تيانشان تورى   ›   جاڭالىقتار   ›   شۋجي ەستەلىگى

چىن چۋانگو تۇرپان قالاسىندا تەكسەرۋ - زەرتتەۋ جۇرگىزدى

چىن چۋانگو تۇرپان قالاسىندا تەكسەرۋ - زەرتتەۋ جۇرگىزگەندە مىنانى باسا دارىپتەدى

پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۋەلگى ماقسات، بورىشتى ەستە بەرىك ساقتاپ، ورنىقتىلىقتىڭ، دامۋدىڭ جاڭا ناتيجەگە جەتۋىن ىلگەرىلەتەيىك

  11 - ايدىڭ 8 - كۇنى اۆتونوميالى رايوندىق پارتكومنىڭ شۋجيى چىن چۋانگو تۇرپان قالاسىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو گاۋچاڭ رايونى حۇڭشيڭ ءوڭىرى گىبي الەۋمەتتىك اۋماعىنداعى مەشىتتە ءدىني قيمىلداردىڭ ورىستەتىلۋ جاعدايىن ۇعىستى. سۋرەتتى ءتىلشى سۇي جىجيان تۇسىرگەن

  ءتىلشى ياۋ تۇڭ 11 - ايدىڭ 8 - كۇنى تۇرپاننان حابارلايدى. 11 - ايدىڭ 8 - كۇنى اۆتونوميالى رايوندىق پارتكومنىڭ شۋجيى چىن چۋانگو تۇرپان قالاسىندا تەكسەرۋ - زەرتتەۋ جۇرگىزدى. ول مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۋەلگى ماقساتتان اينىماي، بورىشتى باتىلدىقپەن ارقالاپ، ىرىقتىلىقپەن ىسكەرلىك كورسەتىپ، ورنىقتىلىقتىڭ، دامۋدىڭ ءتۇرلى قىزمەتتەرىنىڭ جاڭا ناتيجەگە جەتۋىن ۇزدىكسىز ىلگەرىلەتۋ كەرەك.

  چىن چۋانگو گاۋچاڭ رايونى لاۋچىڭ جولى ءمالىسىنىڭ گۋاڭچاڭ الەۋمەتتىك اۋماعىندا ءار ۇلت تۇرعىندارىمەن جانە الەۋمەتتىك اۋماق كادرلارىمەن ىستىق ىقىلاسپەن اڭگىمەلەسىپ، نەگىزگى تاقىرىپتىق تاربيە، نەگىزگى ساتى پارتيا قۇرىلىسى جانە بۇقاراعا قىزمەت وتەۋ قاتارلى قىزمەتتەردىڭ جاعدايىن ەگجەي - تەگجەيلى ۇعىستى. ول مىنالاردى اتاپ كورسەتتى: الەۋمەتتىك اۋماق پارتيا مەن ۇكىمەتتىڭ تۇرعىندار بۇقاراسىمەن بايلانىس جاسايتىن، ولارعا قىزمەت وتەيتىن ”ەڭ سوڭعى ءبىر كيلومەترلىك“ ورىندا تۇر. تاربيەنى اشىق ورىستەتۋگە تاباندى بولىپ، حالىقتىڭ ارمان - تىلەگىنە دەر كەزىندە ءۇن قاتۋعا تاباندى بولىپ، بۇقاراعا قىزمەت وتەۋدىڭ كىرىسۋ ءتۇيىنى مەن كۇش سالۋ ءتۇيىنىن شىنايى تۇردە ءدال تاۋىپ، ەڭ اسىعاتىن، ەڭ ۋايىمدايتىن، ەڭ اڭسايتىن كوكەي تەستى ماسەلەلەردى قۇلشىنا ويداعىداي شەشىپ، شىن مانىندە ءار ۇلت بۇقاراسىنا نەگىزگى تاقىرىپتىق تاربيەنىڭ ءىس جۇزىندىك ونىمدىلىگىن شىنايى سەزىندىرۋ كەرەك.

  تۇرعىندار اكبار قاھاردىڭ، نياز ءراشيتتىڭ ۇيىندە چىن چۋانگو كوپشىلىكپەن بىرگە وتىرىپ شۇيىركەلەسىپ، تۇرمىستى اڭگىمەلەپ، كىرىستى سۇراپ، جۇرەك ۇندەرىن تىڭداپ، بولاشاقتارىن تىلگە تيەك ەتتى. چىن چۋانگو ولاردىڭ كۇندەرىنىڭ بارعان سايىن كوڭىلدى، وتباسىلارىنىڭ بارعان سايىن باقىتتى بولۋىن تىلەدى.

  تۇرپان جەمىس شارۋاشىلىعى شەكتى سەرىكتەستىگىندە چىن چۋانگو كاسىپورىن جاۋاپتىلارىمەن، ەگىمشىلىك وتباسىلارىمەن، شارۋا دەلدالدارىمەن، ساتىپ الۋشى ساۋداگەرلەرمەن بەتپە - بەت اڭگىمەلەسىپ، مەيىز سياقتى ەرەكشە اۋىل شارۋاشىلىق ونىمدەرىنىڭ ءوندىرىلۋ، مانەرلەنۋ جانە جەلىدە ساتىلۋ جاعدايلارىن مۇقيات ۇعىستى. ول بىلاي دەدى: ”ينتەرنەت +“ وسى زامانعى اۋىل شارۋاشىلىعىنىڭ دامۋىن جەدەل ىلگەرىلەتىپ، ماركالاردى زورايتىپ، ساپالىلاندىرىپ، بازاردى بەلسەنە اشىپ، اۋىل شارۋاشىلىعى ءونىمىنىڭ ارتۋىن، شارۋالاردىڭ كىرىسىنىڭ ارتۋىن جەبەۋ كەرەك. تۇرپان قالاسى يماۋجيۋجۋاڭ شەكتى سەرىكتەستىگىندە چىن چۋانگو ءجۇزىم اراعىن مانەرلەۋ، سىعۋ، قۇمىراعا قۇيۋ جانە كاسىپورىننىڭ ءوندىرىس، تيجارات جاعدايىن جۇمىس باسىندا تەكسەردى. ول بىلاي دەدى: اۋىل شارۋاشىلىق ونىمدەرىنىڭ ءوندىرىلۋ، اينالىمعا ءتۇسۋ، تۇتىنىلۋ جاقتارىنداعى وزگەرىستەردى جەبەپ، اۋىل شارۋاشىلىعى ءوندىرىس جەلىسىنىڭ بىرىكتىرىلۋىن ىلگەرىلەتىپ، سەيىل - سەرۋەن اۋىل شارۋاشىلىعىن زور كۇشپەن دامىتىپ، اۋىل شارۋاشىلىعى دامۋىنىڭ ساپاسى مەن ونىمدىلىگىن جوعارىلاتۋ كەرەك.

  چىن چۋانگو تاعى گاۋچاڭ رايونى حۇڭشيڭ ءوڭىرى گىبەي الەۋمەتتىك اۋماعى مەشىتىنە كەلىپ، ءدىني قيمىلداردىڭ ورىستەتىلۋ جاعدايىنا تەكسەرۋ - زەرتتەۋ جۇرگىزدى. ول بىلاي دەدى: پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، دىنگە سەنەتىن بۇقارانىڭ قالىپتى ءدىني قاجەتىن جانە قالىپتى ءدىني قيمىلداردىڭ ورىستەتىلۋىن زاڭ بويىنشا قامتاماسىز ەتىپ، ءدىننىڭ سوتسياليستىك قوعامعا ۇيلەسۋىن ىلگەرىلەتۋ كەرەك. قالىڭ ءدىني قايراتكەرلەر وتاندى ءسۇيۋ، ءدىندى قادىرلەۋ تاماشا ءداستۇرىن زور كۇشپەن اسقاقتاتىپ، تۋرا جولدان، دۇرىس سەنىمنەن، دۇرىس ارەكەتتەن اۋىتقىماي، دىنگە سەنەتىن ءار ۇلت بۇقاراسىن قوعام ورنىقتىلىعى مەن باياندى تىنىشتىقتى جۇزەگە اسىرۋعا بەلسەنە ۇلەس قوسۋعا جەتەكتەۋ كەرەك.

