ءتىلشى ميھىرگۇل عوپۇر، ەرىكتى ءتىلشى ۋاڭ بيڭچيڭ 11 - ايدىڭ 6 - كۇنى ۇرىمجىدەن حابارلايدى. 11 - ايدىڭ 6 - كۇنى وتكىزىلگەن اۆتونوميالى رايوننىڭ ۇلتتار ىنتىماعى، العاباسارلىعى قىزمەتى جاعدايىنان اقپار جاريالاۋ ماجىلىسىنەن ۇعىسۋىمىزشا، پارتيا 18 - قۇرىلتايىنان بەرى، شينجياڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ۇلت قىزمەتى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ۇلتتار ىنتىماعى، العاباسارلىعى ىستەرىن ىشكەرىلەي ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەپ جانە دامىتىپ، ۇلتتاردىڭ تاتۋ - ءتاتتى ءوتۋىن، ءبىر نيەتپەن كۇش بىرىكتىرۋىن، جاراسىمدىلىقپەن دامۋىن جەبەپ، اناردىڭ دانىندەي تىعىز ۇيىستى.
شينجياڭ پارتيانىڭ ۇلت نازارياسىن جانە ۇلت ساياساتىن جاپپاي دايەكتىلەندىرىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلتتىق وڭىرلىك اۆتونوميا زاڭىن جاپپاي دايەكتىلەندىرىپ، تياناقتاندىرىپ، ۇلتتاردىڭ زاڭدى ۇقىق - مۇددەسىن زاڭ بويىنشا قامتاماسىز ەتىپ، ءار ۇلت بۇقاراسىنىڭ مەملەكەت ىستەرىن باسقارۋعا تەڭ قاتىناسۋ ۇقىعىن قامتاماسىزداندىردى. اۆتونوميالى رايوندىق 13 - كەزەكتى حالىق قۇرىلتايىنىڭ ۋاكىلدەرى اراسىنداعى از ۇلت ۋاكىلدەرى، 13 - كەزەكتى مەملەكەتتىك حالىق قۇرىلتايىنا قاتىناسقان شينجياڭ ۋاكىلدەرى اراسىنداعى از ۇلت ۋاكىلدەرى تۇگەلدەي ％60تەن استامدى يەلەدى؛ از ۇلتتاردىڭ سالت - سانا، عۇرىپ - ادەتىنە تولىق قۇرمەت ەتىپ، پارىققا قۇرمەت ەتۋگە، سيىسىمدى بولۋعا تاباندى بولىپ، قۇربان ايتتى، وراز ايتتى اۆتونوميالى رايوننىڭ زاڭدا بەلگىلەنگەن الەۋمەتتىك مەرەكە كۇنى ەتىپ تۇراقتاندىردى؛ ۇلتتاردىڭ تاڭداۋلى ءداستۇرلى مادەنيەتىن زاڭ بويىنشا قورعاپ، جالعاستىرىپ، اسقاقتاتىپ، «ماناس»، «جاڭعىر» سياقتى از ۇلتتاردىڭ حالىق اۋىز ادەبيەتى تۋىندىلارىن رەتتەپ باسپادان شىعاردى؛ ۇلتتاردىڭ ءوز ۇلت ءتىل - جازۋىن قولدانۋ جانە دامىتۋ ۇقىعىن زاڭ بويىنشا قامتاماسىزداندىرىپ، مەملەكەتتە ءبىر تۇتاس قولدانىلاتىن ءتىل - جازۋدى بار كۇشپەن جالپىلاستىرىپ جانە ارناعا ءتۇسىرىپ، ۇلتتاردىڭ ءوزارا ءتىل - جازۋ ۇيرەنۋىن دارىپتەدى جانە ونى شابىتتاندىردى؛ از ۇلت كادرلارىن بار كۇشپەن باۋلىدى، ىستەتتى، 2018 - جىلدىڭ سوڭىنا دەيىن بۇكىل شينجياڭداعى اكىمشىلىك ورىندارداعى، كاسىپورىندارداعى، ءىسورىندارىنداعى از ۇلت كادرلارىنىڭ سانى 428 مىڭعا جەتىپ، كادرلار جالپى سانىنىڭ ％50.3ىن يەلەدى؛ ءار ۇلت بۇقاراسىنىڭ ءدىني سەنىم ەركىندىگى ۇقىعىن تولىق قامتاماسىزداندى، ءدىن ىستەرىن باسقارۋدى زاڭ بوينشا كۇشەيتىپ، ءدىني قيمىل ورىن - الاڭدارى مەن قالىپتى ءدىني قيمىلداردى قورعاپ، ءدىني توپتاردىڭ زاڭدى ۇقىق - مۇددەسىن ءونىمدى قورعادى.
