ءتىلشى ياۋ گاڭ 11 - ايدىڭ 5 - كۇنى ۇرىمجىدەن حابارلايدى. ءتىلشىنىڭ 11 - ايدىڭ 5 - كۇنى اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىنشا، 3 - جاق سەرىكتەستىگىنىڭ تەكسەرۋ ساناعىنا قاراعاندا، 2019 - جىلى 1 - ايدان 10 - ايعا دەيىن شينجياڭ ەل ءىشى - سىرتى ساياحاتشىلارىنان 201 ميلليون 928 مىڭ 700 ادام - رەت قابىلداپ، سايكەس مەزگىلدەگىدەن ％42.62 ارتقان؛ ساياحات كىرىسى 341 ميلليارد 727 ميلليون يۋان بولىپ، سايكەس مەزگىلدەگىدەن ％43.39 ارتقان، ەكەۋى دە بىردەي تاعى دا تىڭ ناتيجە جاراتتى.
التىن كۇز 10 - ايدا، وڭتۇستىك شينجياڭ ”توراڭعى تاماشالاۋ“دى نەگىزگى تاقىرىپ ەتكەن كۇز ماۋسىمىنداعى ساياحاتتىڭ قىزۋ ورلەۋىن قارسى الدى، التىن سارى ءتۇستى توراڭعى، تۇپ - تۇنىق وزەن سۋى كوگىلدىر اسپانمەن قوسىلا كورىك بەرىپ، كوركى كوز تارتاتىن كوركەم سۋرەت سالىپ، قىرۋار ساياحاتشىنى باۋرادى. ساندى مالىمەتكە قاراعاندا، 10 - ايدا بۇكىل رايونىمىز ساياحاتشىدان 19 ميلليون 464 مىڭ 400 ادام - رەت قابىلداپ، سايكەس مەزگىلدەگىدەن ％47.72 ارتقان؛ ساياحات كىرىسى 40 ميلليارد 279 ميلليون يۋان بولىپ، سايكەس مەزگىلدەگىدەن ％41.39 ارتقان.
اۆتونوميالى رايوننىڭ ساياحاتتى دامىتۋ جينالىسى اشىلعاننان بەرى، بۇكىل رايونىمىز جوعارىدان تومەنگە دەيىن ساياحات ارقىلى شينجياڭدى گۇلدەندىرۋ ستراتەگياسىن بار كۇشپەن ىلگەرىلەتتى، بۇعان ورنىقتىلىق تيىمدىلىگىنىڭ تىنباي جارىققا شىعۋى قوسىلعاندا ساياحات كاسىبىنىڭ ءتۇرلى ساندىق كورسەتكىشتەرى تالاي رەت جاڭا دەڭگەي جاراتىپ، ”شينجياڭ جاقسى جەر“ ساياحات ماركاسىنىڭ اتاعى بارعان سايىن شارىقتادى. بۇكىل رايونىمىزدىڭ جەر - جەرى ساياحات نەگىزدىك قۇرىلعىلار قۇرىلىسىن ۇزدىكسىز كەمەلدەندىرىپ، كورىنىس تۇيىندەرىنىڭ، كورىنىس اۋماقتارىنىڭ ساپاسىن ءوسىرىپ، شينجياڭعا كىرىپ - شىعۋ بارعان سايىن تەزدەپ، ساپار ۋاقىتى بارعان سايىن قىسقارىپ، وزىندىك ەرەكشەلىككە يە كورىنىس اۋماقتارىنىڭ كورىنىسى كورىكتەنە ءتۇستى. بۇكىل رايونىمىزدىڭ جەر - جەرى قامال الىپ، قيىنشىلىقتاردى جەڭىپ، ”3 قيىن بولۋ، ءبىر ىركىلىسسىز بولماۋ“ (اۆتوكولىك توقتاتۋ قيىن بولۋ، جانار ماي قۇيۋ قيىن بولۋ، دارەتحانا تابۋ قيىن بولۋ، قول تەلەفون سيگنالى ىركىلىسسىز بولماۋ) ماسەلەسىن كۇش سالا شەشىپ، ساياحاتشىلاردىڭ ءتول اسەرىن ۇزدىكسىز كۇشەيتتى.
بيىل جىل باسىنان بەرى، تۇتاس رايونىمىز ”تۇنىق سۋ، جاسىل تاۋ − باعالى بايلىق، قارلى تاۋ، مۇزدى القاپ تا باعالى بايلىق“ دەگەن ۇستانىمدى بار كۇشپەن امالياتتا ايگىلەپ، جەر - جەر ساياحاتتىڭ دامۋ كومەسكى كۇشىن ىركەس - تىركەس تەرەڭ اشىپ، ەرەكشە باۋراۋ قۋاتىن سومداۋعا كۇش سالىپ، ساياحات كوزەۋلى جەر جۇيە قۇرىلىسىن كەمەلدەندىرىپ، تۇتاس وڭىرلىك ساياحاتتى، تۇتاس ۋاقىتتىق ساياحاتتى كۇش سالا جاراتىپ، ەرەكشە ساياحات ونىمدەرى، جەلىلەرى ارت - ارتىنان جارىققا شىقتى. رايونىمىز تاعى ساياحاتتى دامىتۋدى ىلگەرىلەتۋ جاعىندا جوعارى دەڭگەيدە جوبالاۋدى كۇشەيتىپ، ساياحات جوباسى جۇيەسىن ۇزبەي كەمەلدەندىرىپ، ساياحات قىزمەت وتەۋ ەرەكشەلىگىنە باتىلدىقپەن جاڭالىق ەنگىزىپ، شينجياڭ ساياحاتىنىڭ ”ءتورت ماۋسىمدىق جىرىن“ كۇش بىرىكتىرە شىرقاپ، شينجياڭ زەردەلى ساياحات جۇيەسى قۇرىلىسىنا جەتەكشىلىك ەتتى. سونىمەن قاتار، باسقارۋدى ساپالىلاندىرۋدى ىلگەرىلەتىپ، ءتۇزىم جۇيەسىن ورناتىپ، كەمەلدەندىرىپ، ساياحات كاسىبىن باسقارۋ دەڭگەيىن جوعارىلاتتى.
رايونىمىز ساياحات كاسىبىنىڭ جەتەكشىلىك ەتۋ اسەرىن تولىق ساۋلەلەندىرىپ، ساياحات پەن كەدەيلەردى سۇيەمەلدەۋدەگى مۇددە بايلانىستىرۋ مەحانيزمىن ورناتۋ ارقىلى كەدەي بۇقارانى ساياحاتتىڭ دامۋ جەتىستىكتەرىنەن بىرگە يگىلىكتەندىردى.
ساياحات ارقىلى شينجياڭدى گۇلدەندىرۋ ستراتەگياسى اتقارىلعاننان بەرى، شينجياڭنىڭ ساياحات كاسىبى ۇدەمەلى جىلدامدىقپەن العا باسىپ، شينجياڭنىڭ ساياحات بايلىعى زور وڭىردەن ساياحات ەكونوميكاسى قۋاتتى وڭىرگە قاراي تەز قارقىنمەن بۇرىلىس جاساۋىن، دۇنيە جۇزىندەگى ماڭىزدى ساياحات كوزەۋلى جەرى بولۋعا ەكپىندەي ىلگەرىلەۋىن ىلگەرىلەتتى.
