”مەن جۋىقتان بەرى ۇيدەگى جاڭعاقتاردىڭ ساتىلۋىنا قام جەپ ءجۇر ەدىم، قىزمەت اترەتى ماعان كومەكتەسىپ ساتۋ جولىن اشتى، مەنىڭ ۇلكەن قيىنشىلىعىمدى شەشتى، قىزمەت اترەتىنە العىس ايتامىن!“ ،-دەدى 11-ايدىڭ 7-كۇنى شينجياڭ بايىنعولين موڭعۇل اۆتونوميالى وبلىسى حۇشۇت اۋدانى چۇيحۇي قالاشىعى لاۋچىڭ قىستاعىنىڭ تۇرعىنى ابدۇرۇزاق اشىم مەن حۇشۇت اۋداندىق حالىق سوتى مەكەمەسىنىڭ لاۋچىڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى ءسايداۋۇت جاڭعاق ساتقان 1200 يۋان اقشانى ۇستاپ تۇرىپ، قىزمەت اترەتىنە العىس جاۋدىردى.
جۋىق كۇندەردە، قىزمەت اترەتىنىڭ مۇشەسى ءسايداۋۇت وتباسىلارىن ارالاعاندا ابدۇرۇزاق قاتارلى جاڭعاق ەگەتىن وتباسىلارىنىڭ جاڭعاقتىڭ ساتىلۋ جولىنان الاڭداپ وتىرعانىن بايقاپ، قىزمەت اترەتىنە اڭىس ەتەدى.
”وسىنداي جاقسى جاڭعاقتار ساتىلماي قالسا، ولاردىڭ ءبىر جىلدىق ەڭبەگى زايا كەتەدى، ءبىر امال قاراستىرىپ شارۋالاردىڭ وسى ماسەلەسىن شەشۋ كەرەك“،-دەدى ءسايداۋۇت.
سوندىقتان، قىزمەت اترەتى ”قىستاق ەكى كوميتەتى“ ارناۋلى جيىن اشىپ تالقىلاعاننان كەيىن، قىزمەت اترەتى ءبولىنىپ ارەكەتتەنىپ، ٴبىر جاعىنان ، جاڭعاقتىڭ سورتى مەن سانىن ناق مايداندا تەكسەرىپ ، ەندى ٴبىر جاعىنان ، جەرگىلىكتى ورىنداعى ايگىلى اقپارات قۇرالدارىمەن ، ەلەكتروندىق ساۋدا تەكشەلەرىمەن بەلسەنە بايلانىس جاساپ ، حاباردى ۇگىتتەپ ، ٴتىپتى دە كوپ كاسىپورىن ، ساۋداگەرلەرگە كورسەتىپ ، ديقانداردىڭ جاڭعاق ساتۋ جولى ماسەلەسىن شەشۋىنە كومەكتەسۋدى ٴۇمىت ەتتى .
ساتۋ جولىن كەڭەيتۋ ٴۇشىن ، اترەت مۇشەلەرى بەلسەندىلىكپەن جاڭعاقتى ساتۋ ، ناقتى كورىنىس كەسكىنىن الۋ ، ساتۋ جوباسىن جازۋ ، ايگىلى ماركا ، حابارلاندىرۋ شىعارىپ ، كوپتەگەن جەلىدەگى تەكشەدەن توراپ دۇكەنىن اشىپ، ارزانداتۋ، ساتۋدى جەدەلدەتۋ، تيىمدىلىك بەلەتىن تاراتۋ سياقتى كوپ ٴتۇرلى جەلىدە ساتۋ ۇلگىسىن قولدانىپ ، قىستاق تۇرعىندارىنىڭ ساتۋ جولىن كەڭەيتۋىنە كومەكتەستى .
لاۋچىڭ قىستاعىنىڭ قاعاز قابىقتى جاڭعاعىنىڭ ءدامى ءتاتتى، قورەكتىك قۇنى جوعارى، قاندى تولىقتاپ، ميدى قۋاتتاندىرادى، قىزمەتتەن سىرت ءسايداۋۇت QQ، ءۇنحات قاتارلىلاردا جاڭعاق ساتۋشى بولىپ، دوستىق شەڭبەرىنە شىعارىپ، ساتۋدىڭ جاڭا جولىن قاراستىردى.
ورتاداعى اينالىمدى ازايتۋ ءۇشىن، قىزمەت اترەتى ابدۇرۇزاق قاتارلى شارۋالارعا سۋلياۋ قالتا ساتىپ الىپ بەرىپ، تاسىمال اۆتوكولىكتەرىمەن بايلانىس جاساۋمەن قاتار، بازار باعاسىنان 3 يۋان جوعارى باعامەن قىستاق تۇرعىندارىنان جاڭعاق ساتىپ الىپ ، ەندى ٴبىر جاعىنان جىبەرگەن ورىنمەن جانە تۋىس - تۋعان ، دوس - جاراندارىمەن بايلانىس جاساپ ساتىپ الدى . 7 - قاراشاعا دەيىن جيىنى 3 توننادان استى.
قىستاق تۇرعىندارىنىڭ جاڭعاق ساتۋدان تۇسكەن اقشانى قولىنا ۇستاعانىن كورىپ ، قىزمەت اترەتى مۇشەلەرىنىڭ جۇزىنەن كۇلكى ەستى.
”قىستاقتا تۇراتىن قىزمەت اترەتى قىستاقتا تۇرعاننان بەرى، قىستاق تۇرعىندارىنىڭ مۇددەسىنە ساياتىن ۇساق-تۇيەك ىستەرگە دەيىن وزدەرىنىڭ ءىرى ىستەرى رەتىندە ىستەپ، ءار ۇلت بۇقاراسىنا ويداعىداي قىزمەت وتەدى، ءاربىر بۇقارانىڭ باقىتتى تۇرمىس كەشىرۋىنە مۇمكىندىك جاساۋ — قىزمەت اترەتىنىڭ بورىشى مەن مىندەتى“،-دەدى لاۋچىڭ قىستاعىنىڭ ءبىرىنشى شۋجيى، قىزمەت اترەتىنىڭ باستىعى ماۋ شاۋجۇن تولىق سەنىممەن.
