تيانشان تورى
تيانشان تورى   ›   جاڭالىقتار   ›   ەل ءىشى حابارى

كۇش جالعاپ ەكپىندەي ىلگەرىلەپ، ءار جاقتاعى ءتۇزىمنىڭ ونان ارى تولىسۋىن، ونان ارى تۇلعالانۋىن جەبەدى

  − پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسى اشىلعاندىعىنىڭ 6 جىلدىعى بايلانىسىمەن

  شينحۋا اگەنتتىگىنىڭ تىلشىلەرى حو شياۋگۋاڭ، جاڭ شياۋسۇڭ، لو جىڭگۋاڭ، ۋاڭ پىڭ

  جۋىقتا جابىلعان پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ”جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ“ سىندى كەلەلى ماسەلەنى ارناۋلى اقىلداستى، سونداي - اق قارار شىعارىپ، ءار جاقتاعى ءتۇزىمنىڭ ونان ارى تولىسۋىن، ونان ارى تۇلعالانۋىن ىلگەرىلەتۋدىڭ ۋاقىت كەستەسىن، جول كارتاسىن ايقىنداپ بەردى.

  وسىدان 6 جىل ىلگەرى، پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە پارتيامىز ”جۇڭگوشا سوتسياليزم ءتۇزىمىن كەمەلدەندىرۋ جانە ونى دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ“ كەلەلى تاقىرىبىن تۇڭعىش رەت العا قويىپ، رەفورمانى جاپپاي تەرەڭدەتۋدىڭ تىڭ جورىعىن باستاعان بولاتىن.

  پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسىندەگى ”تاقىرىپ كورسەتۋ“دەن پارتيا 19 - كەزەكتى ورتالىق كوميتەتىنىڭ ءتورتىنشى جالپى ماجىلىسىندەگى شوعىرلى ”تاقىرىپ اشۋ“عا دەيىنگى 6 جىلدان بەرى، جۇڭگو كوممۋنيستەرى كۇش جالعاپ العا تارتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ سىندى ايبىندى نىسانانى جاپپاي جۇزەگە اسىرۋ جولىندا تىنباي ارشىنداي العا باسىپ كەلەدى.

  وسى 6 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتى رەفورما جاساۋ، ەسىك اشۋ تۋىن بيىك ۇستاپ، جوسپار جاساپ، جالپى جاعدايدى مەڭگەرىپ، باتىلدىقپەن قيىنشىلىقتاردى جەڭىپ، قيىندىقتاردان قامال الىپ، جاۋاپكەرشىلىكتى ايقىنداپ، تياناقتاندىرۋدى مىقتى يگەرىپ، شي جينپيڭنىڭ رەفورمانى جاپپاي تەرەڭدەتۋ ماڭىزدى يدەياسىن قالىپتاستىرىپ، جاڭا داۋىردە رەفورما جاساۋ، ەسىك اشۋدىڭ جاڭا ورلەۋىن كوتەردى. قازىر پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە العا قويىلعان 336 رەفورما شارالارى پارتيا ورتالىق كوميتەتى ورنالاستىرعان ۋاقىت كەستەسى، جول كارتاسى بويىنشا تارتىپپەن ورنىقتى ىلگەرىلەۋدە.

  وسى 6 جىلدا ەكونوميكالىق ءتۇزىلىس رەفورماسىندا ەلەۋلى ناتيجەلەرگە قول جەتتى، ساياسي ءتۇزىلىس رەفورماسى ورنىقتى ىلگەرىلەدى، مادەنيەت ءتۇزىلىسى رەفورماسى ۇزدىكسىز جاڭالىق اشا دامىدى، قوعامدىق ءتۇزىلىس رەفورماسى جان - جاقتى ىلگەرىلەدى، ەكولوگيالىق وركەنيەت ءتۇزىلىسى رەفورماسى جەدەل ىلگەرىلەدى، پارتيانىڭ قۇرىلىسى ءتۇزىمى رەفورماسى تىڭعىلىقتى ىلگەرىلەدى، ءتارتىپ تەكسەرۋ ءتۇزىلىسى رەفورماسىندا ماڭىزدى كەزەڭدىك سيپاتتى جەتىستىككە قول جەتتى، مەملەكەت قورعانىسى مەن ارميا رەفورماسىندا تاريحي سيپاتتى جاڭالىققا قول جەتتى... باستى سالالارداعى نەگىزدىك سيپاتتى ءتۇزىم جۇيەسى نەگىزىنەن قالىپتاسىپ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋگە بەرىك نەگىز قالاندى.