شينجياڭ ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىن ىشكەرىلەي ۇزدىكسىز ورىستەتىپ، كەزەڭدىك كورنەكتى ناتيجەگە قول جەتكىزدى. سانجى حۇيزۋ اۆتونوميالى وبلىسى، ىلە قازاق اۆتونوميالى وبلىسى، تارباعاتاي ايماعى، التاي ايماعى، تۇرپان قالاسى، بايىنعولين موڭعۇل اۆتونوميالى وبلىسى سياقتى 6 ايماق، وبلىس - قالاعا مەملەكەتتىك ۇلت ىستەرى كوميتەتى جاعىنان بۇكىل ەل بويىنشا ۇلتتار ىنتىماعى، العاباسارلىعىنان ۇلگى كورسەتەتىن وبلىس (ايماق، قالا) اتاعى بەرىلدى؛ 50 ورىن مەن 12 بازاعا مەملەكەتتىك ۇلت ىستەرى كوميتەتى جاعىنان بۇكىل ەل بويىنشا ۇلتتار ىنتىماعى، العاباسارلىعىنان ۇلگى كورسەتەتىن ورىن جانە تاربيە بازاسى اتاعى بەرىلدى.
شينجياڭ تاعى ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن ىشكەرىلەي ىلگەرىلەتىپ، ءار ۇلت كادر، جۇمىسشى - قىزمەتكەرلەرىنىڭ نەگىزگى ساتىداعى بۇقارامەن تاماقتا، جاتىن ورىندا، ەڭبەكتە، ۇيرەنۋدە بىرگە بولۋىن، كوپ ساتىدا، كوپ تاسىلدە، كوپ فورمادا ءوزارا ىقپالداسۋىن پارمەندى تۇردە جەبەدى. 2019 - جىلى 10 - ايدىڭ اياعىنا دەيىن بۇكىل رايونداعى تۋىس بولعان كادرلار مەن جۇمىسشى - قىزمەتكەرلەر نەگىزگى ساتىداعى بۇقاراعا جىلۋعا 940 ميلليون يۋاننان استام اقشا، 49 ميلليون 210 مىڭ دانادان استام زات اتاپ، 18 ميلليون 30 مىڭنان استام ناقتى، جاقسى ءىس ىستەپ بەرىپ، ءار ۇلت بۇقاراسىنان 48 ميلليون 980 مىڭنان استام وتباسىنا (رەت) يگىلىك جەتكىزىپ، ”ۇلتتار ىنتىماعىنىڭ بەرەكەلى شاڭىراعى“ تاقىرىبىندا 18 ميلليون 350 مىڭنان استام رەت قيمىل وتكىزدى. قيمىل ورىستەتۋدىڭ ناتيجەسىندە، بۇكىل شينجياڭدا ادامداردىڭ بارلىعى ۇلتتار ىنتىماعىنا قاتىستى سوزدەردى ايتاتىن، ادامداردىڭ بارلىعى ۇلتتار ىنتىماعىنا قاتىستى ىستەردى ىستەيتىن، ادامداردىڭ بارلىعى ۇلتتار ىنتىماعى، العاباسارلىعىنىڭ ۇلگىسى بولۋعا ۇمتىلاتىن كۇشتى راي قالىپتاستى.
