تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ اۋە ارمياسى قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىپتىق قيمىلىنا قاتىناستى

شي جينپيڭ اۋە ارمياسى قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىپتىق قيمىلىنا قاتىناسقاندا مىنانى باسا دارىپتەدى

اۋەلگى ماقسات پەن بورىشتى ەستە بەرىك ساقتاپ، داڭقتى ءداستۇردى ساۋلەلەندىرىپ، باتىلدىقپەن جاڭالىق اشا العا وزىپ، حالىق اۋە ارمياسىن دۇنيە جۇزىندەگى بىرەگەي اۋە ارمياسى ەتىپ جاپپاي قۇرىپ شىعۋ كەرەك

  11 - ايدىڭ 8 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋە ارمياسى قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىپتىق قيمىلىنا قاتىناسىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان اۋە ارمياسى قۇرىلعاندىعىنىڭ 70 جىلدىعىن قىزۋ قۇتتىقتاپ، اۋە ارمياسىنداعى بارلىق كوماندير - جاۋىنگەرلەرگە شىن ىقىلاستى سالەم جولدادى. سۋرەتتە: شي جينپيڭ بەيجيڭ قالاسىنىڭ چاڭپيڭ رايونىنا ورنالاسقان جۇڭگو اۆياتسيا مۇراجايىندا اۋە ارمياسى قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىپتىق كورمەسىن ەكسكۋرسيالادى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  شينحۋا اگەنتتىگىنىڭ 11 - ايدىڭ 8 - كۇنى بەيجيڭنەن بەرگەن حابارى (تىلشىلەر لي شۋانلياڭ، جاڭ يۇيچيڭ). 70 جىلدىڭ شۇعىلالى ساتىندە، توقسان مىڭ شاقىرىمدىق اسپاندا سامۇرىق سامعاپ بارادى. حالىق اۋە ارمياسى قۇرىلعاندىعىنىڭ 70 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 8 - كۇنى اۋە ارمياسى قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىپتىق قيمىلىنا قاتىناسىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان اۋە ارمياسى قۇرىلعاندىعىنىڭ 70 جىلدىعىن قىزۋ قۇتتىقتاپ، اۋە ارمياسىنداعى بارلىق كوماندير - جاۋىنگەرلەرگە شىن ىقىلاستى سالەم جولدادى.

  تۇستەن بۇرىن ساعات 10نان 15 مينۋت وتكەندە، شي جينپيڭ بەيجيڭ قالاسىنىڭ چاڭپيڭ رايونىنا ورنالاسقان جۇڭگو اۆياتسيا مۇراجايىنا كەلدى. قاھارماندار الاڭىنداعى ”كوك اسپان رۋحى“ ءمۇسىنى اسقاق ايبىنمەن ءۇنسىز تۇر، ”جەڭىس الاۋى“ لاۋلاپ جانۋدا. شي جينپيڭ الدىمەن حالىق اۋە ارمياسى ەرجۇرەك قۇرباندارىنا قۇرمەتپەن گۇلشارباق قويدى، الدىعا قاراي ءجۇرىپ، گۇلشارباقتىڭ لەنتاسىن تۇزەپ، حالىق اۋە ارمياسى ەرجۇرەك قۇرباندارىنا 3 رەت تاعزىم ەتتى. شي جينپيڭ باياۋ اينالىپ، حالىق اۋە ارمياسى ەرجۇرەك قۇرباندارى داۋالىنا ىززەتپەن قاراپ، ەرجۇرەك قۇربانداردى تەرەڭ ساعىنىشپەن ەسكە الدى. حالىق اۋە ارمياسىنىڭ شۇعىلالى تاريحى كۇرەسپەن، قۇرباندىق بەرۋمەن، ۇلەس قوسۋمەن سومدالعان. 70 جىلدان بەرى، حالىق اۋە ارمياسىنان تالاي - تالاي قاھارماندار شىقتى. شي جينپيڭ: ءبىز ەرجۇرەك قۇربانداردىڭ قاھارماندىق ىزگى ىستەرىن ماڭگى ەستە ساقتاپ، ەرجۇرەك قۇربانداردىڭ قاھارماندىق رۋحىن ۇرپاقتار بويى ساۋلەلەندىرۋىمىز كەرەك، - دەپ باسا دارىپتەدى.

  وسىدان كەيىن، شي جينپيڭ اۋە ارمياسى قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىپتىق كورمەسىن ەكسكۋرسيالادى. كورمە ”كوك اسپان ادالدىقتى سومدادى“ جانە ”جاڭا داۋىردە ەرلىكپەن سامعاۋ“ اتتى 2 كورمە اۋماعىنا ءبولىنىپ، ءتۇرلى تۇرپاتتاعى 9 ۇشاق، 1500دەن استام فوتو سۋرەت، ناقتى زاتتار قويىلىپ، حالىق اۋە ارمياسىنىڭ 70 جىلدىق داڭقتى تاريحى مەن دامۋ جەتىستىكتەرى قايتا ايگىلەنگەن. ءاربىر فوتو سۋرەت، ناقتى زات ۇلگىلەرى، بەينە جازبا ماتەريالدارى شي جينپيڭنىڭ نازارىن اۋداردى، ول كىدىرە قالىپ كورىپ، ءتۇسىندىرۋدى مۇقيات تىڭداپ، قاتىستى جاعدايلاردى سۇرادى.

  قىزۋ قول شاپالاق ءۇنى ىشىندە شي جينپيڭ اۋە ارمياسىنداعى وزات ورىندار مەن قاھارمان ۇلگىلەردىڭ ۋاكىلدەرىن ىقىلاسپەن قابىلداپ، ولاردى داڭقتى قاستەرلەپ، كۇش ۇستىنە كۇش قوسىپ، اناعۇرلىم زور داڭققا قول جەتكىزۋگە جىگەرلەندىردى.

  شي جينپيڭ بىلاي دەپ اتاپ كورسەتتى: حالىق اۋە ارمياسى 70 جىلدىق شۇعىلالى تاريحي بارىستى باسىپ ءوتتى. پارتيانىڭ پارمەندى باسشىلىعىندا، اۋە ارمياسىنىڭ نەشە بۋىن كوماندير - جاۋىنگەرلەرى بۇلتپەن تىلدەسۋ اسقاق جىگەرىمەن زەڭگىر اسپاندا سامعاپ، اۋە ارمياسى قۇرىلىسىنىڭ كۇللى جۇرتتى جالت قاراتاتىن جەتىستىكتەرگە قول جەتكىزۋىن ىلگەرىلەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا وشپەس ەڭبەك ءسىڭىردى. حالىق ارمياسى اتى زاتىنا ساي پارتيا مەن حالىق سەنىم ارتاتىن اسكەري ءبولىم.

  شي جينپيڭ بىلاي دەپ باسا دارىپتەدى: حالىق اۋە ارمياسى جاڭا تاريحي بەلەستە تۇر. جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، اۋەلگى ماقسات پەن بورىشتى ەستە بەرىك ساقتاپ، داڭقتى ءداستۇردى ساۋلەلەندىرىپ، باتىلدىقپەن جاڭالىق اشا العا وزىپ، حالىق اۋە ارمياسىن دۇنيە جۇزىندەگى بىرەگەي اۋە ارمياسى ەتىپ جاپپاي قۇرىپ شىعۋعا قۇلشىنىپ، ۇزدىكسىز جاڭا دا اناعۇرلىم زور ناتيجەلەر جاراتۋ كەرەك!

  شۇي چيلياڭ، جاڭ يوۋشيا، ۋي فىڭحى، مياۋ حۋا، جاڭ شىڭمين قيمىلعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.