تيانشان تورى   ›   جاڭالىقتار   ›   ماڭىزدى حابارلار

شي جينپيڭ 2 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا قاتىناستى جانە ارقاۋ ءسوز سويلەدى

اشىق سەلبەسەتىن، اشىق جاڭالىق اشاتىن، اشىق بىرگە يگىلىكتەنەتىن دۇنيە ءجۇزى ەكونوميكاسىن بىرگە قۇرۋدى دارىپتەدى

جۇڭگونىڭ جاڭا شارا قولدانىپ اناعۇرلىم جوعارى دەڭگەيدەگى سىرتقا ەسىك اشۋدى ىلگەرىلەتەتىندىگىن جاريالادى

  11 - ايدىڭ 5 - كۇنى 2 - كەزەكتى جۇڭگو حالىقارالىق يمپورت كورمەسى شاڭحاي مەملەكەتتىك ءماجىلىس - كورمە ورتالىعىندا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى جانە «اشىق سەلبەستىك، ورتاق تاعدىر» تاقىرىبىندا ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  11 - ايدىڭ 5 - كۇنى 2 - كەزەكتى جۇڭگو حالىقارالىق يمپورت كورمەسى شاڭحاي مەملەكەتتىك ءماجىلىس - كورمە ورتالىعىندا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى جانە «اشىق سەلبەستىك، ورتاق تاعدىر» تاقىرىبىندا ارقاۋ ءسوز سويلەدى. سۋرەتتە: اشىلۋ سالتىنان بۇرىن شي جينپيڭ سىرت جاقتىڭ باسشىلارىمەن بىرگە توپتىق سۋرەتكە ءتۇستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 11 - ايدىڭ 5 - كۇنى شاڭحايدان بەرگەن حابارى (تىلشىلەر جياڭ ۋي، ياڭ يجۇن، جۋ چاۋ). 2 - كەزەكتى جۇڭگو حالىقارالىق يمپورت كورمەسى 11 - ايدىڭ 5 - كۇنى شاڭحاي مەملەكەتتىك ءماجىلىس - كورمە ورتالىعىندا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى جانە «اشىق سەلبەستىك، ورتاق تاعدىر» تاقىرىبىندا ارقاۋ ءسوز سويلەپ، ءار ەلدىڭ اناعۇرلىم اشىق پەيىلمەن جانە شارامەن، اشىق سەلبەسەتىن، اشىق جاڭالىق اشاتىن، اشىق بىرگە يگىلىكتەنەتىن دۇنيە ءجۇزى ەكونوميكاسىن بىرگە قۇرۋدى دارىپتەپ، جۇڭگونىڭ اشىلعان قاقپاسىنىڭ بارعان سايىن ايقارا اشىلاتىندىعىن، جۇڭگونىڭ ەسىك اشۋ ارقىلى رەفورمانى جەبەۋگە، دامۋدى جەبەۋگە، جاڭالىق اشۋدى جەبەۋگە تاباندى بولىپ، اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتەتىندىگىن قايتالاي دارىپتەدى.

  تۇستەن بۇرىن ساعات 9دان 30 مينۋت مولشەرىندە شي جينپيڭ سىرت جاقتىڭ باسشىلارىمەن بىرگە ءماجىلىس زالىنا كىردى.

  قىزۋ قول شاپالاق ءۇنى ىشىندە شي جينپيڭ 2 - كەزەكتى جۇڭگو حالىقارالىق يمپورت كورمەسىنىڭ رەسمي اشىلعاندىعىن جاريالادى. شي جينپيڭ ارقاۋ ءسوز سويلەدى.

