تيانشان تورى   ›   جاڭالىقتار   ›   شينجياڭ حابارلارى

مىندەتكە الۋ، ناقتى ىستەۋ ارقىلى بۇقارانى باقىتقا كەنەلتتى

− لوپ اۋدانى شارباق اۋىلدىق پارتكومنىڭ شۋجيى ما شياڭفىڭ تۋرالى

ءتىلشى چىن چىن

  لوپ اۋدانىنىڭ شارباق اۋىلىندا، ما شياڭفىڭنىڭ اتى اتالسا بولعانى، اۋىلداعى ورگان كادرلارىنان تارتىپ قىستاق كادرلارىنا دەيىن، سەلبەستىك كووپەراتيۆى القالارىنان قاراپايىم قىستاق تۇرعىندارىنا دەيىن، باسبارماقتارىن كورسەتىپ، ونى ”حالىقتىڭ قامىن ويلايتىن جاقسى شۋجي“ دەپ القاسادى.

نەگىزگى ساتى ۇيىمىن كۇشەيتىپ

قىزمەت وتەۋ قابىلەتىن جوعارىلاتتى

  2017 - جىلى 4 - ايدا اۋدان ورگانىنان شارباق اۋىلىنا بارىپ اۋىلدىق پارتكومنىڭ شۋجيى مىندەتىن وتەگەن ءبىرىنشى كۇننەن باستاپ، ما شياڭفىڭ ءوزىنىڭ بۇرىن ۇيىمداستىرۋ بولىمىندە قىزمەت ىستەگەن باسىمدىعىن ساۋلەلەندىرىپ، بۇكىل اۋىلدىڭ نەگىزگى ساتى ۇيىمى قۇرىلىسى ورەسىن جوعارىلاتۋعا كۇش سالدى.

  كەزىندە شارباق اۋىلى شارباق قىستاعىنىڭ ”ەكى كوميتەتى“ القاسى تولىق ەمەس، پارتيا مۇشەلەرىن باۋلۋى جۇيەسىز، ۇيىمدىق تۇرمىسى تۇراقسىز، بۇقارانى ۇيىستىرۋى قيىن، بۇقاراعا قىزمەت وتەۋى تياناقتانباعان ەدى. ما شياڭفىڭ اۋىلدىق پارتكومنىڭ جيىنىندا شارباق قىستاعىن شىعار ءتۇيىن ەتىپ، ءالسىز دە بوساڭسىعان پارتيا ۇيىمىن تارتىپكە سالۋدىڭ ءونىمدى شاراسىن الىپ شىعۋدى ۇسىنىس ەتەدى.

  اۋىلدىق پارتكوم ورگانداعى كادرلاردى قىستاق پارتيا ياچەيكاسىنىڭ شۋجيى مىندەتىن وتەۋگە تاڭداپ جىبەردى، قوسىننان شەگىنگەن اسكەريلەر، بايۋ باستاماشىلارى اراسىنان بۇقارا رازى بولاتىن قىستاق ”ەكى كوميتەتى“ القا مۇشەلەرىن تاڭدادى؛ پارتيا قۇرىلىسى جەتەكشىسىن قىستاق ”ەكى كوميتەتى“نىڭ ۇيىمدىق تۇرمىستى رەتكە سالۋىنا كومەكتەسۋگە جىبەردى، نەگىزگى تاقىرىپتىق پارتيا كۇنى قيمىلىن ويداعىداي ورىستەتىپ، پارتيا مۇشەلەرىنىڭ اۆانگاردتىق ونەگەلىك رولىن تولىق ساۋلەلەندىرىپ، پارتيا مۇشەلەرىنىڭ قىزمەت وتەۋ ساناسىن جوعارىلاتتى؛ اي سايىن پارتيا مۇشەلەرى مەن قىستاق كادرلارىنىڭ رولدارىن ساۋلەلەندىرۋ جاعدايى جونىندە بۇقارالىق باعالاۋ جۇرگىزدى، قىزمەتتىڭ جاقسى - جامان ىستەلگەنىن بۇقاراعا ايتقىزىپ، ستيلدە قاتاڭ بولعان - بولماعانىن بۇقاراعا باعالاتتى. سونىمەن بىرگە، شارتقا ۇيلەسەتىن قىستاق كادرلارىن حوتان ايماقتىق پارتكوم پارتيا مەكتەبىنە ۇيرەنۋگە تاڭداپ جىبەردى، سونداي - اق ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ كومەكتەسۋ - جەتەكتەۋ رولىن ساۋلەلەندىرىپ، بىرگە - ءبىر كومەكتەسۋگە تاباندى بولىپ، قىستاق كادرلارىنىڭ كاسىپتىك قابىلەتىن جوعارىلاتىپ، پارتيانىڭ ۇيىمدىق نەگىزىن اناعۇرلىم بەكەمدەدى.

