− ءتوراعا شي جينپيڭنىڭ 2 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنداعى ارقاۋ ءسوزى جونىندە
حالىق گازەتىنىڭ شولۋشىسى
جۇڭگو ەكونوميكاسى شالقار تەڭىز ىسپەتتى. ورنىقتىلىق بارىسىندا جاقسارۋعا، ۇزاق ۋاقىت جاقسارۋعا بەت الۋ ۇلكەن اۋقىمى وزگەرمەيدى، وزگەرمەيدى دە.
”جۇڭگو ەكونوميكاسىنىڭ دامۋ بولاشاعى، ءسوز جوق، اناعۇرلىم نۇرلى بولادى ءارى ءسوزسىز اناعۇرلىم نۇرلى بولادى“. 2 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنداعى ارقاۋ سوزىندە، ءتوراعا شي جينپيڭ جۇڭگو ەكونوميكاسىنىڭ دامۋ اۋقىمىنا نازار سالىپ، اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتۋ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋ سەنىمى مەن بەكىمىن جاريا ەتىپ، ەكونوميكانىڭ باياندى، اقاۋسىز ورنىقتى دامۋىن ساقتاۋ جىگەر - قايراتى مەن تاباندىلىعىن ايگىلەپ، دۇنيە ءجۇزى ەكونوميكاسىنىڭ دامۋىنا قۇدىرەتتى وڭ ەنەرگيا ۇستەدى.
جاڭا جۇڭگو قۇرىلعان 70 جىلدان، اسىرەسە، رەفورما جاساعان، ەسىك اشقان 40 نەشە جىلدان بەرى، جۇڭگو كۇللى الەمدى جالت قاراتقان جەتىستىكتەرگە قول جەتكىزدى، بايتاق جۇڭحۋا دالاسىندا كەرەمەت زور وزگەرىستەر تۋىلدى. دامىعان ەلدەر بىرنەشە 100 جىلدا باسىپ وتكەن دامۋ بارىسىن جۇڭگو بىرنەشە 10 جىل ۋاقىتتا باسىپ ءوتىپ، دۇنيە جۇزىندەگى ەكىنشى ۇلكەن ەكونوميكالىق تۇلعاعا، جاساۋ سالاسىنداعى ءبىرىنشى ۇلكەن مەملەكەتكە، زات ساۋداسىنداعى ءبىرىنشى ۇلكەن مەملەكەتكە، شەتەل اقشاسى قورى جاعىندا ءبىرىنشى ۇلكەن مەملەكەتكە اينالدى. جۇڭگو ەكونوميكاسىنىڭ تالاي جىلدان بەرى دۇنيە ءجۇزى ەكونوميكاسىنىڭ ارتۋىنا قوسقان ۇلەسى ％30تەن استام بولىپ، دۇنيە ءجۇزى ەكونوميكاسىنىڭ ارتۋىنداعى باستى ورنىقتىرعىش جانە قوزعاۋشى كۇش قاينارىنا اينالدى. جۇڭگونىڭ ءبىر ميلليارد 400 ميلليونعا جۋىق حالقى بار ۇلكەن بازارى، ءسوز جوق، دۇنيە ءجۇزى ەكونوميكاسىنىڭ ارتۋ قاينارىنا، ومىرشەڭدىك قاينارىنا اينالادى. كەرەمەت دامۋ بارىسىنان ءبىز دۇنيە ءجۇزى جاقسى بولعاندا عانا، جۇڭگونىڭ جاقسى بولاتىندىعىن؛ جۇڭگو جاقسى بولعاندا عانا، دۇنيە ءجۇزىنىڭ اناعۇرلىم جاقسى بولاتىندىعىن تەرەڭدەي سەزىندىك. جۇڭگو رەفورما جاساۋ، ەسىك اشۋ ارقىلى ءوزىن دامىتىپ، ۇلى كەرەمەتتەر جاراتتى، سونىمەن بىرگە ءوزىنىڭ دامۋى ارقىلى دۇنيە ءجۇزىنىڭ العا باسۋىنا دا كۇش - قۋات قوستى.
