شينحۋا اگەنتتىگىنىڭ 11-ايدىڭ 5-كۇنگى حابارى. (ءتىلشى حۋاڭ شياۋ) كۇز مەزگىلى ورتا-باستاۋىش مەكتەپتەردىڭ سپورت قيمىلى شوعىرلانعان مەزگىل، جۋىق كۇندەردە نيڭبو قالالىق ايەلدەر مەن بالالار شيپاحاناسى ىركەس-تىركەس جۇگىرۋ، الىسقا سەكىرۋ سەبەبىنەن سۇيەگى سىنعان 3 بالانى قابىلدادى. بۇل جۇگىرۋدەن، سەكىرۋدەن بولعان سۇيەك سىنۋ قالاي تۋىلادى؟ ماماندار مىنانى ءبىلدىردى، 10 نان 14 جاسقا دەيىنگى بالالاردىڭ شەرشەۋىنىڭ تولىق جەتىلمەۋىنەن، توسىننان قاتتى ارەكەتتەنگەندە بۇلشىق ەتتەرى اجىراپ سۇيەك سىنادى.
جىجياڭ ولكەسى نيڭبو قالاسىنداعى 11 جاستاعى ەر بالا مەكتەپتىڭ سپورت جينالىسىندا 1500 مەتر الىس ارالىققا جۇگىرۋ تۇرىنە قاتىناسىپ، ۇيگە قايتقان سوڭ، جامباسى اۋىرادى، اتا-اناسى بۇلشىق ەتى زاقىمدالعان بولۋى مۇمكىن، تىنىش دەمالسا قالپىنا كەلەر دەپ ويلايدى، ءبىراق اۋرۋ جاعدايى بارعان سايىن اۋىرلاي تۇسەدى، شيپاحاناعا بارعاندا وڭ جاق مىقىن الدى ۇستىڭگى قىرىنىڭ اجىراپ سىنعان، شيپاحاناعا جاتىپ ەمدەلۋى قاجەت دەگەن دەگنوز قويادى. نيڭبو قالالىق ايەلدەر مەن بالالار شيپاحاناسى سىرتقى اۋرۋلار ەكىنشى ءبولىمنىڭ تەتە اعا شيپاگەرى ديڭ شىڭ بىلاي دەدى: ”مەرتىككەن بالالار كوپ بولماعانىمەن، ءار جىلى دەرلىك بولادى، اسىرەسە سوڭعى جارىم جىلداعى سپورت جينالىسىنىڭ قاۋىرت مەزگىلىندە كوپ ۇشىرايدى“.
تانىستىرۋعا قاراعاندا، بۇنداي سىدىلۋ سيپاتتى سىنۋ 10 جاستان 14 جاسقا دەيىنگى ارالىقتاعى بالالاردا كوپ كەزدەسەدى، باستى سەبەبى ارەكەت وتە كوپ بولۋدان كەلىپ شىعادى، مىسالى ۇزاققا جۇگىرۋ، بيىككە سەكىرۋ، الىسقا سەكىرۋ قاتارلى ارەكەتتەردىڭ بارلىعى سىنۋدى كەلتىرىپ شىعاراتىن سەبەپتەر، بۇل جاستاعى بالالاردىڭ شەمىرشەگى تولىق جەتىلمەگەن، ونىڭ ۇستىنە ارەكەتتەنۋ بارىسىندا دايىندىقتى جاقسى ىستەمەگەندىكتەن سىدىرىلۋ سيپاتتى سىنۋ وڭاي تۋىلادى.
بۇدان قالاي ساقتانۋعا بولادى؟ ديڭ شىڭ بىلاي دەدى: ”كوپ جاعدايدا ارەكەت الدىنداعى دەنە قىزدىرۋدى تۇسىنبەگەندىكتەن نەمەسە دەنە قىزدىرۋ جەتكىلىكتى بولماۋدان كەلىپ شىعادى، بۇلشىق ەتتىڭ سوزىلعىشتىعى ناشارلاۋ بولىپ، بۇلشىق ەت قاتتى جيىرىلعان ساتتە سىنىق پايدا بولادى. سوندىقتان 15 تە 20 مينۋت دەنە قىزدىرۋ ارەكەتى كەم بولسا بولمايدى، بۇدان سىرت بالالار ادەتتە دەنە شىنىقتىرۋدى كۇشەيتىپ، دەنە تاربيە جارىستارىنا شوعىرلانعاندا قاتتى قيمىلدارمەن شۇعىلدانۋعا بولمايدى.