  ”ما شۋجي، بۇل كۇندەرى قىستاعىمىزدىڭ قوسىمشا قاراجات تاراتۋى اشىق تا جاريا، ادەبيەت - كوركەمونەر قيىملدارىنىڭ مازمۇنى باي، قىستاق كادرلارىنىڭ حالىق ءۇشىن قىزمەت وتەۋى دە ايتارلىقتاي تياناقتى بولىپ كەلەدى“. قىستاق تۇرعىندارىنىڭ ريزالىق بىلدىرگەن سوزدەرىن ەستگەندە، ما شياڭفىڭنىڭ كوڭىلى جايلانىپ سالا بەردى.

بۇقارانىڭ ىستەرىندە كىشى - گىرىم ءىس جوق

قانشا قيىن بولسادا ويداعىداي ءبىتىرۋ كەرەك

  بۇقارانىڭ ىستەرىندە كىشى - گىرىم ءىس جوق، ”ءبىر بۇتاق، ءبىر جاپىراقتىڭ ءبارى سۇيىسپەنشىلىككە سايادى“. ما شياڭفىڭ بۇقارا ءۇشىن جاقسى ءىس ىستەۋدى، ناقتى ءىس ىستەۋدى، قيىن ىستەردى شەشۋدى ءوز جۇمىسىنا بالادى.

  ما شياڭفىڭ ەستەلىك داپتەرىن جانىنان تاستاماي الا ءجۇرىپ، بۇقارانىڭ اڭىس ەتكەن قيىن ىستەرىن، شۇعىل ىستەرىن، كوڭىلدى مازالاعان ىستەرىن ءبىر - بىردەن داپتەرىنە ءتىزىپ، شۇعىل شەشۋگە ءتيىستى ىستەردەن، بۇقارا جاپپاي كوڭىل ءبولىپ وتىرعان ىستەردەن باستاپ كىرىسىپ، ماسەلەلەر ءتىزىمىن جاساپ، ماسەلەنىڭ ءتۇيىنىن تاۋىپ، جاعدايعا قاراي ىستەپ، ءبىر - بىردەن شەشتى. ەڭ تومەنگى تۇرمىستى قامتاماسىزداندىرۋدى ءبىتىرۋ، قورا - جاي جەر داۋى، ەنە - كەلىن قايشىلىعى، مەيلى ۇلكەن، الدە كىشكەنە ءىس بولسىن، تەك ونى ىزدەسە بولعانى، ول مۇقياتتىلىقپەن ءبىتىرىپ بەرەدى. ول بىلاي دەيدى: ”بۇقارا قىستاقتان رازى بولارلىقتاي شەشىم تابا الماعاندىعىنان، ءسوزسىز، اۋىلعا بارادى، ءبىز اۋىل كادرلارى، ءسوزسىز، مۇقيات مامىلە جاساۋىمىز كەرەك“.

  ءبىر جولى گۇلباق قىستاعىنىڭ تۇرعىنى تۇرسىن نيازدىڭ ۇيىندە بالاسى وتپەن ويناپ ابايسىزدان ءورت اپاتىن تۋدىرادى. ما شياڭفىڭ مۇنى ەستگەننەن كەيىن، تىزگىن ۇشىمەن ناق مايدانعا جەتىپ بارىپ، ءورت سوندىرۋگە كەلگەن بۇقارامەن بىرگە ورتەنگەن ۇيگە كىرىپ، تۇرسىننىڭ بالاسىن حاۋىپسىز ورىنعا ورنالاستىرادى. ءورت سوندىرۋشىلەر كەلگەننەن كەيىن، ول ءوزىنىڭ جاعدايعا قانىق ارتىقشىلىعىنان پايدالانىپ، ءورت سوندىرۋشىلەرگە كومەكتەسىپ ءورتتى سوندىرەدى. ءورت سوندىرىلگەننەن كەيىن، ما شياڭفىڭ بۋىنى قۇرىپ جەرگە وتىرا كەتىپ، يىعىنىڭ اشىپ اۋىرعانىن سەزىپ، قولىمەن سيپاعاندا بارىپ، ءورت ءسوندىرىپ جۇرگەندە يىعىن جالىن شالىپ، جۇدىرىقتاي جەردىڭ الدەقاشان كۇيىپ جارالانعانىن بايقايدى.