جۇڭگو ەكونوميكاسىنىڭ دامۋ بولاشاعى، ءسوز جوق، اناعۇرلىم نۇرلى بولادى، ويتكەنى ءبىز تاريحتىڭ العا باسۋ لوگيكاسىمەن العا ىلگەرىلەپ كەلەمىز. اماليات بىزگە مىنانى ءتۇسىندىردى: رەفورما جاساۋ، ەسىك اشۋ جۇڭگو حالقىنىڭ دامۋ، جاڭالىق اشۋ، تاماشا تۇرمىسقا جەتۋ تاريحي تالابىنا ۇيلەسەدى. وراسان زور دامۋ جەتىستىگىنە جۇڭگو حالقى بىرنەشە 10 جىل ۋاقىت بەينەتكە مويىماي، قان مەن تەر توگە وتىرىپ قول جەتكىزگەن. سان ميلليونداعان حالىق ءورىس اشا جاڭالىق اشۋ جىگەرىمەن، ءوز كۇشىنە سۇيەنىپ ءومىر ءسۇرۋ قايسارلىعىمەن جۇڭگودا جەر - كوكتى ءدۇر سىلكىندىرگەن وزگەرىستەر تۋىلۋىن ىلگەرىلەتتى. بۇگىنگى تاڭدا جۇڭگو ەكونوميكاسى دامۋىنىڭ اقاۋسىز، ورنىقتى بولۋىنىڭ نەگىزگى جاعى وزگەرمەدى، جوعارى ساپالى دامۋعا تىرەك بولاتىن ءوندىرىس فاكتورى، شارت - جاعدايى وزگەرمەدى، ۇزاق ۋاقىت ورنىقتىلىق بارىسىندا جاقسارۋ جالپى تۇلعالىق جاعدايى وزگەرمەدى. بولاشاققا نازار سالساق، جۇڭگو ەكونوميكاسىنىڭ ورنىقتى، اقاۋسىز، باياندى دامۋى جەتكىلىكتى تىرەك، شارت - جاعداي ازىرلەگەن. جۇڭگو كوممۋنيستىك پارتياسىنىڭ پارمەندى باسشىلىعى بار، كۇشتى شوعىرلاندىرا وتىرىپ ءىرى ءىس تىندىراتىن ساياسي ابزالدىلىق بار، جۇدىرىقتاي جۇمىلاتىن، بەرەكە - بىرلىكتى ۇلتتىق رۋح بار، رەفورما جاساعان، ەسىك اشقاننان بەرى ۇزدىكسىز جوعارى قارقىنمەن دامۋ بارىسىندا توپتالعان مىعىم زاتتىق تەحنيكالىق نەگىز، وراسان زور دامۋ توزىمدىلىگى، كومەسكى كۇشى، مۇمكىندىگى، مول ماكرولىق رەتتەۋ - مەڭگەرۋ تاجىريبەسى جانە جەتكىلىكتى ساياسات كەڭىستىگى بار، ءبىزدىڭ العا ىلگەرىلەۋ جولىنداعى ءتۇرلى حاۋىپ - قاتەرلەرگە، سىن - سايىستارعا توتەپ بەرىپ، ەكونوميكانىڭ جوعارى ساپالى دامۋ ارناسىنا ءوتۋىن جەدەل ىلگەرىلەتىپ، اناعۇرلىم نۇرلى دامۋ بولاشاعىن قارسى الاتىنداي شارت - جاعدايىمىز، قابىلەتىمىز، سەنىمىمىز قاپتال.