  شي جينپيڭ بىلاي دەپ اتاپ كورسەتتى: ءبىر جىلدىڭ الدىندا، ءبىز وسى جەردە تۇڭعىش كەزەكتى جۇڭگو حالىقارالىق يمپورت كورمەسىن تابىسپەن وتكىزدىك. بۇگىن اناعۇرلىم كوپتەگەن دوستار ايتىلعان ۋادە بويىنشا وسىندا كەلىپ وتىر. مەن ءاربىر دوستىڭ قۋانىشپەن كەلىپ، رازى بولىپ قايتارىنا سەنەمىن. بىلتىر مەن تۇڭعىش كەزەكتى يمپورت كورمەسىندە جۇڭگونىڭ سىرتقا ەسىك اشۋدى كەڭەيتۋى تۋرالى 5 جاقتاعى شاراسىن جاريالاپ، ەسىك اشۋ جونىندە شاڭحايعا 3 تالاپ قويعان بولاتىنمىن. ءبىر جىلدان بەرى، ەسىك اشۋدىڭ وسى شارالارى نەگىزىنەن تياناقتانىپ بولدى.

  شي جينپيڭ بىلاي دەپ باسا دارىپتەدى: ەكونوميكانىڭ جاھاندانۋى − تاريحي اۋقىم. كەيبىر كەرى تولقىندار بولعانىمەن، كوپتەگەن قاتەرلى قايراڭ، جاسىرىن قۇزدار جولىققانىمەن، جويقىن داريا، الىپ وزەننىڭ العا جوڭكىلگەن اعىنىن ەشكىم دە بوگەي المايدى. دۇنيە ءجۇزى ەكونوميكاسى ءدوپ كەلىپ وتىرعان قيىن ماسەلەلەردى قانداي ءبىر مەملەكەت دەربەس شەشە المايدى. ءار ەل ادامزاتتى الدىمەن ويلاستىرۋ ۇستانىمىنا تاباندى بولىپ، اناعۇرلىم اشىق پەيىلمەن جانە شارامەن دۇنيە جۇزىلىك بازاردىڭ بالكۇلشەسىن بىرگە ۇلكەيتىپ، دۇنيە ءجۇزى بىرگە يگىلىكتەنەتىن مەحانيزمدى ناقتىلاپ، دۇنيە ءجۇزىنىڭ سەلبەسۋ ءتاسىلىن جانداندىرىپ، بىرلەسە وتىرىپ ەكونوميكانىڭ جاھاندانۋىنىڭ قوزعاۋشى كۇشىن اناعۇرلىم زورايتۋى، كەدەرگى كۇشىن اناعۇرلىم كىشىرەيتۋى ءتيىس.

  شي جينپيڭ بىرنەشە ءتۇرلى دارىپتەمەنى ورتاعا قويدى:

  ءبىرىنشى، اشىق سەلبەسەتىن دۇنيە ءجۇزى ەكونوميكاسىن بىرگە قۇرۋ. قايشىلىقتار مەن قاجالىستار الدىندا، اقىلداسۋ مەن سەلبەسۋ عانا تۋرا جول بولىپ تابىلادى. تەڭ تۇرعىدا ءوزارا مامىلە جاساپ، ءوزارا ءتۇسىنىپ، ءبىر - بىرىنە جول بەرسە، شەشىلمەيتىن قيىن ماسەلە جوق. ەسىك اشۋ ارقىلى دامۋعا تالپىنۋعا تاباندى بولۋ، ”قولىن قويا بەرە سالۋ“ ەمەس ”قولىنان تارتۋ“عا تاباندى بولۋ، ”داۋال سوعۋ“ ەمەس ”داۋال شاعۋ“عا تاباندى بولۋ، قورعامپازدىققا، سىڭار جاقتىلىققا باتىل قارسى تۇرۋ ءتيىس.