  وسى 6 جىلدا رەفورمانى جاپپاي تەرەڭدەتۋدە تۇزىلىستىك تەرەڭ قاتپارلى كەدەرگىلەردى شەشۋگە باسا ءمان بەرىلدى، مەحانيزمدىك بوگەت ماسەلەلەردى جەڭۋگە باسا ءمان بەرىلدى، بۇقارانىڭ ماڭايىنداعى ىستەردەن باستاپ وزگەرتۋگە باسا ءمان بەرىلدى، ارتۋدى ورنىقتىرۋعا، قۇرىلىمدى رەتتەۋگە، حالىق تۇرمىسىنا تيىمدىلىك جاساۋعا، حاۋىپ - قاتەردەن ساقتانۋعا پايدالى ءبىرسىپىرا رەفورمالار تياناقتاندىرىلىپ اتقارىلدى، قامال الۋ قيىندىعى زور ءبىرسىپىرا رەفورما مىندەتتەرىندە جاڭالىققا قول جەتتى، ءبىرسىپىرا رەفورما جاساۋ، جاڭالىق اشۋ جەتىستىكتەرى زاڭ شىعارۋ جانە ءتۇزىم ارقىلى تۇراقتاندىرىلدى، بۇقارانىڭ تابىس سەزىمى ۇزدىكسىز كۇشەيىپ، رەفورما ونىمدىلىگى ۇزدىكسىز كورنەكتىلەنىپ، ءار جاقتاعى ءتۇزىم ونان ارى تولىسىپ، ونان ارى تۇلعالاندى.

  بۇرىندى - سوڭدى بولماعان بەكىم، بۇرىندى - سوڭدى بولماعان تەبىن، بۇرىندى - سوڭدى بولماعان ونىمدىلىك. تاريحتىڭ تىڭ بەلەسىندە رەفورمانى جاپپاي تەرەڭدەتۋدىڭ كەلەلى ءمانى ونان ارى كورنەكتىلەندى.

  جۇيەنى تۇلعالىق جاقتان جوبالاپ، رەفورمانى ىلگەرىلەتۋ جاعىندا ايگىلەندى −

  رەفورما تەرەڭ قويناۋعا كىردى، ساياتىن ماسەلەلەر كوپ، سالالار كەڭ، قايشىلىق تەرەڭ، بۇرىندى - سوڭدى بولماعان، بىرنەشە ءتۇرلى رەفورما شاراسىنا سۇيەنىپ، ەپتەپ - سەپتەپ جۇرگىزە بەرۋگە بولمايدى.

  رەفورمانى جاپپاي تەرەڭدەتۋ ءىسى باستالعان العاشقى كەزدە، باس شۋجي شي جينپيڭ جاڭا داۋىردەگى وسى جولعى رەفورما جاساۋدىڭ، ەسىك اشۋدىڭ بۇرىنعىدان وزگەشە تىڭ ورەسىن بەلگىلەدى: ”رەفورمانى جاپپاي تەرەڭدەتۋ − پارتيا مەن مەملەكەت ىستەرىنىڭ دامۋ جالپى جاعدايىنا قاتىستى ماڭىزدى ستراتەگيالىق ورنالاستىرۋ، ول بەلگىلى ءبىر سالاعا، بەلگىلى ءبىر جاققا قاتىستى جالاڭ رەفورما ەمەس“. ”جوعارى دەڭگەيدە جوبالاۋ مەن تۇلعالىق جاقتان جوبالاۋدى كۇشەيتۋ ءتۇرلى رەفورماعا قاتىستى بايلانىستىلىعى، جۇيەلىلىگى، اتقارىمدىلىعى بار زەرتتەۋلەردى كۇشەيتۋدى قاجەت ەتەدى“.

