىلىكتى زاڭ بويىنشا جۇرگىزەتىن ۇكىمەتتىك جونگە سالۋ جۇيەسىن ورناتۋ

　　مەملەكەتتىك اكىمشىلىك باسقارۋى پارتيا مەن مەملەكەتتىڭ شەشىمدەرى، ورنالاستىرۋلارى بويىنشا ەكونوميكانىڭ، قوعامنىڭ دامۋىن جەبەۋ، قوعامدىق ىستەردى باسقارۋ، حالىق بۇقاراسىنا قىزمەت ەتۋ كەلەلى مىندەت جاۋاپكەرشىلىگىن ارقالاپ وتىر. ءسوز جوق، بارلىق اكىمشىلىك ورگانداردىڭ حالىققا قىزمەت ەتۋىنە، حالىققا جاۋاپتى بولۋىنا، حالىقتىڭ باقىلاۋىندا بولۋىنا تاباندى بولىپ، اكىمشىلىك جۇرگىزۋ تاسىلىندە جاڭالىق اشىپ، اكىمشىلىك ونىمدىلىگىن جوعارىلاتىپ، حالىق رازى بولاتىن قىزمەت وتەۋگە قۇلىقتى ۇكىمەت قۇرۋ.

　　(1) مەملەكەتتىڭ اكىمشىلىك ءتۇزىلىسىن كەمەلدەندىرۋ. مەملەكەت قۇرىلىمدارىنىڭ فۋنكتسياسىن جاقسارتۋدى، سايكەستىرۋدى جانە ونىمدىلىگىن جوعارىلاتۋدى ىلگەرىلەتۋدى كۇش سالۋ ءتۇيىنى ەتىپ، اكىمشىلىك شەشىم جاساۋ، اكىمشىلىك اتقارۋ، اكىمشىلىك ۇيىمداستىرۋ، اكىمشىلىك باقىلاۋ ءتۇزىلىسىن ساپالىلاندىرۋ. تاراۋلاردىڭ سايكەسۋ، سەلبەسۋ مەحانيزمىن اقاۋسىزداندىرىپ، اكىمشىلىك بۇيرىقتى تۇس - تۇستان شىعارۋدان، ساياسات اسەرلەرىنىڭ ءبىرىنىڭ كۇشىن ءبىرى جويۋىنان ساقتانۋ. اكىمشىلىك زاڭ اتقارۋ ءتۇزىلىس رەفورماسىن تەرەڭدەتىپ، قاجەتسىز اكىمشىلىك زاڭ اتقارۋ ىستەرىن ەڭ جوعارى شەكتە ازايتۋ. اكىمشىلىك زاڭ اتقارۋ قوسىندارىن ىشكەرىلەي بىرىكتىرىپ، سالا اتتاپ، تاراۋ اتتاپ كەشەندى زاڭ اتقارۋ جاعىندا ۇزدىكسىز ىزدەنىس جاساپ، زاڭ اتقارۋدىڭ ءتۇيىنىن تومەنگە ويىستىرۋدى جەبەپ، اكىمشىلىك زاڭ اتقارۋ قابىلەتىنىڭ ورەسىن جوعارىلاتۋ. اكىمشىلىك زاڭ اتقارۋ جاۋاپكەرشىلىك ءتۇزىمىن جانە جاۋاپكەرشىلىكتى قۋزاستىرۋ ءتۇزىمىن تياناقتاندىرۋ. اكىمشىلىك باسقارۋ جانە قىزمەت وتەۋ تاسىلىندە جاڭالىق اشىپ، بۇكىل مەملەكەتتىك ءبىر تۇلعالانعان ۇكىمەت ىستەرىنەن قىزمەت وتەۋ تۇعىرى قۇرىلىسىن جەدەل ىلگەرىلەتىپ، قۋاتتى اكىمشىلىك اتقارۋ جۇيەسىن اقاۋسىزداندىرىپ، ۇكىمەتتىڭ اتقارۋ قۋاتى مەن الەۋمەتتىك سەنىمدىلىك قۋاتىن جوعارىلاتۋ.

　　(2) ۇكىمەتتىڭ مىندەت جاۋاپكەرشىلىك جۇيەسىن ساپالىلاندىرۋ. ۇكىمەتتىڭ ەكونوميكانى رەتتەۋ، بازاردى باقىلاۋ - باسقارۋ، قوعامدىق باسقارۋ، الەۋمەتتىك قىزمەت وتەۋ، ەكولوگيالىق ورتانى قورعاۋ سياقتى فۋنكتسيالارىن كەمەلدەندىرىپ، ۇكىمەتتىڭ ۇقىق - جاۋاپكەرشىلىك تىزىمدىگى ءتۇزىمىن اتقارىپ، ۇكىمەت پەن بازاردىڭ، ۇكىمەت پەن قوعامنىڭ قاتىناسىن ايقىنداۋ. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋدى ىشكەرىلەي ىلگەرىلەتىپ، اكىمشىلىك تەكسەرىپ بەكىتۋ ءتۇزىمى رەفورماسىن تەرەڭدەتىپ، شارۋاشىلىق - ساۋدا ورتاسىن جاقسارتىپ، ءتۇرلى بازار تۇلعالارىنىڭ ومىرشەڭدىك كۇشىن قاۋلاتۋ. مەملەكەت دامۋ جوسپارىن ستراتەگيالىق جەتەكشى، قازىنا ساياساتى مەن اقشا ساياساتىن نەگىزگى ءتاسىل ەتكەن، جۇمىستاندىرۋ، كاسىپ، قارجى قوسۋ، تۇتىنۋ، وڭىرلەر سياقتى ساياساتتاردا سايكەسىپ كۇش شىعاراتىن ماكرولىق رەتتەۋ - تىزگىندەۋ ءتۇزىمى جۇيەسىن اقاۋسىزداندىرۋ. مەملەكەتتىڭ كەلەلى دامۋ ستراتەگياسىن جانە ەكونوميكانى، قوعامدى دامىتۋدىڭ ورتا، ۇزاق مەزگىلدىك جوباسى ءتۇزىمىن كەمەلدەندىرۋ. ولشەمدى دە عىلمي، جۇيەلى دە جاريا، تەجەمى پارمەندى مەجە ەسەپ ءتۇزىمىن كەمەلدەندىرۋ. وسى زامانعى ورتالىق بانكە ءتۇزىمىن ورناتىپ، نەگىزگى اقشا ۇسىنىلىمى مەحانيزمىن كەمەلدەندىرىپ، نەگىزدىك ولشەم ءوسىم جانە بازارلانعان ءوسىم جۇيەسىن اقاۋسىزداندىرۋ. بازاردى باقىلاۋ - باسقارۋدى، ساپانى باقىلاۋ - باسقارۋدى، حاۋىپسىزدىكتى باقىلاۋ - باسقارۋدى قاتايتىپ، زاڭعا قايشى ارەكەتتى جازالاۋدى كۇشەيتۋ. الەۋمەتتىك قىزمەت وتەۋ جۇيەسىن كەمەلدەندىرىپ، نەگىزگى الەۋمەتتىك قىزمەت وتەۋدىڭ بىركەلكىلەنۋىن، قولجەتىمدىلىگىن ىلگەرىلەتۋ. ينتەرنەت، ءىرى ساندى مالىمەت، جاساندى زەردە سياقتى تەحنيكالىق تاسىلدەردەن پايدالانىپ اكىمشىلىك باسقارۋ جۇرگىزۋ ءتۇزىم - ەرەجەسىن ورناتۋ، اقاۋسىزداندىرۋ. سيفرلى ۇكىمەت قۇرىلىسىن ىلگەرىلەتىپ، ساندى مالىمەتتەردەن ءتارتىپتى، بىرگە يگىلىكتەنۋدى كۇشەيتىپ، جەكەلىك ينفورماتسيانى زاڭ بويىنشا قورعاۋ.

　　(3) ۇكىمەتتىڭ ۇيىمدىق قۇرىلىمىن ساپالىلاندىرۋ. قۇرىلىمنىڭ، فۋنكتسيانىڭ، ۇقىق شەگىنىڭ، ءتارتىپتىڭ، جاۋاپكەرشىلىكتىڭ زاڭدا بەلگىلەنۋىن ىلگەرىلەتىپ، ۇكىمەت قۇرىلىمىنىڭ ورنالاسۋىن اناعۇرلىم عىلمي، فۋنكتسياسىن اناعۇرلىم ساپالى، ۇقىق - جاۋاپكەرشىلىگىن اناعۇرلىم سايكەسىمدى ەتۋ. قۇرىلىم شتاتىن باسقارۋدى قاتايتىپ، اكىمشىلىك باسقارۋ بايلىعىنان پايدالانۋدى ءبىر تۇتاس جوسپارلاپ، اكىمشىلىكتىڭ وزىندىك قۇنىن ۇنەمدەۋ. اكىمشىلىك وڭىرلەرگە ءبولۋدى، ورنالاستىرۋدى ساپالىلاندىرىپ، سەنترلى قالا مەن قالا شوعىرىنىڭ كەشەندى كوتەرىمدىلىگىن جانە بايلىقتى ساپالىلاندىرىپ جايعاستىرۋ قۋاتىن جوعارىلاتىپ، جازىق بەتتى باسقارۋ جۇرگىزىپ، جوعارى ءونىمدى ۇيىمدىق جۇيە قالىپتاستىرۋ.

　　(4) ورتالىق پەن جەرگىلىكتى ورىن ەكەۋىنىڭ بەلسەندىلىگىن تولىق ساۋلەلەندىرەتىن ءتۇزىلىس - مەحانيزمىن اقاۋسىزداندىرۋ. ورتالىق پەن جەرگىلىكتى ورىننىڭ ۇقىق - جاۋاپكەرشىلىك قاتىناسىن سالالاپ، ورتالىقتىڭ ماكرولىق ىستەردى باسقارۋىن كۇشەيتىپ، مەملەكەت زاڭ - ءتۇزىمىنىڭ بىرلىگىن، ۇكىمەت بۇيرىعىنىڭ بىرلىگىن، بازاردىڭ بىرلىگىن قورعاۋ. ورتالىقتىڭ ءبىلىم مەنشىك ۇقىعىن قورعاۋ، قارتتاردى كۇتىمدەۋ قامسىزداندىرۋى، ءوڭىر اتتاعان ەكولوگيالىق ورتانى قورعاۋ سياقتى جاقتارداعى ءىس ۇقىعىن ۇيلەسىمدى كۇشەيتىپ، ورتالىق پەن جەرگىلىكتى ورىننىڭ بىرگە جۇرگىزەتىن ءىس ۇقىعىن ازايتۋ ءارى ارناعا ءتۇسىرۋ. جەرگىلىكتى ورىنعا اناعۇرلىم كوپ وزىندىك ۇقىق بەرىپ، جەرگىلىكتى ورىننىڭ قىزمەتتى جاسامپازدىقپەن ورىستەتۋىنە قولداۋ كورسەتۋ. ۇقىق - جاۋاپكەرشىلىك بىردەي بولۋ پرينسيبى بويىنشا، تىك باعدارلى باسقارۋ ءتۇزىلىسى مەن جەرگىلىكتى ورىننىڭ دارەجەگە ءبولىپ باسقارۋ ءتۇزىلىسىن ارناعا ءتۇسىرۋ. ۇكىمەت ارا ءىسى ۇقىعى مەن قازىنا ۇقىعى ءبولىسىن ساپالىلاندىرىپ، ۇقىق - جاۋاپكەرشىلىگى ايقىن، قازىنالىق كۇشى سايكەسىمدى، وڭىرلەر ارا بىركەلكى ورتالىق پەن جەرگىلىكتى ورىن قازىنا قاتىناسىن ورناتىپ، ءار دارەجەلى ۇكىمەت ءىس ۇقىعى، شىعىس جاۋاپكەرشىلىگى جانە قازىنا قۋاتى ءوزارا ۇيلەسكەن ورنىقتى ءتۇزىم ورناتۋ. ورتالىقتان جەرگىلىكتى ورىنعا دەيىنگى ۇقىق - جاۋاپكەرشىلىگى ايقىن، اينالىمى ىركىلىسسىز، ومىرشەڭدىك كۇشكە تولى قىزمەت جۇيەسىن قۇرۋ.

　　التىنشى، سوتسياليستىك نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، ەكونوميكانىڭ جوعارى ساپالى دامۋىن ىلگەرىلەتۋ

　　جالپىلىق مەنشىكتى نەگىزگى تۇلعا ەتكەن، كوپ ءتۇرلى مەنشىكتەگى شارۋاشىلىق بىرگە داميتىن، ەڭبەگىنە قاراي ءبولىس جاساۋدى نەگىزگى تۇلعا ەتكەن، كوپ ءتۇرلى ءبولىس ءتۇزىمى بىرگە ءومىر سۇرەتىن، سوتسياليستىك بازار شارۋاشىلىعى ءتۇزىلىسى سياقتى سوتسياليستىك نەگىزگى شارۋاشىلىق ءتۇزىمى، سوتسياليستىك ءتۇزىمنىڭ ابزالدىلىعىن ايگىلەۋمەن بىرگە، ەلىمىزدىڭ سوتسياليزمنىڭ باستاپقى كەزەڭىندەگى قوعامدىق وندىرگىش كۇشىنىڭ دامۋ ورەسىمەن دە سايكەستى، ول پارتيا مەن حالىقتىڭ ۇلى جاسامپازدىعى. ءسوز جوق، سوتسياليستىك نەگىزگى شارۋاشىلىق تۇزىمىنە تاباندى بولىپ، بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، جاڭا دامۋ ۇستانىمىن جان - جاقتى دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن جازباي، وسىزاماندانعان شارۋاشىلىق جۇيەسىن جەدەل ورناتۋ.

