شينحۋا اگەنتتىگىنىڭ 11 - ايدىڭ 10 - كۇنى گۋاڭجوۋدان بەرگەن حابارى. جۇڭگو زاڭمەن جونگە سالۋ حالىقارالىق تالقى مىنبەرى (2019) 11 - ايدىڭ 10 - كۇنى گۋاڭجوۋدا اشىلدى. مەملەكەت ءتوراعاسى شي جينپيڭ تالقى مىنبەرىنە قۇتتىقتاۋ حات جولدادى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: ”ءبىر بەلدەۋ، ءبىر جول“دى بىرگە قۇرۋدى ىلگەرىلەتۋ زاڭمەن جونگە سالۋمەن قامتاماسىزداندىرۋدى قاجەت ەتەدى. جۇڭگو ءارقايسى ەلمەن بىرگە زاڭمەن جونگە سالۋ تاماشا ورتاسىن جاراتىپ، ءادىل، ۇيلەسىمدى، اشىق حالىقارالىق ەكونوميكا - ساۋدا ەرەجە جۇيەسىن ورناتىپ، ”ءبىر بەلدەۋ، ءبىر جول“دى بىرگە قۇرۋدىڭ جوعارى ساپالى دامۋىن ىلگەرىلەتىپ، ءار ەل حالقىن اناعۇرلىم تاماشا باقىتقا كەنەلتۋدى قالايدى. كوپشىلىكتىڭ ”جۇڭگو زاڭمەن جونگە سالۋ حالىقارالىق سەلبەستىگىن تەرەڭدەتىپ، ’ءبىر بەلدەۋ، ءبىر جول‘دى بىرگە قۇرۋعا قىزمەت وتەۋ“ نەگىزگى تاقىرىبىن ارقاۋ ەتىپ، اۋىس - كۇيىستى كۇشەيتىپ، ورتاق تانىمدى ارتتىرىپ، قاتىستى زاڭ تۇزىمدەردىڭ دامۋى مەن كەمەلدەنۋىن بەلسەنە جەبەپ، زاڭمەن جونگە سالۋدىڭ ”ءبىر بەلدەۋ، ءبىر جول“دى بىرگە قۇرۋ بارىسىندا اناعۇرلىم جاقسى رول اتقارۋىنا مۇمكىندىك جاساۋىن ءۇمىت ەتەمىن.
جۇڭگو زاڭمەن جونگە سالۋ حالىقارالىق تالقى مىنبەرىن (2019) جۇڭگو زاڭ عىلىمى قوعامى باس بولىپ وتكىزدى، جۇڭگودان جانە ”ءبىر بەلدەۋ، ءبىر جول“ بويىنداعى 40تان استام مەملەكەتتەن، 4 حالىقارالىق ۇيىمنان كەلگەن 400 نەشە ۋاكىل تالقى مىنبەرىنە قاتىناستى.