  جوبالاۋ ۇستانىمىندا ”بىتىراڭقىلىق“تان اۋلاق بولۋ كەرەك. ەكولوگيالىق وركەنيەت ءتۇزىلىسى رەفورماسىندا تاۋ بولسا تاۋدى عانا جونگە سالاتىن، سۋ بولسا سۋدى عانا جونگە سالاتىن، اتموسفەرا لاستانسا اتموسفەرانى عانا جونگە سالاتىن كونە وي جەلىدەن ارىلىپ، ءتۇزىم ”تىرەگىن“ ورناتۋعا جوعارى دەڭگەيدە جوبالاۋدان كىرىسىپ، سول ارقىلى تۋ باستان قاتاڭ ساقتاناتىن، بارىسىن قاتاڭ باسقاراتىن، زاردابىنا قاراي قاتاڭ جازالايتىن جونگە سالۋ جۇيەسىن قالىپتاستىرۋ كەرەك.

  ساياساتتى سايكەستىرۋدە ”كەشەندى شارالار“ اتقارۋعا شەبەر بولۋ كەرەك. اۋىل - قىستاق جەر ءتۇزىمى رەفورماسىندا ”ءۇش ۇقىقتى ءبولىپ ورنالاستىرۋ“ رەفورماسىن باستاما ەتىپ، اۋىل - قىستاق جەرىن الۋ، كوللەكتيۆ شارۋاشىلىق سيپاتتى قۇرىلىسقا پايدالانىلاتىن جەرلەردى بازارعا سالۋ، ءۇي بازا ءتۇزىمى رەفورماسى سياقتى كوپ ءتۇرلى شارالاردى العا قويىپ، جۇڭگو اۋىل - قىستاقتارىنىڭ زور ومىرشەڭدىك قۋاتىن تاعى دا بوساتۋ كەرەك.

  ءتۇرلى رەفورما شارالارىن ورنالاستىرۋ بارىسىندا ”جاپپاي ارەكەتكە كەلۋ“ كەرەك. ءادىليالىق جاۋاپكەرشىلىك ءتۇزىمى رەفورماسىن، شتات ءتۇزىمى رەفورماسىن قابىستىرىپ، ”زاڭ تورىن كەڭ جايىپ، ەش ساڭلاۋ قالدىرماۋ“عا شىنايى كەپىلدىك ەتىلدى. ءبىلىم قۇنىن ارتتىرۋدى باستاما ەتكەن ءبولىس ساياساتىن، عىلىم - تەحنيكا جەتىستىكتەرىنىڭ كادەگە جاراۋىن جەبەۋ ساياساتىن، شارالارىن ءوزارا سايكەستىرىپ، بىرىككەن كۇش قالىپتاستىرىپ، جاڭالىق اشۋ ارقىلى دامۋعا دەم بەرۋ سىندى باس نىسانا كوزدەلدى.

  تولىق تۇتاسىپ، ءوزارا ءتۇيىلىستى. 6 جىلدان بەرى، ءتۇرلى رەفورمالار سايكەستى ىلگەرىلەپ، ءبىر - بىرىنە ساي كەلىپ، ”1 + 1 ەكىدەن ۇلكەن بولۋ“داي ”حيميالىق رەاكسيا“ ۇزدىكسىز تۋىلدى.

  ”قيراتۋ“ مەن ”ورناتۋ“دىڭ قاتىناسىن دۇرىس ءبىر جاقتى ەتۋدە ايگىلەندى −

  باس نىسانا تۇراقتانىپ، رەفورمانى جاپپاي تەرەڭدەتۋ باستالىسىمەن ”بەتالىس، تۇرعى، پرينسيپ“ ايقىندالدى. باس شۋجي شي جينپيڭ باسا دارىپتەگەندەي، ”ءبىزدىڭ رەفورمامىز جۇڭگوشا سوتسياليزم جولىمەن تىنباي العا ىلگەرىلەگەن رەفورما، تۇيىق ەسكى سۇردەكپەن دە، باعدارسىز تەرىس جولمەن دە جۇرمەيدى“.