　　(1) جالپىلىق مەنشىكتەگى شارۋاشىلىقتى مىزعىماستان بەكەمدەۋ جانە دامىتۋ، جالپىلىق مەنشىككە جاتپايتىن شارۋاشىلىقتى دامىتۋدى مىزعىماستان شابىتتاندىرۋ، قولداۋ كورسەتۋ، جەتەكتەۋ. جالپىلىق مەنشىكتىڭ كوپ ءتۇرلى جۇزەگە اسۋ فورماسىنا ىزدەنىس جاساپ، مەملەكەت مەنشىگىندەگى شارۋاشىلىقتىڭ ورنالاسۋىن ساپالىلاندىرۋدى جانە قۇرىلىمىن رەتتەۋدى ىلگەرىلەتىپ، ارالاس مەنشىكتەگى شارۋاشىلىقتى دامىتىپ، مەملەكەت مەنشىگىندەگى شارۋاشىلىقتىڭ باسەكەلىك قۋاتىن، جاسامپازدىق قۋاتىن، تىزگىندەۋ قۋاتىن، ىقپال قۋاتىن، حاۋىپ - قاتەرگە توتەپ بەرۋ قۋاتىن كۇشەيتىپ، مەملەكەت مەنشىگىندەگى كاپيتالدى كۇشەيتۋ، ساپالىلاندىرۋ، ۇلعايتۋ. مەملەكەت مەنشىگىندەگى كاسىپورىندار رەفورماسىن تەرەڭدەتىپ، جۇڭگوشا ەرەكشەلىككە يە وسى زامانعى كاسىپورىن ءتۇزىمىن كەمەلدەندىرۋ. كاپيتالدى باسقارۋدى نەگىز ەتكەن مەملەكەت مەنشىگىندەگى مال - مۇلىكتى باقىلاۋ - باسقارۋ ءتۇزىلىسىن قالىپتاستىرىپ، مەملەكەت مەنشىگىندەگى كاپيتالدىڭ قارجى قوسۋ، تيجارات سەرىكتەستىكتەردىڭ يقۋاتىن، رولىن ۇتىمدى ساۋلەلەندىرۋ. حالىقتىق شارۋاشىلىقتىڭ، شەتەل ساۋداگەرلەرى قارجى قوسقان كاسىپورىنداردىڭ دامۋىنا قولداۋ كورسەتەتىن زاڭمەن جونگە سالۋ ورتاسىن اقاۋسىزداندىرىپ، ەتەنە - ايقىن ۇكىمەت - ساۋدا قاتىناسىنىڭ ساياساتتىق جۇيەسىن كەمەلدەندىرىپ، ورناتىپ، ورتا، شاعىن كاسىپورىنداردىڭ دامۋىنا قولداۋ كورسەتۋ ءتۇزىمىن اقاۋسىزداندىرىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىقپەن اينالىساتىن قايراتكەرلەردىڭ اقاۋسىز ەسەيۋىن جەبەۋ. ءتۇرلى مەنشىكتەگى تۇلعالاردىڭ بايلىق فاكتورلارىن زاڭ بويىنشا تەپە - تەڭ پايدالاناتىن، باسەكەگە جاريا، ءادىل، تۋراشىلدىقپەن قاتىناساتىن، زاڭنىڭ قورعاۋىندا بىردەي بولاتىن بازار ورتاسىن قالىپتاستىرۋ. اۋىل - قىستاقتاردىڭ كوللەكتيۆ مال - مۇلىك ۇقىعى ءتۇزىمى رەفورماسىن تەرەڭدەتىپ، اۋىل - قىستاق كوللەكتيۆ شارۋاشىلىقتى دامىتىپ، اۋىل - قىستاق نەگىزگى تيجارات ءتۇزىمىن كەمەلدەندىرۋ.

　　(2) ەڭبەگىنە قاراي ءبولىس جاساۋدى نەگىزگى تۇلعا ەتۋگە، كوپ ءتۇرلى ءبولىس ءتاسىلى بىرگە ءومىر سۇرۋگە تاباندى بولۋ. كوپ ىستەگەن كوپ الۋعا تاباندى بولىپ، ەڭبەك تابىسىن قورعاۋعا ءمان بەرىپ، ەڭبەكشىلەردىڭ، اسىرەسە، ءبىرىنشى شەپتەگى ەڭبەكشىلەردىڭ ەڭبەكاقىسىن مولايتىپ، ەڭبەكاقىنىڭ باستاپقى بولىستەگى ارا سالماعىن جوعارىلاتۋ. ەڭبەك، كاپيتال، جەر، ءبىلىم، تەحنيكا، باسقارۋ، ساندى مالىمەت سياقتى ءوندىرىس فاكتورلارىنىڭ ۇلەسىن بازار باعالاۋ، ۇلەسىنە قاراي ەڭبەكاقىنى ۇيعارۋ مەحانيزمىن اقاۋسىزداندىرۋ. سالىق، قوعامدىق قامتاماسىزداندىرۋ، اۋىستىرىپ تولەۋ سياقتىلاردى نەگىزگى ءتاسىل ەتكەن قايتالاي ءبولىستى رەتتەۋ مەحانيزمىن اقاۋسىزداندىرىپ، سالىقتى رەتتەۋدى كۇشەيتىپ، تىكە سالىق ءتۇزىمىن كەمەلدەندىرۋ ءارى ارا سالماعىن بىرتىندەپ جوعارىلاتۋ. قاتىستى تۇزىمدەر مەن ساياساتتاردى كەمەلدەندىرۋ. قالا مەن اۋىل، وڭىرلەر، تۇرلىشە قاۋىم اراسىنداعى ءبولىس قاتىناسىن ۇيلەسىمدى رەتتەۋ. 3 - رەتكى ءبولىستىڭ رولىن ساۋلەلەندىرۋگە باسا ءمان بەرىپ، قايىر - ساحابات سياقتى قوعامدىق الەۋمەتتىك يگىلىك ىستەرىن دامىتۋ. قاجىرلى ەڭبەگى ارقىلى بايۋعا شابىتتاندىرىپ، زاڭدى كىرىستى قورعاپ، تومەن كىرىستىلەردىڭ كىرىسىن ارتتىرىپ، ورتا كىرىستى قاۋىمدى كوبەيتىپ، شەكتەن تىس جوعارى كىرىستى رەتتەپ، جاسىرىن كىرىستى اداقتاپ، ارناعا ءتۇسىرىپ، زاڭسىز كىرىستى كۇشىنەن قالدىرۋ.

　　(3) سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرۋ. جوعارى ولشەمدى بازار جۇيەسىن قۇرىپ، ءادىل باسەكە ءتۇزىمىن كەمەلدەندىرىپ، بازارعا كىرۋگە رۇقسات ەتۋدىڭ ۇنامسىز ءتىزىم ءتۇزىمىن جاپپاي اتقارىپ، ءوندىرىس رۇقسات تۇزىمىنە رەفورما جۇرگىزىپ، كۇيرەۋ ءتۇزىمىن اقاۋسىزداندىرۋ. باسەكە ساياساتىنىڭ نەگىزدىك ورنىن كۇشەيتىپ، ءادىل باسەكەنى تەكسەرۋ ءتۇزىمىن تياناقتاندىرىپ، مونوپولداۋعا قارسى تۇرۋ جانە ورىنسىز باسەكەگە قارسى تۇرۋ بويىنشا زاڭ اتقارۋدى كۇشەيتۋ جانە جاقسارتۋ. ادىلدىكتى پرينسيپ ەتكەن مال - مۇلىك ۇقىعىن قورعاۋ ءتۇزىمىن اقاۋسىزداندىرىپ، ءبىلىم مەنشىگى ۇقىعىنا قول سۇعۋعا قاتىستى جازالاۋ سيپاتتى تولەم ءتۇزىمىن ورناتىپ، كاسىپورىننىڭ ساۋدا قۇپياسىن قورعاۋدى كۇشەيتۋ. فاكتور بازارى ءتۇزىمى قۇرىلىسىن ىلگەرىلەتىپ، فاكتور باعاسىن بازار بەلگىلەۋدى، جىلجۋدىڭ دەربەس، ءتارتىپتى بولۋىن، جايعاسۋىن جوعارى ءونىمدى، ءادىل بولۋىن جۇزەگە اسىرۋ. تۇتىنۋشىلاردىڭ ۇقىق - مۇددەسىن قورعاۋدى كۇشەيتىپ، كوللەكتيۆ ارىز - شاعىم بەرۋ ءتۇزىمىن ورناتۋ جونىندە ىزدەنىس جاساۋ. كاپيتال بازارىنىڭ نەگىزدىك ءتۇزىم قۇرىلىسىن كۇشەيتىپ، جوعارى ۇيلەسىمدىلىككە، باسەكەلىك قۋاتقا، جالپىعا تيىمدىلىك سيپاتقا يە وسى زامانعى فينانس جۇيەسىن اقاۋسىزداندىرىپ، فينانس حاۋىپ - قاتەرىنەن ءونىمدى تۇردە ساقتانۋ جانە ونى جويۋ. ەكونوميكانى جونگە سالۋدىڭ نەگىزدىك ساندى مالىمەت قامباسىن ساپالىلاندىرۋ. وزىق جاساۋ كاسىبىن دامىتۋدى، ناقتى ەكونوميكانى گۇلدەندىرۋدى ىلگەرىلەتەتىن ءتۇزىلىس - مەحانيزمدى اقاۋسىزداندىرۋ. اۋىل - قىستاقتى گۇلدەندىرۋ ستراتەگياسىن اتقارىپ، اۋىل شارۋاشىلىعىن، اۋىل - قىستاقتى الدىمەن دامىتۋدىڭ جانە مەملەكەتتىڭ استىق حاۋىپسىزدىگىن قامتاماسىز ەتۋدىڭ ءتۇزىم - ساياساتىن كەمەلدەندىرىپ، قالا مەن اۋىلدىڭ توعىسپالى دامۋ ءتۇزىلىس - مەحانيزمىن اقاۋسىزداندىرۋ. وڭىرلەردىڭ سايكەسە دامۋىنىڭ جاڭا مەحانيزمىن قۇرىپ، تۇلعالىق يقۋاتى كورنەكتى، باسىمدىلىقتار ارقىلى ءبىرىن - ءبىرى تولىقتايتىن، جوعارى ساپالى داميتىن وڭىرلىك ەكونوميكالىق جايعاسۋدى قالىپتاستىرۋ.

　　(4) عىلىم - تەحنيكادا جاڭالىق اشۋ ءتۇزىلىس - مەحانيزمىن كەمەلدەندىرۋ. عىلىم رۋحىن جانە ۇستالىق رۋحتى اسقاقتاتىپ، جاڭاشىل مەملەكەتتى جەدەل قۇرىپ، مەملەكەت ستراتەگياسىنىڭ عىلىم - تەحنيكالىق كۇشىن نىعايتىپ، مەملەكەتتىك تاجىريبەحانا جۇيەسىن اقاۋسىزداندىرىپ، سوتسياليستىك بازار شارۋاشىلىعى شارت - جاعدايىندا شەشۋشى وزەكتى تەحنيكالاردان قامال الاتىن جاڭاشا بۇكىل مەملەكەتتىك ءتۇزىلىستى ورناتۋ. نەگىزدىك زەرتتەۋگە ۇسىنىلىمدى كۇشەيتىپ، نەگىزدىك زەرتتەۋگە، ءتول جاسامپازدىققا شابىت بەرۋ، قولداۋ ءتۇزىلىس - مەحانيزمىن اقاۋسىزداندىرۋ. كاسىپورىندى تۇلعا، بازاردى بەتالىس ەتكەن، ءوندىرىس، وقىتۋ، زەرتتەۋ تەرەڭ توعىسقان تەحنيكالىق جاڭالىق اشۋ جۇيەسىن ورناتىپ، ءىرى، ورتا، شاعىن كاسىپورىندار مەن ءتۇرلى تۇلعالاردىڭ توعىسا جاڭالىق اشۋىن قولداپ، عىلىم - تەحنيكا جەتىستىكتەرىن كادەگە جاراتۋدى جەبەۋ مەحانيزمىنە جاڭالىق ەنگىزىپ، جاڭا قوزعاۋشى قۋاتتى بەلسەنە دامىتىپ، ولشەم ارقىلى جەتەكتەۋدى كۇشەيتىپ، كاسىپتەردىڭ نەگىزدىك قۋاتىن جانە كاسىپ تىزبەگىن وسىزامانداندىرۋ دەڭگەيىن ءوسىرۋ. عىلىم - تەحنيكا دارىندىلارىن بايقاۋ، باۋلۋ، شابىتتاندىرۋ مەحانيزمىن كەمەلدەندىرىپ، عىلمي زەرتتەۋ زاڭدىلىعىنا ۇيلەسەتىن عىلىم - تەحنيكالىق باسقارۋ ءتۇزىلىسىن جانە ساياسات جۇيەسىن اقاۋسىزداندىرىپ، عىلىم - تەحنيكانى باعالاۋ جۇيەسىنە وزگەرىس ەنگىزىپ، عىلىم - تەحنيكا ەتيكاسىن جونگە سالۋ ءتۇزىلىسىن اقاۋسىزداندىرۋ.

　　(5) اناعۇرلىم جوعارى دەڭگەيدەگى اشىق ەكونوميكا جاڭا ءتۇزىلىسىن ورناتۋ. اناعۇرلىم زور كولەم، اناعۇرلىم كەڭ سالا، اناعۇرلىم تەرەڭ ساتىداعى جان - جاقتى ەسىك اشۋدى اتقارىپ، جاساۋ كاسىبىندە، قىزمەت وتەۋ كاسىبىندە، اۋىل شارۋاشىلىعىندا ەسىكتى ايقارا اشۋدى ىلگەرىلەتىپ، شەتەل قارجىسىنىڭ زاڭدى ۇقىق - مۇددەسىن قورعاپ، ەلىمىزبەن شەتەل قارجى قوسقان كاسىپورىنداردىڭ ءادىل باسەكەسىن جەبەپ، سىرتقى ساۋدانىڭ كوپ نەگىزدەنۋىن كەڭەيتىپ، حالىق اقشاسىنىڭ حالىقارالانۋىن نىق قاداممەن ىلگەرىلەتۋ. شەتەل ساۋداگەرلەرى قارجىسىنىڭ كىرۋدەن بۇرىن ازاماتتىق مارتەبە بەرۋ جانە ۇنامسىز ءتىزىم بويىنشا باسقارۋ ءتۇزىمىن اقاۋسىزداندىرىپ، ەرەجە، ەرەجە ءتۇزىم، باسقارۋ، ولشەم سياقتى تۇزىمدىك اشىق ۇستاۋدى ىلگەرىلەتۋ. شەتەلگە قارجى قوسۋ ساياساتىن جانە قىزمەت وتەۋ جۇيەسىن اقاۋسىزداندىرۋ جانە ونى جەبەۋ. ەركىن ساۋدا سىناق رايونى، ەركىن ساۋدا پورتى سياقتى سىرتقا ەسىك اشۋداعى شوقتىقتى جەرلەر قۇرىلىسىن جەدەلدەتۋ. حالىقارالىق ماكرولىق ەكونوميكالىق ساياساتتى سايكەستىرۋ مەحانيزمىن ورناتۋدى ىلگەرىلەتۋ. شەتەل ساۋداگەرلەرىنىڭ قارجىسىنىڭ مەملەكەت حاۋىپسىزدىگى بويىنشا تەكسەرۋ، مونوپولداۋعا قارسى تۇرۋ بويىنشا تەكسەرۋ، مەملەكەتتىڭ تەحنيكالىق حاۋىپسىزدىك ءتىزىمى بويىنشا باسقارۋ، سەنىمسىز ناقتى تۇلعالار ءتىزىمى سياقتى تۇزىمدەردى اقاۋسىزداندىرۋ. شەتەلدەرگە ساياتىن ەكونوميكا - ساۋدا زاڭى مەن قاعيدا جۇيەسىن كەمەلدەندىرۋ.

　　جەتىنشى، سوتسياليستىك وزىق مادەنيەتتى گۇلدەندىرۋ، دامىتۋ تۇزىمىنە تاباندى بولىپ جانە ونى كەمەلدەندىرىپ، بۇكىل حالىقتىڭ ىنتىماقتاسا كۇرەس جۇرگىزۋىنىڭ ورتاق يدەيالىق نەگىزىن بەكەمدەۋ

　　سوتسياليستىك وزىق مادەنيەتتى دامىتۋ، حالىقتىڭ رۋحاني كۇشىن كەڭىنەن ۇيىستىرۋ − مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ مىعىم تىرەگى. ءسوز جوق، مادەنيەت سەنىمىن بەكەمدەپ، سوتسياليستىك وزىق مادەنيەتتىڭ العا باسۋ بەتالىسىن مىقتاپ يگەرىپ، تۋ ۇستاۋ، جۇرت تىلەگىن توعىستىرۋ، جاڭا ادام تاربيەلەۋ، مادەنيەتتى وركەندەتۋ، وبرازدى ايگىلەۋ سىندى بورىش - مىندەتتى ارقاۋ ەتىپ، حالىق ءۇشىن قىزمەت ەتۋگە، سوتسياليزم ءۇشىن قىزمەت ەتۋگە تاباندى بولىپ، بارشا گۇل شەشەك اتۋعا، جالپى جارىسا ءۇن قاتۋعا تاباندى بولىپ، جاسامپازدىقپەن كادەگە جاراتۋعا، جاسامپازدىقپەن دامىتۋعا تاباندى بولىپ، بۇكىل ۇلتتىڭ مادەنيەت جاسامپازدىق ومىرشەڭدىگىن قاۋلاتىپ، جۇڭگو رۋحىن، جۇڭگو قۇنىن، جۇڭگو كۇشىن اناعۇرلىم ويداعىداي سومداۋ كەرەك.