  ەكىنشى، اشىق جاڭالىق اشاتىن دۇنيە ءجۇزى ەكونوميكاسىن بىرگە قۇرۋ. ءار ەل جاڭالىق اشۋ سەلبەستىگىن كۇشەيتىپ، عىلىم - تەحنيكانى ەكونوميكامەن تەرەڭ توعىستىرۋدى ىلگەرىلەتىپ، جاڭالىق اشۋ جەتىستىكتەرىنەن بىرگە يگىلىكتەنۋدى كۇشەيتىپ، كاسىپورىنداردىڭ تەحنيكالىق اۋىس - كۇيىس سەلبەستىگىن دەربەس ورىستەتۋىنە قولداۋ كورسەتىپ، جاڭالىق اشۋدىڭ قاينار كوزىنىڭ تولىق اشىلۋىنا مۇمكىندىك جاساۋى ءتيىس. بىلىمگە قۇرساۋ سالۋمەن، عىلىم - تەحنيكادا جىرا قازۋمەن، جىرانى ۇلعايتۋمەن شۇعىلدانباي، قايتا ءبىلىم مەنشىك ۇقىعىن قورعاۋدى بىرگە كۇشەيتۋ كەرەك.

  ءۇشىنشى، اشىق بىرگە يگىلىكتەنەتىن دۇنيە ءجۇزى ەكونوميكاسىن بىرگە قۇرۋ. بىرلەسكەن مەملەكەتتەر ۇيىمىنىڭ ۋستاۆىنىڭ ءتۇبىرلى ماقساتى مەن پرينسيبىن نەگىز ەتكەن حالىقارالىق ءتارتىپتى بىرگە قورعاپ، كوپ جاقتى ساۋدا ءتۇزىلىسىنىڭ وزەكتى قۇنى مەن نەگىزگى پرينسيبىنە تاباندى بولىپ، ساۋدا مەن قارجى قوسۋدىڭ ەركىن، قولايلى بولۋىن جەبەۋ كەرەك. ەڭ دامىماعان مەملەكەتتەرگە قولداۋ كورسەتۋ سەرپىنىن ارتتىرىپ، دامۋ جەتىستىكتەرىنەن اناعۇرلىم كوپ مەملەكەت پەن حالىقتى يگىلىكتەندىرۋ كەرەك.

  شي جينپيڭ بىلاي دەپ باسا دارىپتەدى: جاڭا تاريحي باستامادا تۇرعان جۇڭگونىڭ اشىلعان قاقپاسى بارعان سايىن ايقارا اشىلادى، ءبىز ەسىك اشۋ ارقىلى رەفورمانى جەبەۋگە، دامۋدى جەبەۋگە، جاڭالىق اشۋدى جەبەۋگە تاباندى بولىپ، اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتەمىز.

  ءبىرىنشى، بازاردىڭ اشىقتىعىن ۇزدىكسىز كەڭەيتەمىز. جۇڭگونىڭ ورتا تابىستىلار شوعىرىنىڭ كولەمى دۇنيە ءجۇزى بويىنشا ەڭ ۇلكەن، بازار كولەمى وراسان زور، كومەسكى كۇشى دە وراسان زور، بولاشاعى شەكسىز. جۇڭگونىڭ بازارى وسىنشاما زور، كوپشىلىكتىڭ ءبارىنىڭ كەلىپ كورۋلەرىن قارسى الامىز. جۇڭگو اناعۇرلىم جالىندى ەل ءىشى بازارىن بەلسەنە قۇرىپ، يمپورتتىڭ رولىنا اناعۇرلىم ءمان بەرىپ، كەدەن باجىسى مەن تۇزىمدىك وزىندىك قۇنداردى ونان ارى تومەندەتىپ، يمپورت ساۋداسىن جەبەۋدە جاڭالىق اشۋدان ۇلگى كورسەتۋ رايوندارىنان ءبىر توبىن جەتىلدىرىپ، ءار ەلدىڭ جوعارى ساپالى ونىمدەرى مەن قىزمەت وتەۋىن يمپورت ەتۋدى كەڭەيتەدى.