  6 جىلدان بەرى، ءبىز نەنى رەفورمالاۋ، قالاي رەفورمالاۋ، جۇڭگوشا سوتسياليزم تۇزىمىنە تاباندى بولۋعا جانە ونى كەمەلدەندىرۋگە ۇيلەسە مە، جوق پا؟ مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋگە ۇيلەسە مە، جوق پا؟ دەگەندى ءتۇبىرلى ولشەم ەتىپ كەلدىك.

  پارتيا مەن مەملەكەت قۇرىلىمى رەفورماسىن تەرەڭدەتۋدە، ءبىز پارتيانىڭ ءتۇرلى سالاداعى، ءار جاقتاعى قىزمەتكە باسشىلىعىن كۇشەيتۋدى ماڭداي الدى ورىنعا قويدىق؛ بازار شارۋاشىلىعى ءتۇزىلىسى رەفورماسىن تەرەڭدەتۋدە، ءبىز جالپىلىق مەنشىكتىڭ تۇلعالىق ورنىنان اۋىتقىماۋعا تاباندى بولدىق؛ جاراتىلىستىق بايلىقتى باسقارۋ ءتۇزىلىسى رەفورماسىن تەرەڭدەتۋدە، ءبىز جاراتىلىستىق بايلىق مەملەكەت پەن كوللەكتيۆتىڭ مەنشىگىندە بولۋ سيپاتىن استە وزگەرتپەۋگە تاباندى بولدىق... جول، نازاريا، ءتۇزىم سياقتىلارعا ساياتىن ءتۇبىرلى ماسەلەلەردە ”وزگەرتپەۋگە تيىستىلەرىن، وزگەرتۋگە بولمايتىندارىن استە وزگەرتپەدىك“.

  سونىمەن قاتار، نوپوس ءتۇزىمى رەفورماسىن تاباندىلىقپەن ورىستەتىپ، قالا مەن اۋىلدى ەكى دۇنيەگە بولەتىن قامالدى تالقاندادىق؛ مەملەكەت سالىعى مەن جەرگىلىكتى سالىقتى جيۋ، باسقارۋ ءتۇزىلىسى رەفورماسى جاپپاي ىلگەرىلەپ، 24 جىلعا جالعاسقان مەملەكەت سالىعى مەن جەرگىلىكتى سالىقتى ايىرۋ جاعدايى تاريحقا اينالدى؛ مەملەكەت قورعانىسى مەن ارميا رەفورماسى باتىل جۇرگىزىلىپ، مەملەكەت قورعانىسى مەن ارميانىڭ تۇلعالىق سيپاتى، توڭكەرىستىك سيپاتى قايتا سومدالدى... ءوندىرىس قۋاتىنىڭ دامۋىنا تۇساۋ بولعان، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسۋىنە كەدەرگى بولعان ءتۇزىلىس مەحانيزمدەرىنىڭ ”وزگەرتۋگە تيىستىلەرىن، وزگەرتۋگە بولاتىندارىن باتىل وزگەرتتىك“.

  رەفورما مەن زاڭمەن جونگە سالۋدىڭ تاماشا ىقپالداستىعى جاعىندا بەينەلەندى −

  بەينە قۇستىڭ قوس قاناتى، اۆتوكولىكتىڭ وسى دوڭگەلەگى سياقتى، رەفورما مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن جەبەيتىن ىلگەرىلەتكىش، ال زاڭمەن جونگە سالۋ رەفورماعا سايكەستىرىلگەن ورنىقتىرعىش، ەكەۋى ءبىرىنىڭ ولقىلىعىن ءبىرى تولىقتاپ، ءبىرىن - ءبىرى جەبەدى.