كاسىپ سالاسى دامۋىنان كوز جازبادى

كەدەيلىكتەن ارىلتۋدان قامال الۋعا كۇش توپتادى

  ما شياڭفىڭدى الاڭداتاتىن جانە دە سول اۋىلداعى كەدەي بۇقارا. ول اۋىر كەدەي وڭىردەگى اۋىل - قالاشىق پارتكومى شۋجيىنىڭ ارقالايتىن مىندەتىنىڭ قانشالىق سالماقتى ەكەنىن ابدەن بىلەتىن - دى.

  باشسۋىققۇم قىستاق تۇرعىندارىنىڭ كىرىسىن ارتتىرۋ ءۇشىن، ما شياڭفىڭ ءبىر اپتاعا جەتپەيتىن ۋاقىتتا اۋىل مەن اۋدان اراسىندا قايتا - قايتا شاپقىلاپ، سوڭىندا ەرەكشە سارىمساق ەگۋ نىسانىن باشسۋىققۇم قىستاعىنا اكەلەدى.

  ”500 مىڭ يۋان قارجى قوسىلعان بۇل نىسان باشسۋىققۇم قىستاعىنداعى 50دەن ارتىق كەدەي وتباسىن يگىلىككە كەنەلتتى“. اۋىلدىق كەدەيلەردى سۇيەمەلدەۋ كەڭسەسىنىڭ كادرى ۋاڭ شۋميڭ بىلاي دەدى: بۇل تەك ما شۋجيدىڭ قىستاق تۇرعىندارىنا كومەكتەسىپ ەنگىزگەن نىساندارىنىڭ ءبىرى.

  تۇتاس اۋىلداعى كەدەيلەردى سۇيەمەلدەۋ كاسىبىنىڭ دامۋىن ىلگەرىلەتۋ ءۇشىن، ما شياڭفىڭ ”اۋداندا باستاماشى كاسىپورىن بولۋ، اۋىلدا كولەمدى كاسىپورىن بولۋ، قىستاقتا سەرىك زاۆود بولۋ، وتباسىلارىندا شاعىن شەبەرحانا بولۋ“ سىندى ءتورت ساتىلى قۇرىلىمدىق تۇلعالىق كاسىپ ورنالاسۋى بويىنشا، ورىن تاڭداۋ، جوسپارلاۋ سياقتى قىزمەتتەردە ءوزى قاتىسىپ، ۇيرەك باعۋ، اعاش ساڭىراۋقۇلاعىن ەگۋ جانە ازىق - تۇلىك مانەرلەۋ سياقتى كوپ ءتۇرلى كاسىپتى دامىتىپ، وندىرۋدەن ساتۋعا دەيىن، ول تىكەلەي قۋزاۋ سالىپ، تىكەلەي تەكسەرىپ، تىكەلەي كاسىپورىندارمەن بايلانىس جاسادى. قازىر وسى كاسىپتەر كولەمدەنگەن دامۋدى جۇزەگە اسىرىپ، 11 مىڭ 300دەن استام ادامدى كەدەيلىكتەن ارىلىپ بايۋعا جەتەكتەدى.

  ”ما شۋجي، ءسىز ءار كۇنى دامىل تاپپاي شاپقىلاپ شارشامايسىز با؟“، ءبىر جولى ما شياڭفىڭ شارباق قىستاعىندا كەدەيلىكتەن ارىلتۋدان قامال الۋ شايقاسى قىزمەتىن تەكسەرگەندە، قىستاق تۇرعىنى تۇراحان ءماتتۇرسىن وسىلاي سۇراۋ تاستايدى. ”سەندەردىڭ تۇرمىستارىڭ ءتىپتى دە باقىتتى بولسا، قانشالىق جاپا تارتىپ شارشاسام دا ىستەگەن سايىن قۇلشىنا تۇسەمىن“، - دەپ جاۋاپ قايتاردى ما شياڭفىڭ.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس