ءتىلشى جاڭ يانفاڭ 11 - ايدىڭ 6 - كۇنى ۇرىمجىدەن حابارلايدى. 20 - رەتكى جۇڭگو تىلشىلەر مەرەكەسى كەلۋ قارساڭىمەن، 11 - ايدىڭ 6 - كۇنى رايونىمىز ماداقتاۋ - سيلاۋ ءماجىلىسىن وتكىزىپ، جۇڭگو اقپارات سيلىعىنىڭ، شينجياڭ اقپارات سيلىعىنىڭ يەگەرلەرىن جانە اۆتونوميالى رايوندىق 10 ۇزدىك اقپارات قىزمەتكەرىن ماداقتاپ - سيلادى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: بيىل جىل باسىنان بەرى، بۇكىل رايونىمىزداعى قالىڭ اقپارات قىزمەتكەرلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ۇگىت - يدەيا قىزمەتى جونىندەگى ماڭىزدى يدەياسىن ىشكەرىلەي ۇيرەنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تاباندىلىقپەن، باتىلدىقپەن دايەكتىلەندىرىپ، اۆتونوميالى رايوندىق پارتكومنىڭ وزەكتى قىزمەتىن تىعىز ارقاۋ ەتىپ، دۇرىس ساياسي بەتالىسقا جانە قوعامدىق پىكىر بەتالىسىنا باستان - اياق تاباندى بولىپ، اقپارات قۇرالدارىنىڭ توعىسا دامۋىن جەدەل ىلگەرىلەتىپ، اقپارات ىستەرىندە كورنەكتى ناتيجەلەرگە قول جەتكىزدى.
ءماجىلىس مىنالاردى باسا دارىپتەدى: بۇكىل رايونىمىزدىڭ اقپارات شەبى ”ءتورت تانىم“دى ونان ارى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭىزدى ساياسي مىندەت ەتىپ، ۇگىتتەۋ، دايەكتىلەندىرۋ قىزۋ ورلەۋىن جەدەل كوتەرۋ كەرەك. ساياسيدى دارىپتەپ، پارتيالىلىقتى كۇشەيتىپ، جاۋاپكەرشىلىك ارقالاۋعا باتىل بولىپ، باتىلدىقپەن جاڭالىق اشىپ، جازۋ ستيلىن وزگەرتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، نەگىزگى اۋەندى اسقاقتاتىپ، وڭ ەنەرگيا تاراتۋ كەرەك. ”ءتورت قابىلەت“تى قۇلشىنا امالياتتا ايگىلەپ، يدەياسى، جالىنى، ساپاسى بار تاڭداۋلى سارا تۋىندى جاراتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋگە تاماشا قوعامدىق پىكىر اۋقىمىن ازىرلەۋ كەرەك.
ماداقتاۋ - سيلاۋ ءماجىلىسى اياقتالعاننان كەيىن، اقپارات قىزمەتكەرلەرى اقپارات قۇرالى قىزمەتكەرلەرىنىڭ قىزمەت ونىمدىلىگىن جانە تاماشا كەلبەتىن ايگىلەيتىن تارتىمدى نومىرلەردى وزدەرى دايىنداپ، وزدەرى جەتەكشىلىك ەتىپ، وزدەرى ورىندادى.