  ”كەلەلى رەفورمالاردىڭ ءبارىنىڭ زاڭدىق نەگىزى بولۋ كەرەك“، رەفورما جونىندەگى ىزدەنىستەر جانە ونىڭ ىلگەرىلەتىلۋى زاڭمەن جونگە سالۋ اياسىندا ءجۇرىلۋى كەرەك. 2018 - جىلى پارتيا مەن مەملەكەتتىڭ قۇرىلىم رەفورماسىن زاڭ بويىنشا، بەلگىلەمە بويىنشا ىلگەرىلەتىپ، زاڭدا بەلگىلەنگەن اكىمشىلىك ورگانداردىڭ قىزمەت جاۋاپكەرشىلىگى مەن قىزمەتىن ورنىقتى، ءتارتىپتى رەتتەۋ ءۇشىن، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس جەكە - جەكە قاتىستى قارارلاردى شىعارىپ، شارپىعان زاڭدىق، زاڭ بەلگىلەمەلىك ماسەلەلەردى دەر كەزىندە ايقىندادى، ورتالىق كوميتەت كەڭسەسى دە پارتيا مەن مەملەكەتتىڭ قۇرىلىم رەفورماسىنا ساياتىن پارتيانىڭ ىشكى زاڭ ەرەجەلەرى مەن قاتىستى حۇجاتتارىن ارنايى اداقتاپ، ۇشەۋىن كۇشىنەن قالدىرىپ، 35ىنە وزگەرىس ەنگىزدى.

  زاڭ شىعارۋ ەكونوميكانىڭ، قوعامنىڭ دامۋ اياق الىسىنا ىلەسۋى كەرەك. رەفورماعا ۇيلەسپەيتىن زاڭدار مەن زاڭ بەلگىلەمەلەردى دەر كەزىندە رەتتەپ وزگەرىس ەنگىزۋ كەرەك. حالىقتىڭ سۇرانىسىنا جاۋاپ بەردى، ۇيلەنۋ، تۇرعىن ءۇي، جەكە قۇپيالىق، توقتام... ازاماتتىق ىستەر زاڭىنىڭ جالپى ەرەجەسىن بەلگىلەۋدەن ازاماتتىق ىستەر زاڭدار جيناعىنىڭ ءاربىر بولىكتەر جوباسىن قاراۋعا دەيىن، ”ازاماتتىق ىستەر زاڭدار جيناعى ءداۋىرى“ كەلە جاتىر؛ قوعام ءجىتى قاداعالاپ وتىرعان ماسەلەلەرگە جاۋاپ بەرىپ، قورشاعان ورتانى قورعاۋ زاڭىنا، اتموسفەرانىڭ لاستانۋىنان ساقتانۋ جانە ونى تىزگىندەۋ زاڭىنا وزگەرىس ەنگىزىپ، توپىراقتىڭ لاستانۋىنان ساقتانۋ جانە ونى تىزگىندەۋ زاڭىن شىعارىپ، ”قولقا - جۇرەك قاسىرەتىن“ شەشىپ، كوك اسپان، تۇنىق سۋ، تازا توپىراقتى قورعاۋ شايقاسىنىڭ جەڭىسىنە قول جەتكىزۋگە دەم بەردى.

  قايىققا ەسكەك سايكەسسە، تولقىن جارىپ جۇزە الادى. رەفورمانى جاپپاي تەرەڭدەتۋ مەن مەملەكەتتى جاپپاي زاڭمەن جونگە سالۋ قاتار ىلگەرىلەتىلىپ، زاڭمەن جونگە سالۋ قۇرىلىسىنىڭ ايبىندى جوباسى بىرتىندەپ ءورىس الىپ، بۇكىل پارتيانى، بۇكىل ەلدەگى ءار ۇلت حالقىن جالىندى كۇشكە تولى، تابىسى شۇعىلالى زاڭمەن جونگە سالىناتىن جۇڭگونى بىرگە قۇرۋعا جىگەرلەندىرىپ كەلەدى.

  قوعامدىق ادىلدىك پەن تۋراشىلدىقتى جەبەۋدە، حالىقتىڭ ىرىس - قۇتىن ارتتىرۋدى ارقاۋ جانە تابان تىرەر تياناق ەتۋدە ايگىلەدى −

  ”بۇقارا نەگە كوڭىل بولسە، نەنى كوكسەسە، رەفورما سونى يگەرىپ، سونى ىلگەرىلەتىپ، رەفورما ارقىلى حالىق جۇرتشىلىعىنا ءتىپتى دە كوپ تابىس سەزىمىن جەتكىزۋ كەرەك“. رەفورمانى جاپپاي تەرەڭدەتۋ قوعامدىق ادىلدىك پەن تۋراشىلدىقتى جەبەۋدى، حالىقتىڭ ىرىس - قۇتىن ارتتىرۋدى ارقاۋ جانە تابان تىرەر تياناق ەتۋ كەرەك.

  حالىقتىڭ ارمان - تىلەگىنە رەفورمادا جاۋاپ بولدى. 2015 - جىلدىڭ اياعىندا 2 پەرزەنتتى بولۋ ساياساتى اتقارىلدى، وسىدان كەيىن 3 جىلدا بۇكىل ەل بويىنشا 20 ميلليوننان استام ”ەكىنشى پەرزەنت“ دۇنيەگە كەلدى؛ جاڭا جەكەلەر تابىس سالىعى زاڭى جاپپاي اتقارىلىپ، 2019 - جىلى تۇتاس جىلدا سالىقتا 300 ميلليارد يۋان ازايتىلدى؛ وقۋ - اعارتۋ رەفورماسى ۇزدىكسىز نىعايىپ، بۇكىل ەل بويىنشا %92.7تەن اساتىن اۋداندا مىندەتتى وقۋ - اعارتۋدىڭ نەگىزىنەن بىركەلكى دامۋى جۇزەگە اسىرىلدى... جاڭا ءداۋىر رەفورماسىنىڭ ۇلى ورنالاستىرۋىندا حالىقتىڭ تابىس سەزىمى دەگەنىمىز رەفورمانىڭ قۇنى.

  رەفورما حالىق ءۇشىن جۇرگىزىلەدى، رەفورما حالىققا سۇيەنەدى. بەيجيڭنىڭ ”اۋىل، ءمالى باسقارماسى ىسقىرىق شالۋ، تاراۋلار مالىمدەلۋ“ رەفورماسى، جىجياڭنىڭ ”ەڭ كوپ بولعاندا، ءبىر رەت بارۋ“ رەفورماسى، فۋجيان سانميڭنىڭ امبەباپ ەمدەۋ رەفورماسى... 6 جىلدان بەرى، رەفورمانى جاپپاي تەرەڭدەتۋدە حالىق بۇقاراسىنىڭ ءتول جاسامپازدىق رۋحىن قاۋلاتۋعا ءمان بەرىلدى، جەر - جەر ءوز جاعدايلارىمەن ۇشتاستىرا جۇرەكتىلىكپەن ناقتى امالياتتان وتكىزىپ، شىنايى دا ءونىمدى ءبىر قىدىرۋ ءتۇزىم - شارالاردى قاراستىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىرۋگە مول تاجىريبەلەر توپتادى، ءبىرتالايى بۇكىل ەل كولەمىندە جالپىلاستىرىلدى.

  حالىق − رەفورمانىڭ تياناعى. رەفورمانى جاپپاي تەرەڭدەتۋدە حالىقتىڭ ءوزىنىڭ العا باسۋى مەن قۇنى ەرەكشە ايشىقتالىپ، ”بارلىق ادام ات سالىسۋ، بارلىق ادام كۇش سالۋ، بارلىق ادام بىرگە يگىلىكتەنۋ“ قوعامنىڭ ەڭ ۇلكەن ورتاق بولگىشىنە اينالدى.

  رەفورمانىڭ تياناقتانۋىن مىقتى يگەرۋدە ءتۇزىم باسىمدىعىن جونگە سالۋ رولىنا ۇزدىكسىز اينالدىرۋدا ايگىلەدى −

  ءتۇزىمنىڭ ومىرشەڭدىك كۇشى اتقارۋدا. ءتۇزىم جوباسى قانشا جاقسى بولعانىمەن، ەگەر تياناقتانىپ تامىر تارتپاسا، قيسىنسىز قيالعا اينالادى؛ جونگە سالۋ جۇيەسى قانشا جاقسى بولعانىمەن، ەگەر جونگە سالۋ رولىنا اينالدىرىلماسا، قۇر ساۋلەت بولىپ قالادى.

  6 جىلدان بەرى، اسقاق ايبىندى رەفورما جوباسىن جان - جاقتى جونگە سالۋداعى رەفورما امالياتىنا اينالدىرۋ ءۇشىن، ءبىز جوعارىدان تومەنگە دەيىنگى پارمەندى قولباسشىلىق ەتەتىن رەفورما باسشىلىق جۇيەسىن قۇردىق. پارتيا ورتالىق كوميتەتى رەفورما قىزمەتىن ارنايى باسقاراتىن باسشىلىق قۇرىلىم − ورتالىق رەفورمانى جاپپاي تەرەڭدەتۋ باسشىلىق گرۋپپاسىن تۇڭعىش رەت تاعايىنداپ، باس شۋجي شي جينپيڭ ءوزى گرۋپپا باستىعى بولدى، ورتالىق رەفورمانى جاپپاي تەرەڭدەتۋ باسشىلىق گرۋپپاسىنان ورتالىق رەفورمانى جاپپاي تەرەڭدەتۋ كوميتەتىنە دەيىن ىلگەرىندى - كەيىندى 50 رەت ءماجىلىس اشىلدى، 500دەن استام رەفورما حۇجاتتارى قاراپ ماقۇلداندى، ءار جاق 2000نان استام رەفورما جوباسىن العا قويدى. جەر - جەر، تاراۋلار رەفورمانى ”ءبىرىنشى باسشى“ ءوزى يگەرۋگە تاباندى بولىپ، رەفورما ورنالاستىرۋلارىنىڭ ساتىلار بويىنشا تياناقتاندىرىلۋىنا، تارتىپپەن ىلگەرىلەتىلۋىنە شىنايى كەپىلدىك ەتتى.

  قالىڭ پارتيالى كادرلاردىڭ ”رەفورمانى جەبەۋشى ءارى رەفورمانىڭ ىسكەرى“ بولۋىن ىلگەرىلەتۋ ءۇشىن، باس شۋجي شي جينپيڭ ءوزى باستاپ ونەگە بولىپ، رەفورمانى ءوزى جوبالاپ، ءوزى ورنالاستىرىپ، ءوزى ىلگەرىلەتىپ، رەفورمانى تەرەڭدەتۋدە تاباندىلىقپەن ەڭبەك ەتۋدى باستان - اياق دارىپتەدى، ”تياناقتاندىرۋ“ قاشاندا ورتالىق رەفورمانى جاپپاي تەرەڭدەتۋ باسشىلىق گرۋپپاسى مەن ورتالىق رەفورمانى جاپپاي تەرەڭدەتۋ كوميتەتىنىڭ ءماجىلىس حابارلارىنداعى ەڭ كوپ ايتىلاتىن ءسوز بولدى. جەر - جەر، تاراۋلار ”سىرىقتى تۇبىنە دەيىن بويلاتۋ“عا تاباندى بولىپ، رەفورمانىڭ اعاتتىققا كەشىرىممەن قاراۋ مەحانيزمىن قاراستىرىپ، رەفورما جۇرگىزۋدى ويلاۋ، رەفورماعا ۇمتىلۋ، رەفورما جۇرگىزۋگە شەبەر بولۋ سىندى كۇشتى راي قالىپتاستىردى.

  رەفورما شارالارىنىڭ ءتۇزىمنىڭ كەمەلدەنۋىن شىن مانىندە ىلگەرىلەتۋىن، جونگە سالۋ جۇيەسى مەن جونگە سالۋ قابىلەتىن ءوسىرۋىن مەحانيزم جاعىنان قامتاماسىز ەتۋ ءۇشىن، ءبىز رەفورمانى باقىلاۋ - تەكسەرۋ، باعالاۋ قىزمەتىنىڭ كوپ ءتۇرلى مەحانيزمىن قاراستىرىپ، ”رەفورما ىلگەرىلەپ قاي جەرگە بارسا، باقىلاۋ - تەكسەرۋ دە سول جەرگە بارۋ“عا تاباندى بولىپ، ”ءۇش باقىلاۋ، ءۇش تەكسەرۋ“دى ايقىن العا قويدىق، سونىمەن قاتار، رەفورمانى باعالاۋ قىزمەتىن كۇشەيتۋگە ءمان بەرىپ، قالىپتاسقان تاجىريبەلەردى دەر كەزىندە قورىتىندىلاپ، جالپىلاستىرىپ، بايقالعان ماسەلەلەردى مۇقيات زەرتتەپ شەشتىك، رەفورمانىڭ سىناق ءتۇيىنى قىزمەتىن شوعىرلى تۇردە اداقتادىق... ءبىر قىدىرۋ شارالاردى شوعىرلى تۇردە كۇش سالا اتقارىپ، ءتۇرلى رەفورما ورنالاستىرۋلارىنىڭ تياناقتانۋىنا دەم بەرىپ، ءتۇزىم العاباسارلىعىنىڭ جونگە سالۋ رولىنا ۇزدىكسىز اينالۋىن ىلگەرىلەتتىك.

  تاريحتىڭ جاڭا پاراعى اشىلدى، رەفورما اياق الىسى توقتاپ كورگەن جوق.

  ءبىز تالاي قيىن تۇيىندەردى شەشتىك، ءبىراق ءالى كوپتەگەن شەشىلمەگەن قيىن تۇيىندەر بار، ءبىز تالاي قيىن قامالداردى الدىق، ءبىراق ءالى كوپتەگەن الىنباعان قامالدار بار، بىزدە توقتاۋ، تىنىستاۋ، دامىلداۋ ويى استە بولماۋى كەرەك.

  پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق قاجەتىن ارقاۋ ەتە وتىرىپ رەفورما ءىسى جونىندە جاڭا ورنالاستىرۋ جاسادى.

  ”رەفورمانى جاپپاي تەرەڭدەتۋدى ىلگەرىلەتۋدە جۇڭگوشا سوتسياليزم ءتۇزىمىنىڭ جانە مەملەكەتتى جونگە سالۋ جۇيەسىنىڭ ورنىقتىلىعى مەن ۇلاسپالىلىعىن ساقتاۋمەن بىرگە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ شۇعىل قاجەت ەتكەن، حالىقتىڭ تاماشا ومىرگە دەگەن جاڭا تالپىنىسىن قاناعاتتاندىراتىن قاجەتتى ءتۇزىمدى جەدەل جاساپ، جۇڭگوشا سوتسياليزم ءتۇزىمىنىڭ ۇزدىكسىز ءوزىن كەمەلدەندىرۋى مەن دامىتۋىن ىلگەرىلەتىپ، تىرشىلىك ومىرشەڭدىگىن ماڭگى ساقتاۋ كەرەك“.

  جالپى ماجىلىستە 200دەن استام كەلەلى شارا العا قويىلىپ، ءتۇزىم قۇرىلىسى مەن جونگە سالۋ قابىلەتى قۇرىلىسىن اناعۇرلىم كورنەكتى ورىنعا قويىپ، ءار سالا، ءار جاقتاعى ءتۇزىلىس - مەحانيزم رەفورماسىن ۇزدىكسىز تەرەڭدەتىپ، ءار جاقتاعى ءتۇزىمنىڭ اناعۇرلىم تولىسىپ، اناعۇرلىم تۇلعالانۋىن ىلگەرىلەتۋ تالاپ ەتىلدى.

  دابىل قاعىلدى، الدا جاڭا ساپار تۇر.

  6 جىلداعى رەفورمانى جاپپاي تەرەڭدەتۋدە توپتاعان تابىستى تاجىريبەلەردى، ۇيىستىرىلعان كەڭ كولەمدى ورتاق تانىمدى تياناق ەتە پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ايبىندى شىعىس جەلىنە رەفورما جەلكەنىن كوتەرىپ، تاعى دا ساپارعا اتتانامىز!

  (شينحۋا اگەنتتىگىنىڭ 11 - ايدىڭ 8 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.