  چىن چۋانگو تەكسەرۋ - زەرتتەۋ بارسىندا مىنانى اتاپ كورسەتتى: ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باس شۋجي شي جينپيڭنىڭ نەگىزگى تاقىرىپتىق تاربيە جونىندەگى ماڭىزدى بايىمداۋلارىن مۇقيات دايەكتىلەندىرىپ، تياناقتاندىرىپ، نەگىزگى تاقىرىپتىق تاربيەنى تىڭعىلىقتى ويداعىداي يگەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ، دايەكتىلەندىرۋدىڭ تەرەڭدەۋىن، جۇرەككە ۇيالاۋىن، ناقتىلانۋىن ۇزدىكسىز ىلگەرىلەتۋ كەرەك. 2 - توپتاعى نەگىزگى تاقىرىپتىق تاربيەنىڭ ءتۇيىنى نەگىزگى ساتىدا، بۇقارانىڭ ماڭىندا ورىستەتىلۋ ەرەكشەلىگىن ءدال يگەرىپ، ماسەلەنى شەشىپ، ىستەردىڭ دامۋىن ىلگەرىلەتۋدى ناقتى ونىمدىلىكتى تارازىلايتىن ءتۇبىرلى ولشەم ەتىپ، ماسەلەنى باعدار ەتۋدەن جازباي، شىندىققا جۇگىنىپ، ناقتى ءىس ىستەپ، ماسەلەنى نەگىزگە الا، ماسەلەنى كوزدەي وتىرىپ تۇزەتۋ كەرەك. ءتۇزىمدى اناعۇرلىم اقاۋسىزداندىرىپ، مەحانيزمدى كەمەلدەندىرىپ، بۇقاراعا جاڭا وزگەرىستى، جاڭا ناتيجەنى سەزىندىرۋ كەرەك.

  چىن چۋانگو مىنانى باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋگە، دايەكتىلەندىرۋگە تاباندى بولۋدى قازىرگى جانە الداعى ءبىر مەزگىلدەگى كەلەلى ساياسي مىندەت ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ۇيرەنۋمەن، دايەكتىلەندىرۋمەن ۇشتاستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىقتىڭ، دامۋدىڭ ءتۇرلى قىزمەتتەرىن تىڭعىلىقتى تۇردە ويداعىداي ىستەۋ كەرەك. قوعامنىڭ جاراسىمدىلىعىن، ورنىقتىلىعىن باتىلدىقپەن قورعاپ، ساقتىق دابىلىن ۇزدىكسىز قاعۋعا، قىراعىلىقتى ۇنەمى ساقتاۋعا تاباندى بولىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋدان، كەشەندى شارا قولدانۋدان جازباي، قوعامدىق كەلەلى جاعدايدىڭ ۇزدىكسىز جاراسىمدى، ورنىقتى بولۋىن ساقتاۋ كەرەك. جوعارى ساپالى دامۋدى تىڭعىلىقتى ىلگەرىلەتىپ، جاڭا دامۋ ۇستانىمىن جاپپاي دايەكتىلەندىرىپ، ءۇش ۇلكەن قامال الۋ شايقاسىن ويداعىداي جۇرگىزىپ، تۇتاس جىلدىق ەكونوميكالىق دامۋ نىسانا - مىندەتىنىڭ جوعارى ساپالى ورىندالۋىنا شىنايى كەپىلدىك ەتۋ كەرەك. حالىق تۇرمىسىن جاقسارتۋدى زور كۇشپەن قامتاماسىز ەتىپ، حالىق تۇرمىسىنداعى كورنەكتى قيىن ماسەلەلەردى مىقتى ۇستاپ، حالىق ەڭ كوڭىل بولگەن، ەڭ تىكە، ەڭ رەال مۇددە ماسەلەلەرىن شىنايى تۇردە ويداعىداي شەشىپ، حالىق بۇقاراسىن ءتىپتى دە مول تابىس سەزىمىنە، باقىت سەزىمىنە، حاۋىپسىزدىك سەزىمىنە يە ەتۋ كەرەك. نەگىزگى ساتى ۇيىمدارىن شىنايى كۇشەيتىپ قۇرىپ، نەگىزدى كۇشەيتىپ، ولقىلىقتاردى تولىقتاپ، نەگىزگى ساتىداعى پارتيا ۇيىمىن پارتيانىڭ قۋاتتامالارىن ۇگىتتەيتىن، پارتيانىڭ قارارلارىن دايەكتىلەندىرەتىن، نەگىزگى ساتىنى جونگە سالۋعا باسشىلىق ەتەتىن، بۇقارانى ىنتىماقتاستىراتىن جانە اتتانىسقا كەلتىرەتىن، رەفورما مەن دامۋدى ىلگەرىلەتەتىن پارمەندى جاۋىنگەر قامال ەتىپ قۇرىپ شىعۋ كەرەك.

  اۆتونوميالى رايوننىڭ ورىنباسار ءتوراعاسى جاۋ چۇڭجيۋ بىرگە تەكسەرىپ - زەرتتەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.