  ەكىنشى، ەسىك اشۋ ارناسىن ۇزدىكسىز كەمەلدەندىرەمىز. جۇڭگو ەركىن ساۋدا سىناق رايونىن باتىلدىقپەن سىناق جاساۋ، باتىلدىقپەن كىرىسۋگە ۇزدىكسىز ىنتالاندىرىپ، حاينان ەركىن ساۋدا پورتى قۇرىلىسىن جەدەل ىلگەرىلەتىپ، بەيجيڭنىڭ، تيانجيننىڭ، حىبەيدىڭ سايكەسە دامۋىن، چاڭجياڭ ەكونوميكالىق بەلدەۋىنىڭ دامۋىن، چاڭجياڭ اتىراۋى ءوڭىرىنىڭ ءبىر تۇلعالانىپ دامۋىن، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ۇزدىكسىز ىلگەرىلەتەدى، سونداي - اق حۋاڭحى وزەنى الابىنىڭ ەكولوگياسىن قورعاۋدىڭ جانە جوعارى ساپالى دامۋىنىڭ جاڭا مەملەكەتتىك ستراتەگياسىن جاساپ، ەسىك اشۋدىڭ بىرلەسە قيمىلداۋ اسەرىن كۇشەيتەدى.

  ءۇشىنشى، شارۋاشىلىق - ساۋدا ورتاسىن ۇزدىكسىز ساپالىلاندىرامىز. جۇڭگو ەكونوميكانىڭ دامۋىن تەجەپ وتىرعان كورنەكتى قايشىلىقتارعا باعىتتاي وتىرىپ، شەشۋشى بۋىندار مەن ماڭىزدى سالالاردا رەفورمانىڭ اياق الىسىن ۇزدىكسىز جەدەلدەتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ ارقىلى جوعارى دەڭگەيدەگى ەسىك اشۋعا، جوعارى ساپالى دامۋعا تۇزىمدىك كەپىلدىك ازىرلەيدى. بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن ۇزدىكسىز كەمەلدەندىرىپ، شەتەل قارجىسىنىڭ بازارعا كىرۋ رۇقساتىن كەڭەيتىپ، ۇنامسىز ءتىزىمدى ۇزدىكسىز ازايتىپ، قارجى قوسۋدى جەبەۋ جانە قورعاۋ، ينفورماتسيا مالىمدەۋ سياقتى تۇزىمدەردى كەمەلدەندىرەدى، ءبىلىم مەنشىك ۇقىعىن قورعايتىن زاڭ جۇيەسىن كەمەلدەندىرەدى.

  ءتورتىنشى، كوپ جاقتى، ەكى جاقتى سەلبەستىكتەردى ۇزدىكسىز تەرەڭدەتەمىز. جۇڭگو دۇنيە جۇزىلىك ساۋدا ۇيىمىنىڭ قاجەتتى رەفورما جاساۋىن قولداپ، كوپ جاقتى ساۋدا ءتۇزىلىسىنىڭ قۇزىرەتتىلىگى مەن ونىمدىلىگىن كۇشەيتەدى. وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمىنىڭ ەرتەرەك قول قويىلىپ كۇشكە ەنۋىن ءۇمىت ەتەدى. جۇڭگو اناعۇرلىم كوپ مەملەكەتپەن جوعارى ولشەمدى ەركىن ساۋدا كەلىسىمىن جاساۋدى، جۇڭگو - ەۆروپا قارجى قوسۋ كەلىسىمىنىڭ، جۇڭگو - جاپون - كورەيا ەركىن ساۋدا كەلىسىمىنىڭ، جۇڭگو - شىعاناق سەلبەستىگى كوميتەتى ەركىن ساۋدا كەلىسىمىنىڭ كەلىسسوز اياق الىسىن تەزدەتۋدى قالايدى. جۇڭگو بىرلەسكەن مەملەكەتتەر ۇيىمى، 20 ەل توبى، ازيا - تىنىق مۇحيت ەكونوميكالىق سەلبەستىك ۇيىمى، بريكس ەلدەرى سياقتى مەحانيزمدەردىڭ سەلبەستىگىنە بەلسەنە ات سالىسىپ، ەكونوميكانىڭ جاھاندانۋىنىڭ العا دامۋىن ىلگەرىلەتەدى.

