− ءتوراعا شي جينپيڭنىڭ 2 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنداعى ارقاۋ ءسوزى جونىندە
حالىق گازەتىنىڭ شولۋشىسى
ەسىك اشۋ العا باستىرادى، توماعا - تۇيىقتىق تابيعي تۇردە ارتتا قالدىرادى. ەسىك اشۋ زامانىمىزداعى جۇڭگونىڭ ەڭ ايقىن بەلگىسى.
”جۇڭگونىڭ بازارى وسىنشاما ۇلكەن، كوپشىلىكتىڭ كەلىپ كورۋلەرىن قارسى الامىز“، ”جۇڭگو قۇشاعىن كەڭ جايىپ، ءار ەلگە اناعۇرلىم كوپ بازار ورايىن، قارجى قوسۋ ورايىن، ارتۋ ورايىن ازىرلەيدى“. 2 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنداعى ارقاۋ سوزىندە ءتوراعا شي جينپيڭ جۇڭگونىڭ اناعۇرلىم جوعارى دەڭگەيدەگى سىرتقا ەسىك اشۋىن ۇزدىكسىز ىلگەرىلەتۋ جونىندەگى 5 جاقتاعى شاراسىن سالتاناتپەن اشىق مالىمدەپ، جاڭا داۋىردەگى جۇڭگونىڭ ەسىك اشۋ سەنىمىن ايقىن بەينەلەپ، ءىس جۇزىندىك ارەكەتىمەن اشىق الەمدىك ەكونوميكا قۇرۋدى ىلگەرىلەتۋ جاۋاپكەرشىلىگىن ايگىلەدى.
جاڭا جۇڭگو قۇرىلعان 70 جىلدان، اسىرەسە، رەفورما جاساعان، ەسىك اشقان 40 نەشە جىلدان بەرى، جۇڭگو حالقى ءوز كۇشىنە سۇيەنىپ ءومىر ءسۇرىپ، كوركەيۋ جولىندا قۇلشىنىپ، قايراتتانا العا ۇمتىلىپ، ءوزىنىڭ قاجىرلىلىعىمەن جانە ماڭداي تەرىمەن ”تاڭدانار ەد دۇنيەنىڭ عاجابىنا“ دەيتىن دامۋ جەتىستىكتەرىن جاراتىپ، ادامزاتتىڭ دامۋ تاريحىنداعى ۇلى كەرەمەتتى جازدى. سونىمەن قاتار، جۇڭگو مەملەكەت قاقپاسىن اشىپ، قۇرىلىس جۇرگىزۋگە تاباندى بولىپ، تۇيىق، جارتىلاي تۇيىق كۇيدەن شار تاراپقا ەسىك اشۋعا دەيىنگى ۇلى تاريحي بۇرىلىستى جۇزەگە اسىردى. تاريح پەن رەالدىق بىزگە مىناداي ءبىر ماڭىزدى وي سالدى: جۇڭگونىڭ دامۋى دۇنيە جۇزىنەن ايرىلا المايدى، دۇنيە ءجۇزىنىڭ دامۋى دا جۇڭگونى قاجەت ەتەدى. بەينە ءتوراعا شي جينپيڭ باسا دارىپتەگەندەي: ”جاڭا تاريحي باستامادا تۇرعان جۇڭگونىڭ اشىلعان قاقپاسى بارعان سايىن ايقارا اشىلادى“. جۇڭگو قاشاندا الەمدى بىرگە اشۋدىڭ ماڭىزدى ىلگەرىلەتۋشىسى، قاشاندا دۇنيە ءجۇزى ەكونوميكاسى ارتۋىنىڭ ورنىقتى قوزعاۋشى كۇش قاينارى، قاشاندا ءار ەلدىڭ ساۋدا ورايىن كەڭەيتۋىنىڭ ومىرشەڭ ۇلكەن بازارى، قاشاندا الەمدى جونگە سالۋعا، رەفورمالاۋعا بەلسەندى ۇلەس قوسۋشى بولادى.