جۇڭگو ەكونوميكاسىنىڭ دامۋ بولاشاعى، ءسوز جوق، اناعۇرلىم نۇرلى بولادى، ويتكەنى ءبىز ءداۋىردىڭ دامۋ اعىمىندا دامىدىق. اماليات بىزگە مىنانى ۇعىندىردى: جۇڭگونىڭ رەفورما جاساۋى، ەسىك اشۋى دۇنيە جۇزىندەگى ءار ەل حالقىنىڭ دامۋ، سەلبەستىك جاساۋ، بەيبىت تۇرمىس كەشىرۋ سىندى ءداۋىر اعىمىنا ۇيلەستى. جۇڭگونىڭ تاباندىلىقپەن مەملەكەت قاقپاسىن اشىپ، قۇرىلىس جۇرگىزىپ، سىرتقا ەسىك اشۋدى ۇزدىكسىز كەڭەيتۋى ءوزىن عانا دامىتىپ قالماستان، دۇنيە جۇزىنە دە باقىت جاراتتى. جۇڭگو ەكونوميكالىق دامۋ جەتىستىكتەرىنە ەسىك اشۋ شارت - جاعدايىندا قول جەتكىزگەن، بولاشاقتا ەكونوميكانىڭ جوعارى ساپالى دامۋى دا، ءسوز جوق، اناعۇرلىم اشىق شارت - جاعدايدا جۇرگىزىلەدى. جۇڭگونىڭ اشىلعان قاقپاسى جابىلمايدى، تەك ونان ارى ايقارا اشىلادى. قۇددى ءتوراعا شي جينپيڭ جاريالاعانداي: ”ءبىز سىرتقا ەسىك اشۋ نەگىزگى مەملەكەت ساياساتىنا تاباندى بولىپ، ەسىك اشۋ ارقىلى رەفورمانى جەبەۋگە، دامۋدى جەبەۋگە، جاڭالىق اشۋدى جەبەۋگە تاباندى بولىپ، اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتەمىز“، ”جۇڭگو قۇشاعىن كەڭ جايىپ، ءار ەلگە اناعۇرلىم كوپ بازار ورايىن، قارجى قوسۋ ورايىن، ارتۋ ورايىن ازىرلەپ، بىرگە دامۋدى جۇزەگە اسىرادى“. بولاشاقتى بەتكە العان جۇڭگونىڭ اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتۋ اياق الىسى توقتاپ قالمايدى، باستان - اياق دۇنيە ءجۇزىن بىرگە اشۋدىڭ ماڭىزدى ىلگەرىلەتۋشىسى بولىپ، ءىس جۇزىندىك ارەكەتىمەن ەكونوميكانىڭ جاھاندانۋىن ىلگەرىلەتىپ، دۇنيە جۇزىندەگى ءار ەل حالقىنا باقىت جاراتادى.
ەڭبەگى باردىڭ ونبەگى بار، ناقتى ىستەر ىستەۋ مەملەكەتتى گۇلدەندىرەدى. بولاشاقتى بەتكە العان جۇڭگو جاڭا دامۋ ۇستانىمىنا تاباندى بولىپ، جاڭالىق اشۋ ارقىلى دامۋعا دەم بەرۋ ستراتەگياسىن ۇزدىكسىز اتقارىپ، جاڭا قوزعاۋشى قۋاتتى كۇش سالا جەتىلدىرىپ جانە ۇلعايتىپ، تاسىلگە بۇرىلىس جاساۋدى، قۇرىلىمدى رەتتەۋدى، قوزعاۋشى كۇشتى ارتتىرۋدى ۇزدىكسىز ىلگەرىلەتىپ، ەكونوميكانىڭ جوعارى ساپالى دامۋىن جەبەپ، دۇنيە ءجۇزى ەكونوميكاسىنىڭ ارتۋىنا اناعۇرلىم كوپ جاڭا وراي اكەلەدى، دۇنيە ءجۇزىنىڭ بىرگە گۇلدەنىپ - كوركەيۋى ءۇشىن جاڭا دا اناعۇرلىم زور ۇلەس قوسادى.
(شينحۋا اگەنتتىگىنىڭ 11 - ايدىڭ 9 - كۇنى بەيجيڭنەن بەرگەن حابارى)