　　(1) ماركسيزمنىڭ يدەولوگيا سالاسىنداعى جەتەكشى ورنى سىندى ءتۇبىرلى تۇزىمگە تاباندى بولۋ. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، تياناقتاندىرىپ، پارتيانىڭ جاسامپاز نازارياسىمەن بۇكىل پارتيانى قارۋلاندىرۋ، حالىقتى تاربيەلەۋ قىزمەت جۇيەسىن اقاۋسىزداندىرىپ، پارتكومنىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى سياقتى ءارقايسى دارەجەلى ۇيرەنۋ ءتۇزىمىن كەمەلدەندىرىپ، ينتەرنەتتەگى ۇيرەنۋ تۇعىرىن قۇرۋ جانە ودان ويداعىداي پايدالانۋ. ماركسيزم نازارياسىن زەرتتەۋ جانە گۇلدەندىرۋ قۇرىلىسىن ىشكەرىلەي اتقارىپ، ماركسيزمدى جەتەكشى ەتۋگە تاباندى بولۋدى يدەيا - نازاريا قۇرىلىسىنىڭ، فيلوسوفيا، قوعامدىق عىلىمدار زەرتتەۋىنىڭ، وقۋ - اعارتۋ، وقىتۋدىڭ ءار جاعىندا جاپپاي تياناقتاندىرۋ. مەكتەپتەردىڭ يدەيا - ساياسي تاربيەسىن كۇشەيتىپ جانە جاقسارتىپ، جالپى ادامدى قامتىعان، جالپى بارىستىق، جان - جاقتىلى ادام تاربيەلەۋ ءتۇزىلىس - مەحانيزمىن ورناتۋ. يدەولوگيا قىزمەتى جاۋاپكەرشىلىك ءتۇزىمىن تياناقتاندىرىپ، ساياسي پرينسيپتىك ماسەلەلەردى، يدەيالىق تانىمدىق ماسەلەلەردى، ءىلمي كوزقاراستىق ماسەلەلەردى پارىقتاۋعا كوڭىل ءبولىپ، ءار ءتۇرلى قاتە كوزقاراستارعا ايقىن تۋ ۇستاي وتىرىپ قارسى تۇرۋ جانە ونى تەجەۋ كەرەك.

　　(2) سوتسياليستىك وزەكتى قۇن كوزقاراسىمەن مادەنيەت قۇرىلىسىنا جەتەكشىلىك ەتۋ تۇزىمىنە تاباندى بولۋ. مۇرات - سەنىم تاربيەسىنىڭ ۇدايىلانۋىن، تۇزىمدەنۋىن ىلگەرىلەتىپ، ۇلت رۋحى مەن ءداۋىر رۋحىن اسقاقتاتىپ، پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى تاربيەسىن كۇشەيتىپ، وتانشىلدىق، كوللەكتيۆيزم، سوتسياليزم تاربيەسىن كۇشەيتىپ، ازاماتتىق ءمورال قۇرىلىسى ينجەنەرياسىن اتقارىپ، جاڭا داۋىردەگى وركەنيەت امالياتى ورتالىعى قۇرىلىسىن ىلگەرىلەتۋ. مەملەكەتتى زاڭمەن جونگە سالۋ مەن مەملەكەتتى مورالمەن جونگە سالۋدى ۇشتاستىرۋعا تاباندى بولىپ، سوتسياليستىك وزەكتى قۇن كوزقاراسىن اسقاقتاتۋدىڭ زاڭ - ساياسات جۇيەسىن كەمەلدەندىرىپ، سوتسياليستىك وزەكتى قۇن كوزقاراسىنىڭ تالاپتارىن زاڭمەن جونگە سالۋ قۇرىلىسىمەن جانە قوعامدىق جونگە سالۋمەن توعىستىرىپ، حالىقتىق وقۋ - اعارتۋدىڭ، رۋحاني وركەنيەتتى ورىن قۇرۋدىڭ، مادەنيەت ونىمدەرىن جاراتۋعا، ءوندىرۋدىڭ تۇتاس بارىسىندا ايگىلەۋ. جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ، دامىتۋ ينجەنەرياسىن ىلگەرىلەتۋ. جاستار مەن ورەندەردىڭ مۇرات - سەنىم تاربيەسىن تەڭ يگەرىپ، بىرگە باسقارۋ مەحانيزمىن كەمەلدەندىرۋ. ەرىكتى قىزمەت وتەۋ جۇيەسىن اقاۋسىزداندىرىپ، سەنىمدىلىك قۇرىلىسىنىڭ باياندى مەحانيزمىن كەمەلدەندىرىپ، بۇكىل قوعامدى قامتىعان سەنىمدىلىك جۇيەسىن اقاۋسىزداندىرىپ، سەنىمى كەتكەندەردى جازالاۋدى كۇشەيتۋ.

　　(3) حالىقتىڭ مادەنيەت ۇقىق - مۇددەسىن قامتاماسىزداندىرۋ ءتۇزىمىن اقاۋسىزداندىرۋ. حالىقتى وزەك ەتكەن قىزمەت بەتالىسىنا تاباندى بولىپ، مادەنيەت ونىمدەرىن جاراتۋعا، وندىرۋگە، تاراتۋعا جەتەكشىلىك ەتۋ، شابىتتاندىرۋ مەحانيزمىن كەمەلدەندىرىپ، حالىق بۇقاراسى ۇناتاتىن اناعۇرلىم كوپ مادەنيەت سارا تۋىندىلارىن العا قويۋ. قالا مەن اۋىلدىڭ الەۋمەتتىك مادەنيەت قىزمەت وتەۋ جۇيەسىن كەمەلدەندىرىپ، قالا مەن اۋىلدىڭ مادەنيەت بايلىعىن جايعاستىرۋدى ساپالىلاندىرىپ، نەگىزگى ساتىدا مادەنيەت ارقىلى حالىققا تيىمدىلىك جاساۋ ينجەنەرياسىنىڭ قامتۋ اياسىن كەڭەيتۋدى، ناقتى ءىس جۇزىندىك ونىمدىلىگىن كۇشەيتۋدى ىلگەرىلەتىپ، بۇقارالىق مادەنيەت قيمىلدار ورىستەتۋدى قولداۋ مەحانيزمىن اقاۋسىزداندىرىپ، قوعامدىق كۇشتەردى الەۋمەتتىك مادەنيەت قىزمەت وتەۋ جۇيەسى قۇرىلىسىنا ات سالىسۋعا شابىتتاندىرۋ.

　　(4) دۇرىس بەتالىسقا تاباندى بولعان قوعامدىق پىكىرگە جەتەكشىلىك ەتۋ قىزمەت مەحانيزمىن كەمەلدەندىرۋ. پارتيا اقپارات قۇرالدارىن باسقارۋ پرينسيبىنە تاباندى بولىپ، ىنتىماقتاستىرۋدى، ورنىقتىرۋدى، جىگەرلەندىرۋدى، ۇنامدى جاقتان ۇگىتتەۋدى نەگىز ەتۋگە تاباندى بولىپ، نەگىزگى اۋەندى شارىقتاتۋ، وڭ ەنەرگيانى اسقاقتاتۋ. جەلىدە جانە جەلىدەن سىرت ءبىر تۇلعالانعان، ىشكى ۇگىت پەن سىرتقى ۇگىت بىرلەسىپ قيمىلدايتىن نەگىزگى قوعامدىق پىكىر جۇيەسىن ورناتىپ، مازمۇن قۇرىلىسىن ءتۇبىرلى نەگىز، وزىق تەحنيكانى تىرەك، جاسامپازدىقپەن باسقارۋدى كەپىل ەتكەن جالپىلىق اقپارات قۇرالىندىق تاراتۋ جۇيەسىن قۇرۋ. ۇنامدى جاقتاعى ۇگىتتى جاقسارتىپ جانە ودان جاڭالىق اشىپ، قوعامدىق پىكىردى باقىلاۋ ءتۇزىمىن كەمەلدەندىرىپ، كەلەلى جۇرت اۋانىنا جانە توسىن وقيعالارعا قاتىستى قوعامدىق پىكىرگە جەتەكشىلىك ەتۋ مەحانيزمىن اقاۋسىزداندىرۋ. ينتەرنەتتى جان - جاقتى جونگە سالۋ جۇيەسىن ورناتىپ، اقاۋسىزداندىرىپ، ينتەرنەت مازمۇنى قۇرىلىسىن كۇشەيتىپ جانە ودان جاڭالىق اشىپ، ينتەرنەت كاسىپورىندارىنىڭ ينفورماتسياسىن باسقارۋدىڭ تۇلعالىق جاۋاپكەرشىلىگىن تياناقتاندىرىپ، ينتەرنەتتى جونگە سالۋ قابىلەتىن جاپپاي جوعارىلاتىپ، تازا ينتەرنەت كەڭىستىگىن قالىپتاستىرۋ.

　　(5) قوعامدىق ونىمدىلىكتى ماڭداي الدى ورىنعا قوياتىن، قوعامدىق ونىمدىلىك پەن ەكونوميكالىق ونىمدىلىك ءوزارا بىرلىككە كەلگەن مادەنيەت جاسامپازدىعى، ءوندىرىسى ءتۇزىلىس - مەحانيزمىن ورناتۋ، اقاۋسىزداندىرۋ. مادەنيەت ءتۇزىلىسى رەفورماسىن تەرەڭدەتىپ، سوتسياليستىك وزىق مادەنيەتتىڭ دامۋ زاڭدىلىعىنا بويسۇناتىن، سوتسياليستىك بازار شارۋاشىلىعىنىڭ تالاپتارىن ايگىلەيتىن، مادەنيەتتىڭ جاڭالىق اشۋ، جاسامپازدىق ومىرشەڭدىك كۇشىن قاۋلاتۋعا ءتيىمدى مادەنيەت باسقارۋ ءتۇزىلىسى مەن ءوندىرىس - تيجارات مەحانيزمىن جەدەل كەمەلدەندىرۋ. وسى زامانعى مادەنيەت كاسىبى جۇيەسى مەن بازار جۇيەسىن اقاۋسىزداندىرىپ، جوعارى ساپالى دامۋدى بەتالىس ەتكەن مادەنيەت ەكونوميكاسى ساياساتىن كەمەلدەندىرۋ. مادەنيەت كاسىپورىندارىنىڭ قوعامدىق جاۋاپكەرشىلىكتى اتقارۋ ءتۇزىمىن كەمەلدەندىرىپ، جاڭاشا مادەنيەت كۇيىنىڭ اقاۋسىز دامۋىنا جەتەكشىلىك ەتەتىن مەحانيزمدى اقاۋسىزداندىرۋ. مادەنيەت پەن ساياحات توعىسپالى داميتىن ءتۇزىلىس - مەحانيزمدى كەمەلدەندىرۋ. ادەبيەت - كوركەمونەر جاسامپازدىعىنا جەتەكشىلىك ەتۋدى كۇشەيتىپ، ساپانى، وزىندىك ستيلدى، جاۋاپكەرشىلىكتى دارىپتەيتىن، تۇرپايىلىقتى، دورەكىلىكتى، جوراشىلدىقتى تەجەيتىن قىزمەت مەحانيزمىن كەمەلدەندىرۋ.

　　سەگىزىنشى، قالا مەن اۋىلدى ءبىر تۇتاس جوسپارلاعان حالىق تۇرمىسىن قامتاماسىز ەتۋ تۇزىمىنە تاباندى بولىپ جانە ونى كەمەلدەندىرىپ، حالىقتىڭ كۇن سايىن ارتىپ وتىرعان تاماشا تۇرمىسقا دەگەن سۇرانىسىن قاناعاتتاندىرۋ

　　حالىقتىڭ ىرىس - قۇتىن ارتتىرۋ، ادامداردىڭ جان - جاقتى دامۋىن جەبەۋ − پارتيامىزدىڭ پارتيانى جالپى ءۇشىن قۇرۋىنىڭ، بيلىكتى حالىق ءۇشىن جۇرگىزۋىنىڭ ماندىك تالابى. ءسوز جوق، وقۋ جاسىنا دەيىنگى تاربيەدەن، ءبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن، زارۋلەردى كومەكتەن يگىلىكتەندىرۋ سياقتى جاقتارداعى مەملەكەتتىڭ نەگىزگى الەۋمەتتىك قىزمەت وتەۋ ءتۇزىمى جۇيەسىن اقاۋسىزداندىرىپ، بار كۇشىن سالۋ، شاماسىنا قاراي ىستەۋ، جالپىعا ءتيىمدى، نەگىزدىك، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتۋگە باسا ءمان بەرىپ، بۇقارانىڭ نەگىزگى تۇرمىسىن قامتاماسىز ەتۋ. الەۋمەتتىك قىزمەت وتەۋمەن قامداۋ تاسىلىندە جاڭالىق اشىپ، قوعامداعى كۇشتەردى الەۋمەتتىك يگىلىك ىستەرىن جۇرگىزۋگە شابىتتاندىرىپ، قولداۋ كورسەتىپ، حالىق بۇقاراسىنىڭ كوپ ساتىلى، الۋان ءتۇرلى سۇرانىسىن قاناعاتتاندىرىپ، رەفورمانىڭ، دامۋدىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ.

　　(1) اناعۇرلىم تولىق، اناعۇرلىم جوعارى ساپالى جۇمىستاندىرۋعا ءتيىمدى جەبەۋ مەحانيزمىن اقاۋسىزداندىرۋ. جۇمىستاندىرۋعا تاباندى بولۋ − حالىق تۇرمىسىنىڭ نەگىزى، جۇمىستاندىرۋدى الدىڭعى ورىنعا قويۋ ساياساتىن اتقارىپ، اناعۇرلىم كوپ جۇمىس ورنىن جاراتۋ. الەۋمەتتىك جۇمىستانۋعا قىزمەت وتەۋ جانە عۇمىرلىق كاسىپتىك شەبەرلىككە باۋلۋ ءتۇزىمىن اقاۋسىزداندىرىپ، ءتۇيىندى قاۋىمنىڭ جۇمىستانۋىن قولداۋ جۇيەسىن كەمەلدەندىرۋ. شارۋاشىلىق قۇرۋ ارقىلى جۇمىستانۋدى جەبەۋگە جەتەكشىلىك ەتۋ، كوپ ارنامەن يكەمدى جۇمىستاندىرۋ مەحانيزمىن ورناتىپ، جۇمىستانۋى قيىن بولعاندارعا تومەنگى شەكتەن تۇسىرمەي كومەكتەسۋ - سۇيەمەلدەۋ. جۇمىستانۋداعى قاقپايلاۋدان باتىل ساقتانىپ جانە ونى تۇزەتىپ، ءادىل جۇمىستانۋدىڭ تۇزىمدىك ورتاسىن جاراتۋ. ەڭبەك قاتىناسىن سايكەستىرۋ مەحانيزمىن اقاۋسىزداندىرىپ، جاراسىمدى ەڭبەك قاتىناسىن ورناتىپ، قالىڭ ەڭبەكشىلەردىڭ ابىرويلى ەڭبەكپەن شۇعىلدانۋىن، جان - جاقتى دامۋىن جەبەۋ.

　　(2) جالپى حالىقتىڭ ءومىر بويى ۇيرەنۋىنە قىزمەت وتەيتىن وقۋ - اعارتۋ جۇيەسىن ورناتۋ. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، وقۋ - اعارتۋدى الدىمەن دامىتۋعا تاباندى بولىپ، نازاردى حالىق رازى بولاتىن وقۋ - اعارتۋدى ويداعىداي جۇرگىزۋگە شوعىرلاندىرىپ، ونەگە كورسەتىپ ادام تاربيەلەۋ ءتۇزىلىس - مەحانيزمىن كەمەلدەندىرىپ، وقۋ - اعارتۋ سالاسىنداعى جان - جاقتى رەفورمانى تەرەڭدەتىپ، ۇستازدىق ءمورال، ۇستازدىق ستيل قۇرىلىسىن كۇشەيتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ. قالا مەن اۋىلدىڭ مىندەتتى وقۋ - اعارتۋىنىڭ ءبىر تۇلعالانا دامۋىن ىلگەرىلەتىپ، وقۋ جاسىنا دەيىنگى تاربيەنى، ەرەكشە تاربيەنى جانە تولىق ورتا ساتىسىنداعى تاربيەنى جالپىلاستىرۋدى قامتاماسىزداندىرۋ مەحانيزمىن اقاۋسىزداندىرىپ، كاسىپتىك تەحنيكالىق وقۋ - اعارتۋدى، جوعارى وقۋ - اعارتۋدى، ۇزدىكسىز تاربيەنى ءبىر تۇتاس سايكەستىرە دامىتۋ مەحانيزمىن كەمەلدەندىرۋ. حالىق باسقارۋىنداعى وقۋ - اعارتۋدى، سەلبەسىپ مەكتەپ اشۋدى قولداۋ جانە ارناعا ءتۇسىرۋ. قالا مەن اۋىلدى قامتىعان وتباسى تاربيەسىنە جەتەكشىلىك ەتۋ، قىزمەت وتەۋ جۇيەسىن ورناتۋ. ينتەرنەتتە ءبىلىم بەرۋ مەن جاساندى زەردەنىڭ باسىمدىعىن ساۋلەلەندىرىپ، وقىتۋ جانە ۇيرەنۋ تاسىلىندە جاڭالىق اشىپ، ءاربىر ادامعا باعىتتالعان، ءاربىر ادامعا ۇيلەسەتىن، اناعۇرلىم اشىق، يكەمدى وقۋ - اعارتۋ جۇيەسىن جەدەل دامىتىپ، ۇيرەنۋگە قۇلىقتى قوعام قۇرۋ.

　　(3) جالپى حالىقتى قامتىعان قوعامدىق قامتاماسىزداندىرۋ جۇيەسىن كەمەلدەندىرۋ. قامسىزداندىرۋعا الۋعا تيىستىلەرىن مۇمكىندىكتىڭ بارىنشا قامسىزداندىرۋ پرينسيبىنە تاباندى بولىپ، قالا مەن اۋىلدى ءبىر تۇتاس جوسپارلاعان، باياندى بولعان نەگىزدىك زەينەتكەرلىك قامسىزداندىرۋ ءتۇزىمىن، نەگىزدىك ەمدەۋ قامسىزداندىرۋ ءتۇزىمىن اقاۋسىزداندىرىپ، قامتاماسىزداندىرۋ دەڭگەيىن نىق قاداممەن جوعارىلاتۋ. نەگىزدىك زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋ ءتۇزىمىن جەدەل ورناتۋ. قوعامدىق قامسىزداندىرۋدى كوشىرىپ جالعاۋ، باسقا جەردە ەمدەلۋ ەسەبىن جابۋ ءتۇزىمىن جەدەل تياناقتاندىرىپ، قوعامدىق قامسىزداندىرۋ قورىن باسقارۋدى ارناعا ءتۇسىرىپ، ساۋدا قامسىزداندىرۋىن دامىتۋ. قوعامدىق قۇتقارۋ - كومەكتەسۋ، قوعامدىق يگىلىك، قايىر - ساحابات ىستەرى، قامقورلىق جاساپ ورنالاستىرۋ سياقتى تۇزىمدەردى ءبىر تۇتاس كەمەلدەندىرۋ. قوسىننان شەگىنگەن اسكەريلەر قىزمەتى جۇيەسىن جانە قامتاماسىزداندىرۋ ءتۇزىمىن اقاۋسىزداندىرۋ. ەر - ايەل تەڭدىگىن، ايەلدەردىڭ جان - جاقتى دامۋىن جەبەيتىن تۇزىمدىك مەحانيزمگە تاباندى بولۋ جانە ونى كەمەلدەندىرۋ. اۋىل - قىستاقتا ۇيدە قالعان بالالار مەن ايەلدەرگە، قارتتارعا قامقورلىق جاساۋ، قىزمەت وتەۋ جۇيەسىن كەمەلدەندىرىپ، مۇگەدەكتەرگە كومەكتەسۋ، سۇيەمەلدەۋ ءتۇزىمىن اقاۋسىزداندىرۋ. كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، سالىستىرمالى كەدەيلىكتى شەشۋدىڭ باياندى ۇزاق ءونىمدى مەحانيزمىن ورناتۋ. كوپ تۇلعا قامدايتىن، كوپ ارنامەن قامتاماسىزداندىراتىن، جالعا الۋ مەن ساتىپ الۋ قاتار جۇرگىزىلەتىن تۇرعىن ءۇي ءتۇزىمىن جەدەل ورناتۋ.

　　(4) حالىقتىڭ سالاماتتىق دەڭگەيىن جوعارىلاتاتىن تۇزىمدىك قامتاماسىزداندىرۋدى كۇشەيتۋ. تۇتاس عۇمىر كەزەڭىنە، سالاماتتىق جالپى بارىسىنا نازار اۋدارۋعا تاباندى بولىپ، حالىق سالاماتتىعى ساياساتىن كەمەلدەندىرىپ، قالىڭ حالىق بۇقاراسىن ءادىل، قول جەتىمدى، جۇيەلى، ۇلاسپالى سالاماتتىق قىزمەت وتەۋىنەن يگىلىكتەندىرۋ. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، نەگىزدىك ەمدەۋ، دەنساۋلىق ساقتاۋ ءتۇزىمىن اقاۋسىزداندىرىپ، الەۋمەتتىك دەنساۋلىق ساقتاۋ قىزمەت وتەۋىنىڭ، ەمدەۋ قىزمەت وتەۋىنىڭ، ەمدەۋ قامتاماسىزداندىرۋىنىڭ، ءدارى - دارمەكپەن قامداۋ قامتاماسىزداندىرۋىنىڭ دەڭگەيىن جوعارىلاتۋ. وسى زامانعى شيپاحانا باسقارۋ ءتۇزىمى رەفورماسىن جەدەلدەتۋ. نەگىزگى ساتىنى ءتۇيىن، الدىن الۋدى نەگىز ەتۋگە، الدىن الۋ مەن ەمدەۋدى ۇشتاستىرۋعا، جۇڭگوشا شيپاگەرلىك پەن باتىسشا شيپاگەرلىككە بىردەي ءمان بەرۋگە تاباندى بولۋ. الەۋمەتتىك دەنساۋلىق ساقتاۋ، اۋرۋدىڭ الدىن الۋ جانە اۋىر جۇقپالى اۋرۋلاردان ساقتانۋدى جانە تىزگىندەۋدى كۇشەيتىپ، سالماقتى، ەرەكشە ۇلكەن اۋرۋعا قاتىستى ەمدەۋ قامسىزداندىرۋى مەن قۇتقارۋ - كومەكتەسۋ ءتۇزىمىن اقاۋسىزداندىرۋ. تۋىت ساياساتىن ساپالىلاندىرىپ، جان سانى ساپاسىن جوعارىلاتۋ. جان سانىنىڭ قارتتاسۋىنا بەلسەنە توتەپ بەرىپ، ۇيدە قاراۋ مەن الەۋمەتتىك اۋماق قۇرىلىمى ءوزارا سايكەسكەن، ەمدەۋ مەن كۇتىمدەلۋ ۇشتاستىرىلعان قارتتاردى كۇتىمدەۋ قىزمەت وتەۋ جۇيەسىن جەدەل ورناتۋ. نازاردى حالىقتىڭ دەنە ساپاسىن ارتتىرۋعا شوعىرلاندىرىپ، جالپى حالىقتىق دەنە شىنىقتىرۋىن جەبەيتىن تۇزىمدىك شارالاردى اقاۋسىزداندىرۋ.

　　توعىزىنشى، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ تۇزىمىنە تاباندى بولىپ جانە ونى كەمەلدەندىرىپ، قوعام ورنىقتىلىعىن ساقتاۋ، مەملەكەت حاۋىپسىزدىگىن قورعاۋ

　　قوعامدىق جونگە سالۋ − مەملەكەتتى جونگە سالۋدىڭ ماڭىزدى جاعى. ءسوز جوق، قوعامدىق جونگە سالۋدى كۇشەيتىپ جانە ودان جاڭالىق اشىپ، پارتكوم باسشىلىق ەتەتىن، ۇكىمەت جاۋاپتى بولاتىن، دەموكراتيالىق كەڭەسەتىن، قوعام سايكەسەتىن، جۇرت ات سالىساتىن، زاڭمەن جونگە سالۋ جاعىنان قامتاماسىز ەتىلەتىن، عىلىم - تەحنيكا جاعىنان قولدايتىن قوعامدىق جونگە سالۋ جۇيەسىن كەمەلدەندىرۋ، بارلىق ادام جاۋاپتى بولاتىن، بارلىق ادام جاۋاپكەرشىلىگىن ادا ەتەتىن، بارلىق ادام يگىلىكتەنەتىن قوعامدىق جونگە سالۋ ورتاق تۇلعاسىن قۇرىپ، حالىقتىڭ تىنىش ءومىر، شات - شادىمان تىرشىلىك كەشۋىنە، قوعامنىڭ تىنىش، ءتارتىپتى بولۋىنا شىنايى كەپىلدىك ەتۋ، اناعۇرلىم جوعارى دەڭگەيدەگى تىنىش جۇڭگو قۇرۋ.

　　(1) جاڭا جاعدايداعى حالىق ىشىندەگى قايشىلىقتاردى دۇرىس ءبىر جاقتى ەتۋدىڭ ۇتىمدى مەحانيزمىن كەمەلدەندىرۋ. جاڭا داۋىردەگى ”فىڭچياۋ تاجىريبەسى“نە تاباندى بولىپ جانە ونى دامىتىپ، بۇقارانىڭ ارىز - تالاپتارىن ءبىلدىرۋ، مۇددەلەرىن سايكەستىرۋ، ۇقىق - مۇددەلەرىن قامتاماسىزداندىرۋ ارناسىن ىركىلىسسىزدەندىرىپ جانە ارناعا ءتۇسىرىپ، ارىز - ارمان ءتۇزىمىن كەمەلدەندىرىپ، حالىقتىق جاراستىرۋدىڭ، اكىمشىلىك جاراستىرۋدىڭ، ءادىليالىق جاراستىرۋدىڭ بىرلەسىپ قيمىلداۋ قىزمەت جۇيەسىن كەمەلدەندىرىپ، قوعامدىق پسيحيكالىق قىزمەت وتەۋ جۇيەسىن جانە داعدارىسقا كيلىگۋ مەحانيزمىن اقاۋسىزداندىرىپ، قوعامدىق قايشىلىقتار مەن داۋ - شارلاردان كوپ نەگىزدى ساقتانۋ، تەكسەرىپ ءبىر جاقتى ەتۋ، جويۋ امبەباپ مەحانيزمىن كەمەلدەندىرىپ، قايشىلىقتاردى نەگىزگى ساتىدا جويۋعا قۇلشىنۋ.

　　(2) قوعام اماندىعىن ساقتاۋ - تىزگىندەۋ جۇيەسىن كەمەلدەندىرۋ. ارناۋلى كۇشتەر مەن بۇقارانى ۇشتاستىرۋعا، جابىلا ساقتانۋ مەن جۇمىلىپ وڭاۋعا تاباندى بولىپ، قوعام اماندىعىنىڭ ستەرەولدانۋ، زاڭمەن جونگە سالىنۋ، ماماندانۋ، زەردەلىلەنۋ دەڭگەيىن جوعارىلاتىپ، ماسەلەلەردى بىرلەسىپ جونگە سالۋ، قىزمەتتە بىرلەسىپ قيمىلداۋ، تىنىشتىقتى بىرلەسىپ قۇرۋ قىزمەت مەحانيزمىن قالىپتاستىرىپ، ءار ءتۇرلى حاۋىپ - قاتەردى تۇسپالداۋ، الدىن الا مالىمەت بەرۋ، الدىن الۋ قابىلەتىن جوعارىلاتىپ، قوعام اماندىعىنىڭ ساقتانۋ - تىزگىندەۋدىڭ تۇلعالىلىعىن، سايكەستىلىگىن، دالمە - دالدىگىن كۇشەيتۋ كەرەك.

　　(3) الەۋمەتتىك حاۋىپسىزدىك ءتۇزىلىس - مەحانيزمىن اقاۋسىزداندىرۋ. ءوندىرىس حاۋىپسىزدىگى جاۋاپكەرشىلىگى مەن باسقارۋ ءتۇزىمىن كەمەلدەندىرىپ جانە ونى تياناقتاندىرىپ، الەۋمەتتىك حاۋىپسىزدىكتەگى كومەسكى قاتەرلەردى ءبىر - بىرلەپ تەكسەرۋ جانە حاۋىپسىزدىك بويىنشا الدىن الۋ - تىزگىندەۋ جۇيەسىن ورناتۋ. ءبىر تۇتاس قولباسشىلىق ەتەتىن، ماماندىق پەن ۇنەمىلىك تەڭ قامتىلعان، اڭىس قايتارۋى تەز، جوعارى مەن تومەن بىرلەسىپ قيمىلدايتىن شۇعىل جاعدايعا توتەپ بەرۋدى باسقارۋ ءتۇزىلىسىن ورناتىپ، مەملەكەتتىڭ شۇعىل جاعدايعا توتەپ بەرۋدى باسقارۋ قابىلەتى جۇيەسى قۇرىلىسىن ساپالىلاندىرىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن جوعارىلاتۋ. ازىق - تۇلىك، ءدارى - دارمەك حاۋىپسىزدىگىن باقىلاۋ - باسقارۋ ءتۇزىمىن كۇشەيتىپ جانە ونى جاقسارتىپ، حالىقتىڭ دەنە سالاماتتىعى مەن ءومىر حاۋىپسىزدىگىن قامتاماسىزداندىرۋ.

　　(4) نەگىزگى ساتى قوعامدىق جونگە سالۋ جاڭا جۇلگەسىن قۇرۋ. بۇقارانىڭ نەگىزگى ساتى قوعامدىق جونگە سالۋدى تۇزىمدەندىرۋگە قاتىسۋ ارناسىن كەمەلدەندىرۋ. پارتيا ۇيىمىنىڭ باسشىلىعىنداعى ءوزىن - ءوزى جونگە سالۋ، زاڭمەن جونگە سالۋ، مورالمەن جونگە سالۋ ءوزارا ۇشتاستىرىلعان قالا، اۋىل نەگىزگى ساتى قوعامدىق جونگە سالۋ جۇيەسىن اقاۋسىزداندىرىپ، الەۋمەتتىك اۋماقتىڭ باسقارۋ جانە قىزمەت وتەۋ مەحانيزمىن اقاۋسىزداندىرىپ، تور كوزدەندىرىپ باسقارۋدى جانە قىزمەت وتەۋدى ىلگەرىلەتىپ، بۇقارالىق توپ ۇيىمداردىڭ، قوعامدىق ۇيىمداردىڭ رولىن ساۋلەلەندىرىپ، كاسىپ سالاسىنىڭ، بىرلەستىكتەردىڭ، ساۋدا قوعامدارىنىڭ ءوزىن تەجەۋ يقۋاتىن ساۋلەلەندىرىپ، ۇكىمەتتىڭ جونگە سالۋى مەن قوعامدىق رەتتەۋدىڭ، تۇرعىنداردىڭ ءوزىن جونگە سالۋىنىڭ ۇنامدى ىقپالداستىعىن جۇزەگە اسىرىپ، نەگىزگى ساتىنىڭ قوعامدىق جونگە سالۋ نەگىزىن بەكەمدەۋ. قالا كولەمىندەگى قوعامدىق جونگە سالۋدى وسىزامانداندىرۋدى جەدەل ىلگەرىلەتۋ. قوعامدىق جونگە سالۋ مەن قىزمەت وتەۋدىڭ ءتۇيىنىن نەگىزگى ساتىعا ويىستىرۋدى ىلگەرىلەتىپ، اناعۇرلىم كوپ بايلىقتى نەگىزگى ساتىعا جەتكىزىپ، دالمە - ءدال، مۇقيات قىزمەت وتەۋدى اناعۇرلىم ويداعىداي ۇسىنۋ. وتباسىنىڭ، وتباسى تاربيەسىنىڭ، وتباسى سالتىنىڭ نەگىزگى ساتىنىڭ قوعامدىق جونگە سالۋىنداعى ماڭىزدى رولىنا ءمان بەرۋ. شەكارا ءوڭىردى جونگە سالۋدى كۇشەيتىپ، شەكارانى گۇلدەندىرىپ، حالىقتى اۋقاتتاندىرۋدى ىلگەرىلەتۋ.

　　(5) مەملەكەت حاۋىپسىزدىگى جۇيەسىن كەمەلدەندىرۋ. جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، حالىقتىڭ حاۋىپسىزدىگىنىڭ، ساياسي حاۋىپسىزدىكتىڭ، مەملەكەت مۇددەسىنىڭ بارىنەن ۇستەم تۇرۋىنىڭ ورگانيكالى بىرلىگىنە تاباندى بولۋ. حالىقتىڭ حاۋىپسىزدىگىن باس ماقسات، ساياسي حاۋىپسىزدىكتى ءتۇبىرلى نەگىز، ەكونوميكالىق حاۋىپسىزدىكتى نەگىز، اسكەري ىستەر، عىلىم - تەحنيكا، مادەنيەت، قوعامدىق حاۋىپسىزدىكتى كەپىلدىك ەتىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەتتىڭ حاۋىپسىزدىك قۋاتىن كۇشەيتۋ. ورتالىقتانعان ءبىر تۇتاس، جوعارى ءونىمدى، بەدەلدى مەملەكەت حاۋىپسىزدىگى باسشىلىق ءتۇزىلىسىن كەمەلدەندىرىپ، مەملەكەت حاۋىپسىزدىگىنىڭ زاڭ - ءتۇزىم جۇيەسىن اقاۋسىزداندىرۋ. مەملەكەت حاۋىپسىزدىگىنىڭ حالىقتىق قورعانىس شەبى قۇرىلىسىن كۇشەيتىپ، جالپى حالىقتىڭ مەملەكەت حاۋىپسىزدىگى تانىمىن كۇشەيتىپ، مەملەكەتتىڭ حاۋىپسىزدىك قاتەرىن تۇجىرىمداۋ، ساقتانۋ مەن مەڭگەرۋدى سايكەستىرۋ، ساقتانۋ جانە جويۋ مەحانيزمىن ورناتۋ، اقاۋسىزداندىرۋ. مەملەكەت حاۋىپسىزدىگىنە تونگەن قاتەرلەردەن ساقتانۋ جانە بۇعان قارسى تۇرۋ قۋاتىن جوعارىلاتىپ، اسا قىراعى بولىپ، جاۋ كۇشتەردىڭ سىنالاپ كىرۋ، ءبۇلدىرۋ، اۋدارۋ، بولشەكتەۋ قيمىلدارىنان باتىل ساقتانۋ جانە ولارعا قاتاڭ سوققى بەرۋ.

　　ونىنشى، ەكولوگيالىق وركەنيەت ءتۇزىمى جۇيەسىنە تاباندى بولىپ جانە ونى كەمەلدەندىرىپ، ادام مەن تابيعاتتىڭ جاراسىمدى، بىرگە ءومىر ءسۇرۋىن جەبەۋ

　　ەكولوگيالىق وركەنيەت قۇرىلىسى جۇڭحۋا ۇلتىنىڭ تىنباي دامۋىنىڭ مىڭ جىلدىق ۇلى جوباسىنا قاتىستى. ءسوز جوق، تۇنىق سۋ، جاسىل تاۋ − باعالى بايلىق ۇستانىمىن امالياتتا ايگىلەپ، بايلىقتى ۇنەمدەۋ جانە قورشاعان ورتانى قورعاۋ سىندى نەگىزگى مەملەكەت ساياساتىنا تاباندى بولىپ، ۇنەمدەۋدى الدىمەن ويلاسۋ، قورعاۋدى الدىمەن ويلاسۋ، تابيعي قالپىنا كەلتىرۋدى نەگىز ەتۋ باعىتىنا تاباندى بولىپ، ءوندىرىسى دامىعان، تۇرمىسى ىرعىن، ەكولوگياسى تاماشا وركەنيەتتى دامۋ جولىمەن باتىل ءجۇرىپ، كورىكتى جۇڭگو قۇرۋ.

　　(1) ەڭ قاتاڭ ەكولوگيالىق ورتانى قورعاۋ ءتۇزىمىن اتقارۋ. ادام مەن تابيعاتتىڭ جاراسىمدى، بىرگە ءومىر سۇرۋىنە تاباندى بولىپ، تابيعاتقا قۇرمەت ەتۋگە، تابيعاتقا سايكەسۋگە، تابيعاتتى قورعاۋعا تاباندى بولىپ، تۋ باستان ساقتاناتىن، بارىسى تىزگىندەلەتىن، زيان تولەنەتىن، جاۋاپكەرشىلىك قۋزاستىرىلاتىن ەكولوگيالىق ورتانى قورعاۋ جۇيەسىن اقاۋسىزداندىرۋ. مەملەكەت جەر كەڭىستىگىن جوبالاۋ جانە پايدالانىلۋىن ءبىر تۇتاس جوسپارلاۋ، سايكەستىرۋ، باسقارۋ، مەڭگەرۋ ءتۇزىمىن ورناتۋدى، اقاۋسىزداندىرۋدى جەدەلدەتىپ، ەكولوگيانى قورعاۋ قىزىل سىزىعى، ماڭگىلىك نەگىزگى ەگىس اتىزى، قالا، قالاشىقتىڭ اشۋ شەكاراسى سياقتى كەڭىستىكتى باسقارۋ، مەڭگەرۋ شەكاراسىن، سونداي - اق ءتۇرلى تەڭىز ايدىنىن قورعاۋ سىزىعىن ءبىر تۇتاس جوسپارلاپ بەلگىلەپ، تياناقتاندىرىپ، نەگىزگى تۇلعالىق يقۋاتتى رايون ءتۇزىمىن كەمەلدەندىرۋ. جاسىل ءوندىرىس پەن تۇتىنۋدىڭ زاڭ - ءتۇزىمىن جانە ساياسات باعدارىن كەمەلدەندىرىپ، جاسىل فينانستى دامىتىپ، بازار باعدارىنىڭ جاسىل تەحنيكا بويىنشا جاڭالىق اشۋىن ىلگەرىلەتىپ، جاسىل اينالىمدى تومەن كومىرتەكتى دامۋدى اناعۇرلىم سانالى تۇردە ىلگەرىلەتۋ. لاس زاتتاردى شىعارۋعا رۇقسات ەتۋ ءتۇزىمىن وزەك ەتكەن تۇراقتى لاستاۋ قاينارىن باقىلاۋ، باسقارۋ ءتۇزىمى جۇيەسىن ورناتىپ، لاستانۋدان ساقتانۋ، جونگە سالۋ وڭىرلەرىنىڭ بىرلەسىپ قيمىلداۋ مەحانيزمىن جانە قۇرلىق پەن تەڭىز ءبىر تۇتاس جوسپارلاناتىن ەكولوگيالىق ورتانى جونگە سالۋ جۇيەسىن كەمەلدەندىرۋ. اۋىل شارۋاشىلىعى، اۋىل - قىستاق ورتاسىنىڭ لاستانۋىنان ساقتانۋدى جانە جونگە سالۋدى كۇشەيتۋ. ەكولوگيالىق ورتانى قورعاۋ زاڭ جۇيەسىن جانە زاڭ اتقارۋ، ءادىليا ءتۇزىمىن كەمەلدەندىرۋ.

　　(2) بايلىقتى جوعارى ءونىمدى پايدالانۋ ءتۇزىمىن جاپپاي ورناتۋ. جاراتىلىستىق بايلىق ۇقىعىن ءبىر تۇتاس تۇراقتاندىرۋدى جانە ونى ءبىر تۇتاس تىركەۋگە الۋدى زاڭمەن جونگە سالۋ، جۇيەلىلەندىرۋ، ولشەمدەندىرۋ، ينفورماتسيالاندىرۋدى ىلگەرىلەتىپ، جاراتىلىستىق بايلىق مۇلىك ۇقىعى ءتۇزىمىن اقاۋسىزداندىرىپ، بايلىقتان اقىلى پايدالانۋ ءتۇزىمىن تياناقتاندىرىپ، بايلىقتىڭ جالپى مولشەرىن باسقارۋ جانە جان - جاقتى ۇنەمدەۋ ءتۇزىمىن اتقارۋ. بايلىقتى ۇنەمشىلدىكپەن شوعىرلاندىرىپ اينالمالى پايدالانۋ ساياسات جۇيەسىن اقاۋسىزداندىرۋ. قوقىر - قوقسىقتاردى تۇرگە ايىرىپ جانە بايلىققا اينالدىرىپ پايدالانۋ ءتۇزىمىن جاپپاي اتقارۋ. ەنەرگيا توڭكەرىسىن جۇرگىزىپ، تازا دا تومەن كومىرتەكتى، حاۋىپسىز دە جوعارى ءونىمدى ەنەرگيا جۇيەسىن ورناتۋ. تەڭىز - مۇحيت بايلىعىن اشۋ، قورعاۋ ءتۇزىمىن اقاۋسىزداندىرۋ. جاراتىلىستىق بايلىقتى ءبىر تۇتاس تەكسەرۋ، باعالاۋ، باقىلاۋ - تەكسەرۋ ءتۇزىمىن ورناتۋدى جەدەلدەتىپ، جاراتىلىستىق بايلىقتى باقىلاۋ، باسقارۋ ءتۇزىلىسىن اقاۋسىزداندىرۋ.

　　(3) ەكولوگيانى قورعاۋ مەن قالپىنا كەلتىرۋ ءتۇزىمىن اقاۋسىزداندىرۋ. تاۋ، سۋ، ورمان، اتىز، كول، جايلىمدى ءبىر تۇلعالاندىرىپ قورعاۋ جانە قالپىنا كەلتىرۋدى ءبىر تۇتاس جوسپارلاپ، ورمان، جايلىم، وزەن، كول، سازدىق، تەڭىز - مۇحيت سياقتى جاراتىلىستىق ەكولوگيانى قورعاۋدى كۇشەيتۋ. ماڭىزدى ەكولوگيالىق جۇيەنى قورعاۋدى جانە ماڭگى پايدالانۋدى كۇشەيتىپ، مەملەكەت باقشاسىن نەگىزگى تۇلعا ەتكەن جاراتىلىستىق قورىق جۇيەسىن ورناتىپ، مەملەكەت باقشاسىن قورعاۋ ءتۇزىمىن اقاۋسىزداندىرۋ. چاڭجياڭ، حۋاڭحى سياقتى ۇلكەن داريا، ۇلكەن وزەندەردىڭ ەكولوگياسىن قورعاۋدى جانە جۇيەلى جونگە سالۋدى كۇشەيتۋ. كەڭ كولەمدى مەملەكەت جەرىن جاسىلداندىرۋ ارەكەتىن ورىستەتىپ، توپىراقتىڭ شايىلۋىن جانە شولەيتتەنۋدى، قۇمايتتانۋدى جالپىلىق جونگە سالۋدى جەدەلدەتىپ، ورگانيزمدەردىڭ الۋان تۇرلىلىگىن قورعاپ، ەكولوگيالىق حاۋىپسىزدىك قالتقىسىن بەكەمدەۋ. مەملەكەتتىڭ ماڭىزدى، ءىرى نىساندارىنان سىرت، تەڭىزدى قورشاۋعا، تىندىرۋعا جاپپاي تيىم سالۋ.

　　(4) ەكولوگيالىق ورتانى قورعاۋ جاۋاپكەرشىلىك ءتۇزىمىن قاتايتۋ. ەكولوگيالىق وركەنيەت قۇرىلىسى نىساندارىن باعالاۋ، تەكسەرۋ ءتۇزىمىن ورناتىپ، ورتانى قورعاۋ، جاراتىلىستىق بايلىقتى باسقارۋ، مەڭگەرۋ، ەنەرگيانى ۇنەمدەپ، لاس زاتتاردى ازايتۋ سياقتى شەكتەۋ سيپاتىنداعى كورسەتكىشتىك باسقارۋدى كۇشەيتىپ، كاسىپورىنداردىڭ نەگىزگى تۇلعالىق جاۋاپكەرشىلىگىن جانە ۇكىمەتتىڭ باقىلاۋ، باسقارۋ جاۋاپكەرشىلىگىن قاتاڭ تياناقتاندىرۋ. باسشى كادرلاردىڭ مىندەتىنەن بوساردا جاراتىلىستىق بايلىق، مال - مۇلىك بويىنشا قازىنالىق تەكسەرۋدى ورىستەتۋ. ەكولوگيالىق ورتانى قورعاۋدىڭ جالپىلىق اكىمشىلىك زاڭ اتقارۋىن ىلگەرىلەتىپ، ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ ءتۇزىمىن تياناقتاندىرۋ. ەكولوگيالىق ورتانى باقىلاۋ - ولشەۋ جانە باعالاۋ ءتۇزىمىن اقاۋسىزداندىرىپ، ەكولوگيالىق ورتاعا ساياتىن الەۋمەتتىك يگىلىك سيپاتىندىق ارىز - شاعىم ءتۇزىمىن كەمەلدەندىرىپ، ەكولوگيالىق تولەم جانە ەكولوگيالىق ورتا زيانىن تولەۋ ءتۇزىمىن تياناقتاندىرىپ، ەكولوگيالىق ورتانى زيانداۋ جاۋاپكەرشىلىگىن ماڭگى قۋزاستىرۋ ءتۇزىمىن اتقارۋ.

　　ون ءبىرىنشى، پارتيانىڭ حالىق ارمياسىنا شارتسىز باسشىلىق ەتۋ تۇزىمىنە تاباندى بولىپ جانە ونى كەمەلدەندىرىپ، حالىق ارمياسىنىڭ جاڭا داۋىردەگى بورىشتارىن، مىندەتتەرىن ادالدىقپەن اتقارۋىنا شىنايى كەپىلدىك ەتۋ

　　حالىق ارمياسى − جۇڭگوشا سوتسياليزمنىڭ بەرىك تىرەگى، پارتيانىڭ حالىق ارمياسىنا شارتسىز باسشىلىعى − حالىق ارمياسىنىڭ ارميا قۇرۋداعى نەگىزى، ارميانى قۇدىرەتتەندىرۋدىڭ جانى. ءسوز جوق، شي جينپيڭنىڭ ارميانى قۇدىرەتتەندىرۋ يدەياسىنىڭ مەملەكەت قورعانىسى مەن ارميا قۇرىلىسىنداعى جەتەكشى ورنىن مىقتاپ ورناتىپ، مەملەكەت قورعانىسى مەن ارميا رەفورماسىن تەرەڭدەتۋدىڭ جەتىستىكتەرىن بەكەمدەپ جانە كەڭەيتىپ، جۇڭگوشا سوتسياليستىك اسكەري ىستەر ساياساتتىق ءتۇزىم جۇيەسىن ورناتىپ، مەملەكەت قورعانىسى مەن ارميانى وسىزامانداندىرۋدى جاپپاي ىلگەرىلەتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋعا شىنايى كەپىلدىك ەتىپ، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعىپ، حالىق ارمياسىنىڭ سيپاتىن، ماقساتىن، قاسيەتىن ماڭگى ساقتاۋ.

　　(1) حالىق ارمياسىنىڭ ەڭ جوعارى باسشىلىق ۇقىعى مەن قولباسشىلىق ۇقىعىنىڭ پارتيا ورتالىق كوميتەتىنە تاۋەلدى بولۋىنا تاباندى بولۋ. ورتالىق اسكەري ىستەر كوميتەتىنىڭ ءتوراعا جاۋاپتى بولۋ ءتۇزىمىن اتقارۋى پارتيانىڭ حالىق ارمياسىنا شارتسىز باسشىلىعىنا تاباندى بولۋدىڭ ءتۇبىرلى جۇزەگە اسۋ فورماسى. بۇكىل ەلدەگى قارۋلى كۇشتەرگە اسكەري ىستەر كوميتەتىنىڭ ءتوراعاسى ءبىر تۇتاس باسشىلىق ەتۋگە جانە قولباسشىلىق ەتۋگە تاباندى بولۋ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىنىڭ ءتۇزىلىس - مەحانيزمىن كەمەلدەندىرىپ، دايەكتىلەندىرىپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىنىڭ ءتۇرلى تۇزىمدەرىن، بەلگىلەمەلەرىن قاتاڭ تياناقتاندىرۋ. ساياسي ءتارتىپ پەن ساياسي قاعيدانى قاتايتىپ، پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ بەدەلىن باتىلدىقپەن قورعاپ، ۇكىمەت بۇيرىعىنىڭ، اسكەري بۇيرىقتىڭ ىركىلىسسىز بولۋىنا شىنايى كەپىلدىك ەتۋ.

　　(2) حالىق ارمياسىنىڭ پارتيا قۇرىلىسى ءتۇزىمى جۇيەسىن اقاۋسىزداندىرۋ. ارميانى ساياسي جاقتان قۇرۋدىڭ ءتۇرلى تالاپتارىن جاپپاي دايەكتىلەندىرىپ، ارميا رۋحىن باۋلۋدى كورنەكتى مىقتى ۇستاپ، تاماشا ءداستۇردى ساۋلەلەندىرىپ، قىزىل گەندى جالعاستىرىپ، ”ارميانى پارتياسىزداندىرۋ، ساياسيلاندىرماۋ“ جانە ”ارميانى مەملەكەتتەندىرۋ“ سياقتى قاتە ساياسي كوزقاراستاردى باتىل تەجەۋ. پارتكوم تۇزىمىنە، جىڭۋي تۇزىمىنە، ساياسي ورگان تۇزىمىنە تاباندى بولىپ، پارتكومنىڭ ءبىر تۇتاس كوللەكتيۆ باسشىلىعىندا باسشىلار قىزمەت ءبولىسىپ جاۋاپتى بولۋ تۇزىمىنە تاباندى بولىپ، پارتيا ياچەيكاسىن لياندا قۇرۋعا تاباندى بولىپ، پارتيانىڭ ارمياعا باسشىلىعىنىڭ ۇيىمدىق جۇيەسىن كەمەلدەندىرۋ. قۋاتتى، پارمەندى پارتيا ۇيىمىن جانە جوعارى ساپالى، ماماندانعان كادرلار قوسىنىن قۇرىپ، مىلتىقتىڭ ماڭگىلىك پارتياعا ادال سەنىمدى ادامداردىڭ قولىندا بولۋىنا شىنايى كەپىلدىك ەتۋ.

　　(3) پارتيانىڭ حالىق ارمياسىنا شارتسىز باسشىلىعىن ارميا قۇرىلىسىنىڭ ءتۇرلى سالالارىندا، بارلىق بارىسىندا دايەكتىلەندىرۋ. جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرۋ، جاۋىنگەرلىك كۇشتىڭ ءتۇبىرلى ولشەمىنە تاباندى بولۋ، بىرىككەن، بەيبتشىلىك پەن سوعىس ءبىر تۇلعالانعان اسكەري كۇشتەن پايدالانۋدىڭ ساياساتتىق ءتۇزىم جۇيەسىن قۇرىپ، اقاۋسىزداندىرىپ، جاڭا داۋىردەگى اسكەري ىستەر ستراتەگياسى جۇيەسىن ورناتىپ، بىرىككەن سوعىس جۇرگىزۋ قولباسشىلىق جۇيەسى مەن قابىلەت قۇرىلىسىن كۇشەيتىپ، سوعىس دايىندىعى ءتۇزىمىن رەتتەۋ، كەمەلدەندىرۋ، ناقتى سوعىستىق اسكەري ىستەر جاتتىعۋ ءتۇزىمىن اقاۋسىزداندىرىپ، ءونىمدى تۇردە جاعدايدى كەسكىندەۋ، داعدارىستى مەڭگەرۋ، سوعىستى تەجەۋ، سوعىستا جەڭىسكە جەتۋ. سوعىس ارقىلى قۇرىلىسقا جەتەكشىلىك ەتۋگە، سوعىس ءۇشىن قۇرىلىس جۇرگىزۋدى مىقتى ۇستاۋعا تاباندى بولىپ، نازاردى سوعىس جۇرگىزۋگە، جاڭالىق اشۋدى شابىتتاندىرۋعا، ارميا مەن حالىق توعىسقان اسكەري ىستەر كۇشى قۇرىلىسى ساياساتتىق ءتۇزىم جۇيەسىن قۇرۋعا، اقاۋسىزداندىرۋعا شوعىرلاندىرىپ، ازاتتىق ارميانىڭ مىندەت وتەپ جاتقان بولىمدەرى مەن زاپاس بولىمدەرى، قارۋلى ساقشى بولىمدەرى، حالىق جاساقتارى قۇرىلىسىن ءبىر تۇتاس جوسپارلاۋ، ارمياداعى ءتۇرلى قىزمەتكەرلەر ءتۇزىمى ورنالاستىرۋىن ءبىر تۇتاس جوسپارلاۋ، وفيتسەرلەردىڭ كاسىبيلەنۋ ءتۇزىمى، اكىمشىلىك قىزمەتكەرلەر ءتۇزىمى، اسكەري مىندەت ءتۇزىمى سياقتى رەفورمالاردى تەرەڭدەتىپ، وسىزاماندانعان جاۋىنگەرلىك كۇشتى تۋىنداتۋدى قالىپتاستىرۋ ۇلگىسىن ىلگەرىلەتىپ، وسىزاماندانعان اسكەري ىستەر كۇش جۇيەسىن قۇرۋ. دالمە - ءدال، جوعارى ءونىمدى، جان - جاقتى جۇيەلىلەنگەن، قاتاڭ شەكتەيتىن اسكەري ىستەردى باسقارۋ ساياساتتىق ءتۇزىمى جۇيەسىن قۇرۋ، اقاۋسىزداندىرۋ، اسكەري ىستەر كوميتەتىنىڭ ستراتەگيالىق باسقارۋ قابىلەتىن كۇشەيتىپ، جۇڭگوشا اسكەري ىستەردى زاڭمەن جونگە سالۋ قۇرىلىسىن كۇشەيتىپ، ارميا جۇيەسىنىڭ اينالىم ءونىمىن جوعارىلاتۋ. ارميا مەن حالىقتىڭ تەرەڭدەي توعىسا دامۋ قادامىن تەزدەتىپ، ءبىر تۇلعالانعان مەملەكەت ستراتەگيا جۇيەسى مەن قابىلەتىن قۇرۋ. مەملەكەت قورعانىسى عىلىم - تەحنيكاسىندا جاڭالىق اشۋ جانە قارۋ - جاراقپەن جابدىقتانۋ قۇرىلىسى ءتۇزىمىن كەمەلدەندىرۋ. مەملەكەت قورعانىسى اتتانىسقا كەلتىرۋ ءتۇزىلىس رەفورماسىن تەرەڭدەتۋ. جالپى حالىقتىق مەملەكەت قورعانىسى تاربيەسىن كۇشەيتۋ. پارتيا، ۇكىمەت، ارميا، ساقشى، حالىق تىزە قوسا شەكارانى كۇشەيتىپ، قورعانىستى بەكەمدەۋ قىزمەتى ءتۇزىلىسىن اقاۋسىزداندىرۋ. قوس قورعاۋ قىزمەتى جانە ارميا مەن حالىق بىرگە قۇرۋ مەحانيزمىن كەمەلدەندىرىپ، ارميا مەن ۇكىمەتتىڭ، ارميا مەن حالىقتىڭ ىنتىماعىن كۇشەيتۋ.

　　ون ەكىنشى، ”ءبىر ەل، ەكى ءتۇزىم“ ءتۇزىمى جۇيەسىنە تاباندى بولىپ جانە كەمەلدەندىرىپ، وتاننىڭ بەيبىت بىرلىككە كەلۋىن ىلگەرىلەتۋ

　　”ءبىر ەل، ەكى ءتۇزىم“ − پارتيانىڭ حالىققا باسشىلىق ەتىپ، وتاننىڭ بەيبىت بىرلىككە كەلۋىن جۇزەگە اسىرۋداعى ءبىر ماڭىزدى ءتۇزىم، جۇڭگوشا سوتسياليزمنىڭ ءبىر ۇلى باستاماسى. ”ءبىر ەلگە“، ءسوزسىز، تاباندى بولۋ − “ ەكى ءتۇزىمدى“ اتقارۋدىڭ العى شارتى جانە نەگىزى، ”ەكى ءتۇزىم“ ”ءبىر ەلگە“ قارايدى جانە ونان تۋىندايدى، سونداي - اق ”ءبىر ەل“ ىشىندە بىرىگەدى. نەگىزگى زاڭ جانە ءتۇبىرلى زاڭ بويىنشا شياڭگاڭ ەرەكشە اكىمشىلىك رايونىن، اۋمىن ەرەكشە اكىمشىلىك رايونىن باسقارۋدى، جونگە سالۋدى قاتاڭ جۇرگىزىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن تاباندىلىقپەن قورعاپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن قورعاپ، ”ءبىر ەل، ەكى ءتۇزىم“نىڭ تومەنگى شەگىنە سايىس جاريالايتىن ءارقانداي ارەكەتتەرگە استە جول بەرمەۋ، مەملەكەتتى بولشەكتەيتىن ءارقانداي ارەكەتتەرگە استە جول بەرمەۋ.

　　(1) ”ءبىر ەل، ەكى ءتۇزىمدى“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“ وسكەلەڭ اۆتونوميا باعىتىن جاپپاي ءدال دايەكتىلەندىرۋ. زاڭ بويىنشا شياڭگاڭدى جونگە سالۋعا، اۋمىندى جونگە سالۋعا تاباندى بولىپ، نەگىزگى زاڭ مەن ءتۇبىرلى زاڭ بەلگىلەگەن نەگىزگى زاڭدىق ءتارتىپتى قورعاپ، ”ءبىر ەل“ پرينسيبىنە تاباندى بولۋ مەن ”ەكى ءتۇزىم“ نىڭ پارقىنا قۇرمەت ەتۋدى، ورتالىقتىڭ ەرەكشە اكىمشىلىك رايوندارىن جاپپاي باسقارۋ، جونگە سالۋ ۇقىعىن قورعاۋ مەن ەرەكشە اكىمشىلىك رايوندارىنىڭ وسكەلەڭ اۆتونوميا ۇقىعىن قامتاماسىز ەتۋدى، وتاننىڭ ىشكى وڭىرلەرىنىڭ پارمەندى سۇيەنىش رولىن ساۋلەلەندىرۋ مەن ەرەكشە اكىمشىلىك رايوندارىنىڭ ءوزىنىڭ باسەكەلىك قۋاتىن جوعارىلاتۋدى ۇشتاستىرۋ. ەرەكشە اكىمشىلىك رايوندارىنىڭ نەگىزگى زاڭدى جانە ءتۇبىرلى زاڭدى اتقارۋداعى قاتىستى تۇزىمدەر مەن مەحانيزمدەردى كەمەلدەندىرۋ، وتانشىلداردى نەگىزگى تۇلعا ەتكەن ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“عا تاباندى بولىپ، ەرەكشە اكىمشىلىك رايوندارىنىڭ زاڭ بويىنشا جونگە سالۋ قابىلەتى مەن ورەسىن جوعارىلاتۋ.

　　(2) ورتالىقتىڭ نەگىزگى زاڭ جانە ءتۇبىرلى زاڭ بويىنشا ەرەكشە اكىمشىلىك رايوندارىن جاپپاي باسقارۋ، جونگە سالۋ ۇقىعىن جۇرگىزۋ ءتۇزىمىن اقاۋسىزداندىرۋ. ورتالىقتىڭ ەرەكشە اكىمشىلىك رايوندارىنىڭ اكىمدەرى مەن نەگىزگى ءمانساپتىلارىن قىزمەتكە تاعايىنداۋ، قىزمەتتەن بوساتۋ ءتۇزىمى مەن مەحانيزمىن، مەملەكەتتىك حالىق قۇرىلتايى تۇراقتى كوميتەتىنىڭ ءتۇبىرلى زاڭدى ءتۇسىندىرۋ ءتۇزىمىن كەمەلدەندىرۋ، نەگىزگى زاڭ مەن ءتۇبىرلى زاڭ بەرگەن ورتالىقتىڭ ءتۇرلى ۇقىقتارىن زاڭ بويىنشا جۇرگىزۋ. ەرەكشە اكىمشىلىك رايوندارىنىڭ مەملەكەت حاۋىپسىزدىگىن قورعاۋداعى زاڭ ءتۇزىمى مەن اتقارۋ مەحانيزمىن قۇرىپ، اقاۋسىزداندىرىپ، ەرەكشە اكىمشىلىك رايوندارىنىڭ زاڭ اتقارۋ كۇشىن كۇشەيتۋدى قولداۋ. ەرەكشە اكىمشىلىك رايون اكىمدەرىنىڭ ورتالىق ۇكىمەتكە جاۋاپتى بولۋ ءتۇزىمىن اقاۋسىزداندىرۋ، اكىمدەر مەن ەرەكشە اكىمشىلىك رايونى ۇكىمەتىنىڭ زاڭ بويىنشا اكىمشىلىك جۇرگىزۋىن قولداۋ. شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىمەن توعىسۋ، ىشكى وڭىرلەردىڭ ارتىقشىلىقتارىمەن ءوزارا تولىقتاۋ، سايكەسە دامۋ مەحانيزمىن كەمەلدەندىرۋ، گۋاڭجوۋ - شياڭگاڭ - اۋمىن ۇلكەن شىعاناق رايونى قۇرىلىسىن تەزدەتىپ، شيڭگاڭنىڭ، اۋمىننىڭ ەكونوميكانى دامىتۋىن، حالىق تۇرمىسىن جاقسارتۋىن قولداپ، قوعام ورنىقتىلىعى مەن باياندى دامۋعا ىقپال ەتىپ وتىرعان تەرەڭ قاتپارلى قايشىلىقتار مەن ماسەلەلەردى كۇش سالا شەشۋ. شياڭگاڭ، اۋمىن قوعامىنا، وتە - موتە، ۇكىمەت قىزمەتكەرلەرى جانە جاستار مەن جاس - وسپىرىمدەرگە نەگىزگى زاڭ مەن ءتۇبىرلى زاڭ تاربيەسىن، مەملەكەت جاعدايى تاربيەسىن، جۇڭگو تاريحى جانە جۇڭحۋا مادەنيەتى تاربيەسىن كۇشەيتىپ، شياڭگاڭدىق، اۋمىندىق باۋىرلاستاردىڭ مەملەكەت تانىمى مەن وتاندى ءسۇيۋ رۋحىن كۇشەيتۋ. سىرتقى كۇشتەردىڭ شياڭگاڭنىڭ، اۋمىننىڭ ىستەرىنە كيلگۋىنەن جانە بولشەكتەۋ، اۋدارۋ، سىنالاپ كىرۋ، ءبۇلدىرۋ ارەكەتتەرىن جۇرگىزۋىنەن باتىل ساقتانىپ جانە تەجەپ، شيڭگاڭنىڭ، اۋمىننىڭ باياندى تىنىشتىعىنا شىنايى كەپىلدىك ەتۋ.

　　(3) وتاننىڭ بەيبىت بىرلىككە كەلۋ اياق الىسىن تاباندىلىقپەن ىلگەرىلەتۋ. تايۋان ماسەلەسىن شەشىپ، وتاننىڭ بۇكىلدەي بىرلىككە كەلۋىن جۇزەگە اسىرۋ، جالپى جۇڭحۋا ۇلاندارىنىڭ ورتاق تىلەگى، جۇڭحۋا ۇلتى ءتۇبىرلى مۇددەسىنىڭ تياناعى. ەكى جاعالاۋدىڭ بەيبىت دامۋ جونىندە تۇزىمدىك ورنالاستىرۋعا كەلۋىن ىلگەرىلەتۋ. ەكى جاعالاۋدىڭ اۋىس - كۇيىسىن، سەلبەستىگىن جەبەيتىن، ەكى جاعالاۋدىڭ توعىسا دامۋىن تەرەڭدەتەتىن، تايۋاندىق باۋىرلاستاردىڭ ىرىس - قۇتىن قامتاماسىز ەتەتىن تۇزىمدىك ورنالاستىرۋلاردى جانە ساياساتتىق شارالاردى كەمەلدەندىرىپ، قالىڭ تايۋاندىق باۋىرلاستاردى ”تايۋان تاۋەلسىزدىگى“نە بىرگە قارسى تۇرۋعا، بىرلىككە كەلۋدى جەبەۋگە ىنتىماقتاستىرۋ. مەملەكەتتىڭ يەلىك ۇقىعىنا، حاۋىپسىزدىگىنە، دامۋ مۇددەسىنە شىنايى كەپىلدىك ەتۋ العى شارتىندا، بەيبىت بىرلىككە كەلگەننەن كەيىن، تايۋاندىق باۋىرلاستاردىڭ قوعامدىق ءتۇزىمى مەن تۇرمىس ءتاسىلى تولىق قۇرمەتكە يە بولادى، تايۋاندىق باۋىرلاستاردىڭ جەكەلىك مال - مۇلكى، ءدىني سەنىمى، زاڭدى ۇقىق - مۇددەسى تولىق قامتاماسىزداندىرىلادى.

　　ون ءۇشىنشى، دەربەس، ءوز - وزىنە قوجايىن بولاتىن بەيبىت ديپلوماتيالىق ساياساتىنا تاباندى بولىپ جانە ونى كەمەلدەندىرىپ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋ

　　پارتيا مەن مەملەكەت ىستەرىنىڭ دامۋىن ىلگەرىلەتۋ − بەيبىت حالىقارالىق ورتا مەن تاماشا سىرتقى شارت - جاعدايىن قاجەت ەتەدى. ءسوز جوق، ەل ءىشى جانە حالىقارا سىندى ەكى ۇلكەن جاعدايدى ءبىر تۇتاس جوسپارلاپ، بەيبىت، دامۋ، سەلبەستىك جاساسۋ، تەڭ يگىلىكتەنۋ تۋىن بيىك ۇستاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن بۇلجىماي قورعاپ، دۇنيە ءجۇزىنىڭ بەيبىتشىلىگىن مىزعىماي قورعاپ، بىرگە دامۋدى جەبەۋ.

　　(1) پارتيانىڭ سىرتقى ىستەر قىزمەتىنە باسشىلىق ەتۋ ءتۇزىلىس مەحانيزمىن اقاۋسىزداندىرۋ. سىرتقى ىستەر ۇلكەن ۇقىعىنىڭ پارتيا ورتالىق كوميتەتىندە بولۋىنان جازباي، جۇڭگوشا ءىرى ەلدىك ديپلوماتيا نازارياسى قۇرىلىسىن كۇشەيتىپ، پارتيا ورتالىق كوميتەتىنىڭ سىرتقى ىستەر جونىندەگى ۇلكەن باعىت - ساياساتتارى مەن ستراتەگيالىق ورنالاستىرۋلارىن جان - جاقتى دايەكتىلەندىرۋ. سىرتقا ساياتىن ءتۇزىلىس مەحانيزم قۇرىلىسىن ىشكەرىلەي ىلگەرىلەتىپ، پارتيا، حالىق قۇرىلتايى، ۇكىمەت، ساياسي كەڭەس، ارميا، جەرگىلىكتى ورىن، حالىقتىق توپتار سياقتىلاردىڭ سىرتپەن قارىم - قاتىناسىن ءبىر تۇتاس جوسپارلاپ سايكەستىرىپ، پارتيانىڭ جالپى جاعدايدى جالپى بەتتىك مەڭگەرۋىن كۇشەيتىپ، ءار جاقتىڭ سىرتقا قاراتقان قىزمەتتەرىنىڭ زور سەلبەستىك جۇيەسىن سايكەستىرۋ. سىرتقا ساياتىن زاڭمەن جونگە سالۋ قىزمەتىن كۇشەيتىپ، سىرتقا ساياتىن قىزمەتتەردەگى زاڭ ىستەرى ءتۇزىمىن ورناتىپ، حالىقارالىق زاڭدى زەرتتەۋ مەن قولدانۋدى كۇشەيتىپ، سىرتقا ساياتىن قىزمەتتەردى زاڭمەن جونگە سالۋ دەڭگەيىن جوعارىلاتۋ.

　　(2) جان - جاقتى ديپلوماتيالىق ورنالاستىرۋلاردى كەمەلدەندىرۋ. بەيبىت دامۋ جولىمەن بۇلجىماي ءجۇرىپ، بەيبىت قاتار تۇرۋ بەس پرينسيبىنە تاباندى بولۋ نەگىزىندە ءار ەلدەرمەن بولعان دوستىق سەلبەستىكتى جان - جاقتى دامىتىپ، مەملەكەتتەردىڭ ۇلكەن - كىشى، كۇشتى - ءالسىز، كەدەي - باي دەمەي تۇگەلدەي تەرەزەسى تەڭ بولۋىنا تاباندى بولىپ، ءوزارا قۇرمەت ەتەتىن، ءادىل، ادىلەتتى، سەلبەستىك جاساسىپ، تەڭ يگىلىكتەنەتىن جاڭاشا حالىقارالىق قارىم - قاتىناس ورناتۋدى ىلگەرىلەتىپ، الەمدىك سەرىكتەستىك قارىم - قاتىناستى بەلسەنە دامىتىپ، الەمدىك ستراتەگيالىق ورنىقتىلىقتى قورعاپ، ءارقانداي فورماداعى زورەكەرلىك پەن وكتەمدىك ساياسيعا قارسى تۇرۋ. تىلدەسۋ، اقىلداسۋ ارقىلى بەيبىت تاسىلمەن حالىقارالىق داۋ - شارلاردى جانە قولامتالى، قيىن ماسەلەلەردى شەشۋگە تاباندى بولىپ، قىمس ەتسە قارۋلى كۇش قولدانۋعا نەمەسە قارۋلى كۇشپەن قوقان - لوقى جاساۋعا قارسى تۇرۋ. قورعانۋ سيپاتتى مەملەكەت قورعانىسى ساياساتىن جۇرگىزۋگە تاباندى بولىپ، ماڭگى زورەكەرلىك ىستەمەۋدىڭ، ماڭگى ىرگە كەڭەيتپەۋدىڭ، ماڭگى دۇنيە ءجۇزى بەيبىتشىلىگىن قورعاۋدىڭ مىزعىماس كۇشى بولۋ.

　　(3) سەلبەستىك جاساسىپ، تەڭ يگىلىككە كەنەلەتىن اشىق جۇيە قۇرىلىسىن ىلگەرىلەتۋ. ءوزارا پايدا جەتكىزىپ، تەڭ يگىلىككە كەنەلەتىن اشىق ستراتەگياعا تاباندى بولىپ، ”ءبىر بەلدەۋ، ءبىر جول“ دى بىرگە قۇرۋدىڭ جوعارى ساپالى دامۋىن ىلگەرىلەتىپ، كوپ جاقتى ساۋدا ءتۇزىلىسىن قورعاپ، كەمەلدەندىرىپ، ساۋدا مەن قارجى قوسۋدىڭ ەركىن، قولايلى بولۋىن ىلگەرىلەتىپ، الەمگە بەت العان جوعارى ولشەمدى ەركىن ساۋدا ءوڭىرى تورىن قالىپتاستىرۋدى ىلگەرىلەتىپ، قالىڭ دامۋ ۇستىندەگى ەلدەردىڭ ءوز كۇشىنە سۇيەنىپ دامۋ قابىلەتىن جوعارىلاتىپ، الەمدىك دامۋدىڭ بىركەلكىسىزدىگى، سيفرلىق الشاقتىق سياقتى ماسەلەلەردى شەشۋدى ىلگەرىلەتۋىن، اشىق دۇنيە ءجۇزى ەكونوميكاسىن قۇرۋدى ىلگەرىلەتۋىن قولداۋ. سىرتقا ەسىك اشۋ حاۋىپسىزدىگىن قامتاماسىزداندىرۋ جۇيەسىن اقاۋسىزداندىرۋ. شەتەلدەگى مۇددەنى قورعاۋ جانە حاۋىپ - قاتەردەن سيگنال بەرۋ، الدىن الۋ جۇيەسىن قالىپتاستىرىپ، كونسۋلدىق قورعاۋ قىزمەتى مەحانيزمىن كەمەلدەندىرىپ، شەتەلدەگى باۋىرلاستاردىڭ حاۋىپسىزدىگى مەن ورىندى ۇقىق - مۇددەسىن قورعاپ، كەلەلى نىساندار مەن ادامداردىڭ، قۇرىلىمداردىڭ حاۋىپسىزدىگىن قامتاماسىزداندىرۋ.

　　(4) بۇكىل الەمدىك جونگە سالۋ جۇيەسى رەفورماسىنا جانە قۇرىلىسىنا بەلسەنە ات سالىسۋ. ادامزاتتىڭ تاعدىرلاس ورتاق تۇلعاسى تۋىن بيىك ۇستاپ، بىرگە اقىلداسۋ، بىرگە قۇرۋ، بىرگە يگىلىكتەنۋ سىندى الەمدىك جونگە سالۋ كوزقاراسىنان جازباي، كوپ جاقتىلىق پەن حالىقارالىق قارىم - قاتىناستى دەموكراتيالاستىرۋدى دارىپتەپ، الەمدىك ەكونوميكانى جونگە سالۋ مەحانيزمىن جاڭالاۋدى ىلگەرىلەتۋ. ورتاق، ءبىراق پارىقتى جاۋاپكەرشىلىك ارقالاۋ، ءادىل بولۋ، اركىم ءوز قابىلەتىن ايگىلەۋ سياقتى پرينسيپ نەگىزىندە كليمات وزگەرىسىنە توتەپ بەرەتىن حالىقارالىق سەلبەستىكتى ورىستەتۋدى جەبەۋ. بىرلەسكەن مەملەكەتتەر ۇيىمىنىڭ بۇكىل الەمدىك جونگە سالۋداعى ۇيتقىلىق ورنىن قورعاپ، شاڭحاي سەلبەستىك ۇيىمى، بريكس ەلدەرى، 20 ەل توبى سياقتى تۇعىرلاردىڭ مەحانيزمداسقان قۇرىلىسىن قولداپ، اناعۇرلىم ءادىل، ۇيلەسىمدى حالىقارالىق جونگە سالۋ جۇيەسىن قالىپتاستىرۋدى ىلگەرىلەتۋ.

　　ون ءتورتىنشى، پارتيانىڭ جانە مەملەكەتتىڭ باقىلاۋ جۇيەسىنە تاباندى بولىپ جانە ونى كەمەلدەندىرىپ، ۇقىق اينالىمىن تەجەۋدى جانە باقىلاۋدى كۇشەيتۋ

　　پارتيانىڭ جانە مەملەكەتتىڭ باقىلاۋ جۇيەسى − پارتيانىڭ ۇزاق ۋاقىت بيلىك جۇرگىزۋ شارت - جاعدايىندا ءوزىن كىرشىكسىزدەندىرۋدى، ءوزىن كەمەلدەندىرۋدى، وزىنە توڭكەرىس جاساۋدى، ءوزىن جوعارىلاتۋدى جۇزەگە اسىرۋىنداعى ماڭىزدى تۇزىمدىك كەپىلى. ءسوز جوق، پارتيا ءبىر تۇتاس باسشىلىق ەتەتىن، جاپپاي قامتىعان، قۇزىرلى، جوعارى ءونىمدى باقىلاۋ جۇيەسىن اقاۋسىزداندىرىپ، باقىلاۋدىڭ قاتاڭدىعىن، سايكەستىلىگىن، ونىمدىلىگىن كۇشەيتىپ، شەشىمى عىلمي، اتقارۋى باتىل، باقىلاۋى پارمەندى ۇقىق اينالىمى مەحانيزمىن قالىپتاستىرىپ، پارتيا مەن حالىق بەرگەن ۇقىقتى باستان - اياق حالىقتى باقىتقا كەنەلتۋگە پايدالانۋعا شىنايى كەپىلدىك ەتۋ.

　　(1) پارتيا مەن مەملەكەتتىڭ باقىلاۋ ءتۇزىمىن اقاۋسىزداندىرۋ. پارتيا ىشىندەگى باقىلاۋ جۇيەسىن كەمەلدەندىرىپ، ءار دارەجەلى پارتيا ۇيىمدارىنىڭ باقىلاۋ جاۋاپكەرشىلىگىن تياناقتاندىرىپ، پارتيا مۇشەلەرىنىڭ باقىلاۋ ۇقىعىن قامتاماسىزداندىرۋ. جوعارى دارەجەلى كادرلاردى، ءار دارەجەلى نەگىزگى باسشى كادرلاردى باقىلاۋدى ءتۇيىندى كۇشەيتىپ، باسشىلىق القاسىنىڭ ىشكى جاقتاعى باقىلاۋ ءتۇزىمىن كەمەلدەندىرىپ، ”ءبىرىنشى باسشىنى“ باقىلاۋ مەن تەڭ دارەجەلى باقىلاۋداعى قيىن ماسەلەنى شەشۋ. ساياسي باقىلاۋدى كۇشەيتىپ، پارتيانىڭ نازارياسىنىڭ جانە لۋشيان، باعىت - ساياساتتارىنىڭ، سونداي - اق كەلەلى شەشىمدەرىنىڭ، ورنالاستىرۋلارىنىڭ دايەكتىلەندىرىلۋ، تياناقتاندىرىلۋ جاعدايىنا بولعان باقىلاۋدى، تەكسەرۋدى كۇشەيتىپ، رەتتەۋ - تۇزەتۋدى شارلاۋ، ارالاپ تەكسەرۋ، تياناقتاندىرىلۋ جاعدايىن باقىلاۋ - تەكسەرۋدەن مالىمەت بەرۋ ءتۇزىمىن كەمەلدەندىرۋ. ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، جوعارى دارەجەلى ءتارتىپ تەكسەرۋ كوميتەتتەرىنىڭ، باقىلاۋ - تەكسەرۋ كوميتەتتەرىنىڭ تومەن دارەجەلى ءتارتىپ تەكسەرۋ كوميتەتتەرىنە، باقىلاۋ - تەكسەرۋ كوميتەتتەرىنە بولعان باسشىلىعىن كۇشەيتىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ ارناعا ءتۇسۋىن، زاڭمەن جونگە سالىنۋىن ىلگەرىلەتۋ. وكىلەتتى باقىلاۋ ءتۇزىلىس مەحانيزمدەرىن كەمەلدەندىرۋ. تارتىپتىك باقىلاۋدىڭ، باقىلاۋ - تەكسەرۋ باقىلاۋدىڭ، وكىلەتتىك باقىلاۋدىڭ، شارلاۋ جۇرگىزىپ باقىلاۋدىڭ ءبىر تۇتاس جوسپارلانۋىن، ۇشتاسۋىن ىلگەرىلەتىپ، حالىق قۇرىلتايىنىڭ باقىلاۋى، دەموكراتيالىق باقىلاۋ، اكىمشىلىك باقىلاۋ، ءادىليالىق باقىلاۋ، بۇقارالىق باقىلاۋ، قوعامدىق پىكىر باقىلاۋى ءتۇزىمىن اقاۋسىزداندىرىپ، قازىنالىق تەكسەرۋ باقىلاۋىنىڭ، ساناقتىق باقىلاۋدىڭ فۋنكتسيالىق رولىن ساۋلەلەندىرۋ. پارتيا ىشىندەگى باقىلاۋدى جەتەكشى ەتىپ، ءتۇرلى باقىلاۋدىڭ ورگانيكالى تۇتاستىعىن، ءوزارا سايكەسۋىن ىلگەرىلەتۋ.

　　(2) ۇقىق ورنالاستىرىلۋى مەن اينالىمىن تەجەۋ مەحانيزمىن كەمەلدەندىرۋ. ۇقىق پەن جاۋاپكەرشىلىكتى زاڭ بەلگىلەۋگە تاباندى بولىپ، ىسكە قاراي ۇقىق جۇرگىزۋدى، جۇمىس ورنىنا قاراي ۇقىق بەلگىلەۋدى، دارەجەسىنە قاراي ۇقىق بەرۋدى، مەرزىم بويىنشا جۇمىس ورنىن كەزەكتەسۋ تۇزىمىنە تاباندى بولىپ، ۇقىق شەكاراسىن ايقىنداپ، قىزمەت ءتارتىبىن جۇيەلىلەندىرىپ، ۇقىقتى تەجەۋدى كۇشەيتۋ. ۇقىق پەن جاۋاپكەرشىلىكتىڭ جاريا بولۋىنان جازباي، ۇقىق ىستەتۋدىڭ اشىق بولۋىن ىلگەرىلەتىپ، پارتيا ىستەرى، ۇكىمەت ىستەرى، ءادىليا ىستەرى جانە ءار سالانىڭ ءىس ءبىتىرۋى اشىق بولۋ ءتۇزىمىن كەمەلدەندىرىپ، ۇقىق اينالىمىنا تەكسەرۋگە بولاتىن، قۋزاستىرۋعا بولاتىن اڭىس قايتارۋ مەحانيزمىن ورناتۋ. ۇقىق پەن جاۋاپكەرشىلىكتىڭ بىرلىگىنە تاباندى بولىپ، ۇقىق اينالىمىنىڭ ءارقايسى بۋىندارىنان كوز جازباي، ماسەلەنى بايقاۋدىڭ، اۋىتقۋدى تۇزەتۋدىڭ، دالمە - ءدال جاۋاپكەرشىلىگىن قۋزاستىرۋدىڭ ءونىمدى مەحانيزمىن كەمەلدەندىرىپ، ۇقىقتى جالعا بەرۋدى ورنالاستىرۋ، جالعا الۋدى قاراستىرۋ كەڭىستىگىن تارايتۋ.

　　(3) شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعالاندىرىپ ىلگەرىلەتەتىن ءتۇزىلىس مەحانيزمىن ورناتۋ. شىرىكتەسۋگە قارسى كۇرەستى بۇلجىماستان ىلگەرىلەتىپ، ساياسي ماسەلە مەن ەكونوميكالىق ماسەلە شاتىسقان شىرىكتەسۋ دەلولارىن باتىل تەكسەرىپ، ءبىر جايلى ەتىپ، ”قورشاپ اۋلاۋ“ مەن ”قورشاپ اۋلاۋعا“ پەيىل مۇددە تىزبەگىن باتىلدىقپەن ءۇزىپ، ۇقىق - اقشا ساۋداسىنىڭ بايلانىس تورىن باتىل الاستاۋ. ۇستىنەن وڭاۋ مەن تۇبىرىنەن وڭاۋدى ۇشتاستىرۋدى تەرەڭدەتىپ، تەكسەرىپ - بەكىتۋدى باقىلاۋ - باسقارۋ، زاڭ اتقارۋ - ءادىليا، ينجەنەريا قۇرىلىسى، بايلىقتى اشۋ، فينانس - امانات قارىز الەۋمەتتىك بايلىق ساۋداسى، الەۋمەتتىك قازىنا شىعىسى سياقتى ءتۇيىندى سالالارداعى باقىلاۋ مەحانيزمى رەفورماسى مەن ءتۇزىم قۇرىلىسىن ىلگەرىلەتىپ، شىرىكتەسۋگە قارسى مەملەكەت زاڭىن جاساۋدى ىلگەرىلەتىپ، شىرىكتەسۋگە قارسى حالىقارالىق سەلبەستىكتى جەبەپ، يدەيا ءمورال جانە پارتيا ءتارتىبى، مەملەكەت زاڭى تاربيەسىن كۇشەيتىپ، شىرىكتەسۋگە قارسى كۇرەستىڭ تۇبەگەيلى جەڭىسىن بەكەمدەۋ جانە دامىتۋ.

　　ون بەسىنشى، پارتيانىڭ جۇڭگوشا سوتسياليزم تۇزىمىنە تاباندى بولۋعا جانە ونى كەمەلدەندىرۋگە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە باسشىلىعىن كۇشەيتۋ

　　جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ − بۇكىل پارتيانىڭ كەلەلى ستراتەگيالىق مىندەتى. ونى، ءسوز جوق، پارتيا ورتالىق كوميتەتىنىڭ ءبىر تۇتاس باسشىلىعىندا جۇرگىزىپ، عىلمي جوبالاپ، دەن قويا ۇيىمداستىرىپ، كوز الداعى مەن ۇزاق بولاشاقتى ۇشتاستىرىپ، جالپى تۇلعالىق جاقتان ىلگەرىلەتىپ، وسى رەتكى جالپى ءماجىلىس تۇراقتاندىرعان ءتۇرلى نىسانا - مىندەتتەردىڭ جاپپاي ناقتاپ تياناقتاندىرىلۋىنا شىنايى كەپىلدىك ەتۋ.

　　ءتۇزىمنىڭ ومىرشەڭدىگى اتقارىلۋىندا. ءار دارەجەلى پارتكومدار مەن ۇكىمەتتەر جانە ءار دارەجەلى باسشى كادرلار ءتۇزىم تانىمىن شىن مانىندە كۇشەيتىپ، ءتۇزىمنىڭ قۇزىرەتتىلىگىن باستاماشىلدىقپەن قورعاپ، ءتۇزىمدى اتقارۋدىڭ ۇلگىسى بولىپ، بۇكىل پارتيانى، بۇكىل قوعامدى تۇزىمگە سانالى قۇرمەت ەتۋگە، ءتۇزىمدى قاتاڭ اتقارۋعا، ءتۇزىمدى باتىل قورعاۋعا باستاۋ كەرەك. ءتۇزىم اتقارۋدىڭ قۇزىرەتتى دە جوعارى ءونىمدى مەحانيزمىن اقاۋسىزداندىرىپ، ءتۇزىم اتقارۋعا باقىلاۋ جۇرگىزۋدى كۇشەيتىپ، تالعام جاساۋ، قۇبىلتۋ، قاز - قالپىندا اتقارماۋ جايتتەرىن باتىلدىقپەن ءبىر جولاتا جويۋ كەرەك.

　　ءتۇزىم جونىندەگى نازاريالىق زەرتتەۋدى جانە ۇگىت - تاربيەنى كۇشەيتىپ، بۇكىل پارتيانى، بۇكىل قوعامدى جۇڭگوشا سوتسياليزم ءتۇزىمىنىڭ ماندىك ەرەكشەلىگىن جانە ابزالدىعىن تولىق تانۋعا جەتەكتەپ، ءتۇزىم سەنىمىن بەكەمدەۋ. قالىڭ كادرلار مەن بۇقارانى جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىنىڭ ۇزاق ۋاقىتتىق اماليات سىنىنان وتكەندىگىن، وڭايلىقپەن قولعا كەلمەگەندىگىن، ءسوزسىز، بارىنشا قاستەرلەۋ كەرەكتىگىن تانۋعا تاربيەلەۋ جانە باستاۋ؛ ەلىمىزدىڭ مەملەكەت ءتۇزىمى مەن جونگە سالۋ جۇيەسىن كەمەلدەندىرۋدە جانە دامىتۋدا، ءسوزسىز، مەملەكەت جاعدايىن شىعار ءتۇيىن ەتۋگە، ءىس جۇزىندىكتى شىعار ءتۇيىن ەتۋگە تاباندى بولىپ، ۇزاق ۋاقىتتا قالىپتاسقان تاريحي جالعاستىرۋدى يگەرۋمەن بىرگە، پارتيا مەن حالىقتىڭ ەلىمىزدىڭ مەملەكەت ءتۇزىمى قۇرىلىسى مەن مەملەكەتتى جونگە سالۋ جاعىندا جۇرگەن جولىن، توپتاعان تاجىريبەسىن، قالىپتاستىرعان پرينسيبىن يگەرۋ، وزگە ەلدىڭ ءتۇزىم ۇلگىسىن قاز قالپىندا كوشىرىپ الماي، قاز قالپىندا قولدانباي، تۇيىق، توقىراۋلى كونە سۇردەكپەن جۇرمەۋمەن بىرگە، باعداردان اداستىراتىن تەرىس جولعا دا تۇسپەي، ەش اۋىتقىماستان جۇڭگوشا سوتسياليستىك جولمەن ءجۇرۋ.

　　جونگە سالۋ قابىلەتىن جوعارىلاتۋدى جاڭا داۋىردەگى كادرلار قوسىنى قۇرىلىسىنىڭ كەلەلى مىندەتى ەتۋ. يدەيالىق شىڭدالۋدى، ساياسي توسەلۋدى، امالياتتىق شىنىعۋدى، كاسىپتىك جاتتىعۋدى كۇشەيتۋ ارقىلى قالىڭ كادرلاردىڭ تۇزىمگە قاتاڭ بويسۇنىپ قىزمەت جاۋاپكەرشىلىگىن اتقارۋىن، بيلىك جۇرگىزۋىن، قىزمەت ورىستەتۋىن ىلگەرىلەتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋى جانە ”ءتورتتى جاپپاي ورىنداۋ“ ستراتەگيالىق ورنالاستىرۋى سياقتى ءتۇرلى قىزمەتتى ىلگەرىلەتۋ قابىلەتى مەن دەڭگەيىن جوعارىلاتۋ. پارتيا كادرلاردى باسقارۋ پرينسيبىنەن جازباي، جاقسى كادر ولشەمىن ويداعىداي تياناقتاندىرىپ، ادام ىستەتۋدىڭ دۇرىس بەتالىسىن ورناتىپ، ءتۇزىم اتقارۋ قابىلەتى مەن جونگە سالۋ قابىلەتىن كادرلاردى تاڭداپ تاعايىنداۋدىڭ، تەكسەرىپ باعالاۋدىڭ ماڭىزدى نەگىزى ەتۋ. بىلىمگە قۇرمەت ەتىپ، دارىندىلارعا قۇرمەت ەتىپ، دارىندىلار ءتۇزىمى مەن ساياساتتىق جاسامپازدىقتى جەدەلدەتىپ، ءتۇرلى دارىندىلاردىڭ مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋعا اقىل - پاراساتى مەن كۇش - قۋاتىن ارناۋىن قولداۋ.

　　رەفورمانى جاپپاي تەرەڭدەتۋدى ىلگەرىلەتۋدە جۇڭگوشا سوتسياليزم ءتۇزىمىنىڭ جانە مەملەكەتتى جونگە سالۋ جۇيەسىنىڭ ورنىقتىلىعى مەن ۇلاسپالىلىعىن ساقتاۋمەن بىرگە، مەملەكەتتى جونگە سالۋ قابىلەتى مەن جونگە سالۋ جۇيەسىن وسىزامانداندىرۋ شۇعىل قاجەت ەتكەن، حالىقتىڭ تاماشا ومىرگە دەگەن جاڭا تالپىنىسىن قاناعاتتاندىراتىن قاجەتتى ءتۇزىمدى جەدەل جاساپ، جۇڭگوشا سوتسياليزم ءتۇزىمىنىڭ ۇزدىكسىز ءوزىن كەمەلدەندىرۋى مەن دامىتۋىن ىلگەرىلەتىپ، تىرشىلىك ومىرشەڭدىگىن ماڭگى ساقتاۋ.

　　بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، تاباندىلىقتى ساقتاپ، قايراتتانا العا ۇمتىلىپ، ءورىس اشا جاڭالىق اشىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزۋ كەرەك.

　　(شينحۋا اگەنتتىگىنىڭ 11 - ايدىڭ 5 - كۇنى بەيجيڭنەن بەرگەن حابارى)