بازاردىڭ اشىقتىعىن ۇزدىكسىز كەڭەيتەمىز، اشىق ارنانى ۇزدىكسىز كەمەلدەندىرەمىز، شارۋاشىلىق - ساۋدا ورتاسىن ۇزدىكسىز ساپالىلاندىرامىز، كوپ جاقتى، ەكى جاقتى سەلبەستىكتەردى ۇزدىكسىز تەرەڭدەتەمىز، ”ءبىر بەلدەۋ، ءبىر جول“دى بىرگە قۇرۋدى ۇزدىكسىز ىلگەرىلەتەمىز. ءتوراعا شي جينپيڭ جاريالاعان وسى 5 جاقتاعى شارا − جۇڭگونىڭ سىرتقا ەسىك اشۋدى كەڭەيتۋگە تاباندى بولۋداعى نەگىزگى مەملەكەت ساياساتى، ەسىك اشۋ ارقىلى رەفورمانى جەبەۋگە، دامۋدى جەبەۋگە، جاڭالىق اشۋدى جەبەۋگە تاباندى بولىپ، اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتۋدەگى ناقتى تالعامى، بۇل جۇڭگونىڭ ءوزارا تيىمدىلىك جاساۋ، تەڭ يگىلىكتەنۋ، ەسىك اشۋ ستراتەگياسىن تاباندىلىقپەن بۇلجىماي اتقارىپ، جوعارى دەڭگەيدەگى ساۋدا مەن قارجى قوسۋدىڭ ەركىن، قولايلى بولۋ ساياساتىن اتقارىپ، قۇرلىق، تەڭىز، ءىش پەن سىرت بىرگە قيمىلداۋ، شىعىس پەن باتىس قوس باعىتتا ءوزارا سەلبەسىپ ەسىك اشۋ جاعدايىن قالىپتاستىرۋ ارەكەتىنىڭ ساباقتاستىعىن قالىپتاستىرۋدى ىلگەرىلەتەتىندىگىن بەينەلەيدى، جۇڭگونىڭ اناعۇرلىم جوعارى دەڭگەيدە ەسىك اشۋدى ىلگەرىلەتۋ اياق الىسىنىڭ توقتامايتىندىعىن، اشىق دۇنيە ءجۇزى ەكونوميكاسىن قۇرۋدى ىلگەرىلەتۋ اياق الىسىنىڭ توقتامايتىندىعىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ اياق الىسىنىڭ توقتامايتىندىعىن بەينەلەدى. جۇڭگو كوممۋنيستىك پارتياسى 19 - كەزەكتى ورتالىق كوميتەتتىڭ ءتورتىنشى جالپى ءماجىلىسىن جۋىردا عانا اشىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارارىن جاسادى، مۇندا رەفورمانى تەرەڭدەتۋگە، ەسىك اشۋدى كەڭەيتۋگە قاتىستى كوپتەگەن ماڭىزدى شارالار قامتىلدى. رەفورما جاساۋ، ەسىك اشۋ جالعاسا بەرەدى، توقتامايدى، رەفورما جاساۋ، ەسىك اشۋدى سوڭىنا دەيىن جۇرگىزۋ − جۇڭگو حالقىنىڭ ورتاق ەرىك - جىگەرى.
جۇڭگونىڭ دامۋى دۇنيە جۇزىنە وراي، ءوزىن دامىتۋمەن قاتار، دۇنيە جۇزىنە دە يگىلىك اكەلۋ − جۇڭگونىڭ ىزگى ارمانى. جۇڭگو ەل ءىشى تۇتىنۋىنىڭ ەكونوميكانىڭ دامۋىنداعى نەگىزدىك رولىن كۇشەيتەدى، يمپورتتىڭ رولىنا اناعۇرلىم ءمان بەرەدى، جۇڭگو ەكونوميكاسىنىڭ دامۋىنا تىرەك ازىرلەيدى، دۇنيە ءجۇزى ەكونوميكاسىنىڭ ارتۋ كەڭىستىگىن كەڭەيتەدى. جۇڭگو ەركىن ساۋدا سىناق رايونىن باتىلدىقپەن سىناق جاساۋعا، باتىلدىقپەن كىرىسۋگە ۇزدىكسىز ىنتالاندىرىپ، ەسىك اشۋدىڭ جاڭا بەلەسىن قالىپتاستىرىپ، بەيجيڭنىڭ، تيانجيننىڭ، حىبەيدىڭ سايكەسە دامۋىن، چاڭجياڭ ەكونوميكالىق بەلدەۋىنىڭ دامۋىن، چاڭجياڭ اتىراۋى ءوڭىرىنىڭ ءبىر تۇلعالانىپ دامۋىن، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ۇزدىكسىز ىلگەرىلەتەدى، سونداي - اق حۋاڭحى وزەنى الابىنىڭ ەكولوگياسىن قورعاۋدىڭ جانە جوعارى ساپالى دامۋىنىڭ جاڭا مەملەكەتتىك ستراتەگياسىن جاساپ، ەسىك اشۋدىڭ بىرلەسە قيمىلداۋ اسەرىن كۇشەيتەدى. جۇڭگو ەكونوميكانىڭ دامۋىن تەجەپ وتىرعان كورنەكتى قايشىلىقتارعا باعىتتاي وتىرىپ، شەشۋشى بۋىندار مەن ماڭىزدى سالالاردا رەفورمانىڭ اياق الىسىن ۇزدىكسىز جەدەلدەتىپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن ۇزدىكسىز كەمەلدەندىرىپ، ءبىلىم قۇنىنا قۇرمەت ەتەتىن ورتا قالىپتاستىرادى. جۇڭگو دۇنيە جۇزىلىك ساۋدا ۇيىمىنىڭ قاجەتتى رەفورما جاساۋىن قولدايدى، اناعۇرلىم كوپ مەملەكەتپەن جوعارى ولشەمدى ەركىن ساۋدا كەلىسىمىن جاساسىپ، بىرلەسكەن مەملەكەتتەر ۇيىمى، 20 ەل توبى، ازيا - تىنىق مۇحيت ەكونوميكالىق سەلبەستىك ۇيىمى، بريكس ەلدەرى سياقتى مەحانيزمدەردىڭ سەلبەستىگىنە بەلسەنە ات سالىسىپ، ەكونوميكانىڭ جاھاندانۋىنىڭ العا دامۋىن بىرگە ىلگەرىلەتەدى. جۇڭگو بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ، اشىق، جاسىل، كىرشىكسىز بولۋ ۇستانىمىنا تاباندى بولىپ، جوعارى ولشەمدى بولۋ، حالىق تۇرمىسىنا تيىمدىلىك جاساۋ، باياندى بولۋ نىساناسىن قۇلشىنا جۇزەگە اسىرىپ، ”ءبىر بەلدەۋ، ءبىر جول“دى بىرگە قۇرۋدىڭ جوعارى ساپالى دامۋىن ىلگەرىلەتەدى.
بۇگىنگى دۇنيە جۇزىندە ەسىك اشۋ، توعىسۋ اعىنى العا جوڭكىلۋدە. ءداۋىر اعىنىنا ۇيلەسكەندە عانا، بىرگە دامۋدى جۇزەگە اسىرۋعا بولادى. بولاشاقتى بەتكە العاندا، اشىق جۇڭگو، دامىعان جۇڭگو، ءسوز جوق، دۇنيە ءجۇزى ەكونوميكاسىنىڭ ارتۋىنا اناعۇرلىم كوپ جاڭا وراي اكەلەدى، ەكونوميكانىڭ جاھاندانۋىن ىلگەرىلەتىپ، دۇنيە جۇزىندەگى ءار ەل حالقىن ءتىپتى دە جاقسى يگىلىككە كەنەلتۋ ءۇشىن تىڭ دا اناعۇرلىم زور ۇلەس قوسادى.
(شينحۋا اگەنتتىگىنىڭ 11 - ايدىڭ 8 - كۇنى بەيجيڭنەن بەرگەن حابارى)