  بەسىنشى، ”ءبىر بەلدەۋ، ءبىر جول“دى بىرگە قۇرۋدى ۇزدىكسىز ىلگەرىلەتەمىز. جۇڭگو بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ، اشىق، جاسىل، كىرشىكسىز بولۋ ۇستانىمىنا تاباندى بولىپ، جوعارى ولشەمدى بولۋ، حالىق تۇرمىسىنا تيىمدىلىك جاساۋ، باياندى بولۋ نىساناسىن قۇلشىنا جۇزەگە اسىرىپ، ”ءبىر بەلدەۋ، ءبىر جول“دى بىرگە قۇرۋدى جوعارى ساپالى دامۋ ارقىلى ىلگەرىلەتەدى.

  شي جينپيڭ بىلاي دەپ اتاپ كورسەتتى: بولاشاقتى بەتكە العان جۇڭگو جاڭا دامۋ ۇستانىمىنا تاباندى بولىپ، جاڭالىق اشۋ ارقىلى دامۋعا دەم بەرۋ ستراتەگياسىن ۇزدىكسىز اتقارىپ، جاڭا قوزعاۋشى قۋاتتى كۇش سالا جەتىلدىرىپ جانە ۇلعايتىپ، تاسىلگە بۇرىلىس جاساۋدى، قۇرىلىمدى رەتتەۋدى، قوزعاۋشى كۇشتى ارتتىرۋدى ۇزدىكسىز ىلگەرىلەتىپ، ەكونوميكانىڭ جوعارى ساپالى دامۋىن جەبەپ، دۇنيە ءجۇزى ەكونوميكاسىنىڭ ارتۋىنا اناعۇرلىم كوپ جاڭا وراي اكەلەدى. جۇڭگو ەكونوميكاسىنىڭ دامۋ بولاشاعىنىڭ، ءسوز جوق، اناعۇرلىم نۇرلى بولاتىندىعىنا ءارى، ءسوزسىز اناعۇرلىم نۇرلى بولاتىندىعىنا سەنەمىز.

  شي جينپيڭ سوڭىندا بىلاي دەپ باسا دارىپتەدى: تاريحتىڭ ۇزاق كوشىنەن الىپ قاراعاندا، جۇڭگونىڭ دامۋى جالپى ادامزاتتىڭ العا باسۋىنا ءتان ۇلى ءىس سانالادى. جۇڭگو قۇشاعىن كەڭ جايىپ، ءار ەلگە اناعۇرلىم كوپ بازار ورايىن، قارجى قوسۋ ورايىن، ارتۋ ورايىن ازىرلەپ، بىرگە دامۋدى جۇزەگە اسىرادى. كوپشىلىكتىڭ بىرگە قۇلشىنىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋ ءۇشىن ۇزدىكسىز ۇلەس قوسۋىن ءۇمىت ەتەمىن.

  شي جينپيڭ ءسوز سويلەۋ بارىسىندا، زالدان ءالسىن - ءالى قىزۋ قول شاپالاق ءۇنى كوتەرىلدى.

  وسىدان سوڭ، فرانسيا زۇڭتۇڭى ماكرون، گرەتسيا زۇڭليى ميتسوتاكيس، يامايكا زۇڭليى حولنەسس، سەربيا زۇڭليى برنابيس، يتاليا سىرتقى ىستەر مينيسترى دي مايو، دۇنيە جۇزىلىك ساۋدا ۇيىمىنىڭ باس جوراسى ازەۆەدو جەكە - جەكە لەبىز ءبىلدىردى. ولار جۇڭگونىڭ 2 - كەزەكتى يمپورت كورمەسىن وتكىزگەندىگىن جوعارى باعالاپ، بۇل شارا جۇڭگو باسشىسىنىڭ كورەگەن دانىشپاندىعىن ايگىلەدى، جۇڭگونىڭ اشىق، سيىسىمدى بولۋ رۋحىن، سونداي - اق ناقتى ارەكەتىمەن ەكونوميكانىڭ جاھاندانۋىن جانە ەركىن ساۋدا، قارجى قوسۋ سەلبەستىگىن ىلگەرىلەتەتىن بەكىمى مەن شىن پەيىلىن ايگىلەدى دەپ قارادى.

  ماكرون مىنالاردى ءبىلدىردى: جۇڭگو رەفورما جاساعان، ەسىك اشقان 40 نەشە جىلدان بەرى كۇللى دۇنيەنى جالت قاراتقان جەتىستىككە قول جەتكىزدى، بۇنى ادامزات تاريحىنداعى ەڭ ۇلى ءىس دەۋگە بولادى، ول قازىرگى حالىقارالىق ءتارتىپتىڭ ماڭىزدى بۇرىلىس ءتۇيىنىنىڭ بىرىنە اينالدى. جۇڭگونىڭ تابىسقا جەتۋى ءوز قۇلشىنىسىنىڭ جەمىسى، سونداي - اق ەكونوميكانىڭ جاھاندانۋىنىڭ ارقاسى. جۇڭگو جاھاندانۋدان پايدا الۋشى ءارى ونى سومداۋشى. بايىرعى جىبەك جولى بۇگىن قايتا جالعاسىپ، ەۆروپا مەن جۇڭگونى اناعۇرلىم تىعىز بايلانىستىرۋدا. جۇڭگونىڭ تابىسقا جەتۋ حيكاياسى جۇڭگونىڭ دۇنيە جۇزىنە ەسىك اشۋدى قاجەت ەتەتىندىگىن، دۇنيە ءجۇزىنىڭ دە جۇڭگوعا ەسىك اشۋدى قاجەت ەتەتىندىگىن كورسەتىپ وتىر. ەسىك اشۋ − ەۆروپانىڭ دا تالعامى. ءار ەل جۇڭگونىڭ ەسىك اشۋدى ونان ارى كەڭەيتۋ تۋرالى شارالارىن ايرىقشا القايدى جانە اسىعا كۇتىپ وتىر. جاھاندانۋ بارىسىندا، ءار ەل دامۋدىڭ بىركەلكى بولماۋ ماسەلەسىنە ءدوپ كەلدى. سىڭار جاقتىلىققا، قورعامپازدىققا بوي ۇرىپ، كەدەن باجىسى قارۋىنان جانە ورمان ەرەجەسىنەن پايدالانۋ قازىرگى دۇنيە ءجۇزى ءدوپ كەلىپ وتىرعان ماسەلەلەردى شەشە المايدى، بۇل فرانسيانىڭ تالعامى ەمەس، ەۆروپانىڭ دا تالعامى ەمەس. ساۋدا شايقاسىندا ەشكىم دە ۇتىپ شىعا المايدى، جۇڭگونىڭ ءار ەلدىڭ ماڭىزدى ساۋدا سەرىكتەسى رەتىندەگى مۇددەسى جانە كوپ جاقتىلىق، ەركىن ساۋدا جانە كوپ جاقتى ساۋدا جۇيەسى قورعالۋعا ءتيىس. ەۆروپا وداعى جۇڭگونى ماڭىزدى سەلبەستىك سەرىگى دەپ بىلەدى، جۇڭگو جاقپەن ءوزارا قۇرمەت ەتۋ، ءوزارا سەنۋ، ءوزارا پايدا جەتكىزىپ تەڭ يگىلىكتەنۋ رۋحى بويىنشا پارمەندى دە قۋاتتى كوپ جاقتىلىقتى بىرگە قورعاپ، اناعۇرلىم تەڭ حالىقارالىق ءتارتىپ ورناتۋ ءۇشىن ۇلەس قوسۋدى قالايدى.

  جينالىسقا قاتىناسقان شەتەل باسشىلارى تۇگەلدەي مىنالاردى ءبىلدىردى: جۇڭگو − ەكونوميكانىڭ جاھاندانۋىنىڭ ماڭىزدى قوزعالتقىشى جانە حالىقارالىق ساۋدانىڭ ورنىقتىلىق فاكتورى. جۇڭگونىڭ سىرتقا ەسىك اشقان جەتىستىگى 21 - عاسىردا مەملەكەتتەردىڭ ءوزارا ارقا سۇيەۋى كۇن سايىن كۇشەيگەن، تاعدىرى ورتاق بولعان ءداۋىر استارىندا، تەك ءوزىن - ءوزى تۇيىقتاماي سىرتقا ەسىك اشقاندا، كورشىسىنە كەدەرگىلىك كەلتىرمەي بەلسەنە سەلبەسكەندە، وزگەنى زيانداپ ءوزى پايدا تاپپاي ءوزارا پايدا جەتكىزىپ تەڭ يگىلىكتەنگەندە عانا اركىم ءوزىنىڭ جانە دۇنيە ءجۇزى ەكونوميكاسىنىڭ باياندى دامۋىن جۇزەگە اسىرا الادى. جۇڭگونىڭ سىرتقا ەسىك اشۋدى ۇزدىكسىز كەڭەيتۋى دۇنيە ءجۇزى ءۇشىن اناعۇرلىم كوپ دامۋ ورايىن ازىرلەيتىن بولادى. ءار جاق جۇڭگونىڭ دامۋ جانە ەسىك اشۋ ورايىن مىقتى يگەرىپ، اۋىس - كۇيىستى، سەلبەستىكتى كۇشەيتىپ، ”ءبىر بەلدەۋ، ءبىر جول“دى بىرگە قۇرىپ، اناعۇرلىم نۇرلى بولاشاقپەن بىرگە قاۋىشۋدى قالايدى.

  اشىلۋ سالتىنان بۇرىن، شي جينپيڭ سىرت جاقتىڭ باسشىلارىمەن بىرگە توپتىق سۋرەتكە ءتۇستى، سونداي - اق دۇنيە ءجۇزى بويىنشا 500 قۋاتتى كاسىپورىنشىلار ۋاكىلدەرىمەن، ”70 جىل جۇڭگونىڭ دامۋى جانە ادامزاتتىڭ تاعدىرلاس ورتاق تۇلعاسى“ تالقى مىنبەرىنە قاتىناسۋعا كەلگەن سىرت جاقتىڭ اقىل - پاراسات قويماسىنىڭ جانە اقپارات قۇرالدارىنىڭ ۋاكىلدەرىمەن، دۇنيە جۇزىلىك ساۋدا ۇيىمىنىڭ شاعىن كولەمدەگى مينيسترلەر كەڭەسىنە قاتىناسۋعا كەلگەن سىرت جاقتىڭ مينيسترلەرىمەن جانە ۋاكىلدەر ۇيىرمەلەرىنىڭ باستىقتارىمەن ىقىلاستى تۇردە كەزدەستى.

  ديڭ شۋەشياڭ، لي چياڭ، ياڭ جيەچى، حۋ چۇنحۋا، حۋاڭ كۇنميڭ، ۋاڭ ي، جاۋ كىجى، حى ليفىڭ قاتارلىلار اتالعان قيمىلعا قاتىناستى.

  حۋ چۇنحۋا اشىلۋ سالتىن باسقاردى.

  2 - كەزەكتى جۇڭگو حالىقارالىق يمپورت كورمەسى 11 - ايدىڭ 5 - كۇنىنەن 10 - كۇنىنە دەيىن وتكىزىلەدى. وعان 181 مەملەكەت، ءوڭىر، حالىقارالىق ۇيىم قاتىناسادى، 3800دەن استام كاسىپورىن كورمەگە قاتىسادى.

  سول كۇنى حۇڭچياۋ حالىقارالىق ەكونوميكا تالقى مىنبەرى وتكىزىلدى، دۇنيە جۇزىندەگى ساياسي، ساۋدا، ءبىلىم بەرۋ، عىلمي زەرتتەۋ سالالارىنان كەلگەن 4000نان استام سيلى قوناق